騷 (已結業)

今日同M佬去諾士佛臺嘅騷Soul食飯，台上嘅演出者選擇咗呢首歌：……從眉梢中感覺到，從眼角看不到，彷彿已是最直接的裸露……我A姐真係好鍾意哥哥，每次聽到佢啲歌都會好有感觸……幸運嘅係，我識咗M佬，可以同佢分享每首歌嘅感動！而今晚呢位演出者所唱嘅歌又幾啱我哋嘅口味，邊食邊聽真係一個好好嘅享受。Hong Kong Whistle – Apple Cider：嚟到諾士佛臺，有Live Music又點可以無酒呢，但太strong嘅酒唔啱我，太普通嘅酒又唔襯我！所以呢間餐廳嘅店主就介紹我呢杯 Apple Cider。吓！咩話！APPLE CIDER？但原來呢杯Apple cider都大有來頭，係由油麻地果欄買入嘅新鮮蘋果搾汁而成，所以飲落口係有好清新嘅蘋果香味，估唔到啤酒同果汁都可以咁Match！柚子蝶豆花茶：M佬今日竟然唔飲酒，因為佢話想試吓呢度嘅柚子蝶豆花茶，仲可以自己加檸檬汁調配最適合你嘅口味，真係好似做實驗咁呀！而店員預先將柚子製成冰，所以就算冰溶咗，味道都唔會變淡！味道好有層次，驚喜在於柚子味好香濃，飲完又夠晒解渴！炸魷魚圈：炸到金黃色，脆卜卜呀！配合埋個蛋黃醬，真係好夾呀！用嚟佐酒真

有人「今晚去騷啊」..初初仲以為自己聽錯 心諗「騷乜啊show野？」差啲唔記得左朋友約左食飯 話幾乎每晚都有live singer壓場🎤🎼🎫店鋪雖小但五臟區全 表演位置都幾有feel喎- 暗暗嘅工業風由於大概8點先開始 所以食左野先🏵椒鹽豆腐 啱啱炸起勁脆 配上好似避風塘炸蒜嘅粒粒 作為餐前小食啱啱好。仲有呢個💗！不同於一般嘅nachos 佢少左酸忌廉 轉為自家調配嘅蒜香醬 店員哥哥仲細心提醒千祈唔好摸到個碟 好熱架（佢話佢奶過好多次野）...充滿芝士嘅脆片沾埋蒜香醬～niceeeeee👄主菜上黎時見到今晚嘅歌手到來 一邊食住呢個豐富濃汁嘅蟹肉忌廉意粉（蟹肉遮左意粉一半） 一邊聽住歌 好減壓啊 ！💎

有一日喺網上見到Soul嘅蝶豆花mocktail，即刻心心眼約朋友嚟試［柚子蝶豆花茶，$68］呢個mocktail嘅三種材料全部分開哂上，由左至右係車厘子冰加柚子、檸檬汁、蝶豆花茶，要自己調製，有得玩又有得飲，幾有噱頭首先將蝶豆花茶加落冰度，再根據自己嗜好加檸檬汁調酸度，攪勻後就有杯靚靚mocktail喇😀由於蝶豆花本身係幾乎冇味，所以呢個mocktail飲落係酸嘅柚子蜜，但賣相滿分［椒鹽豆腐，$68］豆腐好滑溜，粉漿亦厚薄適中、炸得鬆化。椒鹽粒非常香口但唔會嗆鼻，如果有白飯... 應該可以食哂一碗［墨西哥芝士粟米片，$88］朋友超鐘意nachos，呢一份冇令佢失望呀，即叫即焗熱辣辣脆卜卜之餘，個自家製蒜香醬簡直係精華，點咗之後更加好味［香蒜辣椒帶子意粉，$118］濃郁嘅香蒜辣椒非常惹味、唔算太辣。帶子有三大隻、唔會韌，意粉亦軟硬適中，係水準之作聽講呢度逢星期四至日8點開始有live music，可惜我哋8點有嘢做，咁啱睇唔到... 期待下次再嚟一路聽音樂一路試吓啲特別嘅啤酒cocktail 

