首爾石鍋燒

营业中

休息中

旺角都有好正嘢食，一直聽人話食韓國料理可以去首爾食。平靚正。所以今次就叫份海鮮鍋試試。海鮮烤肉豆腐鍋：湯底係韓式辣湯，裡面好多料有鮮蝦，青口，魷魚，蟹柳，豬肉，日本魚蛋，粟米，豆腐和粉絲。鮮蝦大隻又甜；海鮮分量雖不多，但好在新鮮。豆腐好嫩滑，入口即化。豬肉好有嚼勁，好爽口；最正係粉絲，吸晒湯啲精華，超級正。分量也足夠，如果覺得唔夠，餐廳仲配左一碗飯。淋晒湯到白飯度，配上粉絲，酸酸辣辣，味道都幾好。整體來說，收穫都好，吃飯又揾到一個好去處。

👏🏻喺旺角行行吓肚餓 見到有間韓國菜價錢都幾平又有最愛嘅豆腐鍋 就入咗去試吓 結果都唔錯😋一入到去點完餐 店員就擺低四碟涼菜泡菜同芽菜幾好味 其他兩樣就普普通通啦～-海鮮烤肉豆腐鍋 我揀咗要牛肉 海鮮方面有蝦同埋青口估唔到個鍋入邊有好多粉絲 索晒啲湯都幾惹味食埋碗飯真係超飽 個湯好香海鮮味 飲落唔會太辣豆腐都好嫩 如果可以多幾舊就再正啲😛-五花腩石鍋拌飯 一碗有成五塊薄切五花腩佢個大細係韓燒食嗰啲原條五花腩一樣咁長成件事都幾驚訝😂每一啖飯都可以食到啖啖肉石鍋溫度好夠 啲飯有飯焦 值得加分👍🏻調味方面都係韓式辣醬味 呢個價錢都收貨👏🏻-另外仲嗌左個泡菜煎餃 嗰陣太肚餓就唔記得影相😹煎餃好飽滿 入面係絞碎左嘅泡菜同豬肉味道係同想像一樣 外皮都煎得好脆 食落好滿足-上網睇到佢哋嘅午市同下午茶係平好多 可以留意下下次再行過都會試吓其他嘢😋好味評分😋：3.5 /5🌟🌟抵食指數🤑：4/5 🌟🌟餐廳環境 🤪：3.5 /5🌟🌟價錢💰：海鮮烤肉豆腐鍋 $76 五花腩石鍋拌飯$74 （晚市價錢）地址📍：首爾石鍋燒 旺角通菜街21號地舖

今日再度幫襯首爾石鍋燒。疫情之後不用排隊好快就有位。上次食佢嘅金菇牛肉豆腐鍋覺得好正，今次就試海鮮烤肉豆腐鍋。海鮮鍋同肥牛鍋的湯底味道有少少唔同，海鮮鍋多左海鮮味😆 ，幾好味！海鮮有蝦同青口，其他配料就幾相似，最重要係有我最鍾意的滑滑豆腐。同埋我最鍾意食索滿湯頭嘅粉絲，超好味！ 我另外叫左個韓式粉絲煎餃，個皮好熱好香脆！入面有豬肉同粉絲同一些菜，味道很夾好味😋！我見隔離檯d客人食鐵板燒飯好似幾正，等我下次試下先

🍴二人套餐A HKD 169🔸烤肉韓式拌飯都好足料 青瓜絲 醃青瓜 粟米 同一大堆烤肉🤤配有一碗拌飯汁 倒落個飯到 就可以起勢咁撈🤪拌飯汁有少少辣有惹味 烤肉都好淋好入味👍整體口味較重 但係青瓜絲同醃青瓜又可以調和下 所以唔會話太咸🙈🔸韓式烤肉鐵板燒飯都係叫左烤肉（因為有朋友食唔到牛🙈 有流心嘅太陽蛋 烤肉都係份量十足😍將雞蛋同飯撈埋一齊食 有得頂🤪有鐵板一直熱住食 就最啱呢幾日咁涷嘅天氣🥶🔸韓風一口雞其實👧🏿覺得有少少似日式炸雞多D🙈味道正正常常 雞肉唔會太乾 炸粉都唔厚 合格之作🧐🍴海鮮蔥餅 HKD 58👧🏿覺得今餐最好食嘅MVP🥳煎餅好口感好QQ 好似食緊mochi咁😬 👧🏿同朋友都好好奇係點整 一度想問店員攞食譜😂海鮮都好足料 見到有成隻蝦仁係入邊 蝦仁都幾爽口 每一啖個口感都好豐富 又Q彈又爽口🤤💡二人套餐均配小菜 飲品x2💡店家唔收信用卡 要帶夠現金哦❗️✾味道覺醒指數: 4/5 抵食指數: 4/5服務指數: 3.5/5.-

