香港大學校友會

营业中

休息中

我地今晚9個人book左間廂房, 相對出面會有多d私人空間, 講野都會自在d, 不過呢度廂房應該唔太多, 所以要廂房就要預先book, 同埋都唔易book。對於呢1餐我都抱有好大期待, 可能因為咁就期望越大失望越大。蝦多士 - 呢個係全晚我覺得最出色gei菜, 好鬆脆好夠味, 第1碟菜食呢個會更加加大期望杏汁豬肺湯 - 我認真覺得普通, 以某附近餐廳最出名gei 1個菜比較之下就比唔上, 不過佢好足料gei~翡翠生魚卷 - 純粹口感特別, 魚都唔腥但味道1般江南百花雞 - 第1次食, 我都係鍾意食真gei雞, 所以純粹個人感覺, 唔太喜歡紅燒元蹄 - 出到黎d肉好碎濕濕, 同埋d肉有d嚡八寶鴨 - 相對元蹄好, 但都只屬一般貨式杞子桂花桃膠羹 - 味道適中, 唔太甜, 呢個都算幾好總括以言, 以呢個價真心覺得唔抵食, 試1次體驗下就算

新的一年又開始，今晚約埋同學團拜。大家都喜歡到這間環境舒適的中菜館聚會。我們先點一鍋每次必飲的杏汁燉豬肺湯，其他食肆較少有供應，乳白色杏汁濃湯加上爽滑豬肺，非常清潤。再來一碟招牌菠蘿咕嚕肉，即叫即炸，香脆可口，甜酸適中，大家食不停口。仲有翡翠蝦球炒帶子，好夠鑊氣，香嘖噴盛上。珊瑚桂花炒素翅，賣相精美。琵琶豆腐及香芋滑雞煲同樣出色。最後仲有生磨合桃露，蛋白杏仁茶及老火綠豆沙，真材實料，是飯後極品。大家開開心心享受了一頓美食，期待下次聚會再嚐其他菜式。

唔講都唔知原來港大校友會有個咁樣嘅地方，原來只要係校友喺網上登記申請入會，提交番相關文件，咁就可以去呢度食飯。餐廳好方便，就係蘭桂坊度，幢大廈有啲舊，但係校友會嗰層明顯有裝修過。野食不過不失，勝在鬧市中有個靜靜地嘅地方食飯。

囡囡公主請食晚飯，欽點咗中環港大校友會私房菜，用餐環境舒適，燈光氣氛協調和諧，服務親切，招待專業有禮，大廚出品有保証，口碑不錯。早一天預訂足料冬瓜盅消消暑熱，食材豐富，瑤柱/金華火腿/蓮子/鮮蟹肉/蝦仁/菰粒/夜香花等等，冬瓜片入口綿滑，鮮甜清爽，潤喉養肺，回味無窮，幸好份量足有10大碗之多，大飽口福，幸福滿滿！推薦美食: 預訂冬瓜盅/鳳尾蝦多士/炒桂花素翅/梅菜蒸菜遠/翡翠生魚卷/翡翠鮮帶子大蝦球

高手大廚保持一貫水準，出品色香味美！早一日預訂冬瓜盅，材料豐富，干瑤柱/冬菰/蓮子/蟹肉/燒肉粒/夜香花十多種食材等等，冬瓜肉軟綿湯底鮮甜清爽，消暑潤喉補肺，足有10碗份量超讚！招牌鳳尾蝦多士爽脆香口，夠干身冇油膩感，保持水準之作！翡翠炒鮮帶子大蝦球，用料新鮮，原隻大虎蝦起球好好食！梅菜蒸菜遠，甜梅菜浸軟再干煏炒香/菜心度拖水走青澀味/合體再清蒸/梅菜的濃香味直透菜芯，簡單的食材入口豐滿！翡翠生魚卷，又喺一款手工菜，魚片捲起泡油，鮮嫩脆可口！桂花素翅，火喉鑊氣之功駕，炒芽菜收干無水！配合碎蛋花作桂花狀及素魚翅，混一口大大滿足感！値95分！點了一瓶智利House White Wine 清新Fruity 合配今晚的美食！劃上完美句號！席間環境清靜和諧，燈光恰到好處，服務員招待親切有禮，服務專業，論出品及招待，媲美米芝蓮食府！值得一讚！

