風雲丸

营业中

休息中

自上次在灣仔吃過風雲丸後，發現他們在尖沙咀開新店。今天一於去試試看。這間店位於麼地道地下。午市時間，排隊的人唔多，不用五分鐘就可以入座。餐廳是中型大小，裝修和menu 灣仔店如出一徹. 這兒主要供應七款沾麵與兩款拉麵，除此以外，還有石燒飯、炸雞、餃子和甜品供應。豚骨魚介味味玉沾麵$93這沾麵配料可真豪氣，豚肉大大件厚切的。豚肉經火炙過，表面微焦，帶一點半肥瘦，脂香豐腴，滿有肉味。加上豚肉夠厚身，帶一點嚼感，口感十足。味玉滷得入味，旦味香濃， 而且仍然保持流心。筍片爽口軟嫩。而魚介湯味道十分濃郁。豚骨的味道之中又有濃厚的魚介風味，而且質地厚身，黏黏的，掛麵一流，充滿了骨膠原。或許是因為湯是以石窩上的，湯滾得很，泡沫不停的冒出來。把麵條輕輕一燙，暖麵立刻熱起來。即使吃到尾，湯仍然是熱燙的。一碗熱騰騰的沾麵，雖然不是最好，但味道唔錯，在秋意正濃的天氣增添一份暖意。

終於終於，有時間黎到呢個日本人氣既拉麵王！呢度最出名既係沾麵，所以千奇唔好叫錯！！！我地首先叫左個最經典既魚骨味拉麵，留意番呢度係可以揀番麵既份量，而我地只係叫左200g姐，唔夠食既大胃王可以最多叫到400g麵！講番個味道先，有少少偏咸既，但我地就十分鐘意，重口味既朋友記得一試。之後我地仲叫左個辣版沾麵，呢個麵就唔係人人食到，因為真係有點辣。所以唔係咁食得辣朋友記得同朋友分享啦有辣野食，梗係叫番個野飲，我地叫左葡萄汽酒，口渴嘅朋友記得叫黎飲

耐不耐都會出下城食野，唔洗成日長沙灣/旺角，今日去K11訂絲巾，男友話睇下好唔好彩，真係出奇好彩，等2張枱ok啦，坐有d迫，黎到更係食沾麵啦，由落單到上菜20分鐘，係有d耐，枱上有溫馨提示要耐心等待，食完基本要即走都幾多人排隊我叫左最普通既$88，有舊超肥既叉燒，唔滯唔會成口油，分左半舊比男友，佢叫錯左係全蔬菜仲要係$128，所以有圖睇會穩陣d，又唔覺d蔬有咩咁特別，麵質都幾彈牙，荀乾都幾好幾爽，其他店舖沾麵個湯超咸，呢度唔會太咸，湯可以就咁飲得落口，夠味夠濃既又奇怪附近無人叫加清湯飲湯呢，見住倒湯係堅清湯，好香魚同豬骨味，正！

這間拉麵店在繁忙時間是排長龍的，難得今天路經此地不用排隊可入坐，開心非常的入座，食了個超級豐富的下午茶，超級正。朋友食沾麵，我就食拉麵，大家食不同款式，可以試多款味道。綜合後，我和朋友都發現，重口味就選沾麵，味道超濃厚，而拉麵的湯底味道則比較幼細，淡一點。加上今天沒有木魚湯可加在沾麵的湯裡，所以食完有點遺憾，不能喝到沾麵的湯，唯有靠拉麵的湯補救，哈哈。另外叫了煎餃子，皮脆肉嫰，味道不錯，超級豐富的下午茶

前幾日同朋友一齊喺尖沙咀行街，行左一陣大家都又熱又攰又肚餓。尖沙咀出名多野食，朋友就話想食日本菜，我又咁岩想食拉麵之類，所以就出發去搵好味既日式料理 😋我地行到去麼地道，見到呢到開左間風雲丸沾麵店，朋友話係經常排曬長龍既人氣麵店。沾麵雖然唔係第一次食，但呢間係專門店，我同朋友都諗會唔會有咩特色賣點？唔諗咁多喇，既然一場黎到，就一於排隊試下，我地今晚要同沾麵決戰 😜店內裝潢充滿日本風格，細小既木枱令我回憶起曾經到訪過既日本地道拉麵店。店舖佈置精美，除左普通餐桌，仲有溫馨既小包廂。桌上有教客人食沾麵既指引，每一個步驟都係圖文並茂，非常貼心 ☺️餐牌真心抵讚，囊括左各款特色經典沾麵、小食同飲品，仲有埋圖添。 呢張自選拉麵紙好清晰簡潔，先選麵既軟硬度、溫度、要唔要蔥花、筍等等，有得自由配搭真係好開心 🤤呢到有多款不同口味既沾麵，亦有汽水同埋充滿日本風味既特色飲料，仲有甜品～ 事不宜遲，我地好快就點好餐 ☺️豚骨魚介味玉沾麵 $93沾麵既湯頭濃郁，相比平時食開既沾麵湯汁，加左魚介既味道幾特別。沾麵既分量可以任選200-400g，我地兩個都揀左 300g，分量岩岩好 👍🏻 另外我地點左一碗冷面、一碗溫

