騷 (已結業)

平時放假前夕～都好鐘意約埋啲朋友小酌兩杯😂今次去到soul 真係好chill好正架！一上到去第一眼就俾live band 吸引到😍即刻加晒分又勁有feel😏人帥歌好聽！環境雖小，但反而有重溫馨 好似番左屋企咁叫左佢地既黑松露大啡菇意粉 hkd98啲菇燒到好好食勁入味👍🏿成碟加埋黑松露真係超菇😂而且啲意粉冇出面個啲咁淋，硬硬地好好食。更加煙銀。仲叫左個mini burger hkd98 (3pc)100%手打豬肉～晒啲唔食牛肉嘅朋友仔我鍾意佢係用咗生蕃茄，啲肉入面係仲有加埋啲洋蔥食落去冇咁酥☺️個包都烘過黎脆卜卜～幾有心思 Mini版好得意,同朋友share食啱啱好～飲下酒食下野soul chill soul good傾吓計聽下歌，個環境真係好正👍🏿🤤到重頭戲！佢啲酒真係好高質😆Paljas rose Hkd 88酒精味唔濃，好易入口好岩女仔飲😚感覺有啲似rose gaarden 好好飲😏仲要變左常溫都好飲～抵贊！Soul hkd88 呢個佢地推介加主打～飲落酸酸甜甜～有啲似葡萄柚😚不過都飲到voka 味，相對rose黎講濃小小，不過都係好易入口推介架😏想搵個冇乜人又chill既地方呢到真

有時放工想去諾士佛臺同朋友飲下野吹下水都會直接去個一堆酒Bar～但有時啲background music 真係嘈到計都傾唔到😂今次就試左間係諾士佛臺既樓上酒Bar～入到去都幾似樓上Cafe😂 呢個坐得幾舒服 岩哂35知已黎摸下酒杯傾計～同埋呢到都會有個Stage 會有live music聽～氣氛都唔錯咁熱既天氣 最岩同朋友去啤一啤🍻消一消暑✨嫌平時啲大牌子啤酒太悶都可以試下呢到主打既手工啤酒👍🏻我地就叫左呢兩板都唔錯～🌹Paljas Rose 飲落一陣陣既花香味 偏甜既味道～岩哂女仔😊🍑St Louis Premium Peach 就相對酸啲～但味道都好Fruity 好清新✨食物方面都唔錯既 試左媽咪雞翼～All day breakfast 同埋黑松露大啡菇意粉～總括黎講都係一個同朋友食下飯飲下酒既好地方既～下次黎諾士佛臺都多左個選擇～

琴晚幫個好姊妹慶祝生日，發掘到呢間隱秘Soul bar d野食好好味！員工好鬼nice，勁體貼幫我地雪蛋糕之餘吾收切餅費，重靚靚咁砌好四件cake 仔，安排左live music band唱生日歌，全場祝福我fd 場面真係好感動好warm吖 最後"調酒師"吖chun更為我地調出special 雞尾酒，堅好飲！！傾左陣計，知道佢理想想成為社工，係呢度，為佢加油打氣！！呢間bar係一班好熱血既年輕人所經營，充滿夢想、人情味同創意，超級值得黎食野。佢地證明左新一代既成功係有別上一代，創出有靈魂既餐廳

諾士佛臺有好多飲酒，傾計，同消閑嘅好地方今日聽朋友介紹，去左間樓上鋪"騷"一見到大門，就知道係飲嘢嘅好地方啦我地一收工就去，成為第一檯客人呢設計相當不錯，感覺好Relaxing 八點就會有歌聽喇手工啤酒，St. Louis Premium Peche, 淡淡嘅香桃味+濃濃嘅麥酒味朋友要的Paljas Rose ，酒味較淡，Fruity 味重一點吉烈蝦新鮮炸出來， 熱騰騰的， 外脆內嫩，啲蝦好新鮮 送酒真係一流蟹餅， 賣相一流， 造成蟹球一樣圓圓的， 面頭加幾粒芒果點聚一下， 唔只賣相好，咬落仲有清新嘅芒果味， 裏面全部都係用蟹肉做， 食完好似唔係好夠喉咁蟹肉忌廉意粉， 意粉軟硬度適中有咬口 芝士味重好creamy聲靚歌甜， 一路飲，一路食，一路聽， 今日做嘢嘅煩惱乜都送走曬啦！騷~~~真係一個放工後放鬆嘅好去處

