香港大學校友會

营业中

休息中

A quick sloppy restuarant, the English spelling for the resturant was wrong. Think about this, this is HKU's affiliate resturant and can't get the name right .

上次跟Openrice各食家來吃﹐雖然擠迫了些﹐但氣氛很好﹐又飲又食﹐但每樣菜只能試很少﹐所以這次想集中要自己想吃的﹐希望可以盡情的。想叫豉油雞﹐侍應話冇﹐但其後又發覺有人叫窩﹐唔通隻雞未浸好﹖結果要了﹕杏汁白肺湯﹕好甜﹐又清﹐好多肺片炸子雞﹕雞肉竟然有些血水﹐部份雞的皮冇左(見圖)﹐而且半隻來說﹐雞塊的數量實在太少了。單以這次計﹐非常差。嫩菰生魚卷﹕魚卷包著火腿﹐連草菰抄﹐但魚肉較油膩和"en"。總的來說﹕它的菜色做得中上水準﹐但環境麻麻﹐好似去左人地的飯堂咁﹐不過招呼都好好。差不多這樣的價錢﹐我寧願貴少少去北京樓或滬江春喇。

今次有14個人關係，已預先一個星期前訂位，同時仲訂了隻豉油雞，諗住行完山落o黎就有得食。因為除了我之外大家都未o黎，所以菜式由我發板，基本上同上次gathering一個翻版。同樣有豉油雞、杏汁白肺湯、涼瓜炒蛋、菜遠生魚卷、南乳炆齋、紫蘿咕嚕肉(加大)，個人感覺上次gathering水準高d，尤其隻豉油雞，冇上次咁嫩滑，今次較肥；南乳炆齊似一碟普通炒雜菜；紫蘿咕嚕肉搵舊子薑都冇，不過咕嚕肉仍然又脆又熱，上次只食得三舊，今次食左十幾舊補番數。本來想食西檸鴨，佢話冇，就介紹左燒雲腿鴿片，這碟最後落訂，反而早快上，我懷疑係其他人訂左冇o黎，已經一早整起就俾我o地，其買相麻麻地，鴿片口感好似牛肉，而且太重梳打粉味。14個人以上小菜當然唔夠食，再加豉汁蒸豆腐、金銀蛋莧菜、腰果蝦仁、粟米石斑塊、上湯生菜、生炒糯米飯，除了豆腐蒸得較老之外，其餘都唔差。而糯米飯炒得幾爽身，唔黏口，叫例牌都足夠14人食，好彩冇叫加大。可能係星期日冇糖水送，每窩70蚊都唔平，我o地都叫左合桃糊同杏仁糊各一試下，我信相佢係即磨即整，因為都等左幾耐才上，而且到食少少合桃同杏仁渣，可惜兩款糖水都唔夠香，味道較淡。埋單$1,7xx

之前看到雜誌食評,決定要一試.今日和幾個朋友去試吃,吃了杏汁白肺湯,鹽焗雞,咕嚕肉(可惜沒有紫羅了),陳皮肉餅和菜遠生魚卷,全部也很好吃.只是杏汁白肺湯像甜品多一D.下次要試試粟米魚肚羹和豉油雞至得.

好食, 係因為師傅來自陸羽...不過鹽焗雞我未試過,聽KC講好得,真係要日try try~~(so, 陸羽依家唔好食)

是晚十八人圍坐一檯開飯，足見大家身材仍有quota可以全力以赴，食到都多～而菜式方面，當然是由「無時無刻都在開會但又似沒有離過留言版的他」來發板啦～為了使當日不能出席的朋友（例如：板主Ray）「恨」一下，我會盡力寫得好一點。heehee！先來的是「杏汁白肺湯」。蓋一開，裡面是白如牛奶的湯，光是看也有滑滑潤潤的感覺。不錯，此湯不但能養顏潤膚，聽聞更有止咳化痰，治喘咳之效！可惜每人只得一碗，「到喉唔到肺」不知還能否發揮功用呢？哈哈！湯未喝進口裡已擁來一陣杏仁香，菜乾亦為湯帶來不少鮮味，而白肺在煮湯過程中自然地成了細件，由於細件外觀不易令人聯想到是肺，有心理障礙不敢吃豬肺的朋友可以打開嘗試之門了！喝完湯，上場的是鬼馬「豉油雞」和「鹽焗雞」。兩雞的絕技是「移形換影」、「亂人耳目」！由於當時情況混亂，眾人被兩雞迷惑得神志不清，爐佬和KC更作出以下奇妙對話:「ｅ？炸子雞同鹽焗雞呀？」「冇炸子雞～（手指指住）呢個鹽焗雞，果個豉油雞…」（朝著手指指住的方向夾起一件雞）「呢個係咪豉油雞呀？」「呢個係鹽焗雞呀。」　……「咁果個係炸子雞呀？」「冇炸子雞呀，果個係豉油雞……」（內容大意相同，用字可能有些微出入

