馬德里餐廳

营业中

休息中

其實幫襯馬德里最主要原因，係知道佢冷氣夠。點咗兩個 set, 鮮菌黑松露汁蝦肉意大利飯，美式牛肉漢堡扒配茄茸天使麵。點完set之后發現，其他人個個都据扒嘅？馬德里出名据扒咩？餐湯配牛角飽係驚喜，因為通常配嘅都係普通麵包，而且我自己比較中意牛角飽。我點咗粟米忌廉湯，如果再濃郁d更理想。每次係餐廳點意大利飯，無論邊一間，份量都偏少，馬德里都唔例外，份量都係偏少，如果我食哩個 set 一定唔夠飽，而黑松露味濃郁，米飯夠黏同有𡁻口，味道係唔錯嘅。天使麵份量就足夠喇，另外蕃茄味加上芝士粉，令味道更香濃。牛肉漢堡扒係最欣賞嘅一環，足料！夠實同夠肉味！

So cheap. One slice of chicken for the lunch special. Two thin slice lemon for lemon tea. Using rice from China. Every dish that was ordered from my table is small portions but charging $59. I Asked for ketchup and given a really small portion.

在深水埗上興趣班，未夠鐘就想在附近搵個坐得下的地方食住晚飯等到夠鐘去上堂，於是就想搵間唔會太逼又有wifi 提供的地方。深水埗有wifi 的地方真心唔多，而馬德里叫近上堂地方，就入左去食。叫左一個自選意粉，$98可自由配搭醬汁、兩款配料、飯粉麵及跟餐飲。揀左意粉搭牛肝菌汁（因為比較少聽）、辣肉腸和珍寶蝦。醬汁都叫香口濃味的雖則唔係好覺似牛肝菌。不過所謂辣肉腸應該是台灣腸而不是pizza那種，因為味道偏甜。炸蝦就略嫌厚粉。意粉整體可以接受，但估唔到最伏的野係佢杯餐飲。我叫左凍檸茶，就圖中所見已經唔係好大杯啦，然後一飲，只有死澀又冇茶味，重未加糖，就叫侍應補返杯糖漿畀我，但補返畀我杯糖漿超稀，得好微的甜味，似水多過似糖漿，落哂成杯都較唔返岩的甜度，重要因爲咁增加左檸茶的水份而令杯野澀得黎又淡，似就咁齋沖檸檬水多過似飲茶。老實講餐飲呢樣野通常間間舖頭都差不多，唔會expect 特別好飲但都冇諗過會難飲，所以佢沖到咁就真係有點過份另外佢的wifi 超慢，連普通上fb用whatsapp 都有問題，又成日斷線，更遑論睇片，我用自己得300幾Kbps 的數據都重快過佢，早知係咁就唔使揀食佢啦！而呢度

今晚陣偷懶唔煮飯出街食之前馬德里既set包埋湯，沙律同雪糕放題。次次都食到勁飽。依家無左，變左普通set.價錢好似無減價🤔老公叫左扒set,有湯同餐包（係牛角包，正）個牛扒都唔錯，不過個拼海鮮就麻麻我就要左煙三文魚雞扒意粉（白汁）味道ok,雞扒都好多最後餐飲叫左檸茶加咖啡如果包埋有甜品會更加完美😝話晒之前係任食，依家甘會覺得好似蝕左🤣

早排去咗黃金附近嘅馬德里餐廳，之前聽到呢個名一路都以為係食西班牙菜嘅，點知入到去望到餐牌先見到其實同普通西餐廳冇乜太大分別。我叫左個西冷牛扒餐嚟食，首先佢哋上咗餐湯同麵包，個餐湯係南瓜湯，味道都不算不過不失啦。塊牛扒就大概等左15分鐘先到，塊牛扒雖然我叫左五成熟，但食落去質素都唔算太好，都幾難先咬得開塊牛扒。最後埋單個餐就大概150幾蚊，我個人意見就覺得唔算太抵，但間餐廳其實位置都算方便嘅，去完黃金過嚟食下都叫OK嘅。