日本拉麵一向是我的至愛，一蘭、一燈、一幻等統統光顧過，周月算是我其中一間最愛的拉麵店，亦是愛上沾麵的開始。今日約朋友在尖沙咀聚聚，選了風雲丸，原因是聞說它的沾麵十分好食，在門口等了一會便能安排入座，最後點了石燒濃厚豚骨魚介味玉沾麵。它的湯味道濃郁而而不令人口渴，而且，豚肉味突出，每口麵都能掛汁，叉燒既大且厚，肥瘦適中入味，玉子剛剛呈流心狀態，但略頗嫌雞蛋不夠熱，有少少失色。總括而言，沾麵的水平高，物超所值。

開左無耐嘅風雲丸，人氣好高！一於要潮聖一下！呢度嘅坐位唔算好多，排隊等陣就少不免，星期日嘅晚上坐無虛席。呢度嘅裝修同裝飾都幾特別，門口同室內都掛住長形大燈籠🏮呢度除左有皇牌沾麵，仲有飯、湯麵、甜品同幾款不同口味嘅小食！點餐紙沾麵可以選擇冷同溫，而重點係麵嘅份量可以自由選擇，200-400g嘅份量係免費選擇嘅，500g以上先要另外收費！今次兩個人食，但又想試曬餃子同炸雞，嗱，我私人嘅抵食攻略黎喇！叫一個400g嘅麵，再加曬二款小食，咁咪可以滿足曬所有願望囉！信州提子soda開左蓋，淡淡青提淸香已經飄過黎，支野好夠氣，甜度適中，好飲！熱辣辣嘅沾麵汁黎喇！同石鍋keep住沾麵汁嘅溫度，好細心，出面食好多沾麵沾好快凍，凍左會覺得好油，呢度到我食完個汁仲係暖架！麵嘅質地煙煙Un un，好有口感，我呢個係辛辣炸彈野菜豚骨沾麫，沾麵汁有香辣肉碎，沾汁非常濃厚滋味！大量芽菜嘅沾麵汁！一沾再沾！沾沾沾⋯原味羽根餃子餃子面層有薄薄嘅脆片，煎到金黃色好靚，記得食前點放喺旁邊嘅餃子醋，酸酸地，越食越開胃架！餃子餡料適中，皮唔厚👍🏻沙拉炸雞炸雞有原味，醬油同沙拉，沙拉最吸引我！雞球外脆內軟，特別係塊雞皮最滋味！

收工諗住近近同朋友食飯，上openrice 見到有間新開拉麵，見都算多好評於是去試一試，去到大約等了半個鐘就有位了。職員安排坐吧枱位的，可以望住㕑房的。下單後職員表示要大約等20分鐘，最終都等了差不多30分鐘餃子等了一陣就到，不過好普通，沒有甚麼特別拉麵終於都到，等了咁耐，第一時間試試個豚骨魚介湯底，湯是不熱的，兼且是淡味的我下單點了少油，但都係勁多油我是坐最近淥麵位置，聽到入面淥麵位職員呻乜咁多單入架返工都無咁heart點會煮到好嘅食物比客人食吖絕對無下次幫襯

之前食過灣仔嘅間都覺得幾唔錯，第一次黎尖沙咀分店店內裝潢充滿日本風格，佈置精美。每張枱上有教客人食沾麵既指引，每一個步驟都係圖文並茂，非常貼心 點餐紙清晰簡潔，可自由選麵既軟硬度、溫度、要唔要蔥花、筍等等。豚骨魚介味玉沾麵 $93沾麵既湯頭濃郁，相比平時食開既沾麵湯汁，加左魚介既味道幾特別。沾麵既分量可以任選200-400g，我就揀左 200g嘅溫面，雖然冷面會爽口彈牙少少，不過我喜歡熱辣辣嘅感覺豚肉魚介拉麵 $88湯底冇沾麵咁濃味，但依然充滿魚香味。麵條比沾麵幼身少少，但口感煙韌彈牙，也是不錯信州提子梳打

第一次食沾麵，其實無乜期望，因為想像唔到啲湯同埋味道點樣可以掛係啲麵度。但食完好過想像好多。我叫左豚骨魚介沾麵如加溫泉蛋另外架左個沙拉炸雞個雞普通，啲粉有啲厚，雞亦無咩味，只仰靠沙拉嘅味，但雞還算juicy 沾麵到喇，好驚呀，佢個湯係超級滾，上台時係仲滾緊！麵可以揀冷或溫，我揀左冷，好似爽口啲同彈牙啲！食第一啖，好有魚味！再食多幾啖，唔。。開始有少少咸，但正常嘅，因為佢地係好細心咁畀左一少塊檸檬你，畀你食到大半嘅時候落落去個湯度，中和番無咁漏，咁最後就可以食得曬碗麵！佢麵嘅份量亦都有大中小畀你揀，一樣價錢，好好呀，唔好浪費丫嘛！如果想激多，揀富士山份量，加$45!!! 我就係揀中嘅！

