香港大學校友會

营业中

休息中

上個月已經約好一班大學同學於七月七日晚上七點(即昨晚)一齊吃飯，其間email來往穿梭，好難得終於九個人都可以一同赴約。更開心係Miranda提議到此，所以大家唔需要傷腦筋，一致通過齊齊到此擦一餐。前幾天已經做了資料捜集，所以我已預先訂了鹽焗雞和荷葉飯。雖然約七點，由於大家工作關係，最後七點只有我與另外兩位同學先到達，其餘各人相繼於30分鐘後到達，只餘兩人未到。相量片刻，大家決定先落order，侍應提醒我們要人齊才上菜。最後要等到7:50pm先齊人，不過，7:45pm已通知可以起菜。不料........8:15pm一個侍應突走來問起菜未，!!! 即係仲未起菜，大家都好鄂然，點解通知都唔起菜。由於大家已經開始肚餓，唯有催促儘快先上荷葉飯。昨晚所選菜式如下:-1) 鹽焗雞--------> 大家都話好味，我唔好雞，無意見2) 荷葉飯--------> 份量頗大，也頗足料及鮮味3) 杏汁白肺湯----> 好有「杏」味4) 菜遠炒爐魚----> Good，略嫌菜少了一點5) 薑炒牛肉----> 惹味6) 菠蘿咕嚕肉----> 正呀7) 椒鹽焗鮮魷

兩個人日日出街食飯，有時真係幾煩，叫得多又食唔完，叫得少又沒有那間好；這間今晚食完，第二晚又唔想再去；某些食店的份量又太大，叫兩個菜就已經好滿足了。而這裡的份量唔會太多，味道又好，價錢都唔算貴，所以我們都好喜歡，因此早幾晚便來了。我們叫了椒鹽焗鮮魷、菠蘿咕嚕肉和鹹魚雞粒炒飯。椒鹽焗鮮魷- 外皮炸得好脆，粉又唔會過多，鮮魷味道香濃，真係下酒的恩物。菠蘿咕嚕肉- 酸甜汁味道剛好，炸得好香脆，這裡的咕嚕肉可說是我其中一樣最愛的食物。鹹魚雞粒炒飯- 份量都唔少，初時真係怕食唔完，味道就比較偏鹹，但都不算太過，飯炒到一粒粒，真係唔算；可能因為食物太好味了，唔覺唔覺下便食個清光了。

看了,飲食男x的介紹後, 終於昨晚可以去吃,三男三女, 叫了:雞,紫薑咕嚕肉,蝦多士,粟米斑快,清菜,及預訂薑春焗蟹杏汁煻水, 帶二支紅酒去開,一支收$30, 第二支不收.連三白飯. 共$1168.00很好味, 雞有雞味, 咕嚕肉很新鮮,斑快很脆,蟹很有味及新鮮, 服務很好.(不過紅酒杯, 其中一隻有唇膏印)

一時多訂位，訂六點，預訂冬瓜盎、盬焗雞。6:00 pm 到，6:30pm 叫佢起菜。7:00pm 冬瓜盎上，知道ok ，但注意: 盛惠$3757:15-7:45pm 陸續上埋肉餅、菜、生炒骨等6多個餸。8:10pm 食清所有餸，雞未到，第一次追，佢話就得8:20pm 再追，就比個老waiter鬧返轉頭，教訓我地話雞係客人到先蒸，唔係一早蒸定(註：當時我地都食左多個兩個鐘，唔通佢隻雞真係大得o甘緊要??!! 好唔明)8:30pm 再追另一個waitress，都係話黎緊。我地話要取消唔要，佢竟然話唔比。-_-"" 又唔比單我地埋單!!惡到你唔信。8:30-8:40pm 不斷舉手叫其他waiter，冇一個人應，當睇你唔到。8:50 pm 雞終於到，我地堅決唔要，但佢地想"夾硬" 上...最終，其中一個friend忍唔住破口大罵，佢先敢取消兼埋單。好唔好食已唔重要，我唔想食飯好似比人禁錮o甘，好變態度!!