今晚食友又聚，十八人一圍，雖已要了呢度最大的檯，但都好似迫迫地，亦好似係記憶中這裡最多人一檯的一次飯局。人多，除了好辦事，還可以叫多幾味，是晚一共吃了十多味菜。因為以往在這裡吃過幾次，有些菜評了不再評，只寫特別的：杏汁白肺湯：是四個預訂菜色之一，亦是這裡的出名菜色。煲得又溶又有淡淡杏汁香味，火侯十足，連豬肺都煲得零碎，好正！可惜一人只分得一碗，不太夠喉，絕對是下次再幫襯的其中一個理由；古法鹽焗雞：是另一預訂菜色，雞隻不算大隻，但做得皮脆肉嫩，有食友問為何雞皮是啡色而不是黃色，其實是真的放雞入鹽堆中焗，而做出了烤焗的效果，真正鹽焗雞理應如此，不過坊間太多求其貪快的貨色，才難吃到此效果。肉嫩又入味，又夠鹹香，從吃完成隻雞發現兩碟醬料是甚少人點，可見一班。雞連雞什上，大家連那小小的雞肝也不放過，一於吃清光！敢說是在近年也吃不到這樣出色的鹽焗雞了，值得大力推介；紫羅咕嚕肉：記憶所及，我發辦的飯局中，是從來沒有一碟菜色，可以連叫三碟，今晚的紫羅咕嚕肉是做到了。菜色出色是原因之一，其二是大家實在太喜歡吃咕嚕肉了，其實最後一眾女士們還想叫第四碟呢！這個咕嚕肉是出色，但仍然堅持，其實當中的子薑最好吃；

先幾日去唔到好失望，所以今日慫恿同事去。一去到地方真係一般，真係好似聯誼會形式。唔知係咪今日full house，所以上菜好慢，連落單的侍應伯伯到好慢，我d同事笑說個d侍應伯伯係港大員工退休後過o黎做喎!初時唔知份量6個人只叫四“食送”一湯，冇kc所講的蜜羅咕嚕肉，只叫了傳統個隻，真係啖啖肉，肉質鬆化，外層依然脆口，唔似一早炸起再加茨汁的，但份量唔夠喉，一人兩三件已經冇晒；另外豉油雞亦值得推介，皮滑肉嫩好入味，豉油汁唔會太咸，恰到好處，我o地只叫了半隻，份量剛好。湯係粟米魚肚羮又係值得試的，粟米同魚肚好爽口用料十足，唔過浠或用過多生粉開。紅燒豆腐同南乳齋都係一般酒家貨式。飯後甜品係椰汁紫米露，初時好驚椰汁味，幸好椰汁味唔會過濃，仍然食到紫米同芋頭香味。最後建議食晚飯好d，唔駛太趕，因為由落單、上菜到埋單，效率都幾慢。

今日同兩個以前的行家在此食午飯，交換下情報。上幾個月來靜英英，今日再幫襯已經幾多人，適逢個市兩日升左成四百點，可能有點幫助都唔定。熟朋友聚頭，吃的只是家常小菜，蝦仁炒蛋、蜜羅咕嚕肉、菜芯炒牛肉同浸莧菜。菜色普遍碟頭不太大，但亦保持一貫水準。最想講的是蜜羅咕嚕肉，實在值得推薦。甜酸茨汁勾得薄薄的，沒有厚糊膩口的弊病；咕嚕肉當然無骨，啖啖肉，而舊舊都有肥有廋，吃落鬆化好味道；比肉更好吃的是一舊舊的子薑，雖然盛夏已至，過了子薑的當造期，但舊舊微辣的子薑，再加上薄薄的酸甜茨汁，個人而言是非常的對胃口。可以這樣說單是這一味，已經可以下兩碗飯﹝雖然我慣了吃一碗﹞。飯後的紅豆沙亦幾特別，豆是磨碎了的，亦隔了渣，所以不見了粒粒的紅豆。朋友好欣賞，但個人而言就覺得陳皮味道太薄弱，而我亦是不介意吃渣的人，所以硬是覺得這個紅豆沙差少少。埋單一人85蚊，不太貴，都算物有所值。喜歡吃咕嚕肉或生炒骨或酸甜骨的，呢度的蜜羅咕嚕肉是不容錯過。

