香港大學校友會

营业中

休息中

新生命的來臨，又是男丁當然加倍喜慶，彌月之喜的晚宴就選位於中環旺地 ( OR當日亦於蘭桂坊舉辦一年一度之啤酒嘉年華，人鬼雲集，人山人海呀！) 之香港大學校友會，取其菜式老幼皆宜，由於多位長輩共十五人撥冗蒞臨，故此早於一星期前已請校友會餐館代寫菜單，當然多款人所共知的菜餚均在我訂菜之列，部長女仕在電話中特意透露百花饟蟹钳之每隻價格，最新為二百八十多元，十五隻總數就已經四千二百多元了，差不多是整個菜單總額的半數。美食也受通脹影響，要食好嘢就要快手喇! 不其然三百元一隻饟蟹钳就真是指日可待了。好了，話說回來要開始評論一下各款菜式的賣相和味道喇! 鳳尾蝦多士 -- 首先上桌的是它，鮮蝦配合小麵包以油炸成鳳尾蝦多士，一碟十五件整齊排列，細看每件都乾身不油膩，金黃色的多士饟著蝦膠配以鮮蝦，上軟下脆的口感，認真令人欲再三回味，可惜只限每人一件，多吃會熱氣呢！百花饟蟹钳 -- 港大校友會的名物出場了，貴重兼考手功的饟蟹钳排滿一碟，大大隻所向無敵，確實滿足一眾大啖咬的食欲，外層爽口彈牙非常，廚師打膠手藝應記一功，因為佢應該好用力至有咁嘅效果。至於內裹就藏了一隻鮮蟹钳，認真有心思，口感和味道到最後都得以提

周五我與友人到香港大學校友會晚飯，，此湯水很花功夫，洗豬肺工夫多。此湯有潤肺功效，在秋天飲最合適。此湯果然足料，有火喉，一窩有四碗。春夏時間最合宜吃子𦍑，所以此餐廳推出子𦍑菠蘿系列，我們點了子蘿咕嚕肉，肉排多肉多汁，外脆肉嫩。但如果他們如果用新鮮菠蘿更佳，而子𦍑味道不足。還有一道懷舊菜蝦子柚皮，柚皮清香，蝦子惹味。最後是南乳齋煲，味道適宜。

终於來到呢度食返餐，入正題。一行十二人點左出哂名嘅白肺湯，鹽焗雞，咕鲁肉，蝦多士，仲有炒生魚卷，梅菜扣肉，陳皮肉餅等好期待個白肺湯沒令人失望，杏味幾濃有D唔似傳統中湯，不過無所謂好味就得，感覺此行冇“白費”到。鹽焗雞不愧係要預訂招牌菜，香滑有雞味，有咸香有色水。但有D奇怪好似食到有煙薰味，有少少得龍太爺雞的影子。問題來啦，事關要讚嘅已经食完。蝦多士是味度是ok的但塊面包稍油，冇特別，(雖然好似用了海中蝦)個陳皮牛肉餅好差，係好差。好似將幾粒嗰D水皮茶樓D山竹牛肉壓扁佢就咁上碟，淋patpat又無果皮味，咁樣點敢收人成舊水呢？！咕鲁肉甜酸比例幾啱，個人認為整体味度內外都啖口左，個汁厚D仲好。.......突然懷念北角嗰間士多啤梨骨......生魚卷唔得，魚唔鮮亦太乾太老，唔駛食！比起太子鳳城差兩皮。東施效顰梅菜扣肉不過不失，切得太薄咬口唔夠，可能要就住D怕肥人仕，小弟对此碟扣肉要求特別苛刻，因為係…....150蚊碟。讚吓個荷葉飯，足料，料亦鮮.生炒糯米飯好味足料，但又係有D怪，放左好多炒蛋碎有如楊州炒飯，D糯米冇哂黏性顯然係過水太多，令到成件事失去糯米飯的神髓，何必要搞成咁呢？仲叫左齋