同六位要好的中、小學同學慶祝，大部份都係中環番工，我又唔好西餐，所以決定嚟呢度。七位唔係好食得嘅小姐們所點嘅菜單:豬肺湯(份半) 蝦多士(原本order四件，但只賣淨三件)古法鹽焗雞(一隻)碧綠生魚卷陳皮蒸豬肉餅(原本order牛肉餅，但賣哂所以轉豬肉餅)上湯唐生菜杏仁露(兩碗)合桃露(兩碗)豬肺湯同學們話好味，個人認為同利苑無得揮，當然，價錢利苑貴一倍。蝦多士好好味，多士超脆，蝦又夠大隻。鹽焗雞真係唔錯，雞本身有雞味，肉厚無乜肥膏，不過咸。最正係啲雞肝同雞腎。生魚卷我就覺得無乜特別，好重味精，有啲咸，不過我唔可以作準因為我唔鍾意食魚；豬肉餅.啲豬肉超肥，肥豬肉同豬肉嘅比例我諗起碼half half，賣相麻麻，食落都OK。滿心期待好評如潮嘅杏仁露，點知大失所望。杏仁露超「結」，「結」到好似膠水咁，啲味又假假地，可以用難食嚟形容。合桃露就relatively好啲，但你亦絕對唔算好。最後想係度多謝咁多位好友！

4月28日7:00 香港大學校友會.為Farewell同事,上網Search一輪,很難附合眾人要求,一個話要九龍,一個話要香港,一個話要中菜,一個話要圓枱一齊坐,一個縑貴....一行16人真的很難.最後決定香港大學校友會.事前預訂了鹽焗雞,蝦多士,荷葉飯鹽焗雞,一般,似炸子雞多點蝦多士ok荷葉飯有荷葉味,比較乾身杏汁白肺湯一般,沒想像中好味,同事"J"不喜歡杏汁味,喝了一口已不喝.我雖然也不喜歡杏汁,但尚可接受.碧綠生魚卷,魚卷內有金華火腿,味道一般菠蘿生炒骨,畧縑有點酸南瓜排骨,南瓜夠諗椒鹽豆腐拼鮮魷,鮮魷不夠,豆腐太多薑汁芥蘭,一般上湯菜胆,一般南乳粗齋,賣相麻麻,也是剩下最多的一碟炒麵,ok總括不如其他食評般讚賞,價錢畧貴,若相同菜式,我會選擇"得龍".

看見很多的食評都是讚的，今晚終於有機會一嘗了。聞名的豬肺湯﹑杏仁露﹑古法雞及蝦多士，其實都真係幾好味，侍應又不斷加茶。豬肺湯很白，很正，古法雞亦很特別，蝦多士的蝦很有肉感，杏仁露甜度適中，不錯，不錯。只是可能看過個門面所以有很大的期望，入到去，咦，咁似以前的酒樓咁，不似一間要member才吃得的地方。

同朋友farewell一早預留左古法鹽焗雞同蝦多士去到再叫粟米魚肚羹,碧綠生魚卷,咕嚕肉同埋唔知炒咩菜我覺得最好食蝦多士同埋生魚卷最貴既古法鹽焗雞反而麻麻地,無想像中咁好食,細隻左d,$260.貴唔貴就見仁見智如果有機會都會再食多一次,比多1次機會試真dtake care my fd~

見到呢間野好評如潮想係中環食中菜似乎別無他選便決定一試四個人叫左盬焗雞一隻(要預訂及最少要一隻起)薑汁芥蘭杏汁白肺湯一窩生炒骨蛋白杏仁茶一碗杏汁白肺湯無可否認係好好味蛋白杏仁茶亦相當不錯其實食物overall都唔差但當我地見到隔離台既一隻雞係幾足量, 幾有光澤, 皮肉分明既時候(有相為證, 請自行評斷)而我地個隻除左甩皮甩骨之外更有三個雞Pat Pat我終於明白點解我地食完都唔飽正當人人都有陳生前李生後稱呼明白佢地係專做熟客生意連碟都大碟D靚D我就知道我地去錯地方相信用720蚊應該有更好的食物質素

高興,真的非常高興.今年生日,正式搭入另一Milestone.告別青荵歲月,成為正式麻甩.十九幾個朋友,一同作此真的見証.地點中環港大校友會.有關方面已留一間可擺兩圍的房間,無任何最低消費.要幾放肆,有幾放肆.各路朋友帶來的佳釀,未出發先興奮,一年無咩幾何,飲酒如此多fun.Absoult芝華士又紅又白,睇個陣今夜將會有人要抬離場.鹽焗雞,霸王鴨,同荷葉飯要預訂,叫多幾個小菜,剛好,有朋友突然甩底,尚有朋友只能露一露面飲碗湯.十九幾個應該夠分.先到杏汁白肺湯,充滿濃濃杏味,很滋潤.鹽焗雞真係唔錯,雞本身有雞味,鹽味剛好不過咸.而家在禽流感之陰影下,能嘗此味實在感謝神恩.霸王鴨一上桌,眾人嘩嘩聲,港大比蓮香,感覺上做得比較好.材料足,一眾老友吃罷也叫好.荷葉飯充滿荷葉的香味,並不過濕.其他菜式也是點些平常小菜如咕魯肉,蒸肉餅,芥菜膽,尚有後來追加的干燒伊麵.友人話呢味等同長壽麵,長長壽壽,呢個日子唔食會唔多老"黎".食物水準真不錯,不過在這晚,呢樣份屬其次,食飯為名,飲酒狂歡為實.不出所料,已有朋友開始酒力發作,腳步闌跚.又有朋友比其他朋友圍隊,一杯可樂溝上Vodka加芝華士,連酒仙Je

