香港大學校友會

营业中

休息中

本來食寧波，寧波會冇位。走去香港大學校友會， 點咗個南乳齋煲 ，生菜鯪魚球豆腐煲 ，燒雞半隻 。 南乳齋煲，你用筷子一夾好似漿糊，南乳少，又唔夠味道 。 生菜鯪魚球豆腐煲，鯪魚球有腥味， 又唔爽， 雖然已經加咗陳皮粒在鯪魚球內 ，同陳皮絲薑喺個湯度，但係鯪魚球唔新鮮就好腥 ， 最奇怪呢個師傅竟然加酒 在生菜鯪魚球豆腐煲內， 我都係第一次飲有酒，加落去生菜鯪魚球豆腐煲嘅湯 。 等咗好耐嘅炸子雞， 一般貨色……。 三個人，平均每人180蚊。我覺得返屋企煮個公仔麵食好過。 可能我地點餸出咗問題， 應該order出名嘅杏汁白肺湯， 蝦多士，咕嚕肉， 廚師慣常煮嘅菜式， 功多藝熟， 偏差比較少。 不過 生菜鯪魚球豆腐煲加酒，我都…… 無話可說。

終於有機會約到朋友去試這間可以媲美陸羽嘅中菜，星期三才訂位，幸好有最後一張枱（佢話）真的！每一樣餸每個朋友都會說「好味喎！」第一味的蝦多士，真係冇油嘅感覺，非常脆口！係我食過蝦多士以來最好食的！跟住一個簡單嘅陳皮蒸肉餅，可選牛肉或豬肉，我們選了豬肉！上枱嘅時候好似咁細碟咁，但其實非常足料、彈牙、味道好有層次感，唔識形容雲腿鴿片及紫薑生炒骨更是出名紫薑脆、冇渣！可惜我只食到得兩粒！雲腿是功夫餸，真的甘香！炒飯也好有水準！全場爆滿，唔訂位一定冇得食！還有好多出名餸菜，一定會好快再去試！

平日嘅晚上, 一家人去食飯, 有老人家嘅關係, 所以都係食中菜。但係又唔想去普通酒樓, 咁岩有人係大學校友, 所以就 book 呢度啦！餐廳係正中環市中心所以好方便, 入到去可能平日, 而且 member only, 所以好少人而且夠靜岩晒傾計上菜速度好快, 不過員工嘅服務同同客講野嘅態度有待改善先上個杏汁豬肺湯, 好香杏汁味, 而且非常足料好多豬肺咕嚕肉都 ok, 不過不失蝦多士有驚喜好好食, 下面塊多士好鬆軟, 隻蝦又夠大隻仲有瑤柱肉碎蒸蛋蒸得好好食陳皮蒸肉餅都好好食啊最後每人叫左個甜品, 我叫左個合桃露, 味道甜左 D, 不過都有好香合桃味, 而且磨得好滑

Hong Kong University Alumni Association is one of my favourite dining areas in Central. The restaurant is located in an old commercial building. It is not easily found by outsiders and the decoration is a bit out-of-date, but the food there is highly recommended by friends and thus I booked this restaurant for a small gathering with my secondary schoolmates.  I arrived on time at 7:30pm and am readily served with a table near the aisle. The services of the staff were good, they gave us some reco

有一晚係某餐廳到食左一個咕嚕肉，唔脆又酸，大家即時諗起港大校又會既咕嚕肉，杏汁白肺湯，椒鹽鮮魷....我地坐係一間餐廳食緊飯，竟然諗起第二間餐廳既餸，好笑😂！ 於是一星期後，我地就黎左港大校友會食晚飯，訂枱既時候通常都會問你訂唔訂埋餸？例如:鹽焗雞，荷葉......呢d都要預訂，不過不得不提，有位男士係電話既態度真係極差，每次打去訂菜，佢都好趕住收線咁，要咩啊，點啊？點啊？點啊？仲有呢⋯⋯？唔止一次係咁，其他人都有講過話佢勁無禮貌，你講一句，佢就答你點啊，點啊........做服務性行業，係咪最少都應該要有基本既禮貌呢？今次叫左蝦多士，椒鹽鮮魷，桂花炒魚肚，子薑咕嚕肉，全部都好正😋

文公子係香港中文大學聯合書院畢業生，一向都好少有機會過對面海大學。是晚去完蘭桂坊酒會，同三個朋友走下場前，想在附近食埋飯先。剛巧其中有一位係對面海大學的校友，建議去試試港大校友會會所，大家見咁就脚，當然無異議。港大校友會聽就聽得多，終於第一次來，港大校友信用卡仲有折。四個人walk in，三菜一湯一炒飯…杏汁白肺湯味道幾濃，湯色好夠白。八珍扒鴨，料都算足，雲腿鴿脯味道還可，只係鹹咗些小。菜遠魚塊，無特別驚喜但穩陣。最後加的蔥花叉燒炒飯，水準唔錯。菜色其實有點似陸羽出品，原來大廚係陸羽出身，唔怪得有熟悉的味道。文公子好喜愛鹽焗雞，聽講亦係港大校友會招牌菜之一，不過要先預訂。下次一於約位港大校友，去試下隻預訂鹽焗雞先～

