首爾石鍋燒

营业中

休息中

突然想食辣野於是揀左韓國菜 呢間之前黎過 覺得唔錯所以再黎今次嗌左個$179 既2人餐 前菜 個瓜好甜好食呢個飯可揀雞肉 豬肉 同牛揀左雞肉 啲雞出奇地滑 可另加6蚊手打烏冬個窩有粉絲架小食可揀一口雞 或者蘿蔔蔥餅個雞好味

琴日(星期六)一個人黎呢到食, 係見到之前有網友話佢泡菜炒唔錯所以黎試下 ~ 原來佢係有午餐套餐仲要係1點前結帳會有9折, 馬上按照計劃入內叫左泡菜烤肉蝦炒飯 (可能順序唔啱但係大概咁嘅名啦) 再送一個湯同埋一杯野飲 ~ 黎 到嘅時候, 發現佢D泡菜唔係一齊炒係放係上面你要自己拌入去 ~ (所以我覺得佢比較港式) 但係意外地我覺得咁樣唔錯 ~ 因為平時嘅泡菜炒飯食多幾啖就會覺得好"漏", 但係因為佢泡菜係放開炒反而覺得好食D同埋佢材料份量都唔錯 ~ 以為肉會多過蝦但係掉轉反而蝦都有幾隻以上 ~ 同埋佢泡菜真係幾好食, 酸辣適中好唔我胃口 我應該都會想再番黎試埋佢個湯係點 ~

星期六晚同朋友見到尼間餐廳， 見到幾唔錯咁，而且干凈企理，於是入去試下。裡面的確幾有格調。我叫左個石頭鍋牛肉飯同埋海鮮炒年糕，有小菜免費送，係Ｄ魚仔同埋泡菜。石頭鍋牛肉飯，上菜時好熱，味道唔錯，配料幾新鮮，裝醬料個器皿好得意。撈下撈下，好過癮，除左牛柳粒，里面仲有好多配菜，有紅蘿卜，白蘿卜，粟米，冬菇，菜。里面有飯焦，好香，我覺得唔錯。海鮮炒年糕$48，有青口，蝦，同埋日本餐廳成日出現紅色一圈一圈個D，我唔知叫咩名。海鮮好新鮮，唔會腥，年糕軟綿綿，里面有D彈牙，好過癮，D汁少少辣，韓式燒牛肋骨，呢個配生菜同蒜片一齊食，個朋友話吾錯。同埋個海鮮豆腐鍋: 個湯底好正, 有少少辣, 好足料, 有埋粉絲底, 仲配埋個白飯添, 份量都唔少, 值得推介, !!真系唔錯。論裝修，服務，食物，價錢，我覺得系女人街黎講我覺得系水準之上，一定會再黎過 

七夕同男朋友去食飯，去到始創中心層層都勁多人，所以決定指定動作轉戰去女人街尋美食～發現“首爾”唔多人又唔洗等位，價錢又ok，就決定試下～估唔到啲野食又幾好味啵！有位似韓國人既女服務員好有禮貌～全程都係面帶笑容～

一個人在旺角夜收工，九點幾，就去左女人街搵食。行左幾間舖，見到有間韓國餐廳叫首爾，我估應該新開無耐，好新淨下，就入左去。坐低叫左個鮮蝦泡菜烤肉炒飯。故明思意，炒飯入面有蝦，泡菜，烤肉，雞蛋。個飯係炒到紅色的，我估係因為用左韓國辣椒粉，辣辣地，連埋雞蛋同韓式豬肉一齊炒，炒得香噴噴好惹味，有獲氣！配埋泡菜同大蝦（6隻左右）可說是錦上添花。可能因為我喜歡食炒飯，我覺得好好食。見這餐廳嘅炒泡菜幾好味，我就叫多個泡菜炒烤肉。上菜時熱辣辣，看得出是快炒。泡菜很香，很濃海鮮味，味道很鮮甜，酸味適中，辣味很醒胃，菜仍然存有大量水份，感覺新鮮，秘制烤肉雖然是豬肉，但有牛肉的質感，整個配搭很match，十分好！

