首爾石鍋燒

营业中

休息中

今晚晚餐唔知食咩好， 而家晚晚都係食外賣， 真係食到口都歪 。今晚決定提前食晚餐 ! 落到去首爾都已經下午5點20分 ，好彩仲趕得切叫嘢食 ，唯有快快趣趣， 趕緊六點前食曬 (六點後唔可以堂食吖嘛）拿拿聲先叫個鐵板牛肋骨， 加蛋 一上枱吱吱咋咋聲， 真係正到爆！ 加多隻煎雙蛋! 要食飽啲，費事今晚肚餓。牛肋骨好有牛味 ，尤其是近骨位啲筋特別香。朋友就食香辣豬頸肉石鍋飯。 呢個飯其實好少辣 ， 不過就真係好香，仲要有飯焦添! 我朋友食完話想食多個， 果然好大食。。另外小食就叫韓風雞翼 ，外皮都幾脆，入面仲juicy添弊喇食完仲想叫嘢食添 ，不過已經last order咗啦 ，下次要快手叫多啲先 。希望快啲有晚市堂食， 我仲想食埋個泡菜豆腐鍋先走

今日出旺角整電腦，經過女人街見到首爾石鍋燒，幾年前幫襯過，記得佢的豆腐鍋好好食，就入去食野啦！餐廳環境同之前一樣，黑黑地，頗有情調的一間小店。Menu選擇甚多，有飯有麵有烏冬，有豆腐鍋，石頭鍋飯，鐵板燒，拌飯拌麵，炒飯冷麵等等，飲品主要係韓國柚子蜜，柑橘蜜，凍檸茶，汽水等等。之前糸度食過泡菜湯鍋記憶猶新，今次想再食多次，我揀左配飯（可揀配飯或手打烏冬）。湯鍋材料豐富，有泡菜，烤肉，豆腐，韓國魚片，雞蛋，粉絲。泡菜湯味道酸酸辣辣十分惹味，so yummy! 我最鍾意係粉絲掛滿泡菜湯的味道，之後再將湯撈飯變成泡菜湯飯勁好食！里間餐廳食物水準穩定，味道keep到，而且冷氣充足，食豆腐鍋都唔會覺得好熱，不錯不錯，希望下次有機會試下其他食物！

位於旺角通菜街嘅首爾石鍋燒係一間韓國餐廳，餐牌選擇非常之多，由湯麵到石鍋飯都有好多款，今次叫咗呢一個芝士年糕辛辣麵加埋冰紅茶外賣優惠有八五折買單都只係需要$45，年糕非常之軟熟，芝士溶咗喺辛辣麵同年糕上面一啖芝士加一舊年糕再加一注辛辣麵，入口就係幸福嘅感覺。

話說我同男朋友年年都去幾次韓國，今年受疫情影響都未去到韓國，真係好掛住果到啲石鍋野食見到呢間店舖既名已經心心眼決定入黎止止癮！呢到lunch set原來有餐湯送，粟米羹，冇咩特別，比較淡味。餐飲都不過不失啦先黎既係海鮮烤肉豆腐鍋一上菜係炸炸聲既石鍋 呢個鍋好足料，海鮮有大蝦，魷魚果啲。隻蝦都幾大隻幾爽甜。而入面既烤肉都唔少，幾入味。缺點係唔夠辣，同埋味道唔夠韓式。牛肉粒石頭鍋飯又係超熱炸炸聲牛肉粒好多，都幾林。但入面撈埋既野唔多，飯都唔多，撈起上黎味道唔太濃。

Food is pretty good, but portion sizes could be a bit bigger. I've been here twice now, and both times food was good. Yesterday I tried the fried kimchi udon with prawns which was delicious. It's a very tiny restaurant, so maybe wait with the shopping till afterwards.

Good deal for lunch! Most sets were only between $40-60, which is very reasonable for Mong Kok. The beef was also well tenderized and flavorful. The portions were also quite large. The cold noodles were tender and refreshing for a hot summer day. The tomato pork base was very strong and aroumatic Overall very good Korean food for its price.

韓國餐廳係香港愈開愈多，但做得長又有歷史既真係唔多間，旺角呢間首爾石鍋燒係其中一間，都經營左有一段時間，主打石鍋系列同埋韓式小食，每檯前菜都會有韓式辣青瓜同泡菜，酸酸辣辣非常開胃🤪.韓式粉絲煎餃 8.5/10我見到好幾檯客人都有叫，好奇心之下就叫一份試試，一份5飯煎餃，外表煎到幾焦呈金黃色，幾吸引🤤餡料都幾多，分別有粉絲、豬肉同蔬菜，淨食比較淡味，不過皮好薄，加埋汁一齊食更惹味.蕎麥冷麵 8/10天氣熱真係最好叫冷野食下🤣冷麵配料有粟米、玉子、鳴門卷、青瓜絲，味道雖然比較清淡，但夏天食真係一流，麵本身都幾爽彈，食完有種清涼既感覺