一行15人來食晚飯(好期待)....預先已寫9道菜, 因我地超大食所以加3個抄齋菜和咸魚雞粒抄飯!!但同行3位朋友已話很久前食過覺得普普通通(已經有心理準備),,, (o_0;)第一道菜, "鳳尾蝦多士"ok!!第二道菜, "杏汁豬肺湯"...... 心想都幾好呀, 但原來個湯係全晚"唯一"最好味既其他菜都係好普通好普通..而家只講最差既3道菜:-1) 雲腿生魚卷~ 嘩..D"生魚"腥到不得之了, 個個咬左一口就吐左出來!! 後同個女部長反映(都仲未去到投訴mode).. 但佢覆番我地 "呀師父話可能因為火腿令到D魚腥" 真係O晒嘴.... 個女部長講完就想轉身走, 我地立即叫住佢話我地全碟地都冇食過, 佢先老不願意話您轉過令外一個菜啦~~ 但因其他菜都嘛嘛地所以取消算了!2) 子薑咕嚕肉~ D汁唔子薑, 唔酸甜, 唔脆皮, 仲有D肉係"梅"既!! 深水步街邊大排檔都抄得好過佢 3) 咸魚雞粒抄飯~ 上檯幾香, 但食落去好淡好淡... 你要食到剛剛有咸魚果啖先有味真係非常失望, 再比多次機會佢地既興趣都冇 ><我地從來都好少會有野食剩, 但今次剩下一檯食物.... 走

It was my uncle's birthday hence 9 of us including my relatives all went to celebrate at their fav restaurant. I've been here quite a few times already and I have always loved their food. First off, we ordered more dishes than this but I decided to just post the best out of the lot. Even though many are afraid fo the chicken flu now, but we still really wanted to order the smoked egg. The yolk was perfect, but they just weren't as good as before because the smokey flavour was a bit blend. It ju

有些餐廳我一直想去，但不是想去就可以去，亦不是有錢就可以食到，要入場，就一定要擁有一張卡，那不是信用卡，而是會員卡，說的是香港大學校友會餐廳。我不是港大學生，自然沒資格當校友，如果想去港大校友會餐廳，就得靠朋友。記得上年食友千里兄曾在此攪過一局，但當時我因事未能出席，自此就再無機會。直至最近，女友發現同事 C 個家姐是港大校友，原來機會遠在天邊，近在眼前 (註：其實都要搭上搭)，我立刻勞煩她代我借卡一用，終於有機會吃到美味的咕嚕肉喇！半即興的四人小局，先來一客四件的鳳尾蝦多士 ($68) 打頭陣，校友會的蝦多士跟坊間吃的做法略有分別，這裡不用蝦膠，直接把蝦開邊黏在多士上炸，再放上一小片雲腿和芫茜，造型相當精緻，蝦肉入口爽彈，配上香口多士，竟然沒有半點油膩感，水準的確很高。需預訂的古法鹽焗雞 ($310) 緊接出場，所謂一分貨一分貨，這裡用上新鮮雞，是質素保證，皮薄薄的，沒帶半點肥脂，配合富彈性的雞肉，鹹度來得恰到好處，醬料完全沒有用武之地。這裡的菠蘿咕嚕肉 ($100) 不需預訂，但卻是每檯必點的名物，女友吃過後更大讚，結果亦沒讓我失望，肉質鬆化，配上開胃的醬汁，瞬即傳來半分鐘的感動，

