馥苑海鮮酒家

营业中

休息中

今天星期日同家人去這間馥苑飲茶，知客的態度惡劣、認真這位知客！只係問一句幾點有位：她回答二十句，剛坐満曬，同你講左啦有排等呀⋯⋯以後唔會再去～～各位食客想受氣就去光顧啦⋯⋯

二月六日下午ㄧ時,被安排坐在ㄧ張大風枱,吹到头暈,要求轉枱,有吉枱刚走在侧,我想轉即被阻止,然後有部長竟要我自行出去侯位區安排,我話我系客,乜要我自己搞??佢話系呀,尼度既规钷系咁。好,我見到又有人走.我个仔第ㄧ時間去同侍应生講,都系唔得,因为有熟客i入緊黎。我真系忍無可忍,点心未到我付足茶錢即走,佢地ㄧ句道歉都冇。尼d只招付熟客,當生客系去"乞食"既食店,应该唔会生存得幾耐。

我已經來了這一間海鮮酒家10多年飲茶持續來這麼多年自然有他的原因首先座位舒適 這裏的座位 不會排得太逼不會隔桌的對話都像在耳朵旁邊也不會手踭撞手踭那麼狹窄其次是食物質素 這裏的點心一直都保持高水準並且點心紙上不時會更換新點心令我每個月都至少來兩至三次首先向大家推介荔莆炸芋角他們的炸物都是即叫即炸 上桌時都是熱乎乎這個炸芋角更是他們代表作芋角炸得香口 濃郁芋頭味 內裏有豬肉和香菇內餡 並且豬肉沒有腥味 配合香菇粒的口感形成讓我持續吃了十多年的味道然後向大家推薦潮州蒸粉果這裏的粉果與外邊不同首先比外面一般粉果大至少一半但是他們的粉果皮薄 所以不會造成硬的口感粉果裏面有預先炒好的蘿蔔、蝦米、蔥和花生花生是原粒花生 造成更滿足的口感加上爽口的蘿蔔 和蝦米的香味組合成皮薄餡靚 又香口量足的粉果其實這裏味道好的點心還有很多但是篇幅所限 不能盡錄最後向大家介紹煎蔥花蝦米滑腸粉這個腸粉一定不得不提是 腸粉他們自家制因此比一般茶樓的腸粉更滑然後腸粉煎到外面香脆 內裏香滑加上腸粉內外都有蝦米和蔥唯一美中不足是稍為有點油膩但是都比一般煎腸粉 乾身少油一份兩個人分享較好說了這麼多優點 當然又要說一下缺點首先是

腳仔行到九龍城準備去乜乜娜飲茶豈料竟然消失了。唯有進對面那間馥苑，叫了幾個點心，盅飯加灌湯餃。真係從冇吃過咁嘅灌湯餃，單看圖示你都一定唔會叫。千奇咪同自己過吾去！盅飯係好食嘅。

今天住九龍城的朋友约到此飲早茶，素聞此店只招呼熟客兼有很多晚娘侍應，但地胆朋友既然约到，一於奉陪兼見識見識八時三十分到埗，等位约十分鐘，尚可接受，但坐下很久才有侍應招呼，又真是有点晚娘面口開茶後劃了7樣點心，很快便有熱騰騰的點心陸續上枱，從點心的熱度及質感可知都是剛製作的出品，並無翻熱的情況，厨房管理和效率很好粥品先來，粥底绵滑，粥料配搭頗佳蝦餃完全配得上「皮薄餡靚」四個字，蝦肉爽脆彈牙，味道鲜甜！燒賣賣相不俗，蝦肉同樣鲜甜爽脆鲜竹卷的餡料一般，但與腐皮混合上湯同吃卻很和味，如能減點油便更健康了。兩款普通點心，不過不失但又乏善足陳，吃過便算。素來不喜此点心，但這裏的牛百葉卻爽脆入味，墊底的枝竹更盡得精華，好味！用餐過程中竟然真的見到兩個「熟客」指鼻哥便坐下，並無出示門口提供的入座纸，那麽門口的「生客」被打尖了？罷了，此店出品雖佳，但今時今日如此服務，我等「生客」怎敢再來。

