馬德里餐廳

营业中

休息中

餐廳比較大間, 情調風格比較高, 坐得十分舒服, 因為空間感很大,基本上我入去多數都係點鐵版餐嫁啦, 因為佢D牛扒我食開都係軟得黎幾好味~佢一個套餐其實都係100$左右,首先會有牛角包, 我覺得牛角包係餐包之中我係最中意食既一款,因為主要係個口感好鬆脆,加小小牛油Perfect!白湯黎講有多左玉米, 玉米加左落去我覺得係好味左,但整體味道有小小咸, 唔知係咪加得多左小小鹽.牛扒黎講我試齊晒佢既西冷同肉眼嫁啦,基本上肉眼未試過唔好食, 口感比出面既牛扒軟, 落左咩/制作方法就唔知加唔會估.味道主要靠汁, 鐵版一般牌係加汁食嫁啦, 咁汁既份量都係夠, 唔會搞到唔夠汁倒.食過幾次, 只係得一次出事, 就係個西冷過硬, 硬到咬唔到, 可能個次煮得過左鍾, 但好少出現呢個事件,但餐廳最好都注意下~

非常足料既西餐廳～城市人既肉慾，大啖大啖食！朋友帶左我去左呢間西餐廳，係人都知深水埗多野食，既然一場黎到梗要食d野既～ 入到去，留意左下食客用緊既餐，份量好似幾足～～我點左個羊架套餐，朋友叫左個豬手餐、意粉同沙津，三個人食。套餐有餐包、湯同一杯飲品。 個餐包（牛角包）上到枱溫粒粒好香脆，吾錯～最鍾意食又熱又香脆既牛角包～由咁細微既前菜睇出餐廳對食物製作既用心😁😁 哈哈 當然佢既主菜整得好先會寫呢篇讚文啦！到主菜黎了，嘩！真係好大份！平時呢個價錢或者更貴都未必有佢呢個份量，深水埗真係讚！食個羊架，未食已經聞到香噴噴既羊香，食落熱辣辣，真係有入口即溶感覺😆戀愛的感覺來了😂😂😂好似好誇張～ 除左羊，配菜都用心製作～薯角新鮮炸，香脆美味，再食埋菜冇咁油～非常滿足！試左朋友既餐，都係非常美味呢！值得喜愛食肉既你黎一次，環境又舒服同朋友坐係到兩個人些牙都得，而且呢到有韓國綜藝睇（Running M*a）😂，吾怕悶

深水埗基本上係臥虎藏龍、民間高手雲集嘅地方，而呢間餐廳亦都響深水埗立足咗好多年， 開始嘅時候我都覺得ok ，但今次去到食，差唔多100蚊一個餐，但真心地覺得質素比以前差好多， 尤其係地方嘅衛生，真係需要改善 ，不過而家深水埗間間餐廳都大排長龍， 唯獨佢係有位，咁就。。。算吧啦。。。

週末陪男友在深水埗逛，晚餐也順利成章在這裡吃。深水埗食肆眾多讓我們選擇困難，最後選了在某知名車仔麵店附近一家好大的西餐廳，馬德里。這裡鋪位好大，座位寬闊，聖誕主題裝飾美美的~晚餐set都不用一百元。這裡主打鐵板扒類，但最近有點熱氣所以沒有點，就點了旁邊的廚房推介~餐湯羅宋湯質地是杰身的，味道偏酸帶甜又濃。餐包是酥脆的牛角包，中間有多層鬆軟的，牛油味重，正呀芝士西蘭花的芝士量好多，混有忌廉汁又香又滑，完全包裹著西蘭花，又好大球，超爽脆新鮮汁都直接吃了~香煎盲曹魚扒好大件，把全部意大利飯都覆蓋了，看起來又厚，好抵食啊！魚扒很容易切下去，雪白的肉入口滑溜，肉質鮮嫩，有點入口即溶的感覺。配鰻魚汁好fusion的感覺，甜甜的也不錯。意大利飯有黑松露，野菌，洋蔥等食材，跟飯和忌廉汁混合得宜，味道香濃又creamy，好吃羊架看起來已經好好吃的樣子，用了芝士和芥末醬焗，有濃郁的香氣，羊肉的肉質軟又滑，沒甚麼筋，咬下去既香又juicy，味道濃而不膻，坊間不多餐廳做到這種程度啊意粉爽口彈牙，煮得剛剛好，配莎莎醬內有黑椒蒜蓉蕃茄等，既酸又辣好惹味，跟意粉同食非常醒胃。珍寶辣肉腸用了好多香料，味道刺激，比想像