疫情之下，好多遊客的旺角女人街變得冷冷清清。我今日同朋友去左平時都幾往旺場的首爾石鍋燒，今日唔洗等位馬上就有得坐低。我揀左一個叫做海鮮烤肉豆腐鍋。我同事揀左香辣豬頸肉石頭鍋飯。同事個香辣豬頸肉石頭鍋飯都幾驚豔! D豬頸肉橙橙地色都幾香辣, 豬頸肉好爽口，唔錯唔錯！ 中間個蛋黃好靚。另外有d配菜好似紅蘿蔔同粟米。撈起個飯時個石鍋一路茲茲聲個石鍋真夠熱。 我個海鮮鍋好好好味。裡面鮮蝦同青口，豬肉，粟米，豆腐，粉絲，都幾豐富，仲有碗白飯。同事話個湯底好正，味道刺激醒胃，d粉絲吸曬湯精華好正，好好食。另外還有跟一碗白飯，加些湯變成湯飯都好好食。埋單時個女仔侍應話外賣有85折優惠，真心抵！下次可以係度買外賣公司食！

放假終於可以鬆一鬆，去了旺角逛街，晚上就在通菜街搵食，比較經濟實惠。由於太肚餓的關係，我們選了二人餐再加兩個小食，沒得去韓國旅行，就吃東西補數。首先來前菜，有4款，其中我最喜歡辣泡菜和青瓜，酸辣很開胃。韓風一口雞這是跟餐的，一口雞炸得剛好，不會一口油，外脆內嫩，沾上韓式甜辣醬很好吃。秘製烤肉豆腐鍋加了$6要海鮮和$8要手打烏冬。海鮮有3隻爽口蝦球和兩隻青口。豆腐超滑，烏冬煙韌，配辣泡菜湯，惹味順口。傳統石頭鍋飯加了$4選牛肉粒，牛肉粒肉質鬆軟，大大件，份量足。石鍋飯伴入蛋、大豆芽、紅蘿蔔絲和辣醬，很香口。海鮮蔥餅蔥餅煎得香，不會油淋，外脆內軟，香蔥加上爽口蝦仁，材料簡單但味美，記得要沾上酸辣汁吃。煎韓國粉絲餃子餃子皮脆脆的，裏面有滿滿的粉絲和碎肉，粉絲控表示滿足。餃子沾上甜燒汁更滋味。跟餐的飲品，我們就$5升級選了紅棗蜜，養生又滋潤。最後埋單$355，飽到一個點。

記得幾年前食過呢間韓國餐廳既感覺係好抵食但唔算好突出令我記住餐廳,今日同朋友經過旺角朋友提議去食呢間估唔到今次幾有驚喜！正值lunch time門外都幾多人等緊位,好彩等左陣好快就可以入座.menu有好多款選擇,大多都係以石鍋同鐵板為主.石頭鍋飯-牛柳粒,上枱石鍋多晒熱,聽到滋滋聲熱氣又不停冒出！係飯面上打左粒生雞蛋,利用石鍋既熱力將生雞蛋同飯拌勻後令蛋漿可以黏上飯粒令飯充滿蛋香.石鍋飯己經幫你加左韓式辣醬味道甜甜辣辣.牛柳粒牛脂味好香但又唔會好肥膩,加上粒粒芝麻更香口.內裏仲有豆芽,紅同白蘿蔔絲,增添左份清爽既口感從而減輕石鍋既熱氣感.最尾食到底仲可以煎起飯焦,入口脆卜卜又帶點焦香！果然石鍋夠晒熱先整到咁香既飯焦.年糕豆腐鍋內裏好多配料,底下有粉絲,牛肉,豆腐,菜,魚糕片同主角年糕.湯底帶淡淡泡菜味但又唔會過辣,除左泡菜味,湯底仲帶淡淡既海帶湯味辣中帶甜估唔都又幾夾,粉絲吸晒湯底既精華.年糕就算放入鍋內一段時間都唔會變糊,入口個係好綿糯.煎粉絲餃子外層煎得好薄脆香口,內裏粉絲豬肉餡又香又夠味.

喺疫情底下 唯有多啲叫外賣 ，今日我哋經過首爾門口見到外賣有優惠，咁就唔好嘥咗佢!外賣有85折!韓式烤肉拌飯都幾豐富有韓式烤肉 ，韓式粉絲 ，青瓜絲， 醃製青瓜及木魚絲。 另外比咗一啲醬汁。將所有東西連汁撈埋一齊食 ，有不同嘅口感，層次分明，幾好食喎!雜菜豬頸肉炒烏冬， 呢個炒得好香口 ，有鑊氣我見佢有泡菜大蝦炒烏冬，下次試下先!海鮮蔥餅， 香脆可口，點埋個汁真係好食， 食完覺得唔夠喉添韓風一口雞， juicy炸雞，點佢嘅韓式甜辣醬，不錯!而家咁嘅時勢成日都要喺屋企食飯， 聽佢哋d同事講 ，可以打電話落單叫定外賣，再去攞都得有禮貌，服務態度良好

