饞。台式食堂 (廈門街)

营业中

休息中

今晚約左朋友傾野，經過利東街附近有間小店，店舖裝修簡約企理，感覺溫暖，而且價錢合理好親民，就入去試試。經典台式牛肉麵 (紅燒半筋半肉麵)｜$82多種口味可以選擇（紅燒/麻辣/辣番茄口味 ）今次揀左紅燒味，牛肉麵非常足料，湯頭濃厚！牛筋同牛腩都燜得好腍好入味，自選陽春麵，麵條幼滑，掛湯能力高，加埋酸菜，完全係一碗完美既台式牛肉麵🤤酒香花雕麻油雞麵｜$72天氣凍凍地，叫左個花雕酒湯底暖身嘅麵試試，湯底料十足（有薑，杞子，蟲草花）再加上用左麻油襯托雞味，超香麻油味！！食完覺得個身都暖左，真係補身之選。小食｜最佳拍檔｜$66香腸拼塔香鹽酥雞 蒜片夾台灣香腸，本身台灣腸有種甜味加上煎到脆皮搭上蒜片食，食完一口感覺超讚！真係必食👍🏼👍🏼而另一款係九層塔香配上鹽酥雞，炸到脆卜卜嘅九層塔，加上外脆內軟嘅鹽酥雞，超級香口，而且份量都唔小！唔會唔夠食嘅小食😋桂圓紅棗茶｜$16杞子份量充足，加上紅棗十分讚仙草烏龍奶茶｜$14 （十分推介）可選配珍珠或仙草（無需加錢轉配）喜歡茶味嘅必試，烏龍茶超香濃而且仙草細細粒唔會食唔到

朋友知我鍾意飲珍珠奶茶， 食肉燥飯同台式炸物鹽酥雞， 所以就特登帶我嚟灣仔呢間台式料理❤️ 全餐廳都差不多用木來裝潢，再加上餐廳明亮。原來係由90 後台灣女仔打理，使用竹製餐具，够環保兩份餐加一份小時，份量大滿足😆✨️經典台式珍珠奶茶，芋香珍珠奶茶兩款珍珠奶茶必叫之選，珍珠有嚼口，再加上奶茶香濃奶滑✨️經典台式牛肉麵 (半筋半肉麵)(可選紅燒、麻辣、辣番茄口味 ....可選台灣陽春麵 或 台灣刀削麵)我地選了紅燒台灣刀削麵，牛腩大大舊唔鞋口，再加爽口彈牙既牛筋，仲要醬汁牛味勁濃郁，湯底再配有中藥既甘醇👍✨️香酥雞排 配滷肉飯雞排外皮鹹香酥脆, 內裡滲出嫩滑美味的雞汁，證明唔係一味炸到雞身乾爭爭，而且酥脆炸到金黄色，食落味道有層次，因為以豉油、五香粉及中藥香料磨成粉作雞肉，滷肉飯完全食到台灣的風味，完全解到去台灣食既感覺✨️炸物拼盤 (四季豆、杏包菇、花枝丸同地瓜丸), 感覺完全不肥膩，而且再配鹽酥粉，感覺勁惹味，地瓜丸够煙un, 花枝丸又够香口❤️

如果綜合考慮價錢、食物味道和座位舒適度，段純貞好好多。試咗紅燒半筋半肉麵和酒香麻油雞麵，味精稍重，麻油雞麵比牛肉麵好。總體而言就是普通小店，食物味道和價錢不覺得比其他台灣餐廳優勝，試一次就夠。

話說，同媽咪high tea 有一日經過灣仔嘅廈門街，想食午餐嘅時候，見到旁邊有一間台灣小店，就入去try try 😍入到去環境非常之樸素，係以木系嘅裝橫作為主調🪵-我地入面去，9秒9就叫野食，真係太肚餓了😨我地點左3樣食物🍜 & 2杯飲品🧋，詳情如下👇🏻👇🏻👇🏻🍜 台灣麵線 配滷大腸丶貢丸$64：因為我家鄉係福建，而台灣麵線正正就係跟我家鄉一樣，所以特別想點黎試一試。佢嘅煮法其實同台灣正宗麵線係一模一樣。份量都幾多，如果當午餐食嘅話，一定飽。而味道屬於正正常常，而呢個麵線嘅本身，係落咗醋，如果唔鍾意食醋嘅朋友，記住同服務員講聲要走醋。🍗 炸物拼盤$68：呢一個炸物拼盤，令我非常之驚喜，因為我本身自己好鍾意食炸嘢，佢每一樣嘢都炸得非常之脆，特別係佢個甜不辣 & QQ地瓜。🍋 蜂蜜金桔檸檬：我媽咪就係訂咗呢一杯飲品，佢覺得冬天點呢一杯飲品，令到成個身暖笠笠。蜂蜜金桔檸檬係檸檬台灣飲品，但係仲要台灣人從小到大都唔飲嘅飲品。　🍵 蒟蒻球荔枝綠茶：我自己本身就好鍾意飲荔枝綠茶，所以即刻點咗呢一杯嘢飲，呢一杯飲品唔會太過甜，我用咗5分鐘，就飲晒成杯飲品😎。-🍽 饞 ｜灣仔分店 @chan.Tai

