馬德里餐廳

营业中

休息中

以前係深水埗呢頭做野，lunch就多數黎呢間馬德里餐廳食野，貪佢好味同環境舒適。 依家只得環境保持舒適，d野食就唔係咁得了。今次係同朋友們來食晚餐 我點左個餐 牛扒拼JUMBO腸 plus 薯菜 ...前菜Garlic Bread - 唔熱、 硬、 無乜Garlic 味 羅宋湯 - 材料足、味道還可以 三文魚拼沙律 - 水準一般，okay 啦主菜牛扒拼JUMBO腸 plus 薯菜 - 牛扒6成熟都覺少少Un， 牛扒缺牛味 JUMBO腸唔知點解d肉會咁淋，塊皮又Un，唔脆的 薯條亦都無味，淡口嘅。唯一可取係大份，實飽！餐飲凍Lemon Tea整體水準下降不少，如果下次有機會再幫襯，希望見到是讚非彈啦。

又到醫肚時間, 呢間之前都幫襯過幾次都唔錯, 所以帶咗米米去食晏.order咗一個午餐 & 常餐 羅宋湯: 香濃! 夠晒入味! 但湯渣少得可憐!司華力腸拼雞扒意粉: 腸衣有點un! 雞扒都唔錯! 茄汁意粉又唔會太淋. 火腿磨菇炒蛋: 味道唔錯. 沙嗲牛肉麵: 沙嗲牛肉都算淋, 個麵都ok.整體都唔錯! 響深水埗想搵間坐得舒服啲嘅餐廳, 呢度係一個唔錯選擇.

3年前曾光顧lunch不錯....今天重踏此門...和朋友相聚一翻....朋友叫了咸豬手....真的很喊而我及友人叫了牛肉石頭飯, 吉烈豬石頭飯....很重手....是喊得喉嚨有些痛於是急於叫凍飲....都很重手....甜到我們加冰再加冰.....真的想問一聲....出餐前有冇先嘗呢?希望真的改善一下甜與喊...減少3份1就剛好了....

中午來到高登更換電腦零件,午飯時間不想和學生争位,想找間坐得舒服一點的就來了這裡.午餐A和B都不太吸引,於是選擇了這個"午市商務扒餐".羅宋湯----溫度微暖,蔬菜已煲至溶化,有非常濃的茄汁味,質感杰得掛碗!西冷牛排餐----落單時侍應詢問牛排要幾成熟?自己竟然呆了一呆不懂回答!因為沒想過在這裡會需要去揀,就隨口答七成熟跟意粉要黑椒汁.意粉冰冰冷冷看來有用茄汁撈過的痕跡,黑椒汁味道極咸,牛棑本身反而不算太差,肉質纖維是粗了一點但未去到韌的地步.那堆配菜烚到瓜不似瓜,不想去碰.餐凍檸茶只得數粒冰塊,轉眼己變成室温.雖然這裡的裝修可算是同區之冠,人手充足.門口更貼有某人推介(果然是明燈!)始終有點懷念這店前身的美而廉,雖然裝修較普通,但起碼各樣出品都也該熱的是熱,該凍的是凍.

馬德里算是同區比較好坐的地方, 只是食物質素一向普通.平時已經不常去, 始終比其他的都要貴上5,6蚊.今日真係經典左D, 所以點都要講下.午餐C: 黑椒牛柳絲意粉.午餐D: 福建炒飯先上D, 夠大,有2隻手掌攤開咁大....但飯量只有5羹(by 同事W)....再上C, 碟一樣大, 意粉一樣多...拿拿臨影低佢好好揚下...裝食物的部分大約是半徑4cm的淺位.....我食左5啖粉,3啖餸, 已經清左碟!!!簡直連頭盤都不如..同叫C的還有一個女同事, 她也說是岩岩好夠....最激氣既係, 見到隔離枱既D餐係用焗飯盤上, 足足多30~40%.....真係請我都唔會再去!!!!!!!