响11、12度嘅氣溫，最好梗係食暖粒粒嘅石鍋啦，食石鍋，一定係呢間”首爾石鍋燒”，雖然環境一般，枱與枱之間距離好窄，冬天去時想除抵外套都會撞到隔離嗰個人。我幫襯過不下5次，但第一次食過石鍋後我每次嚟都係食石鍋，因為嚟呢度唔食石鍋返屋企會囉囉攣，所以今次都係食石鍋。我每次食嘅石鍋都係泡菜蕃茄烤肉豆腐鍋，因為我鍾意食豆腐同蕃茄 。不過今次個鍋無之前咁好食，之前上菜後個鍋仲滾緊，但今次就無，同埋今次咸左d，不過我下次再想食石鍋時我都會去呢一間。推介

天氣凍又係食石頭鍋嘅時候，就會諗起呢間旺角老字號《首爾石鍋燒》。今日食咗之前食過嘅《蕃茄泡菜烤肉豆腐鍋， 配飯。》，味道依舊香辣美味。泡菜酸酸辣辣的十分醒胃，辣得來不會難入口。湯鍋入邊材料豐富，除了泡菜還有滑豆腐， 烤肉，雞蛋，粉絲。泡菜湯頭加入白飯裏是我的最愛，每次都會把成碗白飯食晒。朋友叫咗《泡菜大蝦炒飯》。佢話炒得好有鑊氣。飯粒分明，味道很香口。大蝦質地彈牙，仲有泡菜，烤肉，雞蛋絲， 雜菜。朋友讚口不絕。我哋叫咗個《韓風一口雞》小食，味道都唔錯，炸雞細細件一口一件，啱啱乍起熱辣辣好脆口，炸粉薄薄的我最鍾意，而且好香口， 正。呢間小店值得推薦， 我幫襯左咁多年， 質素平均， 繼續支持！

之前食過2次外賣，今次第一次堂食，一入去見到成間餐廳座位都坐到好密，雖然座位間有紙牌間住，但隔離就真係人貼人咁近😮😮。今次叫左個泡菜豆腐湯飯，上菜速度好快，食物味道都幾好⋯但由於店鋪細，座位迫，食完既碗碟就放係旁邊既車到⋯已經感覺唔太好。食食下仲發現廚房竟然將食物器皿同材料放係地下😱😱雖然出去食飯都預左唔係會好乾淨，但疫情期間竟然仲咁唔注重衞生既餐廳⋯食左一半都真係食唔落去，埋單走人！雖然食物既味道不錯⋯但咁既衞生程度，真係唔會再有下次！

話說今日同女友有事要出旺角, 咁最近除左旅客減少之外都有因為疫情關係所以旺角都出現唔少吉鋪, 作為地標之一嘅女人街, 以眼所見都有3成攤位空置, 回想前一兩年嘅女人街車水馬龍, 接踵摩肩真係想入去食野都怕怕, 但因為環境嘅改善所以就決定去女人街搵野食啦其實女人街多餐廳就係人都知, 所提供嘅菜色都不外乎西式, 日式, 韓式同越式etc. 不過按記憶來講所有菜色都會混有濃厚嘅港式風味, 今次食嘅呢間餐廳都唔例外我地今次食嘅呢間餐廳叫首爾石鍋燒, 當然係食韓國菜啦, 咁我地去食嘅時候係午市, 睇餐牌都見到不單止有好多選擇, 而且種類都非常全面多變, 唔似茶餐廳單調abc 餐咁, 咁我同女友就分別叫左金菇肥牛烤肉豆腐鍋同水冷麵, 雖然係唔同類型食品, 但都會提供餐湯同飲品餐湯就係蘿白粟米蛋豆腐湯, 睇相黎講配料十足, 蘿白切粒, 蛋花份量多加埋少量豆腐吊味, 整體味道比一般豆腐湯更甜同埋味道更有層次, 畢竟呢d 配料本身都帶有清甜嘅味道呢個就係水冷麵, 份量之多睇相都見到, 我隻手係可以揸住pro max 但拼埋個碗度都知道呢間餐廳係唔慳材料, 上面有雪梨, 粟米粒, 蕃茄 etc, 不過佢地

