風雲丸

营业中

休息中

今日襯打風前去了尖沙咀shopping，同朋友行到攰又見餓就搵間餐廳食下野坐下。記得尖沙咀有間風雲丸，上次食過灣仔，今次就試下分店又如何！座位坐得比較近，可能當日天氣太過炎熱，所以個人覺得冷氣不太夠吧！本身order左個沾麵，由於餐廳職員說缺貨，所以就order左個無味玉版既沾麵!豚骨魚介沾麵：沾麵既份量有得自由選擇，800g先要加錢，今次我order左大盛300g既份野，足以夠飽肚啊，沾麵揀了溫度。沾麵麵質較硬身，沾上魚介湯中，味道帶點點咸味，味道配合！筍既口感爽口。而豚肉帶肥，所以食上去吾會硬而是林的，當中帶有少少油份滲出。另加炙燒豚肉、粟米。羽根餃子：值得一讚是餃子，餃子有一層既薄薄既脆底，餃子入面是菜加少許肉，點埋餃子汁，味道不錯！元祖彈珠汽水：為炎熱的天氣降降溫！日本柚子雪葩：柚子味濃郁，中意柚子既朋友可一試！

我唔會再幫襯🤦🏼‍♀️入到店內，已經有八九成滿座。坐低點完餐既時候，外面已經開始要排隊等位。等左差唔多二十分鐘，兩碗沾麵先送到。之前光顧過灣仔店，水準幾好，所以今日行過見到入左去，點左兩個石燒魚介沾麵，點知中哂伏。等得耐已經有啲唔耐煩，點知一食啲麵好似無煮過，仲硬過我條命，然後個湯底完全唔知想點，淡到傻左，唔講完全唔知係魚介豚骨湯底。。。同我之前响灣仔食完全係兩回事🙄，諗住食埋隻溏心蛋就埋單走人，點知一食個溏心就酸既☠️只有豚肉係正常少少，簡直係負分如果一間沾麵店連最重要既拉麵同湯底既質素都維持唔到，咁其實真係好失敗🌚

尖沙咀又開咗間人氣沾麵店！🤣 開係k11附近，除咗三田之外，又可以多個選擇。等咗一陣終於入到去坐，店主都講咗因爲人比較多，所以食物都會耐少少。小食最快黎到！辛口沙律餃子 ($38) 餃子上面既辣醬食落係真係幾辣！好彩有沙律醬先比較易食。餃子外脆內軟，內面既餡料食落不錯🙈叫咗2個沾麵，一辣一唔辣。石燒濃厚豚骨魚介味玉沾麵($93) 同石燒辛辣豚骨魚介沾麵($93) 同一樣既價錢但原來係多隻蛋！雖然辣味都加 $12多隻蛋~豚肉好厚，但肥既比例較多，入口即溶。但我都係鐘意食瘦叉燒多啲。沾麵麵質較粗身，食落好有咬口，煙韌控最愛。整體黎講味道不錯👍🏻價錢都幾抵

拉麵熱潮幾年前開始起左少少變化，就係多左沾麵呢個選擇，風雲丸都算係香港其中一間沾麵代表，由第一間開係灣仔，大排長龍，到今日係九龍開分店，似乎愈做愈大呢裝修同灣仔店同出一轍，比起好多拉麵店，風雲丸都真係算大間，所以就算人氣旺盛都唔會要等好耐風雲丸雖然主打沾麵，其實喜歡食湯拉麵的朋友呢度都可以搵得到，老規矩，係點菜紙上寫上自己需要的食物再交俾店員，留意番餐廳係可以同一價錢揀選三款不同份量的拉麵，分別係並盛、大盛、特盛，可以因應自己的食量選擇，咁就唔洗浪費食物，實在係好好的一個做法檯上有食沾麵教學，等食物的時間就可以望一望，順帶一提，沾麵係可以揀冷或溫麵，我就比較喜歡冷麵，因為較有口感特濃山椒魚干沾麵 ($98) 點了期間限定的特濃山椒魚干沾麵，用上石鍋滾住咁上，原來石鍋可以高至300度，有效地保持湯的溫度，咁就唔會食食下變凍，湯底由大量豬骨熬製，之後再加入魚介粉，味道好濃郁，每條麵都均勻地沾上湯汁，麵條為每日自家製作，粗身的麵條食落有咬口，冷麵係熱湯入面浸2-3秒，溫度就岩岩好食得食到中途就可以試下加檸檬汁，轉換一下口味，加左檸檬汁之後就更開胃味玉 ($12)總覺得食拉麵一定唔少得一隻流心