作為舊生,今次是第三次在此進餐一如以住 餸菜簡簡單單 都是些常吃的 但水準依舊, 且沒吃到味精所以毎次也很安心的來吃要留意好一些菜式需要預定 例如杏汁白肺湯, 炸子雞, ,蝦多士,古法鹽焗雞,,荷葉飯, 鴛鴦飯, 八寶鴨等本來前一天預定了杏汁白肺湯,蝦多士,八寶鴨 但煮八寶鴨的師傅剛好不在所以沒口緣了鴛鴦飯餐牌上沒有了所以也要預定最好提早多兩三天預定會比較穩妥相片其他食家也放上了所以我就不轉了杏汁白肺湯~ 8/10熱乎乎很漂亮的奶白色, 杏味重, 內有豬肺白菜乾等非常足料, 略嫌陳皮絲太多蝦多士 8.5/10香脆不油膩~ 必試!炸子雞 8.5/10皮脆而且雞皮下的脂肪層消失了, 雞肉如果可以再滑一點更好油膩感低瑤柱肉鬆蒸水蛋 8/10內有豐富的瑤柱肉鬆,水蛋滑流流再加上上好豉,好味!很快清盤的一碟 ,可想言之生菜豆腐鯪魚球煲 7.0/10鯪魚球彈牙, 豆腐也嫰滑但這個菜很清啖沒啥米特別, 跟在家弄的沒兩樣, 為了有菜吃就是了紫薑菠蘿咕嚕肉 8.5/10做得真的很出色,用的不是肥肉炸漿厚度適中,香脆可口紫薑菠蘿和咕嚕肉全都平均包褢著薄薄的甜酸汁甜酸汁甜酸度也頜到好處不會太搶喜歡吃紫薑的

遊完赤柱和淺水灣，已接近晚飯時間。由於《為食團》成員一早已預訂了「香港大學校友會」作為這天的晚膳地點，好友義不容辭，提出為我們當柴可夫，真是感激萬分。原來「香港大學校友會」是位於一幢商業大廈的樓上，而且入口不太顯眼，若非食友帶路，還真的會過門而不入呢！其實一直都有留意「香港大學校友會」的食評，知道餐廳以供應傳統及地道廣東菜為主，而且行會員制，訂座必須提供校友會會員號碼，所以餐廳門口掛著 HKUAA Members Only 的牌子。至於餐廳名物，據悉除了杏汁豬肺湯外，還有鹽焗雞、蝦多士和咕嚕肉等，所以對這晚的菜式都十分期待。由於食友一早已替我們預留咗房間，更替我們挑選了一席 $3180 的菜式，並帶來了兩瓶美酒，好，這晚就一於不醉無歸。又到開飯時間，先來餐廳招牌作，一客 12 件的鳳尾蝦多士。多士入口香脆鬆化，中間的蝦肉爽口彈牙，再配上一小片雲腿及芫茜作點綴，不單賣相精緻，論口感和味道都極富層次，而更難得的是件多士雖是油炸之物，但毫不油膩，可見廚子炸功了得。另一名物杏仁白肺湯，湯身呈奶白色，入口杏香四溢，燉得火候十足，味道醇厚清甜；而白菜亦煲得軟腍入味，切成小塊的豬肺，更滿是嚼

約了一段時間的新年飯局，終於定好日子，朋友生完不久，決定在中環吃中菜，剛好有人有港大校友會咭，所以選擇香港大學校友會！我是第一次光顧，之前做定功課，看看別人的食評，知道這裏出名杏汁白肺湯，訂位時預留了！喝後感覺果然名不虛傳，我是不吃內臟的，此湯雖然用了豬肺，但我喝時一點也感覺不到，湯是奶白色，味道很濃！除了靚湯，我們一行三人還點了陳皮蒸牛肉餅、叉燒蔥花炒飯及薑汁芥蘭。牛肉餅質感很滑，陪白飯食一流！芥蘭味道也不錯，但份量略嫌太少！炒飯很有驚喜，上枱已聞到很香，夠乾身，配料的叉燒及蛋塊好夾，正！大廳面積不大，估計還有房間的，若是要來看顧，最好先訂位同埋預留白肺湯！