馥苑是我星期六和星期日飲早茶必選的食肆。這𥚃最適合早鳥，如果在8時前到的話，都容易有位，但遇著大節日，例如父親節、母親節和農歷新年就免了，早茶優惠取消，全日正價，還有睇見D熟客指下鼻哥就衝入去，真是火到來！通常我都會叫碗粥，有兩款選擇：夏天就冬瓜咸骨粥和瑤柱南瓜粟米粥，兩個粥都不錯，但咸骨粥好多時有碎骨，可能用新鮮排骨啩，真是要小心食。另外雞扎都是不錯的選擇，雞肉新鮮嫩滑，魚肚大大件，抵食蝦餃都另一個必食的點心，皮薄餡靚，鮮蝦鮮甜爽口，真是太好味了其他點心的質素都有中上水準！如果你能早起，又能接受這裡侍應的晚娘面孔，馥苑不失為一個飲早茶的選擇！

整個九龍城廣場有三間酒樓，因為耐無黎馥苑，於是星期六中午一家人去飲茶。呢間酒樓做熟客生意，熟客就好快有位直入酒樓，唔係嘅就要喺出面等。味道OK但太細碟味道一般冇乜特別賣相麻麻但味道OK個皮夠薄，晶瑩剔透用料新鮮點了一煱魚腐米線味道唔錯足夠五個人分(上圖只是分出的其中一碗)味道只是一般四個人食咗以上的點心$410平均每人$100，貴咗啲囉未必再黎喇!唯一好嘅地方系侍應生算多

家中長老生日，大家族難得聚首一堂, 今次去咗較近便又可以包廳嘅酒家慶祝.從未來過這間, 訂位時已知酒席價錢不是大眾化, 且看看質數是否跟價錢成正比?菜式跟一般12人的酒席內容差不多, 有乳豬, 有炸蝦球, 發財好事, 炸子雞, 鮑翅, 糯米飯, 蒸海斑.講真, 只有第一道嘅乳豬真係好脆, 唔多肥肉, 又好香好味係較出色外, 其他的味道都係一般.蝦球+蚌炒荷蘭豆, 炸蝦球, 炸子雞, 糯米飯, 炒伊麵都係好一般, 菜膽飽翅係比較多翅(當然酒席成7千蚊....), 但個碗嘢好似漿糊水咁, 完全唔得囉....蒸海斑有人話過咗火, 太"鞋", 但我食魚背就OK嘅.發財好事上面有舖花膠(不算太小的花膠, 還好), 呢味又係酒席中嘅重點, 味道還OK, 有生菜墊底, 但太多獻汁, 食完晒仲成碗汁...最後來個美點, 小煎堆, 紅豆沙配芝麻湯丸, 都係中規中矩......總體來講, 這個價錢真係太貴了, 質數未能跟價錢看齊, 這點真的酒家方面要改下喇.

九龍城廣場 食店多款式多酒樓有幾間 揀“馥苑“試吓環境唔算高級 枱與枱有空間侍應要做就做 冇特別關注早茶點心優惠紙 唔算太優惠鮮淮山滑雞粥 $20 味淡 細雞件多碎尖骨 小心迷李臘味糯米飯 $20細細碗 好香臘味 肥膩黑色 唔吸引小籠包~尚可 大大嚿肉唔太肉香 冇爆汁薑蔥牛柏葉~ 一般貨式 夠爽夠冧 駕車早上10點前入車 “冇“商場停車優惠

朝早九點幾就黎到飲茶，可能閒日黎唔洗排隊。不嬲都聽人講呢間酒樓野食唔錯，今日就同屋企人黎試下！我地四個人叫左8樣點心，首先我最想讚下既就係蝦餃皇、烤芋角同蒸粉果。首先講下個蝦餃皇，佢一粒蝦餃入面至少有兩粒蝦，蝦肉又彈，蒸皮又軟硬適中，整體黎講係足料又好味！平時蝦餃食黎食去都係咁，無乜大分別，但呢到既蝦餃真係又大又靚，唔會好似d度縮酒樓咁得一粒蝦仔🌚根住就輪到烤芋角，呢個芋角一牒雖然得三粒，但因為佢又烤又芋頭既關係，所以我諗住少少地過下口癮就夠。點知佢食落雖然滿口芋蓉，好足料，但因為佢又香又脆，加上佢芋頭唔係好大舊，所以食落無想像中咁膩，反而芋蓉同脆皮既對比就好突出，估唔到咁好食！蒸粉果亦都係好野之一，同蝦餃一樣，大大份又足料，我食到佢粉果有蔥、西芹粒、香蘿蔔、花生，個皮亦都蒸得岩岩好，軟林林但唔痴牙，夾埋一齊口感好豐富😋😋但係我覺得燒賣就普通，因為佢亦都係大大粒，可能其他人會鐘意，但我個陣已經食太飽，所以好膩😂總結黎講，呢間酒樓既點簡直大件足料又抵食！