大份掋食，價錢合理，食物好夠熱，坐得舒服，店員態度好，地方便利，牛筋好煙韌，走地雞肉飯同滷肉飯都好好味，值得一試，蒟蒻球百香栗綠茶同芋香珍珠奶茶都好大杯，非常Nice！

灣仔食好西😋尋晚我哋就去咗 @chan.taiwan.cuisine 餐廳係由90 後台灣女生主理屬於比較親民、簡約台式料理店主親自挑選出產地來自台灣原裝 夠哂台灣風味☺️餐廳裝潢以木系為主感覺好溫馨又清新我地就揀咗塔香排骨飯炸到又香又脆嘅排骨夠哂香口壹壹食得好滋味😋另外揀咗紅燒牛腩飯牛腩炆得好淋好入味而且個汁送飯一流😍仲叫埋QQ紫薯地瓜球煙煙韌韌又幾好味😋台式餐廳當然唔少得珍珠奶茶🧋食飽飽飲埋珍珠奶茶大滿足😍⭐️饞·台式食堂📍灣仔廈門街 31 號地下#heacookmama @chan.taiwan.cuisine #chantaiwancuisine #台式餐廳 #台灣美食 #taiwanesefood #鹽酥雞 #饞台式食堂

📍#饞台式幸福食堂#MFJ灣仔 #MFJ台灣菜人均消費: HKD94廈門街有間台式食堂 @chan.taiwan.cuisine 有時冇咩人，有時又排晒隊咁😂 今日冇咩人又走去試下！🆗紅燒牛腩麵 $80揀咗個紅燒湯底嘅牛肉刀削麵！個湯真係好濃，但食落唔特出，冇咩神髓明明叫牛肉麵，但出單同試菜都變咗牛腩😅 牛腩都好淋同入味，但始終湯冇神髓，入味都覺得冇咩特別，同埋冇咩牛味不過讚一讚個刀削麵，好香同真係超滑，連夾都好難夾裡面有好多酸菜碎，同個麵又幾夾🆗珍珠奶茶 $14珍珠奶茶好淡，奶太多，冇咩味食物質素中等，唔算好Outstanding！ 出餐奇慢，餐廳得兩個客，等成20分鐘先有野食！ #mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #taiwanesefood #taiwanesecuisine #noodles #beefnoodles #相機食先 #灣仔美食 #台灣菜 #牛腩麵

灣仔嘢食多，但數台灣嘢，依間台灣菜小店，絕對係我會encore再encore嗰間。舖頭叫饞-台式食堂，喺廈門街，主打價錢親民嘅台式料理。餐廳裝修以暖色為主，感覺青春。1.藥膳排骨 配手工滷肉飯 $ 78+$12依一個好好食，排骨充滿藥膳味，肉唔會煮得太淋但入晒味，配合返佢地既腐乳醬食真係好夾。平時食羊腩煲先會配呢個醬，但今次藥膳排骨點腐乳醬真係仲夾！忍唔住食左成碗飯😂湯底有當歸杞子等藥材去煲，冬天飲一口即刻暖晒！好有當年去台灣食既味道！推介指數：🌟🌟🌟🌟🌟2. 半筋半肉牛肉麵（陽春麵）$86湯底3選1: 紅燒/麻香/蔥香都底：陽春麵/刀削麵我揀左紅燒湯底同埋麵我揀左陽春麵，牛肉炆得入味又唔會太糯，都夠彈牙爽口，湯底好順喉飲完又唔會口渴，整體唔錯。推介指數：🌟🌟🌟🌟3. 小食：鹽酥雞 台灣香腸拼盤$68我好鐘意個台灣香腸，呢個香腸雖然肥豬肉比平時既台灣香腸多d，但唔會好漏，非常彈牙有咬口，外皮香脆，肉彈牙！好食鹽酥雞味道如果可以再濃少少（我地可能比較重口味😜），同埋皮再薄脆就更加分！推介指數：🌟🌟🌟🌟🌟4.其他嘢食：肉燥青菜$25仙草奶茶 $17 跟餐價（單點$27）茉香珍珠奶茶$19跟

