馬德里餐廳

营业中

休息中

同傻鬼打波輸左要請佢食下午茶. 2個人行來行去, 見餐廳ok咪試下啦. 差不多3時都有行多人, 仲要排隊等坐架. 等左5-8分鐘就有位. 2個人叫左個炒旦厚多士及芝士肉醬厚多士, 凍檸茶及芒果珍珠綠茶.個炒旦真係唔錯, 仲有d蛋汁架, 不過件多士就唔係咁得啦. 件肉醬多士仲有幾條薯條, 不過我地2個都唔係太喜歡個肉醬多士好似配在一起有d怪怪.飲品都無咩特別啦.在此區二十多元既下午茶餐就真係幾貴, 不過都算唔錯啦.

Lunch有幾多選擇，卡位幾好坐呀。星期日o既下午係幾Full。味道亦唔錯，o野飲好大杯，食物亦熱辣辣，好大碟，但個羅宋湯好酸呀。個人覺得焗o野好食過一般碟頭，未試過日式定食同手打烏冬，唔知好無味呢？而家憑墊檯紙右下角o既意見書，可以有機會得到$20餐券，每星期抽10位喎!

行完黃金, 想揾野食... 經過幾間都唔0岩口味..最後揀左馬德里, 貪佢多選擇. 叫左個蝦多士加熱華田. 朋友就叫左豬扒飽. 個蝦多士賣相幾靚, 咬落幾脆. 不過就無乜蝦味, 但又唔油膩. 朋友既豬扒飽比較細份, 但據說味道也是不錯的服務就不過不失, 茶餐廳既Style 兩個人食左$50, 下午茶餐黎講, 甘既質素, 幾好啦

夜晚睇完電腦節，10點鐘,都坐滿晒!最初覺得幾貴(相比其他同區食店)叫o左個set dinner$50-$60相當唔錯.有頭盤(田螺+薯蓉/沙律)餐湯,麵包,餐飲唔少得.主菜係大蝦+牛柳50幾蚊食到大蝦已經幾抵,估唔到牛柳相當美味,不同其他餐廳,牛柳好似煎過,帶有香味,一流!

想不到，在深水步有這類比較好環境的餐廳！給人感覺很舒服！在下午茶時間，點了葡式豬扒包．．．包包細，豬扒很豬肉乾ｆｅｅｌ，算有肉汁，份量細了少少，朋友仔點了法式西多士．．．就很普通，顏色比其他茶餐廳製的淺色一點。

lunch好多人叫左一客焗豬排飯豬排太乾,個汁冇芝士飲品叫左咖啡都幾難飲太孫太苦又唔夠奶味三十幾蚊唔低食係坐得舒服D

都唔錯, 未試過真係要試下,套餐有湯, 蝸牛或沙律,主菜, 飲品....價錢都係比茶餐廳貴2x幾塊, 都算抵!

落黃金睇電腦0野前想隊杯啡，見佢門面都幾好又有吉檯，咁就行0左入去......嗌0左個「營養餐」；何謂「營養餐」？實在本人都唔知...字面上佢係咁講0既：厚多士、香滑炒蛋、三色湯通粉、餐茶（我揀0左凍啡）。等0左都幾耐......點知一係無，一係就一次過拎晒埋0黎∼∼成檯都係0野，我緊係「上」0左個湯通先，因本人腸胃唔係幾好，一食Ｄ唔凍唔熱0既0野就即刻會肚痛；好彩個通粉d湯係勁熱果隻，味道都幾好，要讚0既係通粉好彈好爽；原來「三色」意思係講緊Ｄ配料：分別係火腿絲、椰菜絲同粟米粒，3樣配料再加通粉確係幾清新，椰菜粟米爽甜，無平時Ｄ腿通咁「寡」。厚多士、香滑炒蛋都係「講得出，做得到！」厚多士0岩0岩烘好就拎出0黎，炒蛋勁滑但又唔係好多油，好明顯成份餐都想sell營養同健康。相對0黎講，杯啡就瞬息0左，唔係唔好飲，只係無令人為0左杯啡而返黎再幫襯0既感覺。

食過幾次，裝修唔錯，坐得亦舒服，野食就一DD，最好食牛柳，好嫩好多汁。係深水涉西餐廳黎講佢算最好。

中午去食LUNCH經過呢間餐廳諗住試試裡面既裝修都OK但叫野冇人理等左成分鐘我叫左件肉眼牛排午餐碟野個樣唔多掂超級普通切開D牛排我諗得6-7成左右D 黑椒汁都變左紅色勁嘔心諗住叫D侍應換但怕比人加野= ="最後飲左杯野算數我諗我唔會再去....

