首爾石鍋燒

营业中

休息中

同朋友行下女人街見到有間韓國菜 lunch set又唔貴 就入去試試👉🏽蕃茄泡菜烤肉豆腐鍋蕃茄味係有既 但係唔濃郁 泡菜都唔係話好辣 可接受 入面有埋粉絲 配埋碗飯真心對女仔黎講好夠飽 👉🏽金菇肥牛烤肉豆腐鍋有少少失望既 因為會覺得佢略厭普通 個湯低好似冇乜味 金菇唔多 反而肥牛好足 食肉獸都岩食 但同蕃茄個個比 有啲失色💔💔Overall 黎講60蚊係旺角食韓國鍋飯真心平 加上星期六日都係呢個價 質素同價錢都成正比 都算係窮丁之選

哩間旺角小店我一直有支持開，都已經幫襯左好幾年。我最鍾情嘅係《泡菜烤肉豆腐鍋》，泡菜湯底味道香濃獨特，酸酸辣辣，好好送飯。而且材料豐富，有泡菜，烤肉，滑滑豆腐，水蛋，韓國魚片，粉絲浸住泡菜湯食尤其好味！食完一定好滿足。另外我朋友叫左《泡菜炒牛肉鐵板飯》，哩個我自己都食過幾次，好惹味的！上臺時炸炸聲勁香，味道好正，又香又辣，d汁撈飯一流！牛肉粒分量都好多，口感十足！哩度除左泡菜湯鍋，泡菜炒牛肉鐵板都好正啊！另外試左《韓風一口雞》，好香好脆口，一口一啖剛剛好！哩間小店疫情期間依然人流不絕，必有其優勝之處！值得繼續支持！

食之前無睇評語係我錯突然好想食韓國野又肚餓見有位就入左去最中意食水冷麵食過無數水冷麵既我呢個水冷麵史上最廢完全唔係正宗果隻麵求其一個麵凍既就話係水冷麵😑咁我求其係屋企用米線落啲醋唔通又叫水冷麵咩🙄炸醬麵無乜點 算擺得落口牛仔骨係cheap既質素 但又唔係特別平 都要 $150 $150可食到更好質素 唔值餃子無乜點但個皮好硬的成餐飯無一樣野有韓國既風味我都唔知食左啲乜🤢可能食石鍋燒會好啲畢竟人地個名叫石鍋燒但已經唔會再試了唔洗錢都唔會再去🤢🤢

✨個日原本想去旺角食蛋包飯，但搵極都搵唔到😌所以決定周圍梯吓最後就揀吓有咩食算😁最後就揀咗呢間好似都幾多人既韓式餐廳✨❤️店內都好多選擇而且價錢親民 性價比高👍🤤傳統韓國石鍋飯🤩有得揀要腩肉、雞肉或者牛肉粒🤤而我就揀咗蒜蓉牛肉粒，好大粒份量都幾多吓🤭有d飽 而且有小小似食pepper lunch感覺🤣一上檯滋滋聲咁😳超級熱🔥要好小心 整體味道都唔錯🤤👍性比價👏💯! #lky旺角 #lky韓式📍旺角通菜街21號地舖

點咗個傳統炒肉石鍋飯有個細粟米湯 ，加杯冰紅茶都等咗起碼25分鐘 都有啲耐 但啲炒肉唔知係咪隔離地中海餐廳 啲kababs. 用唔曬用來做炒肉 啲肉又乾又燶又苦然後啲蘿蔔絲又苦 真係好難食 好難食 好難食啲肉掂都冇掂過 Foodcourt 都好食過佢你要食就千祈唔好嗌炒肉石鍋飯 無好結果😉仲要lunch set 51蚊