過開黎灣仔做嘢，順便食個早飯先返屋企，發現平時食開飯果條街開咗間新嘅台灣菜，夜晚望落好光亮，好清新，好有台灣小店嘅感覺，就入去試下先🍗最佳拍擋 呢個係鹽酥雞同台灣香腸小食拼盤，小食拼盤都好大份量😮 鹽酥雞同香腸係我去親台灣食店都會叫嘅菜式 ，呢度嘅鹽酥雞炸得好鬆脆，炸皮薄，肉汁豐富，雞肉好嫩，食唔停口，香腸煎得啱啱好，唔會太乾身，好有口感🍛塔香排骨酥飯塔香即係九層塔🌿，用黎炸排骨又幾好食，排骨好有肉😁炸得香脆，肉質好淋🍜經典台式牛肉麵(半筋半肉麵)可以揀紅燒，麻辣，辣蕃茄口味，呢個我揀咗紅燒味同台灣刀削麵底，牛肉份量好多，大大塊好淋嘅牛腩同埋脆脆充滿骨膠原嘅牛筋，湯底係濃濃嘅醬油味，帶有少少中藥嘅甘醇🍹蒟蒻球白桃烏龍白桃烏龍係我好鍾意嘅飲品，呢杯烏龍茶味好香濃，一入口首先係飲到好清新嘅烏龍茶味，之後慢慢就品嚐到白桃嘅香味，唔會係好死甜嘅假白桃味，好好飲🍸蜂蜜金桔檸檬呢個都係台灣嘅特色飲品，係用台灣出品嘅四季桔嚟沖㗎，維他命C係檸檬嘅30倍😮😮真係好健康好有益，飲落味道酸酸甜甜，好清新，好解膩，好啱食完炸物清返個熱氣

店內裝潢以木系為主，一入去環境舒服😌餐廳主打台灣野叫左個香芋珍珠奶茶，有台灣既水準叫左兩個餐，一個係三杯魷魚濃郁強烈的三杯醬跟酥脆的魷魚相當匹配，送飯一流！另一個係黑椒和牛，好淋都好食。仲有個小食拼盤，台灣香腸好正，本身都好鐘意台灣香腸！ 鹽酥雞不過不失。配餐嘅滷肉飯就好有誠意，滷肉十足！

餐廳由一位90後既台灣女仔主理，裝修風格以木系為主，光線明亮光猛，帶出溫馨親民的感覺。店內部分食材由店主親自挑選來自台灣的原材料，再進行烹調炮制地道台式料理。 - 主食 - ⦁經典台式牛肉麵 $86揀左蔥燒湯底，湯底用左高雄岡山辣豆瓣調配的醬油底，有別於一般台式料理店，蔥香味濃之餘帶點中藥既甘醇。🐮牛肉就揀選半筋半肉，每舊牛腩都好大件，仲有膠質好重且Q彈既牛筋，非常滿足。而麵底揀左台灣陽春麵🍜，煮得煙韌適中，掛滿湯汁！另外仲有紅燒、麻辣口味提供。 ⦁香酥雞排飯 $74香酥雞排有三種口味可以挑選，包括麻辣、咖喱，仲有我最鍾意既椒鹽口味。🐥雞扒即叫即炸，外皮鹹香酥脆，肉汁滿滿，食落除左椒鹽、五香粉味濃，仲帶有少少中藥香料既味道，味道好有層次。🍚飯底亦可加 $12 轉做滷肉飯，滷汁包裹住每粒飯，味道唔算好濃，不過滷肉同飯量都幾多，每啖都好滿足。 - 小食 - ⦁炸物拼盤 $68入面有炸花枝丸、炸蕃薯球、甜不辣、腐皮蝦卷一共四款，整體份量都幾多，食落味道係鹹香囝種，脆得黎亦唔覺得油！✨個人力推尼款拼盤，性價比極高‼️👍🏻 - 飲品 - ⦁經典台式珍珠奶茶 $17⦁芋香珍珠

