駿景軒

营业中

休息中

同朋友喺灣仔行完街，今日突然好想打邊爐，又想搵一個靜靜地，環境唔錯嘅地方同朋友慢慢傾計，咁就決定嚟咗駿景軒。見到好多人都食佢啲中菜，覺得應該真係唔錯，不過今日我都係想拾下拾下多d，就決定試試佢呢度嘅打邊爐。打邊爐嘅調味料區真係好多選擇，啱晒我哋呢啲五時花六時變，又有選擇困難症嘅人！

中國飲食文化有成幾千年 其中中國菜喺呢個文化入面扮演重要嘅角色 今日就嚟到呢間駿景酒店嗰度試下中國菜嘅極致 仲要連續幾年拎左年米之蓮一星首先叫左杏汁燉白肺湯 濃沃嘅豬肺湯 喺香港好少見 喺邊間中菜餐廳就完全做到 濃沃嘅杏仁味加上好冧嘅豬肺同埋鳳爪 味道不但十分搭配 而且可以令到各種食材既鮮味發展到極致就有一道瓦罉焗胡椒蝦 胡椒嘅香味完全滲入喺蝦入面 廚師亦都好貼心咁樣將蝦開邊 令到胡椒嘅味道更加能夠同埋蝦肉混合咗一齊 而且呢度菜亦都非常之不惜工本 胡椒嘅份量 完全蓋過蝦 令到蝦 360度 畀胡椒圍住 非常之惹味 食到停唔到口呀之後就試下我最愛嘅菠蘿咕嚕肉啦 呢個咕嚕肉用嘅菠蘿唔似普通餐廳咁樣用罐頭菠蘿 呢間酒店用嘅菠蘿應該係新鮮嘅 因為佢甜得離帶少少酸味 非常開胃 而排骨亦都炸得啱啱好 非常之香口又鬆脆 炸粉唔厚 值得一讚照燒黑松露野菌安格斯牛柳粒 呢個蘆筍炒得非常之脆口 同埋牛肉嘅鮮嫩肉味亦都非常之搭配 牛肉味非常之濃郁 好似食緊新鮮牛肉咁樣 (或者可能佢真係用緊新鮮牛肉啦！)紅油抄手 呢個紅油唔好以為佢好辣 佢只不過係香口嘅油 搭配淡淡嘅雲吞皮同埋入面嘅豬肉蝦肉餡 非常之搭配

上星期係婆婆生日,老人家做生日,就最喜歡食中餐! 所以我上網做左好多功課,揀左一間出名既粵菜同婆婆做生日! 駿景軒 - 多年既米之蓮一星食府! 好早以前都聽過大名,原來近年搬左去皇后大道東果面!當晚我地book左7點,都幾多人,上到去見到裝修好有高級粵菜館既風格。門口見到尊典雅的白玉觀音像,背面有精緻木雕,右邊掛上"駿景軒"名牌,簡單得來好有格調!臺面既鋪陳好簡潔,望落餐具都好高級,好靚!呢餐生日飯,婆婆交比我發板叫餸,佢話想食d傳統+辣野! 既然係咁…當然先黎個廣式靚湯啦：杏汁白肺湯 - 相信白肺湯,係街外都買少見少,但就算係有,我都未必敢飲! 但婆婆近來有d咳,所以每人叫左碗黎飲! 個湯底煲到奶白色,好香,帶住絲絲既杏仁味,但唔會太搶! 重點係個白肺一d都唔騷,一定反覆洗左好多次先有咁既效果,食落好似食緊豬肚咁! 呢盅湯,無得頂啊!頭盤 - 飲完靚湯,當然要食下d頭盤啦! 我揀左個口水雞! 不同于出面,呢度既口水雞既汁係另上,怕辣既可以點少d汁! 實話講口水雞出面食得多,但呢度係唔同d! 雞皮滑兼彈牙,肉雖然唔多,但好有雞味,相信係用新鮮雞整先有咁既效果! 出面食到既口水雞雖然多肉