以前我成日去呢間飲茶，呢間點心碟頭大，味道都OK價錢唔平, 但碟頭大, 計返唔貴仲有呢間野有個問題，熟客唔使攞籌等位，所以拿籌等枱會好耐。最憎就係你係出面攞籌排隊，D所謂熟客就自己入去企係到等人埋單坐落去，樓面話佢都無乎，因為係經理批准。

今晚家姐請食飯，揀咗親戚都就腳嘅九龍城。馥苑耐唔耐都會去飲茶食飯，水準好穩定，是晚亦唔例外。9個人叫咗9樣嘢。我最鍾意香口嘢，乳豬層肥膏好薄但又有啲肥唔會乾爭爭，夠熱又皮脆肉嫩🐽。玉樹麒麟蒸素豆腐，啲豆腐軟滑但豆味稍遜，除咗有彈嘅冬菇，原來仲有塊偏腍但仍爽嘅大頭菜，令到口感變化多端。沙薑雞點埋沙薑鹹香惹味，另一大愛💖！南乳炆粗齋有南乳味，啲豆腐索哂汁送飯最好。大海杉有兩食分別係炒同炆，魚肉幾滑唔錯。瑤柱蛋白炒飯粒粒分明，調味剛好唔會過鹹或冇味。其實已經飽飽地，但都加咗兩個餸：燒汁野菌炒豬頸肉，肉算爽、大良炒鮮奶冇燶味亦唔太油有水準。最後，送糖水居然有4款揀😱，我要咗好耐冇食過嘅麥米粥，唔太甜又有粒粒好好咬。成晚我哋都雞啄唔斷傾偈，好豐富同美滿嘅一個聚餐！😄

星期日下午一時半和家人到九龍城馥苑飲茶, 相熟識的支客力推銷吃這個中東鮑魚送魚翅, 在於為難推諉下要了兩客, 不需五分鐘鮑魚已送到枱面, 鮑魚比想像中小, 上面放滿似糊般的毫油及凍冰冰, 鮑魚無鮑魚味,似用急凍鮮鮑如造台式鐵蛋般煮成, 非常難吃, 所謂送的魚翅也似豆粉開水加入無翅的魚骹, 還要每份收$650.00  , 物非所值令人氣憤!

其實這裏是母親大人最愛飲茶的酒家適逄我放假日  母親大人必會拉我到此今天我倆吃了$163下午茶腸粉有點強差人意  一放涼了就變得〝實的的〞  丁點軟滑也沒有這盅頭飯是早茶後才供應  標為特點  份量可以分到2.5小碗看到了吧 排骨的份量很足  鳯爪有隻  再搭些菜  其實叫這點心很划算因為己集齊了很多料這傳統點心是母親大人的情義結  到每家酒家都必要試試這裏的做得不錯  只是我真的對它沒有好感....巨無霸的粉果  皮夠薄  看到餡料多足  味道很好就是了這是新出的點心    面頭還有些咸蛋黃釣味  想不到臘味和菠菜是如此地合拍  不能錯過再來這是下午茶才供應的西洋菜餃  配上蒜茸調味  很好吃吃過很多次  總括來說這裏的點心真是做得很出色相對地小菜方面較為遜色

由於今日係星期六, 爸爸尋晚已經千叮萬囑我地要早啲起身去攞位不過我地9點起左身, 都要到10點鬆啲先出門口, 揸車過去都要10點半先到最後排左半個鐘先有位, 不過以星期六尼講都算快了我地要左8樣點心: 芒果布甸 雞球大包乾蒸牛肉山竹牛肉球 煎蔥花蝦米腸鮮什菌腐皮卷潮州蒸粉果煎釀虎皮椒馥苑係我地一家人星期六飲早茶嘅首選, 一來離屋企只不過廿分鐘車程二來食品質素保持得相當好, 每樣點心都令我地再三回味最後不得不提嘅就係尼度嘅員工嘅服務質素, 大部份侍應都好爽手, 上菜收碟同樣有效率環境就不在話下, 裝修完冇幾耐, 夠哂光猛又夠冷氣, 衛生環境亦冇得彈