美食哥倫布今次去咗深水埗搵野食!有乜好野食？一齊睇下啦!去深水埗當然要去啲平靚正嘅餐廳食晚餐！去到啲舊舊地嘅地區，梗會諗起啲大大件嘅鐵板大牛排！近近地行完個電腦商場去附近舒舒服服鋸塊排！都幾多款式下，有set dinner餐牌，又有成大本嘅餐牌，鐵板可以任你配啲野！分成4個steps！餐湯我要咗白湯，最開心係餐包係牛角包！都真係幾估佢唔到！而個味道又ok wor！真係鬆身嘅酥皮，唔係得個樣！鐵板我揀咗肉眼配香炸墨魚餅再配薯菜！汁就揀咗燒汁！連野飲128，塊排大大份都幾抵食！唔洗等太耐個鐵板肉眼就送到！好夠熱！乍乍聲！之後就等佢淋汁！最中意就聽到衣啲餐！而且仲超香！肉眼夠大件，薯角又夠多，薯角放喺排底，件排唔會熱到過老！肉眼夠淋，好惹味！件炸墨魚餅都係即炸！好脆又夠熱，比預計中好！叫多咗份芝士西蘭花，一樣好大份！芝士都多！個汁好食！結論係超飽！！

經開深水埗見餐廳入面坐滿人係好奇心驅使下就走入去試下啦 估唔到又幾驚喜喎環境方面：臨近聖誕🎄 入面掛滿燈飾 好靚呀座位有卡位選擇 坐得好舒服😌食物方面：野食相當有驚喜！呢個豬手大碟到嚇親我同男朋友外脆內軟，表皮烘得剛好，唔會過燶係唔點醬既情況下，食得出有調味過，咸咸香香反而蜜糖芥末味唔太重個人認為已經好好食！係必食呀兩個人食有d多，比較岩3個人食！呢個都好好食！亦係私心推介！蕃茄醬食得出同一般既西餐廳唔同，呢度好足料，好多蕃茄蓉，而且味道唔會好人工真心好食！大大杯咸檸七，兩個人飲都得！牛角麵包🥐係剛烘起，好脆！個湯比較傑身，如果可以稀d會更好飲一句講哂：絕對對得住個價錢

以前曾在這裡食過,當時有半自助式沙律bar及湯形式的。係唔錯及抵食。今次又想食,及見食評講有龍蝦拼牛扒餐,好似好美味咁,龍蝦也是我至愛😋。便山長水又遠地從新界出去深水埗食,怎知去到才知,已沒有半自助沙律bar了。看完成個餐牌都無龍蝦餐,當時好失望!😞唯有叫其他餐啦。好在其他餐可佩飯,意粉,薯菜及我至愛😜沙律。另外+$28有個芝士焗西蘭花,這個唔錯,好味,好多芝士!西冷牛扒可佩,日式炸蝦,炸帶子....,這個炸物,要不要也吧了。我要黑椒汁,西冷牛扒也好味! 個沙律都唔錯,有蘋果,提子乾,煙肉碎,麪包粒...。這裡已無半自助沙律bar,再無龍蝦牛扒餐的話,同平常的西餐廳無分別,那便不用山長水又遠出來食了😣

今日同屋企人係附近行街，累累地，見門面吾錯，就入咗依間西餐廳見到牛扒又流口水啦，鐵板餐吾錯，凍凍地的天氣，暖暖的鐵板，佢有4個step,第2個step吾錯，選擇多，同埋好抵食，百零蚊，有4樣野。估吾到，有我鐘意的牛角包，仲要好大*隻*，同埋又可以懶D,牛油都吾洗搽。餐茶：檸檬茶，柚子茶都吾會太甜。肉眼扒餐真係好大份，幾乎同個鐵板一樣大，今日叫咗5成熟，同平時一樣廚師簡料幾好，吾會話有根，咬極都咬吾到，仲要百零蚊，再加多碟沙律俾你。香煎盲曹魚柳配黑松露意大利飯，魚柳肉身煎完好滑，口感滑得黎一野俾我好快吞咗入肚外皮又煎得好可口。平時係出邊都係普通煎魚柳，依間餐廳又帶俾我另一種新鮮感。羊架餐好好味，肉質幾稚嫩，重點係食落唔騷，另外發現佢係配埋芝士煎都吾錯，第一次係依種食法，搭埋薄荷醬，個番茄醬係用新鮮番茄整嫁，味道調配吾會太酸，又有番茄肉，甘樣食落就吾會太單調。餐廳仲整好哂裝飾迎接聖誕，感覺到個一刻就係過緊聖誕，食緊好抵的大餐