同朋友行行下街, 無意中發現呢間韓式餐廳, 又無咩人, 咁就一於係度食飯啦前菜有青瓜, 粉絲, 泡菜, 羅白, 賣相幾靚, 味道都唔錯泡菜餃子石頭鍋烏冬用料十足, 湯底有少少辣，粉絲完全吸收哂湯GE精華, 好好味,湯底都唔好哂, 好飲,餃子雖然放係湯裡面, 但又唔會浸到爛哂，食落去仲有湯汁係裡面，好香口, 西利!炒粉絲蛋少左D, 不過炒得好香,粉絲又夠彈牙,洋蔥炒得岩岩好,好入味, GOOD烤肉石頭鍋飯賣相好吸引，肉既質感大都好有口感，肉質鮮甜, 飯底夠軟，食落好香口美味韓風一口雞MINI版既韓國炸雞, 好細粒, 醬料麻麻地,唔夠辣炸醬麵唔太正宗, 味道唔似韓國炸醬麵, 麵都唔係正宗, 少少失望牛肋骨豆腐鍋牛肋骨煮得好好味, 湯既味道都好好, 材料有菜,粉絲,豆腐同粟米整體唔差下次再試其他野食, 再同大家分享

一向都鍾意食韓國野既我，係一個星期六既晚上朋友帶左我黎「首爾」一試。6點半鐘左右黎到，仲未要等位，入到去我地被安排坐係全餐廳最角落既地方，果度燈光比較暗，附近又無咩人，都幾有情調。我地叫左3樣野，2個小食同一個主菜，小食有海鮮炒韓國年榚同埋炒韓式粉絲，而主菜叫左泡菜餃子烤肉豆腐鍋。落單之後侍應們就送上前菜，有2款，青瓜同埋泡菜，2款都唔係太辣。小食: 海鮮炒韓國年榚海鮮有原隻連殼的蝦同青口，D 蝦食得比較辛苦，建議佢地下次脫左殼先至炒。醬汁就杰左少少，加返少少水會好D，不過OVERALL 味道都算唔錯。小食: 炒韓式粉絲呢個所謂既小食份量真係有點兒驚人，同主菜既SIZE 真係差唔多，味道唔算喊，幾好。主菜: 泡菜餃子烤肉豆腐鍋烏冬用料足，湯底有少少辣，烏冬吸收哂湯既精華，餃子仲唔會爛哂而食唔到，值得推介。

無意中發現隱藏係通菜街的這家主打韓食的小店，幸好時間尚早，剛剛開始晚市時間所以不用等位便可進入。前菜有泡菜、醃青瓜、粉絲，感覺已很很韓式，有泡菜和醃青瓜，小小辣好好味。海鮮豆腐烤肉石鍋烏冬好足料，有蝦，青口、栗米和好多燒肉，湯底小小辣，烏冬頗彈牙，掛湯力強。蝦和青口都好新鮮，面層還有生蛋，透過石鍋的熱力變成蛋花，令湯底變得更香。烤肉石頭鍋飯烤肉石頭鍋飯有好多材料置面，好豐富，攪拌時淋上韓式辣醬，再將所有材料攪拌，這就成了一道惹味的石鍋飯，底層還有香脆的窩巴！ 

今天和老婆仔打算在旺角玩室內的遊戲預約了晚上8時先在旺角吃個晚飯老婆仔說想起東南亞特色的食物我本來還以為是泰國菜那類原來老婆仔指日韓菜式看來她心中的東南亞還挺大在網上看到這間餐廳看似不錯應該很有韓國特色所以故意過來一試時間尚早剛剛好開始晚市時間不用等位便可進入老婆仔要了個76元的金菇肥牛豆腐鍋烏冬而我就選了65元的傳統雞肉石頭鍋飯很快就送來的是韓國菜必有泡菜等的前菜感覺還真的很韓式這個金菇肥牛豆腐鍋烏冬很新鮮滾熱辣的送來看起來感覺不錯不過老婆仔說不太有味的確比想像中淡味不似韓國地道的味道加上金菇肥牛的製法感覺很港式味道其實還算可以接受只是那烏冬聲稱是手打烏冬吃起來卻不似有點失望至於我的傳統雞肉石頭鍋飯這個味道就濃得多老婆仔都說我點的是比較好吃雞肉也算很多就是用的醬汁同樣不太韓式起碼沒有預期的辣味反而有點甜味這樣也是很港式的味道仔細看其實這餐廳的裝潢也是很港式不過其實把韓式食品加點香港味道調校成更符合港人的口味這樣也算不錯