唔到我唔服，茶餐廳，高級同唔高級既定義就係有無收加一....呀唔係，係有無奇特既菜式...比如唔知點解會有醬味蓋過一切既石頭飯又或者係明明係做西餐又會有日式飯....都唔好提啦。當你只係想食個星米個時，呢d無鑊氣，充滿合成醬料味(蓋了肉味)既餐已經取代左我地既飲食習慣......可悲喔。呢幾日同朋友去同電腦節(唔知邊個節打邊個節)又行左一轉鴨記，突然慶起搵平時深水埗唔會食既西餐...........點知就扔野喇成個餐我乜都唔記得，淨係記得個羅宋湯。乜黎架?!!!!!!!!!!!!!!!!!成口都係茄味!!!仲要唔係天然蕃茄而明顯係煮野用既化學品蕃茄膏味!!!我想講句情何以不堪呀!!!大佬!!!

下午茶 菠蘿肉醬意粉配飲品雖然是下午茶餐，但其實份量都不算少，至於味道我覺得以這個價錢來說都好吃，但如果是有焗過的話可能會更加好食。這間餐廳其實都有好多(拾幾廿種)下午茶餐的選擇，價錢又合理，地方都算OK，難怪下午茶時段都有不少客人。

早餐和午餐一起吃，是日想吃茶餐廳，於是來了這間。點了兩個餐，分別是焗沙爹金菇肥牛飯($38)和卡邦尼亞炸蝦長通粉($36)。餐湯點了一紅一白，紅湯還好，夠熱。但白湯就比較差，粉粉的感覺。卡邦尼亞炸蝦長通粉︰長通粉但腍了，而汁又太稀，可以就是沒有味道的。炸蝦應該是全碟可吃的。焗沙爹金菇肥牛飯︰因為是焗飯，難食都有限度。這個熱騰騰，不錯，汁又香濃，只是飯太濕了。餐凍飲夠大杯，也是可取之處。不過下次可不會再來了，真的不好吃嘛。

這個餐廳有好多款下午茶選擇，價錢都相當抵食，但由於已經食過午餐，所以都只好點簡單的西多朱古力醬西多士 +凍檸茶 $24賣相都幾好，伴朱古力醬食我都係第一次，新鮮炸起食都幾不錯但再細心食，發覺麵包外的蛋漿味道好淡可能因為現在雞蛋供應價錢飆升，所以蛋漿加入其他材料稀釋如果唔介意蛋味的話又有朱古力醬起面，都不算差但個人總是較喜歡麵包裡有花生醬，外面搽練奶的西多，這個食法我認為是最好的其實環境、服務各方面都幾好，都算可以舒舒服服坐住食又見好多食下午茶裡面的粉、麵、飯，有機會都要試下

陪朋友去完深水埗買嘢, 唔知食咩好, 見到呢間餐廳 ...唔....試下啦! 焗田螺 - 一般啦! 蒜茸焗蠔 - 可能又係季節問題d蠔唔太肥美, 蒜茸焗得太乾, 但係味道又唔錯喎. 鰻魚石鍋飯 - 分量少, 不過唔差. 咖喱牛腩農夫飽 - 個沙律做得好好唔係用罐頭什果, 用新鮮嘅蔬菜做, 咖喱牛腩味道都唔錯. 羊扒個賣相已經吸引, 食落唔羶, 個意粉重做得好好味添.

