養心殿台式養生鍋 (已搬遷) 新店位置

入座先知茶市有半價，一大驚喜，埋單三百幾四百，如果晚市兩個人食但要比全價就貴咗啲，所以多人食除開應該會合理啲。叫咗麻辣同川芎湯，兩個湯底好夠味又有層次，淨係淥個麵食都好滿足。麻辣本身有啲鴨血，另外會再送多一客。川芎湯就有魚頭同半隻烏雞。鴨血滑嫩但難入味，麻辣湯入面本身仲有冰豆腐，吸哂湯勁正。墨丸質地同味道怪怪地，招牌水餃就硬實到一個點。都話食個麵最好，兩個湯配新竹米粉都正。哩枝似cc lemon嘅汽水都幾好飲。羊肉幾好，唔會過肥，羶味剛好，兩個湯都好配。餐廳啲服務生講嘢都幾騷擾，大聲叫嚟叫去，希望可以控制下吧。同埋地下枱都油林咁。