馬德里餐廳

营业中

休息中

在深水埗區晚餐消費近百元一位, 竟是如此"高"的質素, 實在後悔不回佐敦吃飯!這晚逛完黃金商場, 有點累, 走出街上見到這家門面不錯的餐廳, 看看餐牌, 雖然價錢似乎跟深水埗區的其他食市有相當的距離。入到店內, 很快有人帶位, 可惜, 坐下後沒有人拿餐牌來, 明明在派餐牌給吉枱, 卻不給我這個顧客, 結果當然是要開口問。餐牌的組合有點怪異, 難道是理解錯誤? 我還以為這裡是西餐廳, 為什麼又有台式又有韓式? 結果選了晚餐A - 西冷扒配炸蝦。侍應還問要幾成熟, 不過態度是冷冷的。落單不久送來湯, 這個情況有點奇, 為什麼不是頭盆先? 當我在懷疑的時候, 頭盆來了, 噢!是罐頭螺肉+孖薯粉的所謂焗田螺, 讓我預感主菜不祥。正當想像主菜的不祥, 它來了! 似乎這家是快餐店, 全數在餐桌上了。心裡很不愉快!主菜如所料, 比連鎖快餐店的質素還要差, 這樣的所謂西冷扒還問幾成熟, 炸蝦是軟的, 西冷的汁是冷的, 付了鈔, 苦了舌頭!很後悔不買書而吃了這頓飯, 早知買下那本電腦書吃碗魚蛋粉可能更愉快!

尋晚食左個dinner set, 意大利蕃茄海鮮飯,要左紅湯+沙律個湯同沙律就唔使講,普普通通,不過不失,個飯真係令我好surprise,好夠cheese味,出面食個咁既價$$都無咁高水準....之前其實都食過d意粉,佢地真係份量足,料足,掂!!d waiter都好好人,不斷幫我加水

星期1晚,阿B 帶我黎食呢間馬德里餐廳,佢話前一晚食過幾好食....今晚我地叫左1. 黑椒牛扒餐(碟上)2. 茄茸海鮮意大利飯除左叫餐之外,O係餐牌叫野食都會送餐茶,湯 & 餐包落完單,等左一陣,見到阿B 好搞笑咁望住餐廳個天花板出風口.我都唔執輸望埋一份.D 裝修都真係幾"那西".....>.<......仲好搞笑....用一塊大既白色布,鈎住個吹風口....令人唔覺得佢果度無左度牆.....黎左湯...一紅一白....都OK既.....過左一陣....黎左個牛扒....都OK....同平日D 餐廳一樣,叫7成熟...都會有9成.....之後真係等左好耐....阿B就黎食完...我個飯先到.....望到D 米就知道係泰國米.....唔係意大利米.....不過都幾好食....因為佢落左好多青椒.....第一啖食落去既感覺好似食緊超級至尊批....唔鍾意食芝士既人都應該會接受到呢個飯.有芝士....但味道唔算好濃.總括黎講都幾好味道!!!

尋晚同bf去食dinner,叫左1. 黑椒牛柳粒黃薑飯 ($62): 好大碟,唔錯,個飯好爽口,d牛柳都幾淋2. xx忌廉菇+蜆肉意粉 ($59): 呢個好正,個sauce好好味,又大碟,好食過1.連奄尖bf都話好食侍應d service都ok,幾有禮貌,未至於差wor~,最主要係呢間餐廳唔使加一,而家食dinner邊間餐廳係唔使加一丫,算係咁!下次會食番意粉!

