駿景軒

营业中

休息中

這間位於灣仔皇后大道東英皇駿景酒店1樓的「駿景軒」是連續多年蟬聯米芝蓮星級食府的餐廳，食物質素有保証內在環境舒適優雅，實在是和朋友食飯相聚的一個好地方。瓦罉焗胡椒蝦 $428瓦罉焗胡椒蝦以大量嘅胡椒去焗大蝦，上枱的時候聞到一陣陣的胡椒香味刺激醒神，在胡椒中把蝦取出，每一隻蝦都充滿胡椒香味，而且表面略帶微鹹，蝦肉新鮮爽脆胡椒完全沒有把他的鮮味搶去實在好味。泡椒蒸魚雲 $208泡椒蒸魚雲在新鮮的大魚頭上，鋪滿辣椒蓉和蔥粒紅紅綠綠顏色鮮艷令人食指大動，魚雲新鮮嫩滑加上泡椒非常嘢味。川味口水雞 $158川味口水雞，麻辣醬和雞是分開上的，雞肉新鮮香滑有雞味，雞皮爽脆不論是加麻辣醬或是雞肉淨食都一樣好味。杏汁燉白肺湯 $90 （位上）杏汁燉白肺湯材料豐富有瘦肉、菜膽、豬肺和雞腳味道濃郁厚身，每一口都有濃濃的杏汁味可惜一盅仔的份量實在太少了😋正宗四川擔擔麵 $48正宗四川擔擔麵濃郁突出的花生味加上肉碎和葱粒來調味，味道層次豐富，麵是幼身白麵煮的時間剛好麵身煙韌有彈性非常吸湯，每一口都非常滋味。

今晚和朋友雅聚，特意選一間精品中菜餐廳去食晚飯。是次選擇了這間位於酒店內的駿景軒。這間曾是連續七年獲得米芝蓮一星，以川粵菜馳名。餐廳環境雅緻高尚，唔會有任何焗促感覺。今晩就試一下他們的粵式小菜。瓦罉焗胡椒蝦$428這道菜以瓦罉盛著。一打開蓋，白胡椒滿滿的蓋住鮮蝦，食的時候，尤如尋寶一樣，很有趣。蝦是經油泡過，泡得金黃焦脆。這胡椒蝦蝦肉爽彈，味道鮮美，透著白胡椒的香味，真的惹味又可口。照燒黑松露野菌安格斯牛柳粒$288這道菜賣相精美。牛柳是方丁上的，大大粒有囗感。牛柳粒肉質嫩滑、有口感，肉味濃厚又juicy, 真的好正呀！配料十分豐富，色彩繽紛，有香茹、蘆筍、紅椒、雲耳和黃椒等。香茹軟稔、蘆荀鮮嫩、雲耳爽囗，牛柳超級軟稔，加上濃香的黑松露醬，無論口感或味道都攞滿分！強烈推介！砂鍋唐生菜蝦醬$168這唐生菜以砂鍋上，風味十足。唐生菜很爽脆嫩口，每粿菜都有蝦醬包住，十分香口滋味，送白飯一流。杏汁燉白肺湯$90這白肺湯顏色雪白，表面沒有多餘的油份。這燉湯十分足料，杏香馥郁，甘香濃稠，既鮮美又香滑，感覺滋潤。比平曰飲的豬肺湯味道更為精緻細膩，正！四川擔擔麵$48這擔擔麵有甜、酸、麻、香之味，可惜

裝潢高雅，服務貼心，食物水準不需多說，連續七年榮獲米芝蓮垂青。今晚和老朋友敘舊，相信嚟間菜館一定另他滿意。杏汁燉白肺湯老朋友長居外國甚少有湯水落肚，這個湯對他來說可謂極品。入口潤喉，好鮮甜，杏味突出，白肺處理得好乾淨全冇臊味。養顔滋補，讚👍！瓦罉焗糊椒蝦香噴噴，白糊椒那辛香香氣惹味吸引。蝦隻爽口彈牙，非常入味。老朋友食到䑛䑛脷。酸菜桂魚片又一驚喜菜式，魚塊好滑溜，最重要冇骨，方便大啖大啖入口。味道偏辣，嚐辣人士最愛。酸菜份量不少。整體酸酸辣辣勁開胃。good 呀！砂鍋蝦醬唐生菜今日所選的莱式偏向重口味。好似這道菜，蝦醬的濃味，再加上砂鍋的熱力散發出更熱情的濃郁味道，另清淡生菜増添口感。上湯雲吞雲吞餡料實在，粒粒飽滿，皮薄多汁，不錯。一頓豐盛晚餐，老朋友滿足的表情另我放心，果然冇揀錯。

