風雲丸

营业中

休息中

之前又去旅行又病又返學，好耐冇出嚟試新野啦，今日去完尖沙咀整完頭髮，咁岩見到呢間野，男友話呢間野都出名，又唔算多人排隊，咁就入去試吓啦，我就叫咗個野菜豚角豚骨沾麵，男友就叫咗個辛辣野菜豚骨沾麵，我嗰個就有好多芽菜，有啲好似肉丁咁樣嘅豬肉啦，咁成件事就有啲似打邊爐，放啲麵入去石鍋整熱佢食，啲麵個質地就比較似烏冬嘅質地，湯底就冇乜特別，不過不失，啲肉丁就偏肥，但好惹味，男友嗰個呢就剩係得椰菜辛辣湯同埋面囉，但係佢好滿意。另外我哋都叫咗個沙律唐掦雞，味道普通，冇乜驚喜。

今日”有幸”試左呢間拉麵店，完全令人失望。拉麵是生的，完全沒有煮開，沾麵的湯完全係凍的。兩碗拉麵竟然要等了超過1個鐘先有得食，仲要係咁既質素。廚師和侍應態度差，追單完全被無視！最經典就係食食下麵竟然跳制無電？

終於可以同友人一試呢間係灣仔成日排長龍既沾麵店!我地大概7點幾8點左右到門口，初初以為好多人等緊，原來只係D遊客企左係到姐!去到店員話執好張枱俾我地就可以入!第一次黎食當然要試下佢最原本既味道先啦!友人就叫左另外一個味道!石燒濃厚豚骨魚介味玉沾麵，黎到果陣見到個石鍋既氣勢真係好熱!D煙好大，個湯就好似好滾咁!當呢個氣勢完左之後，原來D湯唔係好多架乍，大概係半碗左右，但係keep住都好熱的!麵我揀左係凍既同埋300g，個湯食落去味道唔錯!可能因為夠熱啦，同埋覺得好似有少少辣!唔知係咪因為多黑椒呢!肉有一舊係肥D一舊係瘦D既，唔錯唔錯!蛋係流心既!我仲加左筍，D筍點左D湯好好味!特濃山椒魚干沾麵，友人叫左凍麵同埋200g，不過睇落D麵好似同我果個份量差唔多!個湯味道感覺冇我食果個咁濃，反而我食果個湯更似特濃山椒，因為食到尾果陣我果個湯個碗底仲多黑椒!原味餃子，我諗應該熱食果陣會好食D，脆D，因為我地兩個掛住食個麵搞到最後先食個餃子!下次唔會架啦!不過雖然已經凍左，但個餃子味道都唔錯的!有機會一定會再黎試下其他味道!

今日同朋友去食我全港最鐘意食既拉麵店，沒錯，佢就係風雲丸啦。依間有日本黎既過江龍，真係超級好食，唔怪得佢大排長龍既。石燒濃厚豚骨魚介味玉拉麵$93用石頭鍋裝住沾麵湯，熱辣辣熱辣辣，同以往一樣咁好食，只不過今次就油膩左小小，油份重左，令湯掛唔上麵。個面同之前成一樣好彈下，個蛋就早早得好好，次次都係流心架。風雲丸                                                                                    尖沙咀麼地道30號Mody House地舖

位於尖沙咀的風雲丸，是一間日本過江龍沾麵店。灣仔店長期排長龍，時日要到尖沙咀工作，工作前便跟男朋友重拾沾麵的美味。石燒肉豚骨魚介沾麵$128+味玉$12超級喜歡吃風雲丸的沾麵，味濃味重，令人一食難忘。熱辣辣的魚介沾湯，採用石頭鍋呈上，保持湯頭的熱度，翻滾的湯越來越濃，味道鮮甜，可惜是此師博落油太多，有點過油。四大片叉燒是這個Mega麵的招牌，厚片豚肉叉燒，肥膏和瘦肉層層相隔，油脂金香得過份，吃光四片，超級滿腹阿。麵條像烏冬麵，粗身圓潤，沾上沾湯，味道一流呢。

