影片
更多
2017-06-03
114 浏览
Happy Friday 梗係要同朋友出去輕鬆下啦! 尖沙咀諾士佛臺就出咗名多酒吧，平時就去開地鋪，今次就同朋友捐窿捐啦搵左間樓上bar!今次呢間樓上bar，雖然地方唔大，但都睇得出店主係裝修方面，落咗唔少心機，有不少外國風嘅鐵牌，再配合昏暗嘅燈光，都幾有風味嫁。加上，餐廳預留左一大部份位置安放音樂器材，安排樂手表演，等客人可以一路聽歌一路食飯。因為餐廳主打酒精飲品，所以食物種類都唔算特別多，但係勝在主菜、小食樣樣有啲，唔會食唔飽。今次叫咗香蒜辣椒帶子意粉，意粉份量充足，又有三大粒帶子，再配上三色椒做伴菜，顏色都幾靚，引起食慾！帶子大大粒，感覺都幾新鮮，尚算彈牙，而意粉硬度適中，帶有蒜香同黑椒味，香香辣辣，味道啱啱好。因為想送下酒，所以仲叫多咗一個小食魷魚圈，魷魚圈炸到卜卜脆，炸粉唔好過厚，魷魚亦無因為炸得太耐而變靭，再配合埋餐廳特製嘅蒜香醬，食落就好惹味，醬汁有好重蒜香味，仲有小小蒜粒，增加咗個口感。餐廳主打手工啤酒，種類實在太多，睇到我眼都花，都未決定好要揀啲邊枝。所以就叫咗店員介紹，店員冇嫌我麻煩，仲好仔細咁同我推薦返添！最後就揀咗呢枝香港系列嘅油麻地果欄，其實佢係一枝蘋果酒，比
今次呢間樓上bar，雖然地方唔大，但都睇得出店主係裝修方面，落咗唔少心機，有不少外國風嘅鐵牌，再配合昏暗嘅燈光，都幾有風味嫁。加上，餐廳預留左一大部份位置安放音樂器材，安排樂手表演，等客人可以一路聽歌一路食飯。
因為餐廳主打酒精飲品，所以食物種類都唔算特別多，但係勝在主菜、小食樣樣有啲，唔會食唔飽。
今次叫咗香蒜辣椒帶子意粉，意粉份量充足，又有三大粒帶子，再配上三色椒做伴菜，顏色都幾靚，引起食慾！帶子大大粒，感覺都幾新鮮，尚算彈牙，而意粉硬度適中，帶有蒜香同黑椒味，香香辣辣，味道啱啱好。
因為想送下酒，所以仲叫多咗一個小食魷魚圈，魷魚圈炸到卜卜脆，炸粉唔好過厚，魷魚亦無因為炸得太耐而變靭，再配合埋餐廳特製嘅蒜香醬，食落就好惹味，醬汁有好重蒜香味，仲有小小蒜粒，增加咗個口感。
餐廳主打手工啤酒，種類實在太多，睇到我眼都花，都未決定好要揀啲邊枝。所以就叫咗店員介紹，店員冇嫌我麻煩，仲好仔細咁同我推薦返添！最後就揀咗呢枝香港系列嘅油麻地果欄，其實佢係一枝蘋果酒，比較啱女仔飲，酒精濃度又唔會太高。相比起市面上其他嘅蘋果酒，佢嘅酒味會比較出，相對泥講冇咁甜。另外，大家可以留意下啤酒嘅包裝，會對應返個主題，就好似油麻地果欄，印有工人搬運水果嘅情況，香港風味十足！
最後，值得一提嘅係，食食下飯，真係有樂手進場演唱，一邊飲下野，一邊聽歌真係一個唔錯嘅享受。期間，仲有唔少客人寫紙仔點唱，樂手仲話歡迎大家一齊jam歌，互動性高 。
张贴