係樓下比呢個牌吸引左 樓上餐廳 諗住可以一試 最主要好特別咁橦大廈係睇唔出有野食 好有神祕感 入到黎環境好舒服 呢間cafe好特別 佢好多唔同類型既酒 仲多過樓下既酒吧 又多唔同既雞尾酒 好特別 最正係有人會唱歌 佢仲要唱得好好聽蟹餅伴芒果沙沙淡淡蟹肉 唔係麵粉黎 好鬼正 又唔會好炸好油咁 仲有芒果汁同沙律菜 鬼佬飲早茶飲落口唔似飲緊酒 又香又甜 仲好大支 有排飲 自己溝 好低飲煙鴨胸蕃茄意粉佢個意粉好香 好煙un 蕃茄味好濃 又唔會酸 洋蔥都好林好好食

先黎到見到個門口真係唔知入面竟然係間有歌聽食野飲酒既地方有人會係到唱歌歌 好正既cafe定酒吧 我都唔係好清楚 佢仲可以點歌 環境好舒服 下次可以淨係飲野都得 我黎就本身係食埋飯 先叫左個巴馬火腿配麵包條用d巴馬火腿包住個麵包條 咸咸脆脆咁 好好食 餐前小食一流All day breakfast有齊炒雞蛋 黑松露味 好滑好香 大啡菇既碎 好易入口 沙律 薯餅 腸仔 茄汁豆 牛角麵包仲係熱辣辣 好脆單戀的痴漢 呢杯唔係酒黎 不過見佢個名好得意 所以叫黎試下甜甜地 好香蘋果味 幾特別

今日去開尖沙咀行街， 朋友建議去諾士佛臺搵嘢食，  都真係好耐冇行開嗰頭，  可以一試。 喺樓下見到有個餐廳廣告， 寫住單字一個騷， 幾特別喎， 就試下呢間啦。呢間餐廳，有簡單的美式裝修， 最特別嘅係我一坐底就留恴到喺中間有一套樂器， 應該會有樂隊表演卦， 果然不出所料， 坐咗一陣駐唱歌手已經大展歌喉。 寧靜輕快的音樂 ，配合餐廳嘅氣氛，傾計談心真係一流。食物方面， 我就叫咗一個墨西哥芝士粟米片， 一份黑松露大啡菇意粉。 嘢食黎之前仲叫咗支叫做油麻地果欄嘅香港手工啤， 飲落去真係好特別 ，好重蘋果味， 酒樽上面寫住一支啤酒係用四個蘋果製作而成，真係誠意之作。 一啖入口， 陣陣蘋果香湧去喉嚨， 即時胃口大開。小食黎啦，係墨西哥芝士粟米片。粟米片上面鋪咗好多芝士粉， 上面仲有一層厚厚嘅芝士， 另外仲有少少茄汁， 食落去香脆， 但又唔覺得熱氣，份量唔細足夠兩個人食。主菜就係黑松露大啡菇意粉， 佢賣相好靚 ，除咗兩片大啡菇之外， 仲有幾粒車厘茄伴碟。 意粉爽口 ，仲有好濃香嘅黑松露味， 如果鍾意黑松露嘅人一定要試。 反而呢個主菜有啲細份， 如果可以大份啲就更加好啦。價錢唔貴，係呢個地段係超值，