喺疫情之後嘅通菜街已經面目全非，好多店舖都執咗，人流亦都少咗好多。行咗好耐之下終於決定試一試韓國石鍋燒，冇得去韓國旅行都想食下啲韓國嘢。由於係石鍋上嘅關係，成個麵上到枱依然熱辣辣。蕃茄泡菜湯底十分濃郁，手打烏冬咬口十足，加埋烤肉同埋年糕一齊食，簡直係冬天嘅恩物，食到個人暖粒粒。辛辣麵就比較大同小異，麵質煮到啱啱好，唔會太林唔會太硬，旁邊亦有額外嘅蔬菜，食落比較健康。而韓風雞翼就炸得好脆，配埋韓國辣醬食，簡直係一流。

個日係旺角行行吓發現咗呢一間特色韓國石鍋燒，望入去見到都幾多人下，所以就諗住試一試。入到去見到餐牌主要係以手打烏冬為主，同埋大部份都係而石鍋上。我哋嗌左一個辛辣麵配韓風雞翼（$39）同蕃茄泡菜烤肉手打烏冬（$39）😍好鍾意佢哋兩樣都係要石頭鍋上，熱辣辣夠晒正！辛辣麵都好大份下，佢嘅韓風雞翼，有啲似麥當勞嗰種，炸得好脆好好食！😋😋 成set配埋真係好滿足！蕃茄泡菜烤肉手打烏冬好好食！ 蕃茄味好濃，仲要有好多蕃茄係入面，中意蕃茄湯底既就唔好錯過！🍅 泡菜多到一路食，食到最後都仲有🤣真係唔係講笑好正！成件事配埋烏冬真係太完美喇！

最近多咗出街，今日去出旺角放下電先。同朋友去咗shopping，咁耐冇行街，唔使再屈係屋企感覺好開心行到咁上下，又到時候食晚餐嘅時候了，我同朋友不約而同話去食首爾呢間餐廳！ 我哋大概每一個兩個月都會去呢到一次，次次都係食佢哋嘅招牌豆腐鍋今日亦不例外：）我叫咗個泡菜烤肉豆腐鍋，佢呢個豆腐鍋可以揀配飯或者配烏冬。我今日想食烏冬。。點完食物之後，大概10分鐘，新鮮滾熱辣嘅豆腐鍋就到啦！呢個豆腐鍋裏面有泡菜，韓式烤肉，豆腐，粟米。。呢個泡菜湯底真係好正。。個烏冬可以索埋湯嘅味道。。仲有最重要嘅就係半生熟雞蛋真係次次都係淨係食呢個豆腐鍋。。我朋友就叫咗金菇肥牛鍋跟飯。呢個都正，有埋金菇同埋肥牛。。個湯底有少少唔同，沒有泡菜的，但係就有濃郁嘅肥牛味道到埋嗰隻半山熟蛋就不在話下。。其實跟飯都好好食，因為就係有湯飯嘅感覺朋友話d粉絲索埋啲湯嘅味好好食😋食飽飯感覺好滿足，就係咁樣我哋就好開心咁過一日

