首爾石鍋燒

营业中

休息中

經過見咁多人食一於入去試試送二款小菜泡菜-味道一般醃製時期唔夠芽菜-味道怪怪地可能一早分定好小菜出來所以有少少變壞烤牛肉泡菜石頭飯（$73）：石頭飯入面嘅泡菜味道好食過小菜嘅泡菜.芽菜都正常.烤牛肉份量都多.味道不過不失.韓式燒牛肋骨（$90）：有5大件牛肋骨，肉質略為韌，近骨位嘅肉完全咬唔開，但好香牛肉味.同時都幾多肥肉.韓風雞翼（$42）：4件炸雞翼，味道同普通炸翼差唔多.但醬汁幾特別.整體嚟講試過就算！

突然有啲掛住韓式粉絲同泡菜，於是就去咗附近睇下啦諗起曾經係幾年前食過一間韓式餐廳，今日又可以黎探下啦先黎前菜，不過不失。因為肚餓，好快食哂。韓式炒粉絲，啲蛋炒得唔錯。幾香口。成個粉絲味道有少少甜，不過幾香幾好食。如果唔中意個甜味，可以用返佢枱面果枝韓式辣醬撈埋黎食都唔錯。泡菜雞肉泡菜唔夠辣，不過啲雞肉好嫩，值得一讚。完全唔乾唔柴口，無渣。芝士免治牛肉石鍋飯免治牛肉有少少普通，開頭仲以為個飯有蛋送如果有隻蛋，應該更加完美。呢個飯最正一定係啲飯焦，太香太脆了仲正過出面食過既煲仔飯。

平時的我比較少食韓國野，因為唔係太食得辣。 疫情底下大家都少左出街食飯，今日朋友就帶左我來這間韓國餐廳，佢話好掛住里度的豆腐鍋，咁我就陪佢試下啦。我揀咗一個唔辣嘅石頭鍋飯 - 蔥蒜牛肉粒石鍋飯。賣相都幾好，好多牛肉粒同埋都幾大粒，加上我好鍾意嘅䓤段同蒜頭，撈埋一齊好好食。我另外加左少少枱面上嗰支韓國辣椒醬，味道好正！石鍋底有飯焦，香香脆脆的。我個friend揀咗佢話佢大愛嘅泡菜烤肉豆腐鍋配飯。個豆腐鍋份量都好多，仲另外配左白飯。佢話將個豆腐鍋湯底撈白飯最正。另外仲有粉絲索晒個湯嘅味道好好食咁話！小食選擇都幾多，我哋叫咗韓式粉絲煎餃同埋韓風雞翼。煎餃都幾好味😋，雞翼炸得好香脆,肉質都幾嫩滑。而且價錢都幾抵，40幾蚊就有個小食，性價比高!飲品跟主食有半價，我哋叫咗韓國柚子蜜同埋凍檸茶. 柚子蜜都幾清香。凍檸茶有茶味。

今日來到旺角食飯，天氣凍凍地，就想食個韓式石頭鍋飯。餐廳地方唔大，坐得有啲迫迫地。點左雞肉石頭鍋飯，配菜唔算太多，有基本的芽菜、紅蘿蔔絲、粟米等，因為唔可以食得太辣，所以叫左走辣，最後自己再加辣椒醬。石頭鍋飯飯就一般般，雞肉都算滑，唔會太鹹。以下是晚餐附送的配菜。另外我點左海鮮烤肉豆腐鍋配白飯，鍋的賣想就唔算吸引，肉既油脂浮哂係湯面，但配料都算足，蝦和肉的份量都夠，但湯底有少少鹹，有啲咪精的感覺。

近日同個老朋友去旺角食午餐，咁啱行經女人街，見到一間韓國餐廳，食石頭鍋飯都系幾十蚊，又真系唔貴喎。不過餐廳環境就普普通通，但勝在響旺角，地理位置方便。整體來講都合理，我自己覺得性價比都高首爾石鍋燒 (旺角)旺角通菜街21號地鋪