一直都想吃風雲丸的沾麵，可惜灣仔對於我來說太遠，所以一直都沒有吃過~ 近日得知於尖沙咀開了新分店，就在K11對面，地點如此便利，終於有機會一試! 餐廳空間不算大，但幾和風，分為吧枱位& 長餐枱等，也有少量2/ 4人枱，下午4時多，客人不算太多，不用等位實在好彩~ 除了沾麵，也有拉麵、石燒飯& 小食等，不過此行目的就是為了吃沾麵的! 辛肉爆彈野菜豚骨魚介沾麵 ($108) 麵條可免費選200/300/400g，要吃到飽的我當然是選400g; 麵條也可選冷/ 溫麵，個人選了後者; 女生如我都可以吃罷400g麵條，不過我是比較大胃口的啊，哈哈! 這款以野菜為主的沾麵，石鍋內有大量芽菜、木耳& 椰菜等，配上辣辣的湯底，相當惹味; 麵條亦頗有嚼勁，也算不俗. 不過都頗有辣度，最後喝了2杯自助的冰水解辣~ 豚骨魚介沾麵 ($88) 朋友所選的豚骨魚介沾麵，有一大片炙燒豚肉，喜歡食肉的可選這款. 試吃了少許，肉質頗粗糙，至於豚骨魚介湯都偏鹹，應該較適合重口味人士. 終於都試到風雲丸了，不過沒想像當中美味，可能我非重口味人士掛~尖沙咀麼地道30號Mody House地舖

一早已經聽過風雲丸個名，可惜抽唔到時間同朋友過海去食。早前知道佢係尖沙咀開分店仲要係K-11咁近，所以一收工就跟同事過黎拜訪一番。因為都排左一陣隊，所以餓餓地就一齊點左特盛(400G)，麵量都頗多。期間限定：特濃山椒魚乾沾麵。上枱時滾燙非常，帶出魚湯誘人香味。旁邊附上一片檸檬，可以根據口味自行調整湯嘅濃淡味道。輕輕加一兩滴就啱啱好，因為沾湯本身都真係幾湯。燒肉超厚同大塊，可以當佢豬扒咁睇都無問題。肥瘦均勻，入口油香四溢之餘又好鬆化，配上魚介沾麵增加味道，好好食。可惜麵身唔算特別，如果用上曲身粗麵，就更能掛上湯汁增添風味。附贈嘅魚乾幾香口，遲左放湯有啲硬，最好係一開始放落沾湯裡面軟化及出味。辛辣豚骨魚介沾麵。同樣係厚切燒肉，但同事嘅就肥膩左少少。湯底用上辛辣粉調味，入口較刺激，味道同山椒魚湯差不多，愛辣人士可以一嚐。日式餃子。用上少少麵粉水煎所以結左一大塊脆片。餃子唔算大隻主要係香口同填補沾麵嘅濃郁味道，不過不失咁啦。因為新開業關係，人流唔算太多唔會造成一食完就要轉俾下一手嘅情況，所以仲可以食完跟同事下計。整體都算唔錯，揀係吧枱坐可以一邊睇煮麵一邊食，雙重享受。

朋友話想食沾麵，我立即提議去食風雲丸。尖沙咀分店同灣仔分店一樣都係咁多人，就算今日落大雨，店外仍然都係出現長龍，好在我地大概等左15分鐘就有位。麵量可以選擇200g/300g/400g，雖然同樣價錢但為免成為大唗鬼，我地要左300g就剛剛好。而且仲可以揀凍/暖麵，我地都係要左暖。朋友要左最經典既石燒濃厚豚骨魚介味玉沾麵。沾麵汁魚味十分濃，愛魚之人一定大愛！如果怕魚腥既人，可以加少少檸檬汁，辟腥之餘仲可以提鮮。而配料叉燒超大塊厚身，而且肥瘦相間，唔乾唔鞋，燒到香脆，好好食！另一主角玉子亦好值得一讚，輕輕一整，蛋黃汁已經立即湧出，流心效果一流。而蛋白部分亦好夠味。朋友就要左期間限定既鮮牛油忌廉魚介沾麵配料同樣有美味既叉燒。加左牛油同忌廉既沾麵汁變得好creamy好滑，好似忌廉湯咁，可以全部飲哂！果然係值得排隊既長龍店！