同朋友收工過黎食、開得比較夜既cafe 有自家製啤酒、小食都好好味、仲有live聽歌 不過到十一點、仲可以點歌～2個女仔食左半價左2百幾、超抵、叫左個小食同全日早餐、抵食！

話得諾士佛臺另一好去處，就梗係講樓上既酒吧啦！呢一間雖然地方唔大，但又會令人覺得舒服既感覺，仲有LIVE BAND TIM！來到酒吧，梗係要試下佢D粟米片啦墨西哥芝士粟米片（配自家制蒜香醬）好少可去一間酒吧可以食到”脆”既粟米片！呢間就做到了！唔止脆，仲好”芝”味，完全冇偷工減料，佢呢個醬絕對係自家制，出面一定食唔到，同粟米片味道好夾，做到舔又得唔舔又得。份量超多，多到食唔哂。Mini Burgers (100%手打豬肉）好少可會食到豬肉既Burger，估唔到呢度做到不比牛遜色。餐牌註明左係100%手打，我食完都100%肯定係手打，有咬口，食得出唔係求其買反黎果種！啡菇（配自家制黑松露醬）蟹肉忌廉意粉伴碟好靚，好濃郁既忌廉味，又唔會覺得膩。手工啤酒鹹檸啤真係有鹹檸味，我本人就好鍾意，好有特色，其實唔係好鹹同好檸，但又有鹹檸味喎，未試過真係要試下！Paljas Rose呢隻就易入口D，也都甜D，好岩女士飲用。

尖沙嘴放工後，一行四人想鬆一鬆，去到諾士佛檯又覺得周圍都太吵雜，於是在OR找到這家樓上的BAR &  restaurant。這天剛好遇上有LIVE SHOW整個環境都十分CHILL，不會很吵鬧，適合聊天。前菜叫了一個香煎帶子伴芒果沙沙，十分清新開胃。我自己比較重口味，於是提議叫一份cheese nachos，材料絕不欺場，芝士十分多。本身NACHOS都已經調了味，連同其他配料一起吃，更加惹味黑松露大啡菇意粉，意粉很彈牙，啡菇鮮甜多汁Crab meat cream pasta本身自己不好蟹肉，但都覺得好香好好食，推介這款意粉炸啡菇配黑松露醬，第一次食炸的啡菇，原來都幾好食香蒜辣椒帶子意粉可能因為我本身十分食得辣，所以略嫌這款意粉不夠辣哈哈朋友叫的鬼佬，不錯。朋友都覺得這裡食物質素高，氣氛又舒服，十分適合聚會，已經約好下次再來：）

諾士佛台不嬲都係傾計飲酒既好地方，朋友帶我來呢間bar,果然唔錯,無論野食和酒既種類和數目都抵讚!首先我們叫了兩款小食。啡菇 (推介)炸啡菇真是第一次食，表面熱燙燙，炸得非常香脆和新鮮，而啡菇本身一咬落去就爆汁，好juicy,所以食落去不會覺得乾，係啡菇先會做到呢個效果。加上自家制黑松露醬，正墨西哥芝士粟米片脆卜卜，芝士好多好多，塊塊都有，配上自家蒜香醬，食法創新蟹肉忌廉意粉忌廉香濃，有點點像carbonara,但把煙肉轉成蟹肉，滲入了蟹的鮮味Mini burgers (推介)100%手打豬肉，加上生菜和蕃茄，比牛肉更健康。而手打豬肉圓碌碌的，有點像手打豬肉丸，新鮮!店員推介少爺咸檸啤和Paljas Rose,兩款都好易入口。餐廳還有好多手工啤/烈酒/wine等選擇，下次試下門神先!