又多一間麵店係尖沙咀出現，睇真D原來是吃沾麵的專門店，裝修又美觀亦顯眼，雖然要排隊，但是專吃沾麵的店舖不太多，所以一於試試！日式的設計！有圖有價錢，十分清晰！小童餐都有👍🏻👍🏻辛辣豚骨魚介沾麵＄93口味重，份量足。沾汁選用大量豬骨與背脂，加上魚介以慢火低溫慢慢熬製而成，沾汁比一般來得濃重厚身，膠質豐富！豚骨魚介味玉沾麵＄93拉麵彈牙，沾汁濃如忌廉，厚厚的油脂香，掛在粗身麵條上，口感濃郁飽滿，加上大大件的豚肉，灸燒得香口，吃罷齒頰留香👍🏻👍🏻唐揚炸雞－＄35（5件）

在尖沙咀和朋友上完跳舞課堂後，經過新開的風雲丸，可能是平日晚上9時的關係，之前長長的人龍已經不復見，於是我們決定把跳舞時消耗的卡路里雙倍奉還，朋友點了200g肉盛魚湯沾麵,而我點了普通豚肉魚湯玉子沾麵，正在衡量200g沾麵到抵有多少之際，朋友已經急不及待點完餐了，算了吧！反正不用加錢，難得肚子餓得很，就括出去，我點的沾麵來到時沒有太大驚喜，肉的份量是意料之內，而麵的份量看上去都應該可以不浪費地吃完，但朋友那份餐捧來時，大家都「嘩」的一聲叫出來，「肉盛」這個名字果然名不虛傳，她那碗麵上盛著半寸厚的3塊手掌般大的五花腩，加上200g沾麵，我都很期待她能完成整碗麵。啡色魚湯沒有一般拉麵湯頭那麼鹹，清淡一點，來的時候很燙，點著粗粗的沾麵一起吃卻沒什麼味道，麵質很彈，但最讚的是那塊肉，是我在香港吃到唯一有日本風味的肉，看上去肥的部份，吃下去卻不是肥膏，完全不油膩，軟滑可口，完全不是一片薄叉燒，非常有份量和質感，同樣一碗麵，此價錢比其他拉麵店化算，有機會一定會試店內其他食物。最後我朋友偷偷地放了一大塊肉在我碗內，但她竟然吃罷所有其他的，從未見過她吃完整個餐的我不禁嘩然。

今日下午和同事在尖沙咀見客，之後同事有事走先，我就自己行下，突然想起風雲丸在尖沙咀開左分店，佢地嘅沾麵好好味，好想食返碗，上網查到原來就在我附近的麼地道，立即前往用餐。新店裝修和灣仔店差不多，一樣有在日本拉麵店的感覺。今次就試下咖哩豚骨魚介沾麵，濃湯是用燒到好熱的石鍋載住，食完麵個鍋重熱，濃湯是豬骨熬成，再加入魚介粉，我選的是咖喱味道，所以除了豚骨魚介味，還有咖哩香味，將彈牙的拉麵沾上濃湯食，好美味！提一提麵可以選擇多或少的份量，配合吾同食量的客人。我還追加了炙燒豚肉和味玉。豚肉入味林滑，流心蛋黃汁香滑。燒汁唐揚炸雞外脆肉嫩，加左燒汁更美味。辛肉爆彈，尼個未食過，所以叫來試下，原來是免治豬肉粒，味道比較辣，加入和麵一齊食，又辣又惹味！