今日夜晚番左sham shui po食dinner~同埋個fd...我朋友話想界下扒仔...就同左佢去馬德里..一入到去...見d人好似好忙咁囉..有種感覺就好似唔想去帶位咁...之後有個男待應帶位..帶左坐一個近廚房通道o既位..我諗住是但啦..跟住叫人order...我舉左隻手成分鐘..都無人理..種感覺又係好似d人唔想做咁..我己經有d炆...我叫左一個黑椒牛柳...個士應無問我幾多成熟...就好趕咁走左..我又無咩留意..就同番個fd吹水...跟住d野黎到..我見到有條頭髮夾左o個d菜度-,-我仲要係食左幾淡先發現..心諗頭髮je..算啦..由佢..liu走左就算...我一切d牛..=.=入面係熟哂...勁硬..=_=一d 都唔好食..早知去花園食好過...價$都係差唔多...花園都不知幾好食..=_=

上星期六同朋友在行完街,想找個地方食下午茶見到有間餐廳門口都幾靚咪入去試試我叫左一件西多士同一杯咖啡我朋友就叫左一個鰻魚定食同凍奶茶件西多食落都ok但係杯咖啡好苦又唔夠奶好難飲我朋友就話個湯好難飲d豆腐臭臭地>.<而杯凍奶茶唔夠茶味又勁多奶侍應好冇禮貌,好似好忙咁好心請多個人啦做知就去附近d茶記食好過喇=____="

同朋友去食lunch, 食左兩個餐曼魚定食$32加一什扒飯(沙律, 紅湯)$48加一個曼魚, 我覺得到到食都差唔多, 但係果個前菜(粟米加生菜?!?), 個賣相都幾差, 入面d生菜啡啡地, 我無食過, 至於d粟米, 罐頭黎既, 我都食唔落, 其他既都可以既, 不竟32蚊, 係咁上下啦. 因為太飽我無試過佢個飯係咩味.至於服務, 我個人覺得麻麻, 有waiter講粗口, 成日見佢地溜單, 連"埋"邊張單都攪亂哂. waiter做野太急, 懶快咁, 仲咁岩係我朋友後面張台倒瀉左個什扒飯.對茶餐廳都唔以要求咁高.

呢間以前係美ｘ廉，而家轉左第二間又裝修過，不過個feel同以前分別唔大。試過佢既芝士焗豬扒飯餐（$46），份量幾夠，個飯味道都唔錯，豬扒唔會太硬，芝士汁都剛剛好，但係個餐湯就差少少，唔係咁好飲。

晚上路經深水步,本來想試出名的豬潤麵,但朋友覺得不會合我心意,又見這餐廳食物賣相不錯,價錢又合理,二話不說入去試試。入到去先醒覺是茶餐廳般的西餐廳,但為時巳晚,即管試試。餐牌選擇幾多,眼花撩亂,於是點了兩個熱點推介:堡雲酥烤羊架及錫紙焗鵝肝牛柳天使麵。羊架可跟湯及頭盤。選了羅宋湯及法式焗田螺。湯很酸,料不多,亦不夠香濃。田螺數小粒放在薯蓉上,雖然不是上等貨色,但熱辣辣也食得過。隨湯奉上蒜蓉多士,烘得不脆,微暖,是反叮的,有點靭,非常一般。羊架是意外中的好吃。一碟三件，肉多脂肪少,酥味不重,肉嫩多汁,加上脆脆的麵包糠,口感佳。鵝肝只是鵝肝醬,牛柳很嫩,或多或少有下點梳打粉。意粉十分普通,一餅黏在一起,很淋，不好吃。食後雖飽,但不太滿足。不過以這個價錢亦不可奢望有高質數的食物了。若只求飽肚抵食,是不錯的選擇。