一直都想試試四川菜，朋友便帶我來到這裡，讓我一嘗所願。這間位於酒店內的中餐廳環境幽雅，服務有禮。我見到有幾枱放有GAS爐，餐廳亦設有火鍋配料區，但未見有人點選火鍋。經過一天辛勞的工作，當然急不及待要用美食慰勞自己。我們點了杏汁燉白肺湯、麻辣水煮鮮魚片、砂鍋唐生菜(蝦醬)、霸王炒辣子雞和上湯雲吞。米芝蓮一星餐廳的食物果然十分有水準，名不虛傳。杏汁燉白肺湯杏汁味道濃郁，而且用料十足，很滋潤。然後便到我期待已久的麻辣水煮鮮魚片。深紅的顔色和數量十足的辣椒給予人很辣的感覺，但實際上並不是很辣，反而麻的感覺更突出，這真的令我眼前一亮。可能是因為吃麻了，所以不太能嚐出霸王炒辣子雞的辣味。而砂鍋唐生菜(蝦醬)咸味十足，很惹味。最令我喜出望外的莫過於上湯雲吞。它的上湯與雲吞十分配合，很能突顯雲吞的鮮味，將我從辣味中解脫出來。這頓飯真的很滿足！

今日上司又帶我地食好西一入到去 環境幽靜 而且裝修都好靚成班同事都好鍾意打邊爐所以就決定咗食火鍋無食佢哋嘅中菜呢度果然夠哂高級比起其他火鍋店呢度多好多配料又會好似吉列豬扒專門店咁有炒芝麻俾你啊磨一磨完勁香嚟到呢度又點可以唔食佢嘅麻辣湯底呢但因為朋友食唔到辣 所以我哋叫咗鴛鴦湯底呢度除咗配料特別 配菜都有好多選擇佢呢度有牛脷啦豬肺啦等等嘅配菜好多都係出面其他火鍋店冇嘅而且樣樣都食得出好新鮮真係完全值回票價啊

早排上網見到澳門YOUTUBER拍片黎呢度參加活動，見食得好過癮咁就約埋朋友過黎一齊食一食。因為餐廳上面就係酒店，所以食客都幾多係酒店住客同埋好快客滿所以預早BOOK位係明智之舉。食飯前先點左兩個湯濕下個口，左邊係杏汁燉白肺湯而右邊係是日老火湯。兩個都好甜同夠火候，尤其鐘意白肺湯，豬肺清洗得夠乾淨而且杏仁味又夠晒濃，清香雪白嘅湯水飲落去好啱暑夜作解熱之用。松露野菌安格斯牛柳粒好細嫩，炒到半熟嘅牛肉入口油香味好足，咀嚼時更有黑松露嘅香氣滲出十分惹味。而配菜嘅野菌同露荀配上照燒汁，爽口得黎又有油香同樣好食。麻辣水煮鮮魚片，用上桂花魚製成所以入口非常鮮嫩細滑。而辣度方面花椒／乾辣椒／胡椒／八角等等嘅比例恰到好處，食落先香後麻，之後辣味再慢慢明顯地彈出，十分過癮。食到舌頭同嘴唇都有啲赤痛嘅感覺。水煮魚底下鋪墊着好多吸滿湯汁嘅紅薯粉，食完魚肉再食佢啱啱好。麻辣湯汁更加入味，配埋豆芽／芫茜／青瓜一齊食嘅感覺就好似食緊傷心酸辣粉咁。朋友食完水煮魚有啲頂唔順，就幫佢點個砂鍋蝦醬唐生菜降下温。生菜食落爽甜而且蝦醬香味好出，味道無俾水煮魚嘅辣蓋過。同埋剪去綠葉部分，只保留脆甜菜莖嘅做法真係好好。因為有時食

我眾多朋友都知我係愛辣之人，但係卻冇人知我另一半比我更甚，幾乎無辣不歡。今晚呢餐晚飯亦都係由佢安排，話要係香港試一試四川既味道。呢間駿景軒位於駿景酒店一樓，裝潢果然唔係一般餐廳可以比美，既有古色古鄉既感覺而又大氣磅礴，係當中進餐，連我都有一種連帶升級既感覺。杏汁燉白肺湯。呈上時程乳白色，給人白滑潤膚既感覺。剛入口 濃濃既杏仁味湧入口中，如果係接受杏仁既人可以話係浸浴係杏仁湖中，杏仁香久久不散。湯料亦好豐富，白肺、豬肉、雞爪，用料十足。瓦罉焗胡椒蝦。看似普通既菜色，但卻很花心思，且內有乾坤。菜式係用沙煲作為容器烹調，鍋內鋪滿原粒胡椒粒，而蝦本身係藏於胡椒海中焗熟，當我地食既時候先係胡椒海中夾起。令人驚喜既係佢地選取既蝦仲有蝦膏，連帶食落有膏香味。初入口時，會先嘗到蝦肉既厚實同鮮味，之後濃郁既胡椒香先爆發，辣味緩緩中滲出。霸王炒辣子雞。淨睇菜味已經可以感受到呢道充滿霸氣 居臨天下既感覺。而呢到菜亦係本人認為成餐晚飯中最辣既一道餸菜。同胡椒蝦唔同既係呢道餸係用原隻辣椒，整碟辣子雞猶如紅海。雞切成細細粒，炸成香脆 外層呈金黃色，一入口 且香且麻既辣味直接湧入口中，擋都擋唔住。未食幾口，嘴脣已經