韓流襲港，行過旺角女人街時，見到依一間價錢看似唔太貴又幾好食咁，就入去試下。 門外有部大電視播住韓國ＭＶ，店員的服務態度親切有禮，又唔會冷落門外既客人，又會主動問客人既需要。 咁我同朋友入去就叫左個鐵板燒 (牛肉)同泡菜餃子石頭鍋烏冬。等左大約5分鐘就有野食啦。 佢啲開胃前菜：醃青瓜、泡菜等，都好好味，唔會過咸或太酸，既惹味又開胃，而分量唔會過多，岩岩好。 先講下依個牛肉鐵板燒，依個鐵板燒上面有一隻香滑美國雞蛋，個蛋黃未全熟，所以蛋黃可以撈住D白飯一齊食，提高飯既味道；個白飯就應該係用珍珠米，粒粒飽滿圓滑，食起上黎唔會話太乾身；佢Ｄ牛肉好新鮮，肉質幼嫩，咬落去就有香甜既肉汁流出，非常惹味。 仲有新鮮既蔬菜做伴菜，又唔會變哂黃。用黎解膩一流。咁我朋友個泡菜餃子石頭鍋烏冬，用料足，湯底帶有微辣，粉絲吸收哂湯既精華，非常惹味！個湯又好飲，Ｄ餃子唔會爛哂而食唔到，反而可以保持到原隻，冇穿冇爛，咬落去又有湯汁，好香口。 依一餐好食得黎，又唔貴，真心覺得正！推薦大家同另一半去試。

午歺要一試這裡食評不錯的韓風一口雞，炸物但夠ＪＵＩＣＹ，配上醬汁，甜甜辣辣好惹味！還點了番茄牛肉湯拉面，拉面彈牙，番茄湯香濃，夠足料，性價比高！朋友則點了泡菜餃子石頭鍋烏冬！這個本地化的石頭鍋烏冬都好足料播！

韓流襲港已久，和朋友都喜歡韓食於是走到韓式歺庁晚膳！由於時間尚早，只需等５分鍾就有位了！我們各自揀左蕃茄泡菜烏冬及韓式餃子湯鍋連粉絲！我揀的蕃茄泡菜烏冬：蕃茄搭上泡菜，酸甜辣味都齊了，絶對啱我胃口！！石頭鍋夠保溫，食物夠熱，份量充足！朋友的韓式餃子湯鍋連粉絲：用料足，朋友欣賞呢個湯底微辣，粉絲吸收哂湯既精華，非常惹味！下次可以再試下呢度既飯類！

今日同同事去女人街搵野食，發覺女人街開咗好多韓國歺廳！經過一番比較（價錢同人流），伲間首爾系最多客的。咁我地就入去食個2人歺有鐡板，我㨂烤肉，仲有豆腐鍋烏冬，上菜好靚的子！仲系蹦.𨥖滾滾的！里面有豆腐，烤肉，好多料，微辣但香口！小食選了海鮮䓤餅，樣貌一般但食落味道又幾好，0合！原來Facebook like 佢地個homepage 有小食一12口雞送架！我當然唔執輸啦！埋單一個人大概80幾，(包飲品）抵！好彩冇行錯地方下次可翻兜

我今日路過呢間野既時候甘岩有d肚餓，見佢門口播住韓國mv，咁就入去試下啦。        入到去坐低，就叫左幾樣人氣食品忌廉煙三文魚、泡菜蔥餅同年糕烤肉豆腐鍋試下。        上菜好快，15分鐘就有一個熱到「滾滾下」既豆腐鍋上台，跟住10分鐘就出齊2個小食。         係我食緊既時候，隔離有台一家大細係度同個waiter講話個食左一半既蔥餅冇肉，其實係因為d肉同d泡菜撈埋一齊唔覺，跟住唔知佢地講左d咩，最後就補多個新既比佢，搞到個客都覺得唔好意思。          而食物味道方面，個豆腐鍋雖然話係中辣，但比起潭仔算係小辣。味道唔夠韓國既正宗，不夠就岩香港人口味多d。蔥餅配埋個汁真係超正。年糕好煙韌，max埋d三文魚又幾襯。        整體黎講價格中等，食物岩香港人口味，上菜速度快。我會比85分。

難食都唔係重點 服務態度先係令我要打食評的原因 碟炒年糕真係好咸 問個員工係咪正常咁咸 佢竟然答我係咁咸既痴線 咸到要沉完清水先食得落口！仲要又唔平又細碟！總結而言，一定無下次