男朋友話要食中菜慶生呀🎂帶左佢來駿景軒 呢到攞過米芝蓮一星😛除左粵菜 仲有四川菜式🌶🌶🌶呢到環境好靚 仲好靜 好舒服☺️💁🏻‍♀️ 瓦𦉘焗胡椒蝦 $428上枱嘅時候仲聽到吱吱聲 一打開蓋就聞到好看嘅胡椒味🤤蝦炸到好脆身 可以連殼食喔 🦐💁🏻‍♀️ 酸菜桂花魚 $308桂花魚超滑的 有微微辣 酸菜湯底好香又開胃👍🏻💁🏻‍♀️ 川味口水雞 $158口水汁同雞係分開嘅 想點幾多汁自己決定喔好喜歡呢個汁 夠唒辣喎 👍🏻💁🏻‍♀️ 杏汁燉白肺湯 $90好香嘅杏仁味 有豬肺雞腳 好潤☺️💁🏻‍♀️ 上湯雲吞 $98上湯好重金華火腿味呀🤩雲吞皮薄餡靚 正💓總括呢講 呢到每一道菜我都好滿意😝好適合靜靜甘談下心 呢到仲有麻辣火鍋喎有機會一定要試下😛

今晚收工一於就帶朋友去左食位於銅鑼灣與灣仔之間既駿景軒，其實之前喺Facebook 見到英皇藝人段宣傳片已經好想去試下呢間連續幾年米芝連一星餐館。位置都幾方便咖，當見到英皇駿景酒店，入到去上一層就係啦我地點左普洱茶，如果係普通酒樓，好多時啲普洱都會過份苦澀，每次都要溝水一齊飲。但呢度既普洱香濃得黎唔會澀，而且加左幾次水個味都仲keep 到杏汁白肺湯杏仁勁香！燉湯仲好足料，有豬肺、雞腳、瘦肉同菜膽，夠晒滋補瓦罉焗胡椒蝦招牌菜，一碟有大概六隻海中蝦。因為係先炒後炸，所以啲蝦可以保持鮮味。大廚亦細心地為每隻蝦開邊，咁胡椒味就可以完全滲晒入去，而胡椒味又唔會嗆口，勁惹味酸菜桂魚片聽說係容祖兒既至愛，咁就緊係要點啦魚片份量都幾多，夾極都有。魚肉非常滑嫩鮮甜，加埋酸菜，忍唔住要飲埋啲湯撈飯食。咸酸菜味道剛好，唔會渴喉砂鍋唐生菜 (蝦醬)想嗌過菜中和下，一上菜開蓋店員會再炒幾下撈匀啲醬，蝦醬味撲邊而來。就算係菜都唔係普通貨麻辣水煮鮮魚片係另一招牌菜，下次一定要嗌黎試下至得

駿景軒春天嘅天氣潮濕，個人經常感到疲倦，睡眠質素不是很好，每每都提不起勁，今天特意邀請了好姊妹一起品嚐一道美味的四川菜，四川菜最適當不過，辣椒去濕，花椒去潮。故此，在這個天氣吃四川菜，真是最適合不過了。雖然駿景軒今年跌出米之蓮榜，但之前已經連續多年是米之蓮的餐廳，水準當然不用懷疑。餐廳位於酒店的一樓，環境好舒適，集合左傳統與摩登嘅裝修，特別喜愛佢哋嘅碗碟、餐牌都很富有中國特色，特別餐牌以墨綠色的緞布包裹著，封面上的牡丹也添了一份優雅，非常特別。另外餐具都好有心思，碟上有一條一條的金魚，令人看得心曠神怡。餐廳除了供應四川菜外，也有四川麻辣火鍋，在餐廳的一旁，特別設有一個調味的自助角落，讓食客可以自行調配火鍋的醬料。非常貼心湯品：杏汁燉白肺湯＄90呢一款燉湯，功夫好多，平常係屋企比較少去烹調，唔會自己成日煲嚟飲，出街飲就非常好啦，可以省卻處理豬肺嘅時間，的確很費時，但杏汁和白肺能養顏潤肺，止咳化痰， 係一款非常值得推薦的滋潤湯水。 這款湯好濃郁，顏色呈奶白色，杏汁味道濃郁，入口好滑溜，感覺好清潤。九層塔川辣明蝦球＄328這個蝦球是我的心水之選。賣相十分精緻，充滿光澤橙色的蝦球配襯上黑色的