好耐無嚟，突然同事提起話成日聽到人講，都想試，就帶佢地嚟。裝修就唔好講，人地都唔係賣裝修，雖然簡陋D，成個格局亦好old school，侍應亦好比較「成熟穩重」，不過感覺都幾自豪話晒都HKU畢業，而且中午可以以呢個價錢舒舒服服食到小菜又可以靜靜傾計都幾難得嘢食其實都幾好食，好有傳統味道，好老牌港式酒樓feel，我最鍾意食個陳皮肉餅，我阿媽話佢地細個好興，而家無架喇，另外個椒鹽魷魚都好好食，油好乾淨，無炸到黑色，咕嚕肉亦係招牌菜，無好似出面嘅酒樓咁，個皮超厚，入面嘅肉得少少，全部餸大家都有讚無彈

中環作為香港的金融重地，固然有很多靠近維多利亞港岸邊的超高層甲級商廈，但位於皇后大道中一帶的非填海地帶，亦有不少建於三十多、四十年前的舊式商廈。雖然這些舊式商廈沒有超級豪華的裝修，也沒有玻璃幕牆，而且樓面面積細細；但不要睇少這些大廈，當中隱藏了很多商會或同鄉會。早年這些商會成立時，很多已發跡、做生意的大老闆，都很喜歡去這些商會飯局，而且很多的餐飲質素絕不差於坊間的酒樓；這些商會還有一個特色，就是主力提供中國某省份的特色菜餚。因為，這些商會的其中一個重要作用，就是為那些大老闆與其他同鄉聚會交流的地方。時而勢易，除了某些名氣特別大的商會依然保持極私人的會員性質之外，有不少商會的會員制度已經明存實亡，隨便一個街外人士可能只要俾一千幾百元入會費，就可以就可以訂枱食飯。就好似【香港大學校友會】，不要以為一定要有一定社會地位的香港大學畢業生才能成為會員；原來，即使你只是一個普通的港大畢業生，只要申請一張香港大學Alumni會員證，就可憑證訂枱食飯。說起來有點慚愧，作為畢業生，卻從來未申請 Alumni會員證。這一次也是託朋友的關係（她也是一個畢業生），才第一次到這裏食飯。【校友會】位於中環德忌笠街

     凤尾虾多士（HKD$68）：虾肉挺弹牙的，整个吃起来不会很油，只是下面的多士炸得不是很脆。哦，还有，别忘了最上面蜻蜓点水的香菜，润色不少哦~      菜胆杏汁白肺汤（一小窝HKD$120):杏汁白肺汤对我来说并不陌生，之前在陆羽茶室吃过一次，甚是怀念。一端上来看到那奶白色的汤汁，我就知道，喜欢的从不曾远离。跟陆羽的不同是陆羽有陈皮而校友会没有，取而代之的是份量蛮多的菜胆。喝起来还是思念中浓浓的杏汁味，很舒服，有一种不言而喻的滋润感。     椒盐豆腐（HKD$70）：金黄色的小豆腐看上去很cute,吃起来有椒盐的咸香味，还不错的小吃。     蚝皇鲍菇时蔬（HKD$80）：很喜欢这个鲍菇，味道一点都不寡淡，很有“肉感”，挺适合下饭的一道菜。   古法盐焗鸡（HKD$310）：盐焗鸡要提前一天预订，想吃请早。    外表和口感都很像烤鸡，皮脆肉些嫩，当然咸味会重，但也不会太过。     生磨核桃露（HKD$110）：清甜细滑，带着很香的核桃味.

回想自己最快樂的moment：我想到的是大學入學的那一天。莘莘學子，好不容易考入港大，是夢寐以求的光榮，是自豪得來又帶點驕傲。在港大「開心公園」轉一圈，那時覺得世界是那麼大，未來是那麼光明。畢業幾年，在中環上班，感染大都市的塵土和辦公室的晦氣久聞中環港大校友會餐廳之名，卻總是怯怯的未嘗前往一試這一天，我拿著港大校友會會員卡(過膠白紙卡一張)，打去訂檯。與同事一行5人去試了一回，沒想到居然有點失望。會員制的餐廳，就是讓人有一種優越感。先是差別待遇不說，又讓你多個機會抬頭挺胸說：我就是港大畢業的！由我公司出發到餐廳不過5分鐘步程，我沿途就連跑帶跳的，帶著這份優越感前去了，特別高興雀躍。餐廳就在1樓，升降機門甫打開就見到大大隻「香港大學校友會」的字推開磨砂玻璃門，裡面環境並不大，只有一般酒樓半個廳的感覺遠遠算不上金壁輝煌，略帶懷舊氣息。看到港大「明德格物」校徽，一剎那多少滋味湧上心頭。我們坐在離門口不遠的圓檯，上面已擺放好印有港大標誌的餐具我環顧四周，食客個個西裝筆挺，醫生律師成功人士的模樣，幽雅中產知識分子的感覺提著紅酒瓶，摸著酒杯底，高談闊論，笑意盈盈。那一刻，我覺得有點慚愧，又或是自慚