因為媽子生日，佢想搵一個又寧靜又坐得舒服既地方食餐好，我就搵左黎灣仔英皇駿景酒店喇。米芝蓮一星餐廳，一定要試下，我同事食過晚飯都話好好食。因為我係灣仔返工，所以條路都識搵，但未黎過既屋企人都要靠Google map，如果唔係就係會有d 迷失方向呀。環境唔算大，勝在空間感好好，抬與抬之間有一定的距離，餐具都十分別緻。餐牌都係經過悉心設計先來一壺香片呷一口先!先點個湯比媽子潤下個肺先。**杏汁燉白肺湯 HK$90一位**呢個為食Chloe極力推介，本身我好中意食杏仁產品呢個湯好濃郁好香杏汁味道而且湯料好足，內有菜膽、豬肺、雞腳以及瘦肉，所以味道好濃郁，十分滋補又養顏，如果份量多D 就完美喇。**瓦罉焗胡椒蝦 $428**大蝦約有十隻左右，大量胡椒粒在瓦罉內，覆蓋每一隻蝦，焗住去所以KEEP 到個溫度，食到好後期D大蝦都係熱辣辣。蝦表面充滿胡椒香，調味帶微鹹十分惹味，我差D連皮都食埋呀，而大蝦肉質十分鮮甜彈牙。**酸菜桂魚片 $308**我好中意呢味菜，因為我好中意食魚。魚片份量都幾多下，而魚身好滑，食出鮮味，加埋酸菜一流。**紅油雲吞 $98一位**粒粒飽滿雲吞，加辣味，非常醒胃。**菠蘿

咕嚕肉伴炒的洋蔥，甜椒看上去非常鮮豔，令人食慾大增。咕嚕肉半肥瘦，有幾塊咬開還可以清楚看見五層肥瘦相間，故此肉質爽口又有油香。甜酸汁調味剛好不死咸，醬汁完全掛在肉上又不過量，每塊肉還是非常香脆，是吃過最高質的咕嚕肉。瓦罉焗胡椒蝦賣相十分特別，一個瓦煲入面堆滿了完整的胡椒粒，胡椒粒中埋了七隻大蝦，大蝦經過油炸後蝦殼已經變得非常香脆，再用厚厚的胡椒粒焗，蝦中充滿胡椒香味但卻沒有其嗆辣，只是取其了香味，咸香十足。擔擔麵擔擔面的麵條採用了幼麵，幼麵更輕易吸收湯汁。擔擔麵的湯底偏酸，與坊間的不同，但同樣是又麻又辣四川味十足。夾雜的肉碎十分入味，只有一小碗實在不夠吃。酸菜桂魚片一大碗充滿了酸菜，味道跟我在四川吃的一模一樣，酸菜有香味而不是死酸死咸，整個湯十分適合配碗白飯。酸菜魚不算辣，主要吃它的酸。魚片採用了桂魚片，魚質當然是很嫩滑，而且一條骨也沒有，值得一讚。杏汁燉白肺湯一向很怕喝這個湯很怕會有臭味。但這碗只喝到濃濃的杏汁味，湯是濃郁的，相信熬了很久，湯頭完全沒有豬肺味，事前準備工作做得很好。