媽咪生日訂左位係英皇駿景酒店駿景軒食飯。平時都好少去酒店食晚飯，方唔太大，環境清幽，唔會好嘈。我地叫左杏汁白肺湯，比媽咪補一補。湯超級足料，一上菜已經聞到陣陣既杏仁香味，入面仲有豬肺同埋雞腳，超級滋補，非常值得一試。當然點左佢地名菜胡椒蝦，果然名不虛傳，呢道菜用左原粒白胡椒把蝦焗熟，每隻蝦都帶有胡椒香。特別在於餐廳用左瓦罉黎焗，好有風味，外殻脆卜卜其實可以食堆，食晒外殻胡椒味。黑醋珠蟹肉帶子炒鮮奶係我最鍾意既一款，餐廳將黑醋用顆粒既形式上，口感好特別，咬爆左粒黑醋珠就會同鮮奶結合。呢道菜其實好似”塞螃蟹”，每一啖都會食到佢大大件蟹肉，送飯一流。餐廳用左新鮮既菠蘿同埋三色椒去整呢個咕嚕肉，而且係肥瘦均勻既去骨豬肉，啖啖肉，鬆化唔會硬，價錢亦合理，性價比好高。上湯雲吞皮薄餡靚，味道濃稠，再加幾條青菜。好彩係最尾先上，一客有成6粒，食完一半已經飽哂。睇餐單仲有好多川菜，但媽咪唔食得辣冇叫到，期待下次再黎食辣野。

呢晚朋友話同我補祝生日，問我想食啲乜我見呢排都食西式/日本野多，所以就同朋友講想食中菜，跟住朋友一口話好，仲話要同我去食豪啲，帶我去食“星”級中菜添朋友話呢度已經拎左好幾年既米芝蓮既一星，仲有唔少明星黎黎食過都大讚個日雖然就見唔到有咩“星”，但坐上客都有唔少，不過呢到地方好闊落，相信滿坐都唔會有逼夾感朋友話俾我任叫唔嬲但我都會錫住佢既，所以我就揀左個“酸菜桂魚片”HKd$308+10%同呢排好想食既“菠蘿咕嚕肉”HKd$178+10%，但朋友話會唔夠，仲話黎到呢度一定要叫返個“瓦罉焗胡椒蝦”HKd$428+10%之後仲堅持要叫多兩盅“杏汁燉白肺湯(位)”HKd$90+10%，話我一定會中意果然不出佢所料，呢個湯我真係一試愛上杏汁又香又滑又濃郁，當中仲有兩大舊豬肺同雞腳食添呀而個酸菜魚大大鍋，大量既酸菜下面就係一片又一片滑溜無骨既桂魚片，酸辣既味道岩岩好，絕對唔會辣到入唔到口，岩曬我呢啲想食下辣但又唔太食到辣既麻煩友跟住朋友話係必食胡椒蝦都好快送到上黎啦一大個瓦罉熱辣辣咁呈上，喺大量既胡椒下面有六大隻經過油泡而變得外脆肉爽又有膏既大蝦食落有好重既胡椒香但又唔會蓋過蝦既鮮味，真係好正朋友的

英皇駿景軒酒店內的駿景軒中菜館，裝修格調優雅，燈光柔和舒服，食物還有米芝蓮保證的質素，怎能不好好享受這一餐呢😋杏汁燉白肺湯＄90奶白的濃湯，一陣陣杏汁清香撲鼻，材料豐富還有雞腳瘦肉菜膽等等，非常滋潤👍🏻麻辣水煮鮮魚片＄368魚片刀功出色每片雕花，又簿又滑但唔會鬆散，麻辣味剛好不會辣到爆炸，吃到鮮魚的鮮味👏🏻照燒黑松露野菌安格斯牛柳粒 $288一片片的黑松露在牛柳粒面上感覺很高級😂黑松露味突出，用上蘆筍紅黃椒雜菌一起炒不但顏色鮮艷而且很入味，牛柳粒牛味濃郁又鬆軟，令人食指大動👍🏻菠蘿咕嚕肉＄178咕嚕肉皮脆肉腍多汁，擺耐咗外層還是鬆脆🤩實在難得，配菜的菠蘿是用新鮮菠蘿所以特別多汁甜美👍🏻上湯雲吞＄98上湯雲吞湯頭用清雞湯很清甜，雲吞粒粒飽滿餡料還用魚肉沒那麼膩👏🏻