早前風雲丸開分店排長龍第二碗沾麵半價，最後又勾起了我吃沾麵的胃每檯檯面有吃沾麵的教學除了沾麵，還有兩款拉麵提供，自家製的麵可選冷麵或溫麵，前者麵質會彈牙，後者會帶出麵的小麥香，200-400g的麵是不另收費，如果800g就要加$45石燒濃厚豚骨魚介味玉沾麵 ，湯底主要是豬骨及魚介粉，上檯時湯底用上攝氏300度的石鍋盛著，所以湯底又頭到尾段食都熱，很燙口，而湯底濃郁帶點杰身麵質比較粗，掛麵的效果很強，每一根都能掛得到沾麵上的材料豐富，一大塊慢煮叉燒，燒得好香又有厚度及口感原隻流心蛋從中間分開，流心度爆燈，雞蛋有蛋香隨個人喜好，可以擠一點檸檬汁到湯內，口感開胃，還有蒜粉，黑胡椒粉，辣粉等等，但我還是通通都不下，喜歡原味

又一間新開的拉麵店公司附近新開了一間拉麵店-風雲丸。12點放食飯嘅時候去試左12點已經坐無虛席。仲要有人排隊。。。不過一個人食的話好快有位。開喺麼地道，風雲丸的裝潢設計風格好特出，舖內裝潢更帶日本風坐吧枱。。自己劃紙仔。沾麵比較多選擇，湯拉麵好似得2款。而且都會有2款期間限定嘅沾麵任君選擇。叫左個豚骨魚介味玉沾麵大盛。等左15分鐘終於上菜！上餐時個魚介濃湯仲係滾緊。。湯好濃好味麵味道ok不過略嫌有點煮得耐左，太軟(本人鐘意食偏軟都覺得太軟，一夾就斷)。大大塊豚肉，不過本人覺得有點硬，有點乾，非常一般與期望有點落差，有點失望。😐

上次去完K11見到轉角新開風雲丸、門外排著長長人龍、男友說很想試。今晚又再路經此地、已經接近夜晚九點、想不到還要等位、幸好只等了五分鐘就入得！點了招牌的石燒濃厚豚骨魚介沾麵 $88滾燙的石鍋送上、魚介湯還在卜卜地滾著。先呷一口湯、超濃郁的魚湯味、正！豚肉煎香、肥瘦適中、有脂香但唔肥膩、肉質軟滑又不會太鬆散。圓條狀的拉麵有咬口、掛湯力高、沾上魚介湯吃很美味。另一個則點了野菜豚角豚骨魚介沾麵 $103。熱騰騰的魚介湯裡有好多蔬菜、金菇、洋蔥、好入味。豚角亦好軟腍、好好味！吃多點蔬菜感覺亦沒有太膩～

尖沙咀收工後帶住一身的倦意，突然想起日本時的拉麵，所以即刻上網搵附近的餐廳推薦。再加上同行朋友的要求下選擇了最近的這間風雲丸。我點的是期間限定的山椒魚乾沾麵，朋友點的是肉盛魚介沾麵，再加點了一份唐揚炸雞及信洲蜜蜜蘇打。先來飲品，是日本來的，標明有果汁10%未滿，桃味濃，可惜不夠凍。再來是炸雞，只有檸檬伴碟，殊不知原來炸雞已夠味，肉質厚又嫩而炸粉很薄身，好食👍。食完沾麵終於來，山淑魚乾沾麵，如名一樣，真的有魚乾，並且有一塊魚柳，湯汁都是滿滿的魚湯味道，非常美味。肉盛魚介沾麵有4塊豬肉，絕對適合同行肉控的朋友，不過相對魚湯，肉盛的湯底是較鹹的。