聽朋友講喺尖沙咀樓上開咗間新嘅餐廳，佢哋特別嘅地方在於每一晚都會有唔同嘅singer玩音樂，而且聽老闆講，佢哋音樂嘅風格有別於樓下嘅酒吧，佢哋比較走輕鬆柔和嘅路線，配合返餐廳嘅設計，適合一班人或者朋友來食嘢，一邊欣賞音樂！嘢飲方面佢哋都落足心機設計，連越來越多嘅手工啤酒，但係佢哋應該係少數有Craft beer cocktail 嘅餐廳，呢一杯係Ginger vanilla sandy，除咗啤酒同埋少少薑味之外，飲落口仲會有whiskey 味道，好特別小食方面，我哋有Cheese nachos，配上自家製嘅蒜蓉醬，都幾墨西哥嘅風味，加上芝士味好厚好好食個係好特別嘅Pan fried scallop with mango salsa，帶子本身煎得好香，加上芒果，呢個配搭非常新穎，亦都好好食。我哋重視左佢嘅黑松露大啡菇意粉，大大個嘅portobello ！另外仲有香蒜辣椒帶子意粉，太子同樣好好食，意粉嘅味道唔錯，煮得好乾身。今晚係一個唔錯嘅體驗，有好嘢食之餘都有好音樂欣賞，推介大家都來感受一下！

呢間騷嘅裝修同陳設同一般嘅酒吧有啲分別，反而更加似樓上咖啡店，對於唔係成日去酒吧嘅人嚟講感覺會自在一啲。最入仲有個小舞台，係俾唔同嘅本地獨立音樂人舉行Live Music表演用嘅。呢晚試咗幾樣嘢，事前晌網上睇咗其他人嘅相，對柚子蝶豆花茶非常有興趣，見其他人啲冰塊入面有柚子碎，睇落又靚又吸引，但係我嗰杯啲冰塊就無。雖然係咁，蝶豆花茶用咗三角錐型玻璃量杯載住，確係玩味十足。倒咗蝶豆花茶入去之後，再加埋檸檬汁，睇住兩樣嘢產生天然嘅化學作用，由紫藍色慢慢變成紫紅色，既好玩又可以重拾求學時期上實驗堂嘅感覺。花茶加咗薄荷葉同檸檬汁，飲落清新，柚子味就稍輕，整體嚟講幾順喉舒服。香煎帶子伴芒果沙沙，帶子燒得表面焦脆，肉質彈牙，上面嘅芒果沙沙香甜解膩。Mini Burgers，漢堡扒係用豬肉手打而成，再配埋芝士、番茄、生菜等等。當中嘅醬汁酸酸甜甜，加埋一齊幾惹味。size細細，大約兩三啖就食完，對女仔嚟講幾方便。當晚仲有悅耳嘅Live Music表演，演唱咗唔少耳熟能詳嘅歌曲，例如係盧巧音嘅喜歡戀愛同張國榮嘅有心人等等，增添咗唔少氣氛。

嚟到酒吧林立嘅諾士佛臺，試咗最近開嘅樓上酒吧。入到去就見到一部大雪櫃，入面放滿各式各樣嘅香港手工啤酒，雪櫃外面仲分別用啤酒樽蓋砌咗啤酒樽圖案同HKBEER字樣。除咗多款飲品之外，仲有幾款小食同主食等等，雖然唔及西餐廳多樣化，但以一間主打飲嘢嘅餐廳嚟講選擇都算唔少。晌店員嘅推介之下叫咗呢款本地薑試試，係餐廳嘅調酒師自行研製嘅香港手工啤酒cocktail嚟。調酒師晌玻璃杯入面加咗威士忌、薑片、呍呢嗱糖漿、檸檬、蛋白同冰塊，仲灑咗肉桂粉，拎到嚟之後先將麥子薑茶啤酒倒入去再撈勻。肉桂將薑味帶出，甘香易入口，又冇平時飲薑茶遇到嘅辛口感，非常討好。啡菇配自家製黑松露醬未食已經聞到陣陣香氣，大啡菇切成四片長條形，外層蘸漿炸脆內層就軟滑，配上餐廳自家製嘅黑松露醬，夠香之餘又唔會太過濃郁。蟹肉忌廉意粉中間分別放咗蟹肉絲同青瓜絲，忌廉汁幾濃，意粉煮得煙煙韌韌，撈勻嚟食幾鮮味。