知道弟婦就黎生日，擇日不如撞日，做長輩嘅一於做東同佢慶生。請人食飯俾錢事少，唸去邊度食先至頭痛。唸起弟婦係四川人，嫁左細佬咁多年，口味仍在香港化ing ，仲係鍾意食辣椒🌶上網睇睇，駿景酒店嘅中菜廳出名川菜，已經連續七年獲選米之蓮一星美譽，而且喬遷灣仔不過數月，食評家李純恩、盧覓雪都推薦過，值得期待我們用餐嘅時段較早，客人並不多，令我們更加可以細味店內嘅優雅設計杏汁白肺湯⭐⭐⭐⭐⭐入口杏香滿溢，清潤順喉，大愛呀瓦罉焗胡椒蝦⭐⭐⭐⭐⭐海中蝦香脆彈牙，蝦殻完全沾滿了熱騰騰的胡椒香，我們都忘我地揮動十指，完全拼棄了桌面上嘅刀义川味口水雞精粹在於新鮮嘅雞以及多種配料混合嘅醬汁，麻、甜、酸、辣、重重味道互相交疊，分開醬料係方便客人自行調節口味麻辣水煮鮮魚片⭐⭐⭐⭐幾種不同的辣椒全都來自雲南貴州，再配以多種香料、花椒去浸泡輕輕灼熟的鮮魚片，貫徹地道嘅四川風味酸菜桂魚片⭐⭐⭐⭐為食貓再下一城，酸菜醒胃、桂魚嫰滑，正好調和剛剛麻辣左的味蕾霸王炒辣子雞⭐⭐⭐⭐油泡左嘅雞丁，夾雜著香脆嘅腰果，配合不同製法嘅辣椒🌶，惹味搶喉，吃得你熱力升溫，嗜辣控必點正宗四川擔擔麵⭐⭐⭐⭐濃厚的湯底充滿著花生、沙爹、芝麻醬嘅

今日Mummy 約左我話食餐好野，話係米之蓮🌟級餐廳，所以今日連下午茶都冇食，留肚等呢餐佢話呢間餐廳係連續七年攞到米之蓮星級美譽，實力一定唔簡單，新鮮及當造的食材，不加味精，香料及調味料亦由四川直送，呢一餐真係令人期待我哋準時去到，服務員有禮貌的招待我們坐下，環境係唔同啲，始終係酒店格局媽咪負責點菜，第一道菜就係呢個杏汁燉白肺湯，入口非常豐富的杏仁味，有豬肺，雞腳，白菜膽，真係好好飲，我超級超級鍾意跟住呢個瓦罉焗胡椒蝦，一上枱就香氣四溢，食慾大增，賣相又靚，聽講話連謝霆鋒都讚口不絕跟住呢個川味口水雞，用新鮮龍崗雞，我特登試一口原味，雞肉嫰滑及有豐富質感，然後再試佢嘅特製醬汁，味道層次豐富，又係另一種享受麻辣水煮先魚片，第一眼望落去真係嚇親我，仲以為好辣，但係當我食啲魚片嘅時候，嘩，真係好滑，我覺得「麻」的感覺好特別，原來麻辣係會特別帶出魚嘅鮮味，真係好佩服廚師點解可以咁叻咕嚕肉，呢個餸無論我去到邊度，我都一定order，呢度又真係整得零捨好食，特別係表面嘅脆漿，係五星水準霸王炒辣子雞，我個人就覺得辣左啲，但係媽咪就非常鍾意，見佢不斷攻擊，相信喜歡食辣嘅，一定會食得好滋味我哋另外試埋呢個