今晚同愛bab o係福榮街搵野食, 行到盡頭見到e間野, 好似幾吸引就入去啦。愛bab點左個雞扒魚柳, 我點左鳳尾蝦扁意粉,魚柳2大條, 但無魚味; 雞塊好細塊, 而且好o鞋,薯菜d薯角1d都唔熱, d菜仲真係凍。而我個扁意粉, 意粉味道唔錯, 不過d"鳳尾蝦"(個樣似係吉列炸蝦), 食落口唔脆, 仲係無味, 如果咪埋眼食1定唔知自己食緊咩。飲品我地(每個餐+ $10)點左 蜜瓜雪香珍珠同胚芽好立克珍珠,我本身唔喜歡飲蜜瓜, 試1啖左, 客觀覺得個味好似"蜜瓜豆奶";我杯好立克就得個甜字,而我同愛bab都不約而同食到有d未煲熟個心係硬到幾乎咬唔開o既珍珠...認同其他食家o既係:前菜o既薯蓉焗田螺幾好味道;份量10足, 因為食到個意粉時, 我食左1/3 已經好飽飽了。至於服務, 本來覺得唔錯架, 有效率又好禮貌, 即使我食唔晒意粉問佢要外賣盒拎走佢都有拎俾我,點知到埋單$141, 我俾左$200, 部長找$$返來, 我右手拎完面頭d 零錢, 左手再拎埋d紙幣, 先發現最底仲有個$2,不過我成手$$都無手拎... 就俾佢"局"我俾左$2 tips...唔係唔想俾.. 但可唔可以做到客人心

環境清潔整齊, 幾好食物質數幾好以呢個價錢真係好過好多同級的餐廳朋友食牛扒併生蠔生蠔好新鮮, 又夠蠔味我食魚柳併雞扒個白汁做得好出色份量十足, 食到打包haha!唯一不足係等好耐先有主菜食仲有個侍應的眼神好惡恨

lunch time約咗朋友係呢區食飯傾計, 因為呢度係呢區一間比較四正既茶餐廳, 就揾咗佢... 返到嚟等見到原來咁多喊面... 但根據我的經驗又唔係真係咁差啫...係就係價錢比較貴, set lunch 要$36以上, 中環價錢wo! 餐牌有幾多嘢食揀, 但嗰set既份量就少咗d, 味道普通啦! 都ok既.. 就係勝在好坐d. 伙計都足夠, 幾快手, 服務都算係咁啦!

前日行過深水埗既腦場, 就搵係附近做野, 咁啱又放工既朋友食飯見間野唔錯, 加上可能我係中環返工啦, 所以我覺得免飯黎都叫平 一入去就有人帶位, 睇佢地間鋪, 應該仲未裝修完, 但環境都幾好我都唔記得叫左肉眼扒, 4 成熟的, 配薯菜同黑椒汁先黎一客薯蓉, 唔差喎, 幾香下, 再黎個忌廉湯, 呢個就稀左 d 啦到正菜啦, d 肉眼扒唔錯, 口感幾好d 侍應落單都唔該前唔該後, 走個時係咁講多謝晒點解 d 人話佢地服務差呢 ? 唔通我靚仔所以好 d XD埋單 $150, 我真係覺得幾抵食喎, 係中環食咁上下既野起碼都 2,3 百冇走雞

心血來潮想食牛扒，便到了附近的馬德里試試。二人點了焗蠔牛扒餐及肉眼扒餐，配焗田螺薯蓉前菜。先講講前菜︰田螺肉軟硬適中，但要讚的是薯蓉﹗吃入口已有一股很香的蒜蓉味從薯蓉散發出來，吃到停不了口，可惜分量不多，數啖便一掃而空。肉眼扒隨即奉上。牛扒切得簿，而肉眼扒肉質不老，意粉也算入味，整體來說不錯。聽說焗蠔牛扒餐也中規中矩，只嫌蠔的份量少得可憐，沒什口感。服務方面也不俗，入座時侍應們告知焗蠔餐較需時，及後亦經常收拾碗碟，不明為何之前有位食家對服務劣評如潮，連侍應們每月賺取僅僅六千元的薪金都睇不開，可想像食肆生意確實難做。

3月31日我約咗朋友去高登買ps3望見對面間馬德里餐廳唔錯就入去,成班待應生走埋一齊講笑唔使招呼客人？我哋見到有位咪坐囉,有位肥部長行過咪同佢講三位,唔該俾本餐牌？黑晒面放低餐牌同d侍應就講到笑晒口,細聱講大聲笑。我哋order咗田縲,肉眼扒,什扒同西冷牛扒,味道普通.湯唔夠熱.珍珠奶荼無荼味,環境光孟ok服務態度欠佳！埋單俾tips都唔講多謝。