今天來到了位於旺角的首爾石鍋燒，餐廳主打當然是石頭鍋。我們2人點了傳統石頭鍋飯、蕎麥冷麵作主食，另外點了韓式燒牛肋骨和煎韓國泡菜餃子開心share。來韓國餐廳當然唔少得韓式開胃前菜，前菜有4款，除了必有的泡菜外，還有芽菜、醃青瓜和粉絲。泡菜和青瓜非常入味而且爽脆有口感，不錯。餐廳提供多種款式的石頭鍋飯，我們選擇了的傳統石頭飯(配牛柳粒)，除了自選的肉類外，石頭飯還有蛋、芽菜、蘿蔔絲等配料。石鍋非常熱，另鍋內的飯形成飯焦，非常香脆。怕辣的朋友可以叫辣醬另上自己調較辣度。友人怕辣點了蕎麥冷麵，有蟹柳、玉子、鳴門卷等配料，麵身爽滑彈牙。小食方面，牛肋骨燒得香口，肉質稔身，配有生菜夾起一起食，減去油膩感。至於泡菜煎餅，外皮煎得香脆，內餡的泡菜爽口帶微辣，配上醬汁，非常特別，值得一試。

又嚟到我哋好姊妹 每月一聚嘅時候。 大家都話去首爾食， 平時要排好耐隊 ， 而家肺炎疫情未退， 旺角都少咗好多人 。 見好多餐廳都靜英英 ， 我地在首爾門口望望都有幾多人喺裏面 ，不過唔使排隊太開心喇金菇肥牛鍋配飯裏面有金菇，肥牛，豆腐，烤肉，粉絲， 裏面仲有一隻生蛋。 叫咗中辣，不過不太辣，算少少辣，啱口味。 送飯一流, 湯超正。鮮蝦泡菜炒烏冬，味道非常惹味呢個堅好味 ， 已經mok好蝦殼, 啱曬我啲懶人。 炒泡菜烏冬嘅味道好惹味 ，微辣，超正。朋友叫豬頸肉石鍋飯， 佢個醬汁撈飯，好味， 料都多小食:今晚超好胃口我哋叫咗:海鮮蔥餅 : 個蔥餅唔會太厚，跟醬汁就好好味，唔跟醬汁就淡味啲雞翼： 香脆juicy泡菜煎餃子: 香辣嘅味道， 裏便有泡菜同有肉 ，我覺得比粉絲餃好食我哋真係超大食，最後仲叫咗個泡菜鐵板牛肋骨， 泡菜鐵板個香味真係一流 ，食極都唔厭 ，牛肋骨最好用刀叉食（ 我問待應攞）， 諗起都流口水呢度幫襯咗起碼八年， 味道仍然keep到， 服務速度係快，但都有禮貌， 還會再嚟聚會

最近天氣又寒左 突然好想食d好熱ge 野本身諗住食碗魚蛋粉 但都嫌唔夠辣嘴 最後諗到食首爾石鍋燒 咁就岩哂我要求啦 餐廳好易搵又方面 就喺女人街入邊 餐廳環境唔算大 但樓底高 就算好多人傾計都唔覺得好嘈餐湯＃蘿蔔粟米蛋花豆腐湯主菜＃海鮮烤肉豆腐鍋配韓國手打烏冬$55＋$5（烏冬） 可以跟飯或粉絲湯底係韓式辣湯 入面有豬肉 粟米 日本魚蛋青口 豆腐 同一隻半生熟蛋 份量足夠 最後連湯都飲曬呢間韓國餐廳好好 如果唔食得辣嘅朋友可以揀走辣十分大眾化 切合香港人口味

今次第一次食 ，朋友喺附近做嘢，話呢間餐廳好食。 今日我哋一同三個人相約這裡食晚餐。我叫咗個泡菜餃子豆腐鍋 。原來泡菜餃子豆腐裏面其實冇泡菜嘅 ，係個餃子有泡菜 ！所以叫做泡菜餃子 🥟除咗泡菜餃子，𥚃面還有豆腐，烤肉，粟米，菜同粉絲。 個湯底又幾好飲喎跟粉絲送飯一流。 我朋友話如果口味重啲嘅可以再加泡菜底 ，不過我唔好太濃味，咁樣就0k飲飲下個湯唔夠添，我問一問侍應，原來可以加辣湯 ，哈哈啱曬我呢d鍾意呢啲飲湯嘅 ，一碗飯食完想添飯我朋友叫咗個鐵板牛肋骨 。呢個鐵板系跟白飯。上面有隻蛋，有啲菜，同埋燒好嘅牛肋骨。都幾香 ，朋友話味道不錯 。另外個朋友就叫咗個豬頸肉石鍋飯 石頭鍋飯好熱好熱上面有隻生蛋，有豬頸肉 ，有菜。 我食咗幾啖都不錯👍系幾惹味，豬頸肉有咬感。 朋友都話幾正佢話比傳統石鍋飯好食， 因為個醬汁濃啲 。其實呢一個價錢，我又覺得真係幾ok喎 ，餐廳氣氛都不錯 。見佢哋啲樓面好忙 ，行動極度迅速 ，服務態度 亦都幾友善 ，整體不俗，可以翻兜!