同成班同事一齊黎食lunch，我地好多都係港大校友哈哈，所以都唔係第一次黎。呢到既環境好好，多人又可以坐房入面，靜靜地自己傾下計，又有電視睇。除左環境好之外，呢到d員工都好友善，服務態度好。所以好多人都鍾意黎。要申請成為港大校友會會員，跟住訂位既時候講返會員編號就得啦。呢到既食物真係好高水準。我地呢日叫左一個6-8人餐，加大（因為有9個人）。餐入面既小菜都係平時常見個d啦，但係質素絕對比出面小菜館高好多。有湯有炒麵/飯仲有其他好好食既小菜。我地加多左個糖水。全部都真係好好味。以下幾樣特別點評：-湯：青紅蘿蔔湯？唔係好清楚，但係好味，唔味精，好清甜。個侍應分完之後仲有兩碗多，我total飲左兩碗。蝦多士：呢到既名菜，真係好脆、唔油、好好食。蝦好爽甜好新鮮，多士夠脆，又唔會有油益味浸曬油咁。而家好少地方有得食蝦多士，仲要咁好食。菠蘿咕嚕肉：外皮脆裡面肉質鮮嫩鬆化，又夠多菠蘿，酸甜恰到好處，超好味。炸子雞：超級好味！！！！！外皮炸得好好好脆，色澤均勻金黃色的，肉質鮮嫩夠juicy，而且唔會好肥，皮同脂肪同埋雞肉比例好好，食左好多件。杏仁茶：我最愛既中式糖水，美白養顏，佢呢到既杏仁茶煮得好香好

香港大學校友會會所位於中環 鄰近蘭桂坊 交通十分之方便 主要係比校友設宴款客之用佢最近翻新咗 餐廳環境舒適 裝修簡約大方 供應精緻傳統嘅粵菜🐼 今次叫咗幾個餸都唔係出邊成日見嘅特別得黎 味道亦好好 👍🏻 菜膽杏汁白肺湯(4位) $140 - 湯底奶白色 非常鮮甜 呢個係餐廳名物之一 一定要叫！鳳尾蝦多士(4件) $90 -香脆口得來唔知點解唔油膩 👍🏻燒雲腿鴿片 $290 - 第一次食一個咁嘅餸 金華火腿甜甜地 出邊炸咗 超好食 😱 雖然要差唔多$300 但呢個餸都幾大碟 性價比可以接受翡翠生魚卷 $140 - 將啲去骨魚肉 卷成一條條 中間仲夾左啲菜同火腿 (好似係) 呢個都特別 但唔好嘅係魚肉有少少腥不太推薦 🙅🏻‍♀️😌 鍾意廣東菜嘅朋友應該會好鍾意呢度🍽 餐廳: 香港大學校友會🏠 地址: 中環德己立街2號業豐大廈101室#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram

肺炎這麼嚴重 真的要補補肺同事提議去香港大學學生會的餐廳就去吧很舒適的環境 超方便的地點單叫比較唔知點 叫套餐就簡單一點加錢要杏汁燉豬肺湯真係好好飲當中蝦多士是這裡名菜係油d不過道菜本身係這樣才好食的每人二百令蚊落樓齋坐都抵

除咗要預先訂位，仲要訂埋食嘅食物因為鹽焗雞真係好好食😋但係冇得即時叫好彩早一日已經book咗今次叫咗鹽焗雞、蝦多士、椒鹽牛柳、黑松露蛋白炒飯、咕嚕肉、葡汁雜菜煲、桃膠糖水除咗鹽焗雞好出色之外其他都不過不失，蝦多士係幾好椒鹽牛柳（有少少過鹹）、咕嚕肉（同外面嗰啲唔同，冇咩汁，口感係幾趣，但係又唔覺得好出色）同埋炒飯就一般葡汁雜菜煲有少少唔係好靚，都係一般下次食糖水應該早一日訂個紅酒雪梨所以總結下次都係全部嗌訂嗰啲，應該會好食啲

一行三人，訂枱嗰陣預訂埋煎釀鯪魚。原本想訂埋紅酒燉梨但無貨。豬肺湯成日心思思想飲，屋企煮太麻煩，出面又無咩地方有得飲。朋友成日話唔覺得有咩特別好飲，但勝在呢度有得飲，味道正常。蝦多士麵包脆口，少油但唔勁，食一兩件ok。煎釀鯪魚跟大家comments加左孖腸粒，魚皮脆口，鯪魚球款式嘅鯪魚肉加新鮮魚肉加臘腸潤腸粒。3個人食其實幾飽下，加左孖腸粒香同埋無咁寡。松露蛋白炒飯正常嘢。糖水方面，我屋企平時飲嘢少糖無糖開，對我地嚟講杏仁茶有啲甜但ok，但核桃露就太甜。埋單91x, 中餐嚟講我覺得唔平，但可以食啲出面無乜得食嘅嘢，而且餐廳人少安靜又唔趕人，靜靜地食嘢傾下計幾好。