平時行深水步經過就多，一次都未試過，今次就入去試吓入到去個環境似舊式扒房，即刻另我有返以前細路仔同爸爸媽媽去鋸扒既感覺但今晚唔想食鐵板燒，所以選左食鹹豬手，小食和沙律。煙三文魚蘋果雜菜凱撒沙律，賣相同色彩好吸引，而且好大碟沙律菜好新鮮，蘋果好爽，煙三文魚鹹度適中唔肥膩，蕃茄仔好juicy，菠蘿好甜，加埋提子乾、炸麵包碎、炸煙肉粒增加囗感，mix埋沙律醬和醋一齊食個感覺好正蜜汁德國鹹豬手薯菜，有牛角包和粟米忌廉湯，豬手好大隻金黃色外皮，配埋一大份伴碟沙律，真係底食夾大件皮脆肉嫩，外皮食落有陣陣蜜糖和芥辣味啖啖肉既感覺好正，而沾埋個蕃茄混醬來食，又另一種味道跟餐加錢既小食，就算左蜜椒雞中翼，外脆肉嫩，而且好香蜜糖味和少少黑椒味今次真係冇入錯來尋食，環境又舒服，底食夾大件，待應服務好應該係一間價廉物美既餐廳，因為進食期間不停有食客進來，下次有時間可以來鋸扒

馬德里餐廳今日去深水埗買電腦用品，行到好攰，見到呢間餐廳個餐牌幾吸引，喺深水埗嚟講算係貴架，因為附近有太多平價嘅食物，不過又想坐得舒舒服服，所以都係入去試吓先。同埋餐牌嘅選擇都幾多，啱晒三心兩意嘅我。餐廳嘅裝修好別緻，完全唔似深水埗區，藍色燈主調令人覺得喺海洋之中，餐廳嘅入邊都幾大，一邊係皮製嘅卡位配木椅，坐得幾舒服。個餐湯就普普通通，冇太大驚喜，不過主菜就唔錯，同埋個沙律都幾新鮮。叫咗一個牛扒鐵板餐，先揀主菜，再配一個配菜，仲可以揀飯或者麵。最後再選埋個自選醬汁。件牛扒份量都唔少，唔韌夠鬆軟，配埋個蒜蓉汁真係好好味，尤其係呢個咁凍嘅天氣，食個鐵板，即刻感到好暖和。

<🍴超抵食既大件咸豬手🐷馬德里餐廳>#fafafoodblog深水埗喺深水埗既馬德里餐廳 好似花園餐廳既陳設甘 環境半餐記半西餐 , 有卡位有長台 加上聖誔就到掛住聖誔裝飾 感覺都幾舒服既 😀 食物menu有好多野揀 鐵板 扒 意粉 都有🔥🤣 而我點左我其中一樣摯愛 德國咸豬手🐷😍晚餐有餐湯同麵包 而且d野大大碟！ 🍴蜜燒德國咸豬手配薯菜 138 蚊🐷🥔超大隻系列😍 豬手係勁多 沙律又勁多 🥙薯角又勁多 🥔望到都好開心😍薯角厚身香脆熱辣辣 點茄汁最正 沙律既車厘茄同生菜好新鮮🍅🥗 再加埋菠蘿肉 好fresh酸甜開胃🍍 主角即咸豬手先邪惡😈 超大隻 外皮焗得夠哂香脆 帶點蜜糖汁調味🍯 入面充滿彈牙骨膠原同肥膏 點埋自製既蕃茄醬 d醬汁有d似西西厘汁 夠哂fresh同埋帶點蒜香 🍅 以138 蚊黎講真係勁抵食！🍴蜜椒雞中翼 🐤 28 蚊跟餐加28 蚊有4 隻雞中翼 有4 隻 都算大隻 外皮夠香脆😄 入面雞肉都算嫩滑 帶有蜜糖香 都唔錯😌🍯🍴芝士焗西蘭花 🌿 28 蚊🧀跟餐加28 蚊有大大碟既焗西蘭花 勁多舊西蘭花 甩超多芝士墊底 芝士半溶同西蘭花合埋一齊 芝士控好鍾意🧀😍