今日放lunch，見周圍的餐廳都大排長龍！所以就隨便選了一間在旁邊既西餐，本身冇乜期望，點知食完有啲驚喜啵！我地排咗15分鐘度就入得去，叫咗兩個午餐跟紅白兩湯。 個湯黎得好快，湯味濃郁！唔錯唔錯！飲完碗湯個午餐就岩岩好到咗，照規矩相機食先！ 首先岀場既係蒜蓉汁豬排薯菜。 個蒜蓉汁好好味！ 豬排一啲都唔”un” 食過翻尋味。之後岀場既係日式吉列豬排飯。豬排係即炸既，絕不馬虎！不過咖哩汁就味度一般，我自己就覺得太細碗飯了不過呢d就見仁見智啦！

同男友去完深水埗黃金商場之後，過對面就係馬德里餐廳。呢間係較為西式的茶餐廳。揀左個set dinner 【9安士西冷牛扒拼香煎墨魚仔薯菜配田螺汁】再加個$98 自選配搭意粉，可以自選醬汁，加2款主菜，加自選飯麵。我就揀左黑松露忌廉汁魚柳mix雞扒天使麵，魚柳和雞扒尚算嫩滑，黑松露忌廉汁不會太杰身，天使麵爽口彈牙。跟餐嘅羅宋湯好入味，蔬菜又夠足料。牛角包如果脆身啲就更好。另外跟餐加$28就可以多個蜜椒雞中翼，賣相金黃色，蜜糖味亦足夠。牛扒很大塊，十分嫩口，墨魚仔新鮮，田螺汁味道配合挺不錯。大家如果想平平地食個西餐，呢度都係一個唔錯嘅選擇。

朋友話去深水步有野買,買完隨便逛咁岩見到西餐廳,就走左去試首先點左套餐”吉烈珍寶蝦,黑松露意大利飯送餐湯都幾抵食,有湯,有包菜湯+ 餐包 ”吉烈珍寶蝦,黑松露意大利飯” 黑松露味濃郁,份量足,蝦又大大條X2香口, 飯粒口感岩岩好 另外加左小食(雞翼),我朋友最喜歡食所以特登點的, SIZE岩岩好, 好香,新鮮炸起,皮夠脆而我就唔想食飯,點左意粉餐黑松露忌廉汁配辣肉腸意大利粉一上TABLE 都聞到黑松露味^^ 賣相吸引, 辣肉腸+ 少少蟹柳 , NICE價錢唔貴, 平民價西餐廳, 貼地, 食物質素又OK

呢日去到深水埗黃金商場附近，陪男朋友睇玩具， 行咗成個晏晝，深水埗都幾多嘢食，但可惜好多餐廳都比較逼狹， 坐得唔係算太舒服咁。 男朋友話 有啲想食西餐，於是我哋試下呢間馬德里餐廳。一入到去都唔算太迫，坐得幾舒服又靜靜地，非常適合傾計。menu都算幾多選擇，不過我同男朋友都想鋸扒，由於我哋都係食肉獸，於是就揀咗一人一個牛扒。 我叫嘅係西冷牛扒配香煎墨魚仔，而男朋友就想食熱辣辣咋咋聲嘅鐵板餐，叫咗個 黑椒汁肉眼扒配香炸墨魚餅。。侍應送上咗兩個嘅餐包， 同坊間有啲唔同，呢間馬德里採用嘅係牛角包，摸上手都熱辣辣，非常鬆軟。我哋分別買左一紅一白兩個餐湯， 白湯係粟米蘑菇忌廉湯飲落都算creamy， 同埋都幾足料，有唔少打碎咗嘅粟米同埋蘑菇，都幾香。而男朋友呢一碗紅湯就非常之多蔬菜， 而且啲菜都好甜，加埋蕃茄湯酸酸甜甜，非常醒胃暖身。牛角包一口落去就充滿牛油香味，鹹鹹香香，可以見到係非常鬆軟，入面好多bubbles，點埋落湯嗰度，就好似海綿咁吸曬啲湯，非常索湯，好好食唷。每次一食鐵板餐嘅時候，最期待就係侍應淋汁嘅畫面，不過總要拎張餐巾擋擋佢，如果唔係就成身都會充滿呢個鐵板嘅味道，又或者會畀啲汁彈到