Heheee!!特別鐘意去呢類的餐廳食,好似特別好食因為要特定ge人先食得咁,今日老細帶我地去食!!!我地食左個6人套餐~呢個餐就冇跟飯同甜品ge要另外叫~已付上餐牌同食物相~^^個湯好好飲~~~~好飲~我飲左3碗飲埋人地個份~^^真係又唔像有味精但係又唔明點解咁正~呢度ge招牌茶黎架!!!梅子鳳尾蝦炸多士我覺得冇特別丫同普通齋鋪ge唔差得好遠~~^^!!呢個肉ge質地好食丫, 半肥瘦又唔會柴~~炸雞雞好食丫,好脆的皮皮!↓甜品~紅豆沙杏仁露綠豆沙

久違了校友會餐廳，特別约同多年好友去聚會，並留了房間以便“高談濶論”。叫了幾個以前一直有好口碑的菜式: 冬瓜盅一上枱已經聞到香味，用料足，惟是略咸。著名的豉油鷄則太咸。保持水準的是荷葉飯，香噴噴，好好味。此外，較佳的是生菜鵝掌，炆得剛剛好，有口感又大隻。豉汁涼瓜龍𧄌球也可以，豉汁涼瓜好入味，將主要的魚球比下去，有點可惜。甜品方面，我叫了绿豆沙，保持一貫水準，有人硬頸，叫了一向做得不好的合桃糊，結果還是食剩半碗，無驚喜。自用紅酒開瓶费100元一瓶，第三瓶以後唔收費，與訂房間最低消費2500元這两種收费也極之合理，所以校友會仍然是好友聚餐的好地方。

是日姨媽生日，表姐們話今晚食呢間，話呢度只招待hku學生會會員，我地都係痴住表姐係hku舊生先可以入去食咋，對於幾個字，唔多唔少都會有少少期望。由於包左兩張枱的關係，我地可以有間房，靜靜地食飯。推介以下幾道:菜膽杏汁豬肺湯，湯較清，飲唔到杏汁味，我以為係普通豬肺菜乾湯，而且豬肺切到一粒粒，唔食都唔知係豬肺，不過個湯都幾好飲，感覺會好潤，所以我都飲左兩碗。蝦多士，都幾好食不會太油，蝦原隻上，彈牙，好味。有一道成碟係蛋白，下面有好多脆脆炸粉絲，蛋白好滑，連脆脆食好正。整體上食物無乜驚喜，順帶一提係服務都麻麻，所以應該係無下次㗎喇。

這個晚上，原本是不能前來跟大家一起開飯的，慶幸會議臨時取消，幾乎滾動流涕，立即Whatsapp各位，希望可以加雙筷。得主持人開綠燈，可以跟大家相聚了，Yo~~~齊人，先飲碗湯。這裡最出色的，毫無疑問就是杏汁白肺湯，奶白色的湯底，喝下去清潤，不失杏香，豬肺清理得好，沒半點異味，確是高水準。開好左個頭，對往後的食物，更有期望。蝦多士也是這兒的名物之一，件件擺出蝦尾的多士，色澤金黃，賣相吸引。大口咬下，夠熱夠鬆脆，沒很油膩，蝦膠彈牙，更有咸香的火腿推高層次，討好。監焗雞是需要預訂的一項，用上的是新鮮雞，旁邊放有雞什，發達了！雞肉相信是經煙燻過，再去鹽焗，吃起來除了咸香味之餘，亦滲出陣陣燻香，加上雞肉本身不嚡口，大家都讚好。至於雞什，唔使問，兩秒被大家清掉。有人說想吃蘿蔔牛腩煲，我是舉起雙手贊成。牛腩尚且鬆化，驚喜位是發現不少骨膠原豐富的牛筋，蘿蔔亦夠腍身，大家都後悔沒有叫煲大的。主角之一的八寶鴨終於登場，這味當然也是要預訂，各位影一大輪相之後，便可將之破開。鴨子的肚皮內藏有大半以上是蓮子，還有少許香菇，其實層次不算豐富，靠一隻咸蛋黃，將其分數拉高。坦白說，個人對此評價只是一般。好友Oli在陣

We have booked for the tables for this restuarant, so we don't have to wait for getting a seat. Out of expected, when we arrive, the restuarant is extraordinary quiet, as it seems it is not opened. Instead closing, the restuarant is privatized, thus a quiet atmosphere is guaranteed. There are also separated rooms, so it would be quiet even all the tables are full of people. For the service, it is generally satisfied. Tea service is fast and waiting time for serving food is about 10 - 15 minutes,