行到攰攰地， 放下小王子， 同皇上拍拖行展覽後， 去旺角搵野食。 好耐都無食過韓國野， 咪試下尼間。 叫一個二人餐。（比散叫抵食少少） $179+10%牛肉鐵扒， 整體份量都大， 牛肉唔太老石頭鍋飯燒得ok, 有飯焦， 正😝， 雞肉食落滑身， 整體份量都ok 不過尼個炸雞就真心唔推介， 有一種莫名其妙的咬口， 非常硬， 亦是等了好耐新鮮炸的，但竟然一d 都唔脆😨😨小食方面，咬口都可以接受， 但賣相一般

朋友推薦所以入黎吃，明明有兩張空檯，個男侍應就係點都唔俾人入，搞到大家都企係出面熱辣辣。💩💩先黎兩碗湯，芡粉+味精+冬瓜（？）+蛋的混合物。味道幾好吃。點左兩杯熱飲，隻杯好明顯冇洗過，因為我見到好多好多白色嘅污跡痴係杯內部，同我d奶茶融為一體。呢度唔記得影相，唔信可以自己親身試下。滿懷期望咁點左炸醬麵同豆腐鍋。結果，炸醬麵係酸！係酸！係酸！我從來冇食過酸嘅炸醬麵。但係皆因我對炸醬麵嘅認知好少，食得一兩次，再加上同行嘅人話唔似變壞嘅酸，就冇叫侍應換，結果吃完幾個鐘就開始唔舒服。如果有人吃到炸醬麵酸酸地一定要換！一定要換！唔好好似我咁我地仲點左佢嘅豆腐鍋，係幾咁鮮、幾咁好吃，個湯好好飲。但因為炸醬麵個陰影，我都未必再去。

好難食！鐵板燒飯令我回想起小學食過嘅飯盒即係20幾蚊嗰啲 大家諗都諗到嗰陣味之後石鍋飯好臭 成浸花生油味令我諗起我屋企出邊嗰啲煲仔飯其實嗰啲煲仔飯仲好食過呢一個主菜最後一個泡菜豆腐鍋烏冬 嗰浸怪味怪到呢......之後到小食 個韓式一口雞 係咪用花生油嚟咋浸油益未同埋花生味一咬 湧晒上嚟 真係搞唔掂嗰個蘿蔔煎餅 啲蔥好似冇切過咁 埋單仲要收我二百幾蚊 總言之兩個字 難食！

今次第一次黎食，雖然天氣好熱但都好想食熱辣辣既韓食，老公就怕熱所以叫左個拌飯，味道ok,有個酸酸甜甜既汁撈黎食，幾開胃，我就叫左年糕烤肉豆腐鍋配韓國烏冬…一上堂就好吸引，個湯好好味，豆腐超滑，烏冬正常，唯一唔好係年糕係一片片既，我以為係韓國長條型個隻，如果係個隻會好d,有咬口….另外叫左個蘿蔔蔥餅，呢個超超超好味，煎得好香脆，蘿蔔清甜…唔夠食呀兩個人🤣🤣🤣份量再大d就好，整體好滿意，會再去食，試埋其他款

一行三人想食韓國野，就黎左呢間餐廳叫左三個餐，首先登場既係三碗湯，有啲蛋白同粟米，味道淡口，一堆芡粉水咁泡菜可鍋飯有三款肉可以揀，揀左烤肉有個生蛋黃撈黎一齊食好正豬腩片炒烏冬，呢個係三個餐入面最惹味既一個，有鑊氣，不過豬腩片稍為肥左少少，烏冬夠煙韌，椰菜甜口👍🏻金菇肥牛豆腐鍋加$5要烏冬石鍋上既關係熱辣辣，食到最後都保持到個溫度，牛肉份量足，但金菇就少左啲，烏冬質地都煙韌，但個賣相就麻麻，如果可以加多少少配菜會好啲，豆腐好滑👍🏻入面都有加左隻蛋野飲叫左凍檸茶同凍奶茶，凍檸茶得三塊檸檬🤣味道還好既，凍奶茶偏甜，可以叫少甜三個人埋單$174其實佢有下午茶餐抵食啲既，大家可以參考下