星期五放工happy hour唔一定要去買醉既就算係去熟悉的諾士佛臺都唔一定要飲酒既食個飯都得 呢間諾士費臺樓上的Cafe & Bar看似幾有feel有Pro到爆的燈光舞台同頂級音樂器材，比你一路飲一路食，一路聽住Live Music Show👍🏻騷主打近年大熱的手工啤酒，有成三十幾款，同d friend都唔知點揀🙈叫左都幾出名的手工啤品牌：麥子出品的桂圓啤酒飲落桂圓香都幾突出，唔會得酒精味！仲有Original Sin的雜莓手工啤！甜甜地幾特別好多Bar都會將重點擺左落酒度，而食物質素往往被忽視，騷的食物選擇都幾多元化，首先食個沙律清下腸胃先😎大啡菇 配自家制黑松露醬👍🏻小食的魚手指配自家制黑松露醬同墨西哥芝士栗米片配自家制新鮮芒果蛋黃醬都幾特別，夠晒香口主菜試左個蟹肉忌廉意粉，好大碟好多蟹肉好足料喎！炒得乾身又惹味👍🏻😛另外個 迷你手打豬肉漢堡都推介啊！細細個勁得意！一啖一個食到自家製黑松露醬，半溶芝士，同豬肉漢堡扒，煎得好香，細細個唔會食到天一半地一半😂好有氣氛的Chill Night🤤🍸🍹🍴

朋友介紹我去呢間諾士佛臺新開嘅樓上酒吧--Soul，話唔似一般酒吧咁嘈，幾啱同朋友傾計。我就約埋兩個女仔一齊去試。大門貼左好多postcard，我估老闆應該好鍾意去旅行。裝潢有少少cafe嘅感覺，環境幾舒服。酒吧主打手工啤酒，仲有幾款特色craft beer cocktail，我都係第一次飲！唔好酒可以試下呢杯mocktail蝶豆花茶有荔枝、檸檬、柚子3種口味，柚子味入口清爽，加上蜜糖甜甜地幾夾。飲嘅時候將檸檬汁倒入樽內，之後就會慢慢變成紫色！不得不介紹呢杯「菩提老祖」！個名真係好過癮以手工啤酒製作嘅cocktail，酒精濃度唔高，果香突出，幾易入口。Menu仲有各款沙律、小食、炸物、主食，份量唔大，可以叫多幾樣試下。沙律非常清新，沙律菜亦夠新鮮，加埋流心蛋冇咁寡。蟹餅新鮮熱辣，炸得乾身香脆，配上自家製芒果蛋黃醬可以減輕膩感，不過整體蟹味偏淡。朋友鍾意食蟹所以點左蟹肉忌廉意粉，意粉煮得軟硬適中，掛上濃稠醬汁，面頭放上一絲絲蟹肉，味道香濃。但忌廉汁比較膩口，建議幾個人分享。食食下聽到有人唱歌，原來呢度定期有Live music show。老闆好支持本地音樂人，希望提供一個場地俾佢哋表演。

有講起諾士佛臺既餐廳我只會諗起好rock既歌聲🤔但今次我幫襯哩間樓上bar除左有得食之外仲會有performer彈杰他唱情歌😁好聽到唔捨得走.入去店裡見到有個好細既台俾人jam歌 坐低左就開始睇menu 食物選擇對於bar黎講都算多 酒類就更多 睇到我哩個大鄉里唔知飲乜好🤔🤔🤔不過都點左兩枝野飲兩個小食兩個main咁.重麥味既手工啤.由於不喜歡重口味酒精類飲品但係bar又冇理由唔叫支酒扮下野 所以點了這個 飲落幾清新幾重麥味 唔似平時飲開個d酒😛.柚子碟豆花茶 $68唔飲酒可以試下mocktail 我初時都以為係酒黎 因為上台分別上左三支野俾我地自己溝黎飲 但飲落係零酒味之餘 好似柚子茶咁好開胃 😆最有趣既係柚子埋藏左係d冰度.啡菇 $58岩岩新鮮炸起 咬多香脆多汁 哩隻菇既味道我都係第一次食 幾爽下 炸得不錯👍配埋松露醬即刻將味道提升左 個醬都幾香下 不過得4舊度多番2舊就好啦🤔🤔🤔不過優惠價食幾抵食既.原味薯條 $38一上台嘩左一聲😅$40內都有好大既份量 入口感覺係m記薯條既味道 不就哩度既薯條就大條d 薯味重d 我覺得可以叫黎聽歌送酒飲🤔.香蒜辣椒帶子意粉 $118價錢較平時食