星期日行街，下午去完尖沙咀美麗華商場，好順便到諾士弗台覓食。上網看到一間叫騷Soul的食肆，推門內進後發現是非常有酒吧feel，起初覺得沒有甚麼晚餐食，誰料侍應推介whole day breakfast全日早餐同意粉，咁就試佢一試。因為本身不吃黑松露，所以走炒蛋黑松露。當中的茄汁豆和可伴炒蛋，冬菇味道濃，可放入牛角包中伴吃，不錯。而意粉雖然份量不多，但味道很香，帶子有嚼勁，偏微辣，一流。除此之外，還點了墨西哥芝士粟米片和薯條，送啤酒一流。除茄醬外，還有芝士醬可以醮，非常惹味，的確有些驚喜。職員服務不錯，會根據客人口味推介各款啤酒，少落酒吧的我，最啱！那裡佈置是一間酒吧，下午是餐廳，晚上便是酒吧。當然我吃完只是下午7點，飽飽肚便走了，沒有直踢至夜場，否則大開眼界。那裡有數個結他，應該是晚上有歌手表演，可惜看不見有電子琴，否則忍不住多手按幾下。鄰枱有三位姐姐用餐，聽她們的對話內容應該是其中一位師傅在睇相，哈哈！真是輕談淺唱不夜天。

多謝open rice有網上預約功能，我就好方便咁自由改動我已預約嘅booking，因為朋友早收工，由原先七點改到六點半，岩晒隨時都變得booking嘅我，讚！六點四其實已經到左餐廳，成班後生仔一個後生女，感覺到佢地係老闆夾錢開樓上餐廳，幾有heart，我就做左第一位客人，被安排坐正正中，少少斜望個台，好開心，因為我真係想聽Live music，食物如果係好食就更加好啦！燈光暗淡幾有氣氛，我問老闆幾點開始，佢雙手兩個圈話我知係八點，係幾yo既！其實成晚播既歌，都以舊粵語同國語為主，加埋氣氛靜靜地都唔錯，兩個人食住傾都真係唔錯。可惜過左七點之後就full house，大家都傾計好嘈，八點想聽唱歌就差D啦！就我觀察，以星期三晚都FULL既話，呢間餐廳都唔少野。未到八點其實已經開始唱，可能未開聲，男既唱得麻麻，女既有點兒高音，相反我自己幾鍾意個結他手，佢彈得唔錯。兩個主音其實係越唱越好，粵語同國語歌為主，突然間唱左兩首英文歌，都有意外。再夜D有個輝哥來左做結他手，佢嘅投入係令到首歌升華左，而原先個結他手就打鼓，兩位歌手都開晒聲，頓時想走都想聽多首歌先埋單走人。講得太多，完全忽略左野食。頭盤先

本身都係諗住求其搵個地方同fd 食個飯hea 下, 好彩咁岩果日有Live music, 意想不同 Live music 啲歌又幾岩聽, 仲可以點唱添!!! 食物方便, 七味粉薯條幾特別, 幾惹味, 兩個人share 食岩岩好, 吉烈蝦就不過不失, 幾香口但食唔出啲蝦味意粉方面, 我地叫左蟹肉忌廉意粉同黑松露大啡菇意粉, 蟹肉忌廉意粉麵身濕潤同時有咬口, 夠晒creamy, 蟹肉份量都算充足, 黑松露大啡菇意粉個菇大大隻, 食落都算juicy, 可惜黑松露味唔太突出, 我本身係勁鍾意食黑松露既人環境都唔錯, 都幾有feel , 可以一路飲手工啤一路聽歌, 手工啤比我想像中易入口, 平時出面都係入cocktail 為主, 啤酒對於我黎講實在太苦啦, 今次只係試左兩款, 有隻啤酒味唔太重, 重帶啲生果味果款啤酒的確唔錯

夜晚walk in入去坐低叫左個蟹肉意粉+啡菇意粉仲有小食+野飲野食一黎到果刻我真係呆左係到。。份量極小！！！意粉兩淡食完埋單$37x好似食左空氣落肚性價比極低既一餐永遠都唔會再幫襯超級失望！