身為港大準畢業生，拜訪過嶺南和潮州會所，但卻未曾有機會來母校港大校友會一試其菜式，總覺得有點不太對的樣子．上星期終能與家人商議好時間，齊齊到訪港大校友會試菜，一圓我的試菜夢．步入港大校友會，它給我的第一印象是強烈的親切感與歸屬感．沒錯，新裝修的校友會將其格局改成啡色為主，餐桌上有印有港大校徽的菜牌，餐巾及食具，連侍應身上的sleeveless jacket也是港大代表色kelly green；說真的，我在港大快三年了，也未曾試過被這鼓誇張的港大氣氛包圍，令我這位準畢業生暗地裡有點不知如何是好．來這裡前已備好課，想說：一行三人，來得校友會，當然貴精不貴多！首先必試大家讚不絕口的杏汁白肺湯．說真的，這個湯水喝下去就像是在喝鹹的杏仁茶般．可能是我習慣了喝甜的杏仁茶或杏仁胡吧，這個杏汁白肺湯剛喝下去有點難適應，加上它有大量的陳皮在內，我不太喜歡．話雖然是這樣說，它可是落足料，喝過它後喉嚨會更滋潤呢．古法鹽焗雞是這裡的另一名菜；為了確保走地雞的品質，古法鹽焗雞是要事先reserve的．比起如鳳城酒家的馳名鹽焗雞，這裡的古法鹽焗雞味道較淡，但肉質更嫩滑，容易入口．可惜的是，整整一隻鹽焗雞的份量竟然

五年前仍然就讀港大的時候來過吃一次senior arrange的晚飯，記得當時個白肺湯、叉燒炒蛋同埋蛋白杏仁茶都令我有驚豔的感覺。五年後要同同事食一餐中午團年飯，就book咗呢度，預訂白肺湯、蝦多士同咕嚕肉。作為前菜的蝦多士是香口小食，我隔離個人話好食到想encore。[因為我地十個人，所以菜膽杏汁白肺湯order咗雙份，每人分得大半碗到。相比起上次我去大榮華試的潤肺湯，港大同學會的白肺湯質素高幾班，個湯加咗紅棗，甜甜地質地又滑口，我想講好似咸版嘅蛋白杏仁茶呀。 豬肺一如既往咁好食。我最怕食到啲咕嚕肉舊肉帶有肥膏，因為咕嚕肉系炸物，其實都已經幾油膩，裏面再有肥膏就肥上加肥。呢度的咕嚕肉有水準，層粉漿夠薄，又啖啖肉，酸甜度適中，非常討喜。個薑汁芥蘭好失敗，完全無姜味，又淋，我expect會炒得好有獲氣。（雖然我唔清楚薑汁芥蘭系炒定系灼熟的，我原先叫清炒時蔬，個侍應suggest薑汁芥蘭。）另外仲叫咗個上湯雜菜煲，哇勁大分量，十個人都食唔完。粉絲居多，我情願佢俾多啲菜我，同埋啲菜太淋又太多湯啦。瑤柱肉鬆蒸水蛋啲蛋好滑，水準之作。雖然我完全吃唔出有任何瑤柱因為咕嚕肉是豬肉，避免重複所以捨蒸肉

廣東人喜歡湯水, 加上天氣轉涼,真的非常需要湯水的滋潤．每次想喝杏汁白肺一定會想起這裡．火喉夠，杏仁不會太多亦不少，平衡得很好，湯渣豐富，可以用來伴飯吃．還有美味的蝦多士，香脆可口．

幾個舊同事午飯聚舊, 相約在港大校友會, 這裡冷氣強勁, 點了一個三餸的$288套餐, 很快便上菜, 先來一窩青紅蘿蔔豬骨湯, 奶白色的湯底, 一看就知夠火喉, 清甜夠味, 無味精, 套餐不包飯, 要另叫, 主菜有翡翠生魚片, 即是西芹炒魚片, 味道一般, 未夠鑊氣, 魚片都算炒得好, 完完整整, 都新鮮沒有霉口, 下一道菜是南乳炆齋, 南乳香炆得入味, 冬菇有咬口, 枝竹和豆卜都沾滿醬汁, 送飯最好, 最後, 蒸三色蛋, 有蔥花在上面, 很滑的蒸蛋沒有半點老, 豉油熟油配起來, 香夾滑, 當然貪吃的我, 少不了甜品, 我們選了杏仁糊, 有一絲絲的蛋白, 杏仁都香, 但本人覺得皇仁的好吃一點, 整體尚算合格, 中環不用等位的好去處, 服務又好, 但稍貴一點啦!