近排日日留係屋企悶到抽筋冇得出街食好嘢簡直係令我生不如死所以今日決定叫外賣突然好想食韓國菜所以就叫咗好多嘢佢個豬頸肉炒烏冬好好食，好足料勁多豬頸肉同菜，個醬都好開胃😋個餃子意外地幾好食🤩唔知係餃子本身質素好定係food panda哥哥行得快，外賣都唔會話好淋意外驚喜至於炸雞翼就不過不失啦🙂🙃味道還可以，但係塊皮太厚食到第二隻都覺得有啲油最後係炒年糕其實我係唔食得辣嘅，但呢個炒年糕都尚算頂得順撇除辣味～我覺得都係好食嘅！外賣送到過嚟啲年糕都唔會吸晒啲汁都算係咁～總括嚟講～我好悶意今次嘅外賣如果再叫多次應該會再嗌炒烏冬同餃子

一去到餐廳就送左配菜比我地，邊叫邊食。我地揀左一人餐，咩都唔洗煩，有湯有頭盤，仲有野飲，夠晒豐富！最驚為天人係燒牛肋肉，就咁食都夠淋亦有好多汁，夠晒juicy！凍冰冰就自然想食石鍋飯🇰🇷啲石鍋飯有飯焦，撈埋啲餸，好夾同夠晒熱啊～仲有啖啖肉炸雞🍗一路食一路飲燒酒🥂正。嘢食不過不失，唔好講笑，呢個價錢食到呢啲正野真係算好抵食！🍳 尤其碟飯送到上尼熱辣辣，真係好正🤤每碟菜份量都夠晒大碟，行過旺角不妨試吓。

🇰🇷🇰🇷🇰🇷下雨天☔️過來吃石鍋飯，再沒有比這更幸福的生活方式了。用最小的努力💪讓自己感受到最大的自由🆓吃一頓地道韓餐，就像去了旅遊✈️心靈永遠在路上！.二人餐$189秘制烤肉豆腐鍋配泡菜飯傳統石鍋烤肉飯韓風一口雞🐔是日泡菜兩碟.套餐真的很划算，189兩個人吃完全足夠了，還有小食跟飲品贈送，真是物超所值！網上很多人推薦烤肉豆腐鍋，果然名不虛傳，粉絲湯特別鮮美滋味，配上一碗熱騰騰的白飯，就是最簡單最好吃的家常美食。.石鍋烤肉飯也是很優秀！烤肉入味，石鍋飯特別香，大學時候，每次考完試後都會去吃石鍋飯，好好獎勵一下自己的努力💪.韓式燒牛肋骨$90肉質鮮嫩多汁又肥美，上面散滿了芝麻，特別香！肉緊緊地裹在肋骨上，更加豐富了入口的感覺。牛的不同部位的肉質都是不一樣的，而我最愛牛肋骨！...首爾石鍋燒 (旺角)旺角通菜街21號地舖

今日同寶寶出咗旺角呢邊睇窗簾/蚊網，睇完順便喺呢邊食埋飯先返去❣️行行吓就行咗嚟女人街呢邊，有一列食肆可以慢慢揀😏最後揀咗呢一間相對多人幫襯、價錢經濟嘅韓式餐廳😎餐廳地方唔大，左右兩旁放咗d 有韓國特色嘅擺設，仲播住各類唔同style嘅韓文歌，幾有韓風味🤓我哋今日揀咗個二人餐C❗️點完菜，即刻有前菜到🤩即刻點完菜就有嘢食，感覺非常好🥰前菜都係酸辣為主，非常開胃❣️餐廳出菜超有效率😳點完菜約10分鐘左右，啲嘢已經開始一個一個咁來🙈影影下相，都未開始食，食物已經全部都到齊了🤣正值非常時期，店員非常貼心咁問我哋使唔使留返一對做公筷💕抵讚❣️牛肉粒傳統石頭鍋飯加咗$4牛肉粒果然無錯❗️入口好軟熟，好有質感👍🏻生熟度掌握得好好😍一啲都唔韌，食落好似豬骨咁❣️撈埋飯、豆瓣醬、雞蛋、蘿蔔、大豆芽等，熱辣辣♨️食得好滋味☺️秘製烤肉泡菜豆腐鍋加咗$8 轉配韓國手打烏冬😎唔好嘥咗個泡菜豆腐鍋嘛🤪啲秘製烤肉真係幾好❣️入味得來有啲黑椒喺表面吊味👍🏻整鍋份量甚多🙈唔算太辣💕幾啱我口味😌韓風一口雞賣相吸引，顏值幾高❣️炸出好靚嘅黃金色👍🏻外脆內軟，雞肉嫩滑，咬落仲有肉汁添😍呢個一定要趁熱食哦❗️唔係凍咗會有少少硬～炒韓國粉絲 $5