今日唔知食咩好，係旺角通菜街行嚟行去，最後入左呢間韓國菜諗住試下好唔好食！我地最後叫左個二人套餐A，裡面有韓式拌飯（烤肉）、韓式鐵板燒飯（烤肉）、蘿蔔蔥餅，包韓式配菜同兩杯飲品。首先，講下個韓式拌飯（烤肉），我就覺得一般啦，d肉質有d奇怪😟，成件事就算攪勻左其他拌飯材料，都係會比個肉味影響左😕，所以就麻麻地呢個啦個韓式鐵板燒飯會相對比較好，可能夠熱同比較多汁，所以食落去味道正常🤣三樣野裡面最好反而係個蘿蔔蔥餅，幾香口，蔥味好出，又煎得啱啱好，唔會覺得太油膩#韓國菜#首爾石鍋燒

我地一行四人，打算食d 韓國小菜館，唔想食燒肉個d上網搵就見到依間都有百幾好評就諗住試下啦我地先叫左一個二人set, 同埋一個蔥餅先。唔夠食再叫set 包四款前菜，左面三碟都係正常。泡菜唔夠酸又唔夠辣，總之唔夠味，右面個粉絲係完全無味又斷哂。口感勁差豆腐鍋合格，但無泡菜提味差甘d, 都係用辣醬辣粉加水開個鍋底甘，海鮮有蝦同青口都ok 既，份量足夠，烏冬唔係好彈牙個隻，但都唔易斷水準一般～蔥餅完全無蔥，泡菜味無，烤肉都食到d 既，但個餅口感好差，似一pat 野甘，係完全唔好食二人set 包左既一口雞，炸得唔係香脆個種，但仍算正常味道，沾隔離個汁加d 味都ok 既最後石頭飯 d 飯唔香，我地等耐左先撈就會有d 飯焦，佢得肉同芽菜，如果多埋菠菜加左種味同色水會更加好總括係自己煮應該更好食。。。一d 都唔韓

朋友喺旺角返工，介紹首爾石鍋燒好食，今日有得收早，放工就約叫朋友帶我過去。由於6時後冇堂食，我哋5:00就食個晚餐先。今日收工超攰，首先叫個韓國啤酒啤啤先。Hite beer 容易入口，消暑解渴我叫咗一個泡菜餃子烤肉豆腐鍋配烏冬。朋友話呢個豆腐鍋佢同d朋友成日食的, 豆腐鍋裏面有泡菜餃子，個餃子都幾特別，包住泡菜同埋一啲肉類，味道都幾香口，有少少辣。飲啖湯試吓得唔得先，ok喎，湯底好惹味，d烏冬都可以索到啲湯嘅味道，堅正！裏面仲有韓式烤肉，滑滑嘅豆腐，一啲粟米同啲菜，裏面嘅料都幾多，唔錯，抵食! 特登過嚟都值得。下午五點幾都咁多人，真係冇介紹錯，原來真係人氣爆燈，會再嚟食

今日好想食首爾， 咁就用外賣app啦 ! 而家晚市冇得堂食唯有買外賣回家 ，睇電視送飯 幾間外賣app我都試過 ，如果想食物好味，揀一間好嘅外賣app系好緊要!今次係叫網上外賣平台，之前試過 叫其他網上外賣平台, 不過 其他網上外賣平台外送員一時就好快到, 一時就遲遲都未到， 搞到啲食物凍曬， 又或者淋曬。 所以而家都係叫網上外賣平台穩陣啲, 啲食物會好食好多網上外賣平台嗰度滿100蚊有八折， 咁我就叫咗個泡菜烤肉豆腐鍋同埋韓風一口雞。落咗order大概有25分鐘就送到, 真係好! 馬上打開睇下先! 湯同埋嗰啲餸係分開嘅。 咁我就將啲湯到落啲餸食。唔 ，比我想像中好喎， 都仲係新鮮滾熱辣 當然堂食味道會仲好， 不過而家政府唔俾堂食 ， 冇計啦，唯有外賣。 裏面有泡菜，烤豬肉，粉絲，粟米 ，豆腐。 泡菜開胃 ，啲豆腐好滑，正 湯粉絲仍然係重點 ，因為啲粉絲索湯，跟埋白飯好好味小食叫咗個韓風一口雞都仲係熱，脆口同juicy! 之前試過叫網上外賣平台 ，點知外送員遲遲都未送到搞到d 雞同餃子都淋咗 。 之後就唔再用網上外賣平台了。如果想食得好食 ，真係要慎揀外賣公司 ， 啲食物可以保持到