回來後，首次跟女友吃晚餐。她是港大畢業生，所以有時會跟她的舊同學在這兒聚會。我沒所謂。樓上中菜館，味道極重要！這點從各人食評裡，知道味道是合格以上！裝修佈置賣相，甚至餐具，就有待改善！猶如一間八十年代的街坊酒家般。點了馳名的湯、魚卷、肉餅、杏仁甜品。埋單$328，份量偏少，並不便宜。杏汁白肺湯（$70）：每人約兩飯碗份量，味道是好的，杏香四散，好！碧綠生魚卷（$70）：推介菜式。生魚卷質感討好，配炒的是菜心。剛好兩人食用而已。土魷肉餅（$70）：足料之作！可能係我，近五年吃過最好味的肉餅！點了兩個白飯。最後還點了兩客「蛋白杏仁露」（$28/位）。甜度適中，杏香濃郁，一試難忘！*

由於這裏吃中菜的關係，情人節晚可以不用訂位也行．我想我是人大了，不像以往總覺得要吃西菜才像樣，反而最緊要雙方都吃得悏意．是晚點了兩餸一湯一飯一甜品，滿足得很．先上杏汁白肺湯，一貫的濃稠香甜，豬肺滑如綿帛；接着的菜遠生魚卷也是繼續香氣撲鼻，菜遠嫩滑無渣，魚卷夾着金華火腿絲鹹香軟滑；原先點了椒鹽焗鮮魷，驟聞隔鄰桌提起蝦多士，即更改order，嘩，不得了，四隻金黃鮮艷絕不油膩，香脆非常之人間極品，面頭綴以金華火腿、莞茜小片，鮮蝦咬落彈牙，甜香尤在，多士視覺上已感到鬆化，食落不禁讚嘆師傅之功架．但此物一定要趁熱吃，因其餘兩隻擱置了一會已失大勢，切記．今次不點牛鬆炒飯改為瑤柱蛋白炒飯，更覺對味，清淡中啖出瑤柱香．吃罷主菜又豈能無甜品點綴，原先點了合桃露（不欲與湯相撞），但卻來了個蛋白杏仁露，由於合桃露上次也吃過，所以一試也無妨．這個比想像的好吃得多，蛋白呈蛋花狀，多而不濁，襯不太甜也不太杰身但糊狀的杏仁露，簡直吃個碗底朝天，為這餐作了個極極極完滿的句號．

(10/2/06)同事生日晏。第一次黎食,對d乜乜會,煮既野都有點期望,點知...一入門口,已聞到好香的飯餸味。侍應,龍澤明好nice在旁等我地order,因唔知食乜,叫佢介紹出名菜,竟然介紹我地食翅,之類既野,後來佢話,不過食晏可以唔洗食到咁既..(你知就好啦!)最後,我地自己揸主意。雞蓉魚肚羹,特別d,平時少見,多數粟米魚肚o麻。點知黎到係黃色既,無雞肉之餘,仲有粟米。同阿姐講,我地要雞蓉,佢都唔理人,當聽唔到咁,我地唯有算罷...呢個"粟米羹"ok。鮮菇生魚卷,生魚切片,炒熟左,會卷埋一條啫,味道腥腥地,魚皮又o趙唔爛。鮮菇,就是草菇。另一碟帶子滑蝦球,同碟生魚卷既配料一模一樣,好唔吸引,咁既料,賣$150呀!!上湯豆苗,清清地。竹笙爬豆腐,叫係最好味之一喇...因為豆腐炸得香咋。羅定豉油雞球,好多原粒蒜頭,或者是羅定煮法,辣辣地,又油又咸。福建炒飯,就是最好味o羅,汁唔太多,飯又唔油,好企理。中式焗牛柳,一d都唔似牛柳,似漢堡排切條,顏色仲好染紅添。難食又未至於,只係真係"好一般"o羅。仲有侍應叔叔好鍾意聊人傾計。

Just went there for lunch, sit next to a table with a guy smoking a big cigar. There is no clear sign about smoking and non-smoking area in the restaurant. When we asked the waiter about the smoking policy, the waiter just point to the far side saying that the non-smoking area is there. When we made the booking, no one asked about whether we want smoking or non-smoking seats and there were no signs of ash trays on our table, just one on the guy's table. Apparently the guy is a frequent cust

Sweet and sour pork is quite famous here. Most table will order this dish.