同事是會員，於是去沾光吃吃看。雖然我舅母說質素非常一般，但我又覺得很不錯呢！杏汁豬肺湯杏汁味很香，也濃，豬肺好吃。我是除了雞腎外很少吃內臟的人，但這個豬肺好嫩完全不腥，好吃👍子薑咕嚕肉自家醃製的子薑沒渣非常好吃！知道可以單買一罐，雖然很貴但知道家人很喜歡吃就二話不說即刻付錢買🤣琵琶豆腐也不知是否我要求低，我對它竟然不腥很驚喜😂上湯莧菜蒜頭好吃，菜也很嫩味菜牛柳絲炒米粉米粉先用鐵板煎（？）過，有黑色的炭烤味，配味菜也是一絕👍合桃糊甜品同事選了合桃糊，很久沒吃過了，也能吃出真材實料滿足的一餐😋

今日朋友訂了中環某大學會所晚膳，一行四人暢所欲言。我們點了菜膽杏汁白肺湯，杏仁味濃，此湯非常潤肺。金銀蛋浸莧菜，莧菜嫩滑可口。子薑咕嚕肉，子薑切成一段段有嚼感可惜豬肉炸得過火，不合我心意。薑汁炒芥蘭，清爽。相公和他朋友的摯愛來了～梅菜扣肉煲，以西生菜墊底也算平衡這款菜式， 西生菜很爽脆豬肉切塊狀不肥膩，很好，我也不禁吃了兩塊豬肉來餸白飯。古法鹽焗雞鹹鹹香香味道特出。最後朋友點了綠豆沙，相公點了杏仁露而我點了最滑的生磨合桃露 。

剛剛收到餐廳電話，心想一定是打來確認星期天的晚飯，因已是兩星期前訂位。誰知餐廳說他們於星期天有包場，如我不取消訂枱便要坐後巷。那天本是慶生飯聚，如要坐後巷我只可拒絕！作為餐廳這樣的服務水平真令人大開眼界。作為校友我亦非常慚愧。

很久沒在港島區出沒了。這天約了舊同事吃午餐， 地點當然由她來決定。想不到她選了這裡， 要不是她， 我也不知道有這麼一家中菜館在中環。菜館地方佈置光亮以白色為主， 看著很舒適。朋友說這陣子她已把這裡當飯堂， 所以點菜的任務當然由她負責。她點了一道杏汁白肺湯、蝦多士、翡翠生魚卷（忘了拍照）、霸王雞，最後加了桃膠糖水。兩人吃豐富非常。我平時很少飲老火湯， 但這裡的白肺湯火喉很夠，味道很濃郁很滋潤。蝦多士有一大只蝦肉，彈牙好吃，但多士就有點油而且不是很脆。霸王雞就較為普通了點，不過不失。我最欣賞反而是桃膠，因為足料且燉得很清甜，感覺很養顏呢！不過重點在能夠在一個很舒適的環境下與好友相聚，互相交流近況， 在多事的這一兩年，實在難得。

校友會餐廳裝修咗好一段時間，完咗之後都好想再去食一餐，今日就約咗幾位朋友一齊去。等人期間嘅前菜我哋叫咗一個黑椒牛肉小碟，牛肉嘅用料相當唔錯，唔似得好多餐廳因為牛肉唔靚，要用好多鬆肉粉，冇晒牛味所以間好重嘅黑椒味。呢度嘅黑椒牛肉牛味豐富得來又有鬆軟及油香，黑椒嘅味道只係錦上添花，甚至容易配搭嘅青紅椒都沾上左牛嘅香味。另一個老式廣東菜係鍋貼蝦，鍋貼蝦係用一整隻大蝦，上面再有芫荽同金華火腿。另外我唔記得影嘅係鷓鴣湯羹，好香鷓鴣野味味，響第二度真係好難食到。砂礓鮑魚雞煲係一個要預訂嘅菜式，預訂嘅時候佢哋都好貼心咁樣問我哋幾多位，預留返幾多隻鮑魚。鮑魚同雞都好鮮嫰，冇overcook。另一個唔記得影相嘅預訂菜係西檸軟鴨，而家好多酒樓都只做西檸雞，但我自己就覺得西檸鴨嘅香味好過西檸雞。最後嘅甜品我哋預留左兩隻紅酒梨，真心講，同西餐度食始終有分別，我唔係太鍾意紅酒汁用生粉水黎開，但佢隻啤梨非常大隻，除咗汁之外其他算係相當唔錯。不過下次我都會叫返傳統中式甜品。