最近大家工作都很忙碌，沒有花太多時間陪屋企人好好食一頓晚飯。母親節快到，就藉今晚大家都有時間，和爸爸、媽媽、男朋友來到銅鑼灣英皇駿景酒店吃一餐米芝蓮一星川菜。這裡位置有點偏，就在律敦治醫院對面，搭地鐵的話你得先步行10多分鐘。沒關係，為了食好東西我們也願意先做少少運動的。瓦罉焗胡椒蝦媽媽好喜歡吃有胡椒的菜式，這個瓦罉焗胡椒蝦甫上場已經香氣逼人，粒粒白胡椒都飽滿豐盈，師傅用乾鑊把整鍋原粒白胡椒炒得奇香無比，配合新鮮甜美的大蝦，單單是這味菜式已令我們大開眼界，對比星加坡的同類菜式絕對有過之而無不及。酸菜桂魚片嗜魚如我們一家這晚點了2個魚的菜式，首先是酸菜桂魚片，我們特別欣賞那個酸菜湯，充滿鮮魚的鮮甜度，酸菜比台北有名的萬國酸菜麵更為吸引，我們毫不客氣的把整盤酸菜魚連湯帶肉統統K.O.盡，真的太好味了！麻辣水煮鮮魚片另一個魚的菜式也不容忽視，水煮魚的魚比酸菜魚的桂魚更加嫩滑，完全不需咀嚼就滑進了喉嚨，水煮的辣度也是剛剛好的，夠晒刺激但又不會辣傷喉嚨，食得好過癮！我們把2盤魚都吃清得乾乾淨淨！霸王炒辣子雞另一碟名菜是霸王炒辣子雞，我們特別喜歡師傅加入超級香脆的腰果仁，配合稍為炸過的雞件，這道菜

好友們見我最近迷上左食四川菜，前排就神神秘地話要帶我去食好野。一見佢地帶我去酒店，原本以為只係食自助餐啦，點知原來佢地係book左枱食四川菜。細問之下先知，原來呢到的中菜廳已經連續七度蟬聯米之蓮一星美譽，間中仲有好多名人名星會黎幫襯。而呢到食物用到的香料及調味料多係由四川直送到港， 務求令菜色呈獻出麻、辣、香、鮮頂級味蕾享受。聽到我都心裡覺得有冇咁巴閉呀！？心裡半信半疑咁又帶有小小期待。希望加上師傅的巧手同經驗，能令我地一試難忘啦。 杏汁燉白肺湯  白肺湯用左新鮮豬肺、雞腳、豬肉、白菜及杏汁等材料熬製多小時而成。豬肺清洗得十分乾淨, 冇怪味道。而整碗湯的湯色雪白, 味道香滑濃郁，啖啖的杏仁香味，滋補而不膩，非常之好飲~ 口水雞 少有地, 雞同醬汁係分開上檯，客人可因應個人的口味蘸醬, 由此可見餐廳非常細心。 啲雞係用左新鮮的龍崗雞，所以肉質嫩滑，雞味幾濃郁, 就連雞皮都爽口冇肥膩感。 醬汁係混合左紅油、麻油、花椒、甜豉油、黑醋、滷水料等等十幾種材料制成，入口辣辣地又帶有花生同芝麻的香味，仲有酸醋味，令人胃口大開, 十分惹味。 紅油雲吞 雲吞有乒乓球咁大粒，餡多皮薄。而餡內的肉

翌日放假，夜晚同太太食正嘢。英皇駿景酒店，叫得呢個名就知要行到入跑馬地嗰頭，但有時覓食真係唔好怕遠。上一樓就會搵到駿景軒。嚟到話訂咗兩位，佢哋話得二樓大枱介唔介意。張枱太細就話介意姐，大枱咪仲舒服😌高級嘢連枱同餐具都型過人。好多西裝友嚟食晚飯，好可能係claim公數😂😂😂😂先嚟個杏汁燉白肺湯潤一潤。個湯好甜呀，湯料亦唔少。川味口水雞，按部長建議，辣汁另上，因為個個人嘗辣程度不同。個辣汁係有料到喎。照燒黑松露野菌安格斯牛柳粒。啲牛肉相當入味。瓦罉焗胡椒蝦，好多原粒胡椒，令鮮蝦肉散發著微辣胡椒香味。蝦亦夠大隻啖啖肉～最後有上湯雲吞，清返啲。雲吞餡係豬肉，幾大粒。

