馬德里餐廳

营业中

休息中

同兩個朋友一齊去唔算太貴啦,d價錢平均$60 左右d野食有番咁上下,好有分量啦不過上次去食果陣個忌廉湯有d怪怪味>.<唔~夜晚時段特別多人啦,都等左一陣!Service都好好,做野好快手仲有發覺左特別多靚仔侍應個個都好後生,感覺好好^^

前美而廉餐廳舊址，同樣走高級茶餐廳路線，裝修ok，地方乾淨，招呼不過不失，侍應勝在熟手，上菜快，收碟快，一餐飯半粒鐘多ＤＤ搞掂晒，晒深水既節奏。晚餐試左牛柳餐，餐湯忌廉湯得兩粒粟米，冇乜料，原全係豆粉開水；蒜蓉包細細件，夠熱夠蒜蓉夠香口；田螺薯蓉，田螺冇殼（冇殼咪好囉，有殼咪又係Ｄ循環再用野），牛油唔夠，問侍應欏一碟自己鍾意咁多落咁多，薯蓉夠晒熱，所以後加都冇問題；牛柳跟薯菜（可以改飯或意粉），牛柳冇問幾成熟，上到檯切開唔見血，都ok 啦，牛柳雖然唔係貴價野，不過一樣軟熟夠牛味，亦食唔到梳化粉味，個餐份量頗大，足夠兩女仔share 食有餘，六十蚊貨仔仲有餐茶送，對得你住啦。另一個係澳門焗豬扒飯，原來澳門Ｄ豬扒係吉列豬扒黎既，我都係第一次見識到，好在豬扒係即炸，漿粉薄，大大件，雖然冇芝士，但係味道幾好，加上幾件鮮茄減低油膩感，一樣跟餐湯、蒜蓉包同餐飲，兩個餐加埋都係一舊水落到樓，睇埋價錢之後，我就覺得好抵食勒！

早2個月食過2次, d 餐湯都夠味; 不過主菜的意粉好油.下次去開個頭都會去下, 個度都幾夠光, 樓底又夠高

臨近父親節，落狗C都專登過來呢頭買個game做禮物仔。巧合it界高層亦在呢頭，當然順便食餐飯啦。阿高層話呢度好野，剛好門前有個位：求其掉底架車響呢度就行入去。中午1點未夠，人流不多，兩個人可以坐卡位。高層叫左個西冷餐，我就叫個招牌羊餐。講真，幾十蚊的野，有頭盤有湯有主菜有飯或意又有茶開頭真係無預期過咩，啊！估唔到都算得得地喎，起碼抵食，不過肉地就梳打左小小啦。

20050616 2pm中午時分, 拜託友人A小姐辦點事順便食lunch. 本來約好1pm, 我遲到, 搞搞下變2pm, 真係唔好意思. 見面時在街上很有點狼狽, 快步行搵間野坐低先傾. 經過呢度, 見門面OK, 就走入o黎唔諗咁多.2人食-* 我食- set lunch, 吉列魚柳拼豬扒+薯菜, 有餐湯+餐飲, 羅宋湯好似茄汁煮o既咁樣, 又辣. 主菜就OK, 茶記quality. * 朋友食- 腿蛋治烘底* 朋友食- 凍啡, 朋友話比一般茶記好飲, 但係如果coffee shop quality 計就唔得wor. 比上不足, 比下有餘咁lor.環境深水步o黎講算好唔錯. 起碼光猛企理又有大電視.侍仔全部企埋一邊吹水唔知做咩. 同埋無咩禮貌.埋單$70. OK.