朋友請食飯，來這裡寫了一圍。前一排好似見到呢度裝修緊，但今日上到來又好似唔係發覺有咩唔同或是新左，又係同以前差唔多，可能裝修的是內部系統。星期四晚人客不多，只得三幾檯吃的只是家庭式小炒非大排筵席，十人吃七菜一湯，分別有蝦子柚皮、鎮江肉排、翡翠蝦仁帶子、香妃雞、炒鮮奶、金銀蛋莧菜、干煸四季豆同個冬瓜豬骨湯。菜水準普遍不差，柚皮完全無苦味，蝦子冶味又炆得透，不錯；鎮江骨稍韌，走油得過了少少火；蝦仁及帶子清清地，香妃雞就好受歡迎，一陣就食晒，似乎大家都未餓完雞；炒鮮奶都有水準，鹹甜相配及炸得火候恰可，呢味菜與嶺南是不梳伯仲；冬瓜豬骨湯有薏米同煲，是適合大熱天時的湯水。有糖水及果盤，埋單都好似一千多，唔算太貴。菜色有水準，地方都適合傾計，可以一試。又這裡雖是會所，不過以前來都已是不是會員也可以訂位，不過就只接受即日預訂。可能市道唔好，現時是無論會員與否，任何日子都歡迎預訂，打電話去問就得。

每次有親朋戚友響外地返黎, 家人一定會請佢地去聲哥度食飯, 因為呢度0既菜式大碟頭之餘仲有以前筵席專家0既水準. 每次我地會有12-16人, 時間仲可以包房不另收費. 因為大碟頭0既原因, 我地每次只會叫5個菜1個湯, 另外聲哥會送甜品同果盤比我地.佢0既招牌菜都好多, 我地常叫而又不失水準0既有豉油雞/ 炒子雞: 豉油雞汁一流, 炒子雞皮脆肉嫩.清補涼豬煲生斑魚: 足料且鮮甜, 成條生斑魚連湯渣上碟. 豬位又稱"不見天",吃時配沙糖及生抽豉油滋味非常. 海參鮑片: 該有咬口0既有咬口, 該軟滑0既就軟滑,一流!燒乳豬: 鬆脆非常.糯米飯: 炒得好香又唔會黐埋一舊舊. 上湯粉果: 皮薄餡靚, 有成隻蝦響入面.荔芋帶子盒/ 窩蝦: 不可與坊間貨色( 一咬之下,足有一匙油走出黎)同日而喻. 芋頭香口亦不油膩.以人頭計每人約$140-$250 ( 視乎有無叫翅/蒸海魚), 以酒席菜式計個人覺得一點都不會失望. 客人仲可以自海鮮/ 乾翅比聲哥代煮, 但要事先與聲哥聲明.

呢度裝修平實，不過今日來見有一半地方裝修緊，可能遲D會好靚都唔定。應不算是私房菜，好似係聯誼會的性質，午市晚市都有做，亦唔使一定係港大校友會至食得，只不過非即日訂就要係校友會會員，但講真好多時即日訂都多數有位。亦可以預定蛇宴或慶功宴等，菜色可以商量，出聲就得。菜色豐儉由人，由幾十蚊的家常小炒到千幾銀的肘子翅都有得供應。今日又同班同事拉隊來吃飯，五個人叫左肉片豆腐湯、咕嚕肉、干煸四季豆、三色蛋同椒鹽豆腐粒。菜色雖只家常小菜但普遍有水準，尤其係個咕嚕肉，新鮮炸起亦做得香脆，好受歡迎；另干煸四季豆都有樓上寧波的水準；人數夠多的話仲可以叫炸子雞，雖屬冰鮮雞，但亦炸得皮脆肉嫩有水準，隻雞唔細隻，有六、七個人至食得完。伙記數量充足，服務態度見殷勤。埋單三百多，一人六十幾蚊，算抵食。

新娘子家人請我地一班兄弟姊妹去食飯, 去o左依間好掂o既中式私房菜, 由陳聲師傅主理~ 我未試過有一餐由頭到尾咁多道菜都有讚無彈, 咁大碟都"完全清碟"o架~ (可能係因為熟客落order啦)酸薑皮蛋- 酸薑好好味~片皮乳豬全體- 先係片皮配餅皮食, 再o黎切件食豬殼, 好味到渣都無~~~~ 發財玉環柱甫- 好鮮甜~荔茸帶子拼窩蝦- 荔茸帶子係陳聲師傅o既招牌菜, 荔芋包住帶子o黎炸, 連我唔鍾意食芋頭都覺得好好味~ 另外個窩蝦好爽口彈牙, 一d都唔油~紅燒鮑翅- 足料~清蒸海上鮮- 好鮮甜, 火路o岩o岩好, 真係連骨都吮埋咁濟~當紅炸子雞- 因為酒席關係, 一星期食o左三次, 但都可以清碟~生炒糯米飯- 同上, 仲要係咁多餐o既糯米飯當中最好味o既一碟! 聽陳聲師傅講, 陳寶珠都成日o黎食, 仲一定食依味o添~~~長壽伊麵- 都唔錯~百年好合- 好足料, 好清甜~環球果盤- 其實只係哈密瓜, 不過好甜~以上酒席約$4000一圍~另外聽聞清補涼煲生斑魚, 八寶鴨, 蝦子豆腐, 紅豆沙同杏仁茶都好掂~我地一班人已經決定要再o黎食新年飯啦~~ ^____^