香港大學校友會

营业中

休息中

呢度裝修平實，不過今日來見有一半地方裝修緊，可能遲D會好靚都唔定。應不算是私房菜，好似係聯誼會的性質，午市晚市都有做，亦唔使一定係港大校友會至食得，只不過非即日訂就要係校友會會員，但講真好多時即日訂都多數有位。亦可以預定蛇宴或慶功宴等，菜色可以商量，出聲就得。菜色豐儉由人，由幾十蚊的家常小炒到千幾銀的肘子翅都有得供應。今日又同班同事拉隊來吃飯，五個人叫左肉片豆腐湯、咕嚕肉、干煸四季豆、三色蛋同椒鹽豆腐粒。菜色雖只家常小菜但普遍有水準，尤其係個咕嚕肉，新鮮炸起亦做得香脆，好受歡迎；另干煸四季豆都有樓上寧波的水準；人數夠多的話仲可以叫炸子雞，雖屬冰鮮雞，但亦炸得皮脆肉嫩有水準，隻雞唔細隻，有六、七個人至食得完。伙記數量充足，服務態度見殷勤。埋單三百多，一人六十幾蚊，算抵食。