同朋友約咗行街行開旺角，所以就嚟出名多嘢食嘅女人街睇吓。見到呢一間鋪頭門口都有啲客仔等緊，應該有啲質素保證，所以就同朋友入咗嚟試吓。我哋兩個人但係都好大食，叫咗兩個主食同兩個小食再加兩杯跟餐嘅嘢飲：208極上牛肋骨鍋配韓國手打烏冬，302韓式泡菜鐵板燒飯配烤肉，510海鮮蔥餅，505煎粉絲餃子，凍紅棗蜜同凍柚子蜜。呢度果然夠晒韓式餐廳，叫完嘢食之後就會有一啲開胃小菜，比我地食住先。好豐富喎呢度嘅開胃小菜有四樣，包括粉絲，青瓜，泡菜同埋芽菜。我最鍾意嗰個青瓜唔會太辣得來又酸酸地夠晒開胃，芽菜都唔錯咬下咬下夠晒口感。跟住好快就上咗鐵板燒飯配烤肉，其實我覺得呢一個配搭好好有齊晒我哋想食嘅嘢又有鐵板燒啦，又有烤肉，又辣辣地滿足晒我鍾意食辣嘅朋友。一嚟到個飯就渣渣聲，新鮮滾熱辣啱啱整好，用嚟打卡一流呀。影完相之後就撈勻啲飯食，食落口都夠晒惹味，不知不覺就食咗好多落肚夠晒開胃。另一個煮食就係牛肋骨配烏冬，我覺得呢一個嘢食就比較適合想食清淡嘅人多啲。原因係佢個烏冬入邊放咗好多豆腐，整到好似豆腐鍋咁，啲豆腐又好入味又滑又嫩，放入口就自己呑左。至於啲烏冬亦都夠晒彈牙，唔會話咬落去好稔。食完一啖烏冬同豆腐

經過發現了一間又平又抵食的韓國菜，望望餐牌，有我想食的部隊鍋，餐廳店鋪細細，裝潢比較西餐廳feel ，環境昏暗，未到食晚飯時間，已經好多人食了前菜有4款部隊鍋-部隊鍋平時食開都過百，但以到只係$79，好抵食，部隊鍋配料豐富，有芝士、泡菜、餃子、午餐肉、腸仔、雞蛋、辛辣麵，份量剛剛好，味道辣味適中，唔會辣到食唔到，辛辣麵唔會浸到淋晒。煎韓國粉絲餃子-餃子入面有粉絲、豬肉、菜等等，餃子煎到剛剛好，煎到外皮好脆，味道不錯

朋友帶我去佢平時食開既韓國餐廳食晚飯，價錢平，位於通菜街21號地鋪，女人街附近的首爾石鍋燒。餐牌選擇多元化，有二至三人套餐，有石鍋燒飯、首爾秘製豆腐鍋、特色韓食、小食等等韓式鐘板燒飯（$69）有烤肉、牛肉粒、豬頸肉、雞肉、牛肋骨可選擇。我選了牛肉粒，上枱時鐵板非常熱辣辣，牛肉粒好軟腍，加埋甜甜地既醬汁撈飯，味道相當唔錯韓風雞翼（$42）雞翼炸得又香又脆，入面仲好juicy ，點埋辣醬一齊食、好惹味，我個人覺得唔點醬食都好好味。凍檸蜜（$10）