記得風雲丸初初喺灣仔開店既時候已經好想試下咖啦，但係人龍真係好長，每次經過都見到超過20人喺度排隊，無耐性既我，只好概嘆與她無緣。今日經過尖沙咀，竟然比我發現佐原來佢地開佐新既分店，今次咁有緣，仲要唔駛排隊，緊係要一上試啦。餐廳就喺地標商場K11既旁邊，位置方便，內裡裝潢都幾靚，好有日本feel。一個好大既落地玻璃，令到成間店都好光猛。餐廳主打既係沾麵，基本上有7成既客人都會有個石鍋喺枱面，當然，湯麵既選擇都會有既，而比較特別既係，佢地仲有一款叫「子供套餐」，即係兒童餐，都有見到客人order 佐，真係幾細碗，比我就一定唔夠飽啦。麵既大小都有分並盛 (200g) ，大盛 (300g) ，特盛 (400g)，呢3款都係唔需要另外加錢既，大食既我，當然就直點特盛啦。如果有超大食既朋友，就可以加$45要富士山盛 (800g)﹛係特盛既2倍，極誇張。除佐麵既份量有得揀，麵既熱度同樣有得揀，講緊既係冷或者熱，當然唔係牛扒既3,5,7成熟啦。枱面會有冰水，可以按自己需要隨便添加。另外都有沾麵既食用方法，基本都係食完沾麵可以加清湯飲用，而呢度比較特別既係可以加白飯變雜炊，同埋有加檸檬汁去加添口感。如

這間餐廳跟另一間連拉麵店的裝潢相若，而這間是以沾麵為賣點。一直都想試灣仔那間風雲丸，奈何太遠，收工過去已大排長龍，難得尖沙咀開了一間，當然要去試試沾麵。即使假日的下午茶時間，店外仍有人龍。客人離去後，店員很快地收拾桌面，所以等候時間不是很長。我們在餐廳門口已看了餐單，甫坐下，即點食物。辛肉爆彈野菜豚骨魚介沾麵($108)，可選冷或熱吃，我們選了特盛(400g)，不用加錢。盛載在鐵鍋內沸騰的熱湯，沸騰時飄來豚骨濃湯的香味，賣相味道俱佳。野菜量多，沾麵也有少量，冷吃熱吃也可。粗身的麵條掛湯力好，煙煙靭靭。原本打算一碗麵再後加一個替玉，兩個人就夠飽，又不用點兩個麵吃不完。因吃了其它小食，到最後發現原來一個麵已足夠兩人吃，沒有再點替玉。羽根餃子($35)，必點食物。這是鄰座的食客推介的。餃子的皮非常薄，外香脆內鬆軟，肉饀多汁，用上了大量蔬菜，難怪每枱必點。味荀($15)爽，非常好吃，爽脆濃郁，但比想像中少，希望份量多一點。炙燒豚肉($15)，又厚又大片，肥瘦肉比例恰當，燒得很香，入口嫩滑即溶。味玉($12)入味，流心適中。粟米粒($12)，量多而新鮮，加入餘下的辣湯底變得非常清爽好吃，同時吸收

風雲丸係由日本過江龍嚟到香港，聽講沾麵同拉麵都做得非常出色，因為佢哋用豚骨以及大量魚介淆製嘅湯，每日都會淆製十小時或以上， 裝修方面都好搶眼好吸引，所以今次我都嚟試一試，究竟同日本有咩分別。 我今次叫咗一個豚骨魚介拉麵($88)加味玉(溫泉蛋)$12。 湯底非常濃郁好夠味，好有魚香同豬骨香味， 我揀咗正常面嘅質感，軟硬程度都合格。 加埋蔥花，簡直係整碗面嘅精髓。 豬腩肉燒得外面非常脆口，入面仲吾會太乾，肥瘦分佈得好鮮明，大大嚿溶在口裏面 ，溫泉蛋亦都有留心嘅效果， 亦都好有蛋味。 亦都知道風雲丸嘅沾麵都是主打，下次可以嚟試一試，因為無論環境，服務質素，以及食物， 都市值得再來一次。

星期六下午排隊，等了大約二十分鐘，不是很耐。點了菜，侍應話要等二十分鐘。感覺上好似十分鐘就到，可能不是太肚餓嘅關係。近期減緊肥，點咗 200g ，比較大食嘅男士要點 300g / 400g 。個原味比較咸，第一次食魚介味，幾特別，值得回味。另外點咗個咖哩味，咖哩味好搶，鐘音咖哩可以一試。個麵就真係好爽口。結賬沒有 paywave 有些不方便，不是太煩。侍應很有禮貌。