話說友人近來要升職，佢話之類我幫過佢就請我食呢間獲得米之蓮一星既四川菜飯店 駿景軒，友人話好多明星都黎過呢到食過，所以係行內好出名 今日係閒日所以唔算好多人， 而且呢到可以選擇四川火鍋或者食四川菜 我地緊係毫不猶疑咁揀左食四川菜 //杏汁燉白肺湯 // 杏汁唔止好香而且好濃郁 而且豬肺都好足料大大塊 用黎開胃真心唔錯 仲好滋潤感覺 而且唔會太稠或者太稀 一切都岩岩好 友人同我仲成碗都飲晒tim //照燒黑松露野菌安格斯牛柳粒// 呢到除左四川菜之外仲有其他唔同新式既菜 牛柳粒夠晒嫩 唔會好難咬而且肉汁夠鮮 仲有原塊黑松露真係第一次見 唔係普通黑松露粉/醬 份量方面2個人食就岩岩好 //上湯雲吞// 啲人話最簡單既野先係最難煮 呢到既雲吞一啲都唔隨便 皮嫩肉鮮而且皮亦都好薄 一啖食落去湯汁充滿成個口 唔錯唔錯 //麻辣水煮鮮魚片// 份量比想像中多 而且都好足料所有配料香料都係滿晒 食四川野點少得辣 魚好滑而且都好足料 入面仲有薯粉可以邊食魚邊食薯粉 又辣又好食 //砂鍋唐生菜(蝦醬)// 味道唔錯 開頭以為會好燶 但其實一啲燶味都無 啲菜都好新鮮 用黎調和返岩岩食鮮魚

好多年前已經嚟過駿景軒食飯，當時同一大班朋友打邊爐，印象都好深刻。因為當中有一位朋友係四川人，好食得辣仲嫌個麻辣火鍋唔夠辣，加一大堆辣椒，見到嘅時候我已經開始搞肚啦食物質素高，服務又好，呢個都係令到我印象深刻嘅其中一個原因。今次，終於可以一嘗佢嘅小菜，唔係食麻辣火鍋啦！我哋揀咗頭盤係口水雞，其實我都好矛盾，因為我本身唔係好食得辣。但係大少話口水雞唔係好辣叫我試吓，人一世，物一世，就試試佢啦！好意想不到，我會有一日追住辣野黎食！佢個醬汁真係非常非常非常好食，要用到三個非常就知道真係好好味。小小辣、小小麻、小小咸，加埋一齊真係超級惹味！啲雞肉嫩滑到不得了，忍唔住連埋啲雞皮一齊食啊！我同大小分別一人揀咗一個湯，佢就揀咗海鮮酸辣湯，而我呢就揀咗杏汁燉白肺。海鮮酸辣湯入面真係好多海鮮，帶子啦蝦啦，味道酸酸立立好鬼好味。而我個燉湯，係我每次出去食小菜都會揀嘅湯，因為難啲自己煲吖嘛！杏汁啲香味留喺口腔好耐都唔散，我比十個like呀！照燒黑松露野菌安格斯牛柳粒本身大少話揀呢個餸嘅時候，我叫住佢揀過第二樣，牛柳粒之嘛，去萬發食都好好食架！但係真係好喜出望外，我係直頭食到停唔到口嗰隻！黑松露係一塊塊咁加入

平時食日本野就食得多，人大左就想食下中菜，咁岩個好識食既朋友帶左我黎灣仔駿景酒店既中菜廳食川菜，聽講呢到係一星米芝連食府，一於試下有幾好食啦酒店上二樓就係啦，一入到去環境安靜好relax，岩岩新裝修而且有獨立房，好岩想傾計既朋友首先試左個老火湯，清甜火候足，好飲過呀媽煲haha跟住試下呢到出名既杏汁白肺湯, 以豬肺、雞腳、白菜膽及杏汁熬製，材料新鮮，燉湯香滑濃郁，滿口豐富的杏仁香味，雞腳骨膠原豐富，滋補不膩。菠蘿咕嚕肉， 外皮酥脆，肥瘦適中無骨，甜酸醬出色，很開胃跟住呢味瓦罉焗胡椒蝦係呢到既特色菜之一，選用新鮮海中蝦，炒香再炸，殼脆肉爽口。將熱辣辣的瓦罉蓋揭開時，胡椒香味四溢。晶凝的白胡椒粒蓋着海蝦，一面吃一面像尋蝦鮮甜得來帶點胡椒香味胡椒鹹香撲鼻食川菜必點酸菜魚，魚片新鮮很大片，肉質鮮嫩，酸菜很多，食落去辣味漸出，越食越辣，喜愛食辣人士必點蟹肉帶子炒鮮奶，平時出面好少食，鮮奶炒得很香滑，真才實料，同蟹肉及帶子配搭很夾，還有黑色一粒粒是黑醋，令菜色更添豐富口感喜愛食辣人士不能錯過呢道霸王炒辣子雞，雞件炸得香脆可口，辣味很出夠香，配上鬆脆腰果令人吃了又想再吃四川擔擔麵，湯底濃郁，傳統擔擔