我哋叫咗一個首爾沙律，蕎麥冷麵，海鮮烤肉豆腐鍋配韓國手打烏冬，一杯熱紅棗蜜同埋熱柚子蜜。叫咗冇耐，店員就拎咗一啲開胃小菜過嚟，小菜就有泡菜芽菜青瓜同埋粉絲，粉絲少少酸蘿蔔切左條，同台有個喜歡吃辣嘅朋友，佢食泡菜食得好過癮😂😂我就唔食辣嘅，好彩青瓜唔辣，酸酸甜甜好開胃😋😋。呢個首爾沙律份量夠晒大，個碗仲大過我塊面😳，然後有好多蟹柳絲同埋蟹籽，加埋沙律醬，用嚟開胃一流呀😍。我覺得蕎麥冷麵就好足料！有蛋，鳴門卷，蟹柳啦🥳。味道方面，就比較清淡，適合唔鍾意食辣嘅人，清清地，幾好🤩。海鮮豆腐鍋用料十足，豆腐滑脫脫，入口即溶🤤。鮮蝦大隻又爽口，都有三至四隻。手打烏冬煙煙銀銀，口感十足，份量夠晒飽。海鮮湯底味道偏濃，鐘意食濃味嘅朋友就岩哂喇，夠哂性價比啦😏。嘢飲方面就要讚下佢嗰個紅棗蜜，首先我自己好鍾意食紅棗，所以一見到有紅棗蜜就心心眼，即刻嗌，唔係每個地方都有㗎。佢啲紅棗夠晒稔，放入口度甜甜地用嚟解辣就一流啦，啱晒女士們啊。

我哋叫咗一個煎韓國泡菜餃子，寒風一口雞，泡菜餃子烤肉豆腐鍋配韓國手打烏冬，同埋牛肉粒泡菜石頭鍋飯。仲加咗一個蜜桃味燒酒，啲酒夠晒凍。好細心，全部杯都係凍嘅，咁就唔會令到啲凍嘅燒酒斟落去嘅時候會變咗熱啦，而且個杯凍冰冰用黎影相打卡一流呀🥰。呢個韓風一口雞賣相一流，新鮮啱啱炸起，夠晒脆啊😚。隔離仲有少少辣醬，點落去唔會好辣，唔食辣嘅我都啱晒食😝😝。另外嗰個煎韓式泡菜餃子入面真係夠晒真材實料，包住左好多泡菜，所以唔使點辣醬，都已經感受到泡菜嗰一陣辣味。而且啲餃子又知道卜卜趣，十分香口。嚟到主菜，我好鍾意呢個泡菜餃子烤肉豆腐鍋配烏冬。首先同上面講嘅一樣都係啲餃子夠晒大粒同夠晒足料，夠晒實淨就算真係豆腐鍋入邊都唔會散。另一樣深得我心嘅就係豆腐，啲豆腐好滑而且好入味，放入口好快就溶哂，識自己滑落個喉嚨度架。😻😻如果鍾意食韓式石頭鍋嘅話， 一定唔好錯過哩間餐廳嘅傳統石頭鍋飯配牛肉粒。牛肉肉質嫩口之餘，而且仲可以鎖著啲肉汁，超juicy添。😆😆而我最鍾意食佢啲飯焦，卜卜脆得黎好有飯香，簡直超曬水準☺️。不過個飯有小小辣，但可以同餐廳講轉走辣嘅。如果係好辣之人認真可以試食下嘅，的確好惹味，好值得推介一下👍

今日晚市入去食 見餐牌上嘅食物幾豐富 就同幾位朋友入咗去試吓 門口都排咗八個人 而我哋就等左15分鐘 都算快就有得入座叫完10分鐘之內就有得食 本身期望好高 好期待有好濃嘅豆腐湯黎暖下個胃 點知個湯食落完全冇味 好似清水咁 連拎嚟送飯都費事😞烤肉方面 啲肉質地鞋又唔好味😓 整體來講 完全唔知自己食緊韓國菜 亦唔似得其他食評所講嘅咁好食😅個餐埋單都大概$100 🤔寧願佢唔送嘢飲唔送前菜但都希望佢個豆腐鍋係好味 起碼唔使食淨一半 嘥咗啲食物 呢間鋪唔會有下次 大家去之前都可以諗諗先🤓