今曰同媽咪去深水埗黃金商場睇電腦野，行完就順便係附近醫埋肚先再回家！！所以行完我地就過左去對面睇下有咩好食啦！途經馬德里見到出面個menu都幾吸引，見同媽咪咁耐冇据過扒，就同佢入左黎點個扒餐食下入到黎侍應安排左我地坐門口卡位，只係兩個人坐，十分寛倘舒適坐定左之後就開始點餐啦，我同媽咪每人點左1個鐡板餐，餐有跟餐湯、麵包及餐飲^_^再外+$28點多左個蜜椒雞中翼🙆‍♀️🙆‍♀️🙆‍♀️點完餐後，等左一陣間食物就陸續送到了，效率都頗高下地點係黃金商場附近 🔟分顯眼！🙊🙊場內已經佈置🉐️超有節日氣氛 佈滿醒獅 超🉐️意Menu有好多選擇 据扒、中西式粉麵飯......應有盡有餐湯：忌廉粟米湯 個湯十分香濃 餐包：牛角包 整得好鬆脆 唔怕淋曬1⃣️個係黑椒汁 另1⃣️個係蒜蓉汁 兩個汁都好惹味必點之選餐飲：熱鮮奶外加$5轉飲 好立克 沖得好滑 好好飲（值得推介）

今日去左深水埗行電腦商場，行到咁上下，去搵食，呢到太多選擇，最後都係揀左食呢間上次食過好抵食既西餐廳。入到去餐廳非常寬敞，位置亦舒適，亦以報置上新年既裝飾，非常有氣氛。望下餐牌，据扒價錢飯個餐100元左右，我點左個鐵板豬扒，仲可以拼一款小食，我就揀左香炸墨魚餅，而老婆就揀左香煎龍脷魚配黑椒汁。另點跟餐加28元就可以享用既蜜椒焗雞亦。好快就上左餐湯，分別有羅宋湯同甘荀忌廉湯，羅宋湯超好飲，酸味適中，配上牛角包。甘荀忌廉有一粒粒甘荀係到，但湯亦好滑。飲完無耐即上主菜，鐵板上既扒餐真係好正，熱辣辣上枱，豬扒有兩大塊，配有薯菜，豬扒肉好腍，腌得相當不錯，配以黑椒汁，惹味非常。另外就係薯個點黑椒汁真係好好食，不知有無同類人同我一樣呢，哈哈至於老婆個香煎龍脷魚係碟上既，配沙律菜。賣相靚仔，龍脷好一大塊，煎至金黃色外邊脆卜卜入邊軟嫩。非常可口最後加既28蚊蜜椒雞亦真係好好食，甜蜜蜜，炸到非常香口，灑上黑椒同炸祘。好欣賞整體來說，呢間平價餐廳食物幾有水準，最重要係平靚正！環境又舒服。不錯不錯

好抵食嘅大豬手呀！豬手餐有晒餐湯，餐包同野食！成個餐只係168！當然仲有其他套餐，最平88都有一份！餐湯有得揀紅同白湯，紅湯都幾酸下！餐包竟然係牛角包！都幾可愛幾鬆軟，又真係估佢唔到！食豬手前食個沙律先！煙三文魚都幾多片，仲有大蝦同麵包粒添！食豬手前食啲菜先就最啱！終於上豬手！一條骨原隻大大隻放上碟！仲配咗薯條同沙律！條骨好易起出黎！之後就可以成舊肉慢慢食！豬手唔算好肥，啲皮幾有咬口～近骨嘅肉會嫩啲！好滿足！飲品可以加錢轉紅豆冰！當做甜品啱啱好！