去開深水埗買野，聽朋友講有間抵食西餐，所以同男朋友黎試下。前菜，先黎個忌廉湯、羅宋湯～牛角包大讚一般餐廳嘅牛角包偏淋，好似漏氣咁。而呢間餐廳既牛角包🥐，有牛油香不再講，包身漲、微溫、脆口，絕對係一餐既好開始～豬手配薯菜份量大到男仔都食得哂～薯角香脆、食得出係即炸上碟。豬手好入味，脆卜卜！豬手配汁有驚喜呀～蕃茄洋蔥蒜頭混香草，點個薯角非常惹味！肉眼扒、墨魚餅併凱薩沙律🥗沙律菜十分新鮮！凱薩沙律要有既野一樣不缺，仲加埋蘋果沙律正呀！肉眼扒的熟度剛剛好，口感幾好最後，飲番杯野飲～🍋咸檸七原隻冰杯上一整罐七喜。絕對無欺

今天與媽媽逛罷玩具街，突然下雨，唯有近近地選了間看上去大而乾淨的茶餐廳dinner。未到聖誕，已掛滿燈飾及裝飾。下雨天關係，店內未爆滿，可揀卡位坐~ 最後揀了抵食的 Dinner Set + 推介小食~牛角包，微温，外酥脆，內軟綿，富微微牛油香，不太油膩，點上忌廉湯更可口~忌廉湯，質感幼滑，富濃香忌廉味，鹹中帶粟米的香甜，不錯的餐湯~ 吉列珍寶蝦 黑松露意大利飯，珍寶蝦果然份量十足，外層炸金黃酥脆，內層蝦肉彈牙鮮味，香口滋味! 意大飯粒軟硬適中，吸收牛油/忌廉/芝士混合的醬汁，滋味濃香，再加入黑松露/雜菌/洋蔥豐富口感，令飯粒更添黑松露菇菌香~ 其中切粒洋蔥爽口多汁，中和整體的油膩感。蜜椒雞中翼，雞皮薄而香脆，雞肉嫩滑多汁，甜香的蜜糖十分入味，鹹中帶香甜，香口惹味!凍好立克，無添加糖漿，微甜不膩，跟餐 +$3 可飲到原價$24的飲品，抵飲!整體份量十足，質素令人滿意，尤其吉列珍寶蝦黑松露意大利飯， 味道意外地拍得住中高檔西餐廳，又奉送餐包/餐湯，跟餐凍飲+$3，確是豐富抵食的味美晚餐!

返工之前食早餐對我來講好重要，所以一定要好食同埋抵食！所以今日如常就揸車到附近嘅馬德里餐食早餐，一來位置好好方便我泊車，出邊就有錶位！二來環境夠大舒適，坐得我好舒服relax！這個餐廳裝修時尚感重，是西式茶餐廳，港式價錢， 港式味道，西式環境，西式種類可能已經開咗好多年，部份餐椅已經破爛，如果修正返可能會更好早餐雖然只有一張紙，但係差唔多有成幾十個選擇，睇見其實樣樣都想食，今日就揀咗熱香餅大家睇吓我嘅熱香餅早餐幾咁豐富，兩塊熱香餅： 鬆軟蛋味香濃香草炒滑蛋： 真係夠滑，蛋味不錯沙律：沙律係極度推介，雖然只是普通沙律，但係只係多咗提子乾，口感豐富左，帶點甜又帶點鹹，增加左食沙律的層次，這個心思值得加分飽晒，＄30有交易！就知道我點解成日來啦！

上周日去深水埗買野, 想找一個比較寬敞的地方食午飯, 逛了一會, 發現四周的餐廳空間比較峽窄, 最後到了馬德里餐廳。記得這是我第二次光顧這間餐廳, 餐廳內裝潢不算豪華, 但地方較附近所有餐廳濶落, 而且亦比較寧靜, 所以適合想靜靜地坐低食個飯的朋友。餐牌上有很多選擇, 最後點了焗飯系列。芝士白汁焗龍利柳配蛋炒飯, 味道清淡, 不適合追求濃厚芝士味的朋友。龍利柳頗大, 飯有蛋香, 岩我口味。羅宋湯帶點辣味, 幾醒胃!凍鴛鴦, 普普通通, 沒有驚喜。