同朋友星期五下班瘋狂購物後就當然要搵野醫下肚，當時已經成9點，以為應該食咩都唔駛排隊啦，點知行過風雲丸竟然仲有人潮排緊隊，抱住多人都係好食既心態，我地就人排我又排，好彩唔駛排好耐就入得店內裝修都幾靚，充滿和風style枝豆等緊沾麵既時候就嗌左客枝豆，一路傾計一路食 呢個枝豆有少許牛油味，唔錯 豚骨魚介味玉沾麵湯底用石鍋裝住，所以上菜時係勁滾既 麵可以揀要冷定熱，餐廳都有提示如果冷既就會麵質有咬口啲，熱既就會麥味重啲 我今次就揀左要熱既 湯底好濃，岩晒我呢啲重口味人士 同沾麵超夾特別喜歡係有全隻蛋，係流心蛋，好正

今日星期六放假去咗尖沙咀行街，行到唔知時間，肚餓望表已經9點，望到依間沾麵店仲要排隊，等咗半個鐘左右先入到去，店面好靚，好有日本氣氛佢200g , 300g同400g都唔使加錢，因為咁夜唔想食咁多，所以就叫咗個200g ge 豚骨魚介味玉沾麵等咗成4個字，個麵先嚟🤤🤤，個石鍋湯好滾好熱，味道一般，個人覺得個湯唔係好夠味，我中意食周月多啲😂😂佢個肉好大塊，味道不錯😋蛋都係拉麵沾一定要有嘅溫泉蛋👍👍

收工同約左朋友係tst食飯，我地都好中意食日本野，特別係對沾麵情有獨鍾！開openrice一睇，發現原tst都開左間風雲丸喎！之前灣仔開左都好想去食架啦，但懶得過海我地7點半黎到，要等一等位，aronud 30mins，尚可接受啦星期五晚喎！落完單，一路等一路索到人地d沾麵湯好鬼香好鬼濃我叫左個豚骨魚介味玉沾麵 ($93)隔住個mon都見到個湯有幾熱 我食沾麵最驚個湯凍哂都未食哂個麵，用石鍋上就冇依個問題啦！個湯係魚湯黎既，一如拉麵沾麵店，都係好有自己既特色，成碗都係秘方，非筆墨所能形容麵既軟硬度適中，有嚼勁，唔會一夾就爛，掛湯能力幾好豚肉煮得好稔，有肉味，仲有d甜甜味玉好入味，咬開，入面仲係流心，連食2隻都唔覺得heavy總括而言，呢個晚餐十分滿足，有機會要再黎試捚其他湯

同小豆叮去開尖沙咀，好掛住喺日本食嘅沾面真係好好食呀，經過風雲院即刻想去試吓！枱面仲教人點樣可以食正確食到沾面，一定要跟足來做。豆丁梗係食小朋友套餐啦，幫佢叫咗個豚肉魚介沾面$65 ，有兩塊半肥瘦嘅豚肉，好入味，烏冬新鮮彈牙放入熱熱的湯底入面，攞上嚟食嘅溫度剛剛好，小朋友套餐嘅湯底味道比較偏淡，啱晒小朋友啦！仲有送鮮榨橙汁同埋朱古力，小朋友最開心！我自己要左豚肉魚介拉麵$88 ，真係好大碗啊！上枱時熱鍋的湯底仲係滾架，大人餐有一塊好大塊嘅豚肉， 加一隻蛋。魚介湯底好香濃，好好味！呢間鋪頭啲飲品好特別，好多都係日本汽水，即刻叫兩支黎飲吓！正！

之前又去旅行又病又返學，好耐冇出嚟試新野啦，今日去完尖沙咀整完頭髮，咁岩見到呢間野，男友話呢間野都出名，又唔算多人排隊，咁就入去試吓啦，我就叫咗個野菜豚角豚骨沾麵，男友就叫咗個辛辣野菜豚骨沾麵，我嗰個就有好多芽菜，有啲好似肉丁咁樣嘅豬肉啦，咁成件事就有啲似打邊爐，放啲麵入去石鍋整熱佢食，啲麵個質地就比較似烏冬嘅質地，湯底就冇乜特別，不過不失，啲肉丁就偏肥，但好惹味，男友嗰個呢就剩係得椰菜辛辣湯同埋面囉，但係佢好滿意。另外我哋都叫咗個沙律唐掦雞，味道普通，冇乜驚喜。