超過一年冇黎過嚕餐廳裝修冇變碗碗碟碟都冇變但換上左HKU100周年既掛畫 人未齊就叫左兩個小食食住先椒鹽脆豆腐 椒鹽味好重 有點過鹹但即叫即炸既 好香口 好脆 但有點太油膩仲有個皮蛋酸薑 皮蛋好新鮮 酸薑 我就唔食既 人齊就叫餸嚕好快就先黎個蝦多士好酥脆 一D都唔油 蝦又鮮甜好過阿蘇介紹喺坪洲嗰檔蝦多士! 一隻真係唔夠喉之後飲湯菜膽杏汁白肺湯 十一人侍應話要叫3份先夠湯係奶白色既 所以有人唔飲既 但都係3份都好似只係啱啱夠分咁呢個湯喺呢度好出名架 其他人從未飲過今晚第一次飲個個都話好飲唔覺有味精 清清地 但一年前飲既濃味D 今次淡左少少 但都好飲既湯渣都好爽好稔之後到訂左既古法鹽焗雞$300一隻好似有d貴但其實佢係用新鮮雞整既 所以都ok抵隻雞調味得好好 好入味 廚師用左牛油紙包住隻雞d雞汁都冇流走 好正!連雞胸都好滑!菠蘿咕嚕肉因為人多之後d餸都加大半份 都夠食顏色好靚炸粉有點太厚 可能食慣屋企整嗰隻擔擔肉但都比其他酒樓炸得出色 好鬆化 個汁既甜酸度恰到好處 但有點特別 懷疑佢加入左話梅 南乳炆粗齋同竹笙扒紅燒豆腐冇乜特別只係為食菜而叫既都好味既 但兩碟都有d油膩荷葉飯訂左 但都等左

大約在十多年前，當年的港姐好像是蕉面向海嵐，梁詠琪的「短髮」大 hit，那年剛進大一。喜初聽到大學校訓「Sapientia Et Virtus 明德格物」，不明所義言；後來才知道意思是解「有了智慧和真誠，才可分辨是非」。多年後的今天，梁詠琪已嫁老外，選美肉酸程度每況愈下；唯獨那句大學校訓依舊永恆不變，到今時今日依然受用。是日踏足「香港大學校友會」吃午飯，再次一嚐一系列的校友撚手小菜。「菜膽杏汁白肺湯」$220先來的是呈奶白色的湯，一開蓋，杏汁香氣撲鼻，是每枱必點之物。湯頭非常足料，除了豬肺、南北杏外，還有白菜膽、陳皮、紅棗等。湯頭濃稠，杏仁香超濃，幼滑鮮味，菜膽煲得軟腍，豬肺亦處理得非常乾淨，絕無怪味，燉得軟綿綿，光是喝那道心機就已很值回票價。「鳳尾蝦多士」$120一道經典廣東小菜。原隻蝦肉黏上蝦膠，貼在麵飽上炸至脆口鬆化。靚的蝦多士，天字第一規條就是要炸得夠乾身，蝦膠夠彈牙爽口，這兩方面它都有做到了。多士上面用了金華火腿及芫茜作點綴，精緻可人，伴點椒鹽同吃，更添惹味，水準可說與「陸羽」的招牌蝦多士不相伯仲。「古法鹽焗雞」$300需要預訂的菜式，用牛油紙把雞隻包住再用鹽生焗而成。$30