這是家坐落於旺角鬧市中心的韓式餐廳🍴在下午茶的時間找到了這小家店👭人流不算很多🤭很快就能入席1. 🥟泡菜餃子手工烏冬 $39泡菜餃子味道不錯👌🏻但其實就是大家能在超市買到的那種😂所以也很難不好吃🤭哈哈哈湯底則是用韓式辣醬開出來的味道☺️整體來講...其實味道還算不錯的感覺很有家的味道😆👍🏻2. 🥕蘿蔔蔥餅 $48廚師在煎這個餅的時候可能過了火...可以看到它整個餅都黑掉了🤭咬下去時...能明顯嚐到它的味道帶點苦澀而餅身質感亦偏硬🪨對這個餅有點小失望🥺雖然小店地方空間比較狹窄...但是以韓國餐廳來說價錢十分親民可以說是窮人的恩物🤭

位於人多稠密嘅旺角往往會因為太多食肆太多選擇而選擇唔到到底食咩好，係多年前一位女仔朋友帶我食韓國嘢，當時嘅我對韓國嘅食物依然係冇乜好感覺得唔啱胃口點知食咗一次之後就不停咁光顧呢一間喺旺角女人街嘅首爾石頭鍋好耐之前佢係豬頸肉嘅雜菜炒烏冬，佢嘅豬頸肉係彈牙入味。爽口好可惜佢最近呢兩三個月決定將餐牌改晒全部冇晒豬頸肉嘅菜式，本身諗住唔會再光顧嘅我發現佢轉咗做豬腩片，諗住以抱住試吓嘅心態俾最後一次機會佢，點知估唔到佢轉咗做豬肉片之後又幾好食喎

里間餐廳我學生年代已經開始幫襯。甘多年都唔係太加價，我最鍾意食呢度嘅石頭鍋飯同埋韓式豆腐鍋。我今日試左個「五花腩片石頭鍋飯」。一上枱時色香味俱全。五花腩我不嬲都鍾意食，係石鍋上面，撈埋其他配菜一齊又真係會好味。幾香，口感不錯👍。石鍋底的飯焦好脆口。食完覺得好正。我個friend叫咗金菇肥牛豆腐鍋烏冬，佢話個湯底好正，材料十足，有肥牛金菇蛋韓國魚片，豆腐好滑，烏冬咬口，啲食材開埋個湯底係一個完美的組合，我下次都想試吓！

之前在網上被種草，店面不算太大，中午套餐真的超級便宜，一份飯可能只要50💰，我點了一個烤肉石鍋拌飯，飯焦香，整體還可以，也有鍋巴，另外一個鐵板烤肉飯，肉味道一般，份量不算特別足，大家推薦的一口炸雞，味道也就是正常，想不到吃啥時候的廉價料理

lunch嚟食呢間韓國菜，有石鍋飯、豆腐湯飯都好平民價，$50-60就有set，一杯野飲，同湯，性價比頗高，幾抵食😂雖然環境係迫啲但座位都多 lunchtime都唔洗點等👍🏻👍🏻評分：3.5/5 1️⃣泡菜石鍋飯 烤肉 $53 泡菜、韓式辣醬、烤豬肉、芽菜，雖然比傳統石鍋飯較少但份量夠多，配搭好好，但烤肉偏鹹，再加多啲拌飯醬辣啲好食啲，😂石鍋飯最緊要有飯焦可以唔翻底部等最尾就有得食埋飯焦啦🥰2️⃣焗芝士免治牛肉石鍋飯 $57本身月以為芝士係一粒粒嘅芝士，冇冧到係一片片芝士， 肉醬都係偏鹹，蕃茄味都重，可惜芝士肉醬同石鍋唔係咁夾，肉醬同意粉夾啲😂下次應該會叫其他試下