同朋友去諾士佛台飲野就去得多，以前都好少會上樓上Bar，因為後生鐘意熱鬧。但人大左，都係鐘意靜靜地同朋友飲野傾計，所以試左呢間新開既樓上Bar，因為貪佢有手工啤同live聽🤣 估唔到有驚喜喎！Live Singer 唱歌好好聽，仲可以點自己想聽既歌，而且食物質素都比同類型既餐廳好好多！我鐘意佢地d食物唔會整到好油膩，意粉做得幾好，意粉本身既軟硬度適中，香蒜辣椒帶子意粉d帶子好大粒😍而且唔會太辣/唔辣，好惹味；大啡菇黑松露意粉個大啡菇好juicy! 不過黑松露味偏淡，有少少失望。小食分面就不過不失，蟹餅同炸魚塊味道都係偏淡同少少乾。宜家食物選擇可能比較少，負責人話都聽左唔少意見，會努力改進，遲d仲會推出更多款式💪🏽 太好了，期待你地改良版同新menu👏🏽(P.S 餐廳既live show 唔係只限於唱歌架！負責人話可能會搞下魔術、棟篤笑等。我想睇棟篤笑喎🤣)

放左工好想搵個地方relax下, 朋友介紹左呢間諾士佛臺新開既bar. 佢地仲會不時邀請唔同既本土歌手上黎坐陣. 有野食野飲仲有歌聽真係好Chill!!原來佢地既啤酒都係以香港手工啤酒為主, 唔講唔知原來本土出既啤酒都有唔少!太過花多眼亂唔識揀, 店員都好細心咁介紹俾我地. Mak's Yim Tin 鹽田 德國麥啤就飲得多啦, 本地製造就第一次飲. 果然都好香好重麥味, 而且好易入口Salty lemon Sandy 妹仔 咸檸 少爺啤經店員極力推介之下, 嗌左杯Craft Beer Cocktail (其實係貪佢個名改得搞笑), 好有驚喜! 第一次飲Beer既Cocktail, 點知一飲就愛上!其實係用成枝少爺啤溝落一早調好既cocktail入面. 咸咸酸酸既味道好開胃, 好易入口, 令我想一飲再飲!除左野飲夠特別之外, D野食都相當唔錯!Cheese Nachos (with homemade garlic sauce) 墨西哥芝士粟米片(配自家製蒜香醬) 呢款小食好!邪!惡!啊! 超多芝士! 佢地即叫即焗, 上枱既時候仲係熱辣辣架, 所以係超級脆! 加埋佢地自家製蒜香醬一食,

上星期六晚我同個朋友去左尖沙咀諾士佛臺一間樓上餐廳食晚飯, 嗰度環境既環境幾舒適, 好有氣氛 好適合星期五或星期六日同朋友黎食個飯、飲下酒、傾下計。Menu上既食物款式都算多, 店員好有禮貌地慢慢同我地講下餐廳有啲咩特別既菜式同埋有啲咩好既酒精飲品推介。飲品方面, 我首先點咗一杯無酒精cocktail, 佢就係柚子蝶豆花飲品。蜂蜜係另外上, 所以可以根據自己鍾意既酸既程度而倒入適量既檸檬汁。我自己就鍾意酸少少, 所以我落曬成樽檸檬汁, 我朋友就點左一支黑啤。主菜方面, 我地點咗碟蟹肉洋蔥奄列配提子穀麥包同埋黑松露大啡菇意粉。蟹肉洋蔥奄列既蟹肉味好香, 啖啖蝦肉同洋蔥, 分量好足料, 旁邊既提子穀麥包係我最鍾意既麵包, 煙煙韌韌, 配蛋一流。Mini burgers 真係一大啖就可以食完一個, 漢堡包用既麵包帶點微脆既質感, 咬落去食到惹味既豬肉汁同芝士, 得三個其實真係滿足唔到我地兩個既胃。食飯既時候仲有band喺旁邊唱歌, 增添唔少氣氛, 重點係仲可以點歌, 一邊食飯, 一邊聽自己鍾意既歌。 由於呢度既環境真係好舒服好relax, 所以我地飯後亦點咗幾杯酒, 一邊傾計, 一邊聽歌,