食台式嘢最緊要款式選擇多 呢間小店行簡約清新路線 價錢灣仔黎講都算親民🫢 半筋半肉麵 ($82) 可以揀陽春麵或者刀削麵 湯底有紅燒、川香麻辣同辣番茄揀🍅 牛筋好淋身入味 反而牛肉就太大舊唔夠嫩🙈 另外唔想食煎炸野就點左藥膳排骨 ($72) 可以揀配麵或者飯 手工滷肉飯就 (+$12) 湯底甘甜，以人參當歸等中藥材料熬製而成 好似肉骨茶咁濃郁 而排骨都燜得夠軟淋👍🏻 食台灣嘢點少得小食 推介大家試下滷味拼盤 ($74) 有齊牛筋、牛肚、豆腐片同貢丸 滷水底味唔會死鹹都好香🤤 另外嗌飯麵仲可以用套餐優惠價加配珍珠奶茶 (+$14) 烏龍茶底同茉莉茶底一樣咁正 唔鍾意珍珠可以轉仙草紅豆都得🧋

灣仔行街經過廈門街見有間台式食堂 - 饞(台式食堂),餐廳裝修以木系為主題,設計簡約,米白色為主調,光猛明亮,餐廳播放歌曲。藥膳排骨(台灣蓬萊米) $78藥膳排骨配賣白飯,排骨肉有好濃的藥材味,肉質有咬口,白飯夠軟熟。酒香花雕麻油雞麵$72雞麵內配有杞子和蟲草花,雞肉有香酒味,麵幼滑。滷味拼盤$74鹵水牛筋,滷貢丸,鹵水豆腐,滷筍乾和台灣酸菜。香芋珍珠奶茶$19珍珠奶茶油香芋味,又甜又滑。蜂蜜柑桔檸檬$16柑桔檸檬內有啫喱,酸酸甜甜,鹹鹹地。

酒香花雕麻油雞麵這道是台灣常見的料理，這道料理很適合用來冬天進補，使用麻油烹調，有祛寒、補血氣、護肝、護血管等功效。花雕酒的酒色橙黃清亮，外表看起來很吸睛。雞肉沉積在花雕酒裡面，反覆燜烤烹調而成。再者，花雕酒配搭麻油，整體味道變得很豐富，一道料理可以品嚐兩種美味。花雕酒酒性柔和，香醇厚實的酒味，馥郁芬芳的酒香，發揮了調味的功效，令整道菜餚香味更加濃郁，別有一番風味。花雕酒精濃度大概十五度，經過加溫後酒精濃度隨之降低，沒有喝酒的朋友亦能輕易接受。藥膳排骨麵台灣必吃的食補料理，冬天的進補品，雖然中藥材和大骨中的骨隨對身體極佳。以人參、當歸等7種中藥材「小火」熬煮而成。屬性溫和，補血、補元氣， 一年四季、男女老少皆適合食用。藥膳排骨湯湯底呈現二重奏，除了保有湯頭的原味、清甜，完整保留中藥原本的味道，亦添加沾上特製的調味。上等昂貴的手切豬肋排肉燉煮後骨肉分離，藥膳排骨湯的精華完全滲透台灣陽春麵，烹飪時間適中，口感煙韌而味道濃郁，是冬日裡最適合吃的暖身食品。

路過灣仔分店，見到 Menu 好吸引，抬頭一睇個名，記得好耐之前新開張試過荃灣分店，今次再試同之前食既水準差唔多，難怪已經開多兩間分店～白色店面 + 鮮黃色 logo 遠睇已經好搶眼，主打好有家庭菜 feel 既台式料理。店內裝潢以木系為主，感覺清新。以定食形式上菜，七彩顏色既碗碟原來係竹製餐具黎架，食得開心又可以支持環保。.✔✔ 香 酥 雞 排 + 滷 肉 飯 // $70+10即 order 即炸所以出餐可能等一陣，大概20分鐘內上菜。上碟時仲係好熱辣辣，炸雞扒夠薄身，超鹹香酥脆，但唔會好油膩嘅感覺。雞肉嫩滑 juicy，問店員原來用左豉油+五香粉+中藥香料醃雞肉，炸完再係表面撒上椒鹽，所以特別惹味 .ᐟ.ᐟ 原本係跟白飯 +$$ 可以揀配滷肉飯 / 手撕雞肉飯 / 台灣蓬萊米。飯粒軟硬適中，似珍珠米但冇咁煙韌，偏軟糯特別吸收醬汁，下面仲有胡麻醬沙律。✔✔ 經 典 台 式 牛 肉 麵 // $82簡單一碗牛肉麵都有好多選擇~湯底可以揀紅燒 / 麻辣 / 辣番茄，牛肉可以揀牛肉 / 半筋半肉 / 三寶，麵可以揀台灣陽春麵 / 台灣刀削麵。最後揀咗紅燒半筋半肉陽春麵湯底醬油藥膳味