想吃個普普通通的午飯，想去嗰間好多人等，太肚餓就入左呢間，因為唔洗等位。好肚餓唔想等兩點半下午茶，所以大概兩點三點左一個午餐加一個湯通粉，即刻上左午餐個餐湯，飲完等到兩點四十五分後先有午餐焗飯同湯通粉。人地遲左我地坐底同落單，下午茶都上左我地都未有。我明焗飯係要多啲時間，但係羅宋湯通粉又要成廿五至三十鐘？明明午餐餐湯都係羅宋湯！又唔洗另外煲！發覺張單兩點三十幾分先落，問職員你過左兩點半先落單，又唔俾下午茶我揀！？點知個職員淨係問我地係咪飲左餐湯，因為下午茶無餐湯，改下午茶要加錢！！但係解釋唔到點解兩點三四寫完野，張單兩點七兩點八先落！！又解釋唔到搞到咁遲點解我地冇得揀下午茶！第一次食，早知係咁，我等自己原本想食嗰間算啦....

係深水埗買完電腦啲配件就搵野食啦高登附近都唔知有咩好食不過街街下見到呢間馬德里餐廳勁大個霓虹燈招牌就一於試下！係門口睇過下餐牌係食鐵板燒既～價錢適中 又有set dinner喎！由98-158不等～一推開門 侍應就好快問我幾位又比張靚枱我坐～睇緊餐牌個陣 送上2杯暖水濕下個口侍應講野好溫柔 我嚇左嚇哈哈哈Set dinner有好多款 意大利麵/飯 豬牛羊扒都有！咁我地揀左2set 一個係黑毛豬扒 一個係西冷Set dinner 包左餐場、牛角包、主菜同飲品首先黎既係湯同包啦～我飲羅宋湯講真有驚喜！因為佢材料十足 而且唔係狂落胡椒個場攻鼻辣味～係正常羅宋湯個種少少辣 愈飲愈想飲！拿 真係唔講得笑㗎 真材實料～男朋友揀左忌廉湯～入面都有唔少粟米粒不過如果有埋蘑菇片就好啦！味道係中規中矩 份量足夠～附有牛角包2個～佢唔係街邊賣個種好多層既牛角包～不過做餐前麵包黎講，我覺得咁樣仲好！如果唔係食到飽哂點享受主菜呀！我叫既係黑毛豬扒伴薯菜$118上菜時有放刀係扒下面 目的係比佢抖下氣 唔會overcook 又唔會焗林左啲薯條～食落好嫩口！完全唔肥膩！惟一有既肥膏都係係邊邊位～證明呢件豬好啱女仔食哈

今日要同男朋友去黃金商場睇電話，所以黎左深水埗。買完電話都成八點，於是乎喺附近搵間餐廳食晚飯~男朋友突然想食扒，經過見到呢間馬德里餐廳有得食，就拿拿聲入去食dinner XD我叫左Set Dinner C餐 加拿大黑毛豬柳配芥茉籽燒汁薯菜（$118）豬柳煎得夠香又唔會太膩 而我男朋友就叫左Set Dinner H餐 9安士西冷牛扒拚香煎墨魚仔薯菜配田螺汁（$158）夠晒厚身，食落啖啖肉汁！跟餐嘅餐包竟然係牛角包，而且仲要好香好鬆軟！餐湯我地要白湯，料都好足唔係交行貨。另外，跟餐有埋飲品我叫左凍柚子蜜;男朋友就飲凍檸檬茶~百幾蚊平平地食個扒餐都唔錯，除左扒餐仲有馬來咖喱、金邊粉、飯類、意粉，選擇夠多總有一款啱食！