常言道：「辛苦搵嚟志在食。」，因此我和朋友偶爾都會到一些比較高級的餐廳，享受一下人生。這次我們便到了位於英皇駿景酒店的駿景軒。來之前已知道它曾連續七年獲得米芝蓮一星榮譽，因此對它有相當高的期望，而它也沒有令我失望。首先我們點了杏汁白肺湯。入口十分順滑，感覺非常滋補。連平常不喜歡杏汁的友人也一口喝光。第二道菜則點了口水雞。有別於坊間的做法，它的醬汁是分開上的。味道辛辣帶麻，十分開胃。第三道菜則點了瓦罉焗胡椒蝦。廚師預先把蝦腸挑走，胡椒粒蓋著新鮮的海蝦，味道鮮甜而惹味。最後點了酸菜桂魚片。味道比預期中辣，魚片嫩滑無骨。配上白飯同吃，為這餐飯劃上完美的句號。

今日係跑馬地個邊做野，做完約左老婆食飯，去左灣仔駿景軒到打邊爐，聽講好多英皇明星係常客，去之前有啲希望可以撞到明星🤣呢個係三色湯底：麻辣、果香魚湯、野菌湯麻辣夠香但未夠辣，魚湯好濃味好甜，野菌第一次用黎做湯底好特別！呢到既侍應好有禮貌，又教我地可以每樣野都點0.5份，試多啲唔同食物調味料吧多到花多眼亂，果然係米芝連食府？侍應仲主動教我地自己磨芝麻叫左 美國牛肉、鮮雞件、墨魚滑、水餃、菜肉餃、竹笙、牛托、生菜、娃娃菜全部都比出面任食酒樓既質素好得多！墨魚滑好彈牙又有咬口，必食之選！肥牛好有牛味，唔會太肥，但又夠林見到好多人都食小菜！原來呢到既四川小菜好出名！下次黎開呢頭既話會再黎，但係食小菜！

放工咁辛苦，梗係要搵一個地方舒舒服服食一餐，上一次同老細來講呢間餐廳，都覺得呢間餐廳有水準，食物質素有高，服務態度又好，今日終於同佢好姊妹一齊你試吓。個人最喜愛就係九層塔明蝦球，每一粒蝦球都又大又飽悶，蝦肉好爽口，經過油泡，但係一啲都唔油膩，九層塔嘅香味濃郁，整個菜都10分有水準。一見到霸王炒栗子雞，立即精神為之一振，辣椒多到滿滿的，辣子雞和腰果，也賺得10分香口，雖然看到了大量的辣椒，但是也不算太難，有一種馬勒的感覺，非常香口。這個口水雞，與別不同，因為醬汁和雞件是分開的，可以根據自己的喜愛而隨意沾上醬汁。

母親大人想食麻辣火鍋 又怕亂食佢會柯 揀左間米芝連一星既酒店既餐廳同佢食 入黎酒店都覺得應該幾高級既 打開餐牌就更高級難得佢又想食麻辣鍋 加上未食過米芝連既四川麻辣火鍋餐廳 豪豪地陪佢食一次叫一個鴛鴦湯底 係麻辣+果香魚湯 聽到都覺得一邊辣一邊甜叫左好多火鍋料 最後明白到咩野叫眼闊肚窄 原來價錢咁貴 但份量真係唔細 一分錢一分貨 材料真係唔錯叫左雲吞、芋絲、金菇、桂花蚌、牛柏葉、墨魚滑、田雞、黑豚肉、粉絲、生菜，一開始仲驚唔夠飽 叫多個烏冬 一來原來有成2個咁多睇到都怕食唔哂 首先緊係落辣湯真係好香麻辣味 唔算好麻 就係香辣想再麻啲就自己加左啲麻椒花椒 不過其實唔使調味料都好香夠味果香魚湯就好甜，特別落蔬菜類係呢個湯底食就一流啲菜同菇都吸哂魚湯既鮮甜 湯底仲配左啲蘿白 飲兩啖都得特別要講一下個桂花蚌同瑤柱墨魚滑 真係好爽口 墨魚滑就好彈牙仲要好大舊 兩個人叫咁多野真係眼闊肚窄了 食唔哂唯有拎走總括來說係好味既 無論湯底定係材料 同平時食開既係唔同啲 母親大人平時食完麻辣火鍋都會肚柯 今次竟然冇事係乾淨既 可以放心食 不過埋單時就啦 兩個人食左1400左右係香港食辣又要有質素 係咁上下