事先聲明，我好鍾意食拉麵不過唔鍾意食沾麵，有朋友話呢間好食，於是我懷住興奮既心情去試!..點知又中伏.......石窩上賣相吸引，但豚骨魚介個汁好咸... 仲好杰牛油魚介個汁好食D，不過食食下感覺好似茶餐廰既白汁雞肉飯既白汁總括來說，唔值得去試Not a great raman place, the broth is not nice, not recommend. 題外話，鋪頭職員都係後生仔女，其中一個手腳好快，快到送碟炸雞比我既時候，'sir'左我舊炸雞係枱面... 我感到好無奈鋪頭唔係大，佢地送餐攞住個石窩快速地係你身邊你頭頂經過，好幾次都有煙係我頭頂飄過其實我明白香港租貴，食野位置難免會迫D，職員更加要小心D唔好只求快手。就算唔係石窩係冷麵，你倒到人地一身都係都唔好啦

之前食過灣仔個間覺得ok所以行過尖沙咀就試下佢嘅分店，點知伏到。。。。。我就點左個豚骨魚介味玉沾麵 (石燒沾麵) $93個石鍋上菜個時真係夠哂滾，呢樣我好appreciate但係個湯咸到食唔哂🤮佢似係落左好多鹽而完全唔係魚介個隻濃郁咸香嘅味。。。。重點係我叫嘅係沾麵，但係個湯係沾唔到，稀到完全掛唔到麵。。。唔怪得整到咁咸。。然後啲麵係硬到咬唔到🤨 (我本身係鐘意食偏硬身嘅麵)然後到配菜，個叉燒雖然好大嚿，但係有三分二都係肥肉，完全係食唔到 (可能有人會prefer肥肉但係個人就麻麻)個溏心蛋先係失望重點，個黃竟然係熟的🤬🤬🤬自問一生人無乜試過係街食溏心蛋個黃係會熟(請睇上圖)我對呢間野真係4個字 失望。難食😕

尖沙咀新開排隊沾麵店。我呢個食家緊係要湊熱鬧啦！星期日的兩點半多， 只有數個人排隊等緊位時可以睇定menu食咩店内裝修帶點日本風選單很清楚， 按自已的喜好揀選沙拉唐揚炸雞呢個掂呀！炸既脆度剛剛好，雞肉鬆軟肉盛豚骨魚介沾麵 特別一提200 g300 g, 400g 都是同一個收費，大家可以按自已食量去order啊！不要貪心呢！我們二人選了一個中的份量。肉的份量不小沾麵幼滑雞蛋勁入味唯獨個湯本人覺得太濃.信州白桃梳打

週末冇事做就去尖沙咀做按摩，做完好肚餓，剛落樓就望到對面有一家拉麵店，門口有客人排隊等候入座，原來是風雲丸在尖沙咀開左分店，之前在灣仔都食過佢地d麵，好味嫁，怪不得甘多人等位食，我也想試試這間分店，已加入排隊行列！店內地方雖然不大，但裝修設計好有日本feel。唐揚炸雞：即叫即炸，上枱時熱騰騰，外層酥脆，肉質鮮嫩。羽根餃子：餃子皮薄饀足料，底部煎得香脆，點些餃子醋更美味！豬骨魚介拉麵：湯底極濃郁，用大量日本豬骨熬製10小時，豬骨精華盡出，最後加入優質魚介粉。十分惹味！拉麵是每天新鮮製作，掛湯、爽滑又彈牙，還可自選大中小份量，配合不同食量的食客。炙燒豚肉：厚切豚肉入味夠林滑。味玉：流心的味玉又香又美味！

自從食過灣仔既風雲丸沾麵, 令人一試難忘, 但每次經過, 門外總是排了長長既人龍, 人氣沾麵原來靜悄悄係尖東開左分店! 打風前夕, 門外未見有人龍排隊, 拿拿林食碗沾麵先返屋企。餐牌款式、價錢跟灣仔總店一樣, 除左主打既沾麵, 仲有拉麵、日式小食、飲品、雪糕供應。沾麵份量分為並盛 (200g)、大盛 (300g)、特盛 (400g)選擇, 今次我就試試【咖哩豚骨魚介沾麵】HK$93咖哩豚骨魚介湯以石鍋盛裝熱辣辣上檯, 淡淡又香噴