2008年3月30日(日)我同fd一齊由黄金行出嚟去到馬德里食晚餐！叫左４份扒麻麻地,羅宋湯咸左d,忌廉湯無味道,扒叫5成熟但好靱環境ok,侍應生都好過嗰位部長？叫佢當睇唔到,唔知係唔係打條呔唔使做？後來上餐茶2凍檸檬荼無荼味２柸凍啡ok。最尾叫埋單,又係嗰個部長多謝都冇講,口黑面黑仲要打咸盧本來俾小費？No No No！

早兩日同3個老友去高登買o野，見天黑咗咪食個晚餐囉！其中一個見到有間餐廳好似唔錯喎！就行咗入去！四個人當中只有我的職業是飲食，3個老友就問我意見：間餐廳Do野點睇？一見到餐牌我就心知不妙─一間九唔搭八餐廳。四個人只有我唔叫o野食，3個老友就一個叫肉眼扒，一個叫什麼雪菜石頭飯，一個食咖哩牛腩。3個老友一個要羅宋湯兩個忌廉湯。好啦！精彩的馬上出現。我叫的個老友比啖羅宋湯我試下味，OH!NO!冇咩色，好有味道(味精超多)奇怪的是冇咩茄味又夠杰喎？應該係落咗麵撈，快餐店會不如。之後個忌廉湯又見到啦！有D黃，我估可能係燈光關係呱？咦？張紙巾好白喎！係忌廉湯黃黃地，我又試下味，OH!NO!又係味精湯，還要一D忌廉味都冇。飲罐頭忌廉湯都好過佢。三分鐘左右D大盤出來啦！嘩！個肉眼扒距離我三尺都嗅出食粉味，咩大師傅醃O架？茶記都好過你。個兩塊肉眼扒又好似爛布一D都唔完整，見到都冇胃口。石頭飯是炒飯石頭碗上，不過有炒飯有D深色又有D油億味，可能塗石頭碗個D油係好多日冇換，又或者係用舊油炒飯。唔.....NO GOOD。個咖哩又係差到不知所謂，個FD話牛腩唔淋，其中有嚿係牛孖筋，不過好似橡筋根本食唔到。咖哩

星期日去食晚餐, 款式都有好幾款,可惜食物差左好多(同上年去過兩次比),d t骨牛柳好薄, 味道得個咸字, 我朋友只吃了半碟(羊拼雞),唔怪得入去前都奇怪點解沒什麼人(7pm),同埋個地下好滑,尤其去完洗手間出來個段,各位小心!

馬鞍山有個樟木頭,屯門之前亦有赫爾辛基,旺角亦有倫敦,在深水埠亦有馬德里.餐廳是也.舊址為美而廉餐廳,為我輩的德貞女子中學校友的"集體回憶".經年過後化身為馬德里,無須坐飛機,一條欽州街之隔,就可以去到西班牙?!咪傻!沒有西班牙大鑊飯,沒有Tapas,有的,只是港茶式西餐.羅宋湯餐肉長通粉,完全體驗出什麼是後現代九唔搭八之藝術,歸化為港式的羅宋湯再加大陸罐頭午餐肉再加意大利乾貨Penne,頓時令人感到Fusion之外,還有Confusion.味道也令人不明所以,羅宋湯的辣味,全來自黑椒,午餐肉如果煎過的也還可,可惜放湯煮,連香脆口感也沒有.Penne無穿無爛,也可過骨.奶茶更不滯.淡如白開水,茶同奶味很曖昧,真懷疑自己面前的,是否為一杯奶茶?深信自己用罐金寶羅宋湯,煎兩塊午餐肉切粒,再將Penne煮大約十分鐘,得出來的效果一定比這個掛羊頭的馬德里好.

今日去黃金買嘢, 見有d肚餓就去附近找食,看見馬德里環境幾好就走入去啦,點知入到去d侍應黑口黑面行來放下餐牌就行開,然後就行埋一邊大聲講大聲笑....食物都算ok最黑人爭就是個女收銀, 收錢時一句多謝都無講, 只是黑口黑面對住部收銀機,如果我是老細, 一定會炒晒班嘢