跟男友及友人逛深水保買完腳架後，大家都有點餓了。剛好下午茶時間，經過馬德里見門面不錯，就在此落腳了。4個人點了:特餐(我) - 蘑菇火腿奄列: 好一般，沒什麼味很淡; 沙o爹牛肉公仔面: 牛肉少得可憐，整個面淡而無味，一點也不好吃....看來我是點錯餐了。忌廉蘑菇火腿意粉(男友) - 不過不失，但未到好吃的水平蕃茄豬扒長通粉(友人) - 友人說賣相比預期好，味道也不錯豬扒炒公仔面(友人) - 很油，但炒物難免多油，不過友人說味道還不錯的。最攪笑/離譜的地方是我點了檸樂做餐飲，上枱時篤檸檬已心知不妙...冇汽的?!?飲一啖後更加確認..是冇汽的....於是叫佢換過杯，點知轉個頭佢就問我可唔可以換第二樣....你的汽水都沒有汽，難道我不轉？話雖如此，下一次總會再給它一次機會的。

星期日出開深水埗，見到呢間馬德里都叫骨子啦，又大又細，一於走入去幫襯﹗4個人叫左4個下午茶餐，如下：1. 瑞士雞翼撈公仔麵 - 唔知佢用邊隻麵，又幾好食WOR，可能係印尼麵啩，瑞士雞翼？都係即卥水雞翼啦，細隻，未發育，冇乜趙頭﹗反而個公仔麵就好好味了，彈牙同爽口……哈哈，公仔麵都有呢D效果，真係化腐朽為神奇﹗2. 瑞士雞翼（AGAIN）薯條 - 雞翼唔講了﹗薯條係成舊薯仔批出黎炸個D，熱辣辣，新鮮，同上面一樣，妹仔大過主人婆FEEL﹗3. 炒蛋厚多士 - D蛋炒出黎，係我最鐘意個隻，半生熟，仲有少少半液體，不過就多油左少少，成塊厚多士，D油都浸到落去麵包的1/4，並實都幾誇張﹗4. 豬扖包 - 個麵包都已經正，鬆、脆、香，塊豬扖一樣，好入味，好鬆化，唔會痴牙，算係咁，20零蚊個餐，你想點？

讀書幫襯到宜家~覺得佢差，但又幾經常幫襯... 好矛盾!幫襯的原因只有兩個：焗飯&環境Sham Shui Po 區，環境最好的.. 如果想同朋友傾下計飲杯 o野...呢一間係首選焗飯係 "真焗"~ 唔係用火槍噴... 燒焦D芝士 "扮焗"~!大約食佢既焗飯... 10次7次都滿意~ 差的地方... 當然係服務 la!!! 個個侍應都好似唔憂無生意咁... 仲有好快~~ 好快離開你的線線範圍~ 從來都無賓至如歸的感覺... 如果唔係個環境，我以為我去 o左飯堂食超平工廠飯~ 食物質素...早餐普普通通~ Lunch 更普通...我點解要比接近$40蚊食呢D 食物？晚飯... 試過一次.. Sorry~唔合格D紅湯白湯可唔可以認真少少煮，唔好咁咸...佢又難得Keep住個 "水準"~ 幫襯咁耐.... 咸味不變~ 我懷疑水吧的人每沖一次飲品，都要運功~試過好多次，餐廳人客唔多，水吧停哂手，但我及旁邊幾張檯D 飲品都未到。Lunch 繁忙時間反而好少少 好心換左D 好舊好花的餐具 la~ 仲有仲有... 侍應唔好用手指touch D 匙根 & 叉... 好唔衛生，仲要響客面前做呢個動作。老實

環境好，在深水步區算幾好。其實想食其他地道野但好多人又冇位環境又差。結果都係去餐廳食坐得舒服，環境好，可以傾計。都係一般晚餐，有個焗蠔唔錯。又唔收加一。

前晚太累，沒食什麼就睡了。隔天起床，餓得要命，就到附近食早餐。叫了火腿通粉+牛油多士+炒蛋套餐和牛奶麥皮+火腿煎蛋+牛油多士套餐。食物是和茶餐廳質素差不多，但也不是味精湯底，而多士就烘得香很熱，吞下數塊也沒問題，不過牛奶麥皮味道太淡，不合我的口味。而餐飲就叫了熱華田和熱奶茶，暖暖的很正。不過份量可能太少了吧，食完之後我也不飽。