平時來到諾士佛臺，多是和朋友隨意walk in 地下一間吧，不過，今次想試試新野，又想靜靜地girls talk一下，所以選擇了樓上新店Soul。這裡有好幾款手工啤選擇🍺🍺，果味突出，幾好入口。另外的小食也不俗！有炸蟹餅和Burger仔！我們都喜歡這款burger！外皮超脆der！一口burger十分可愛❤️另外，還有凱撒沙律！蔬菜也很新鮮，配上半熟蛋小清新～～最後來多份意粉吧～～意粉質感適中，不會太淋身，牛肉也十分美味！不俗😋😋😋場內仲有小型Live Show！讓客人點歌，或者，食客可以到台上高歌一曲！適合愛唱歌自high的友人😆😆😆

今日同朋友黎到一間尖沙咀新開既bar聚餐。我本身就吾飲酒既，但又想試下佢地既手工啤酒店員就推介左兩款無咁重酒精濃度同口味較淡既比我地龍王柚啤 酒精濃度 3.5%係由啤酒同柚子梳打各半調製而成，柚子味濃 吾好酒既人都接受到 鍾意柚子味既人會like依款鬼佬酒精濃度 4.2%啤酒味較重 但我反而更鍾意依隻味飲落有種醇香 仲愈飲愈順口 不經不覺就飲曬成支叫啲小食黎試下先，南乳豬手聽得多 雞翼版吾知味道如何呢？南乳雞翼 $58原來佢地南乳味已經改良過 之前有客人反映南乳味吾夠今日我試過覺得南乳味夠香濃 但又吾會搶過雞翼既鮮味雞肉非常嫩滑又juicy 雞皮又香又脆 讚喔店員會注意客人對味道感覺 不斷精益求精 值得一讚！大啡菇沙律 $88非常清新既一款沙律 大啡菇厚肉多汁 沙律菜又夠新鮮 淋上橄欖油 令整個沙律變得更可口蟹肉洋蔥奄列配多士 $78非常推薦這款！奄列煮得岩岩好 外面煎得微脆 但切開蛋汁即刻流出黎 超正！食落蛋香味濃 吾好睇小入面 有滿滿既蟹肉 仲好鮮甜 軟軟既蟹肉配搭白洋蔥 增加其咬口 為口感添加一點變化！而且奄列調味非常適度 吾似出面普遍既奄列都會加牛油或偏咸 但佢地既奄列做得很好

辛苦左成日，梗係要同朋友黎Chill下，聽下live music輕鬆下啦😊估唔到呢度連晚餐都有得供應，餓底梗系要醫飽肚再chill😈椒鹽豆腐份量都幾多，豆腐外脆內軟，新鮮炸起🙂加左椒鹽粒喺上面，卜卜脆，又唔會太過咸魚手指就用咗新鮮嘅魚去製成，無魚腥味👍有啲似細版fish and chips🐟加上自家製嘅黑松露醬，似沙律醬嘅口感，幾清新松露大啡菇意粉，松露味都幾出！大啡菇咬落仲有汁💦幾juicy嫁~意粉偏硬身有口感，又吾會好油膩，質素吾錯🙂而香蒜辣椒帶子意粉就好足料，帶子好大粒，煎完都幾香口！意粉加左辣椒，口感辣辣地咁，亦算惹味😀醫飽左個肚就梗係要開始order飲品啦💁最搶眼就莫過於碟豆花茶啦，擺到好似成個lab陣咁，比您自由調配，揀左荔枝味😜飲落唔會太過甜，荔枝味亦好濃，店舖仲細心咁將柚子同薄荷草雪左喺冰內，咁溶嘅時候就有淡淡柚子薄荷香🌿另外，Earl grey sandy就帶有濃郁嘅啤酒花香，吾會太苦，味道香易接受，連女仔都啱飲架😊