首爾石鍋燒

营业中

休息中

一向都鍾意食韓國野既我，係一個星期六既晚上朋友帶左我黎「首爾」一試。6點半鐘左右黎到，仲未要等位，入到去我地被安排坐係全餐廳最角落既地方，果度燈光比較暗，附近又無咩人，都幾有情調。我地叫左3樣野，2個小食同一個主菜，小食有海鮮炒韓國年榚同埋炒韓式粉絲，而主菜叫左泡菜餃子烤肉豆腐鍋。落單之後侍應們就送上前菜，有2款，青瓜同埋泡菜，2款都唔係太辣。小食: 海鮮炒韓國年榚海鮮有原隻連殼的蝦同青口，D 蝦食得比較辛苦，建議佢地下次脫左殼先至炒。醬汁就杰左少少，加返少少水會好D，不過OVERALL 味道都算唔錯。小食: 炒韓式粉絲呢個所謂既小食份量真係有點兒驚人，同主菜既SIZE 真係差唔多，味道唔算喊，幾好。主菜: 泡菜餃子烤肉豆腐鍋烏冬用料足，湯底有少少辣，烏冬吸收哂湯既精華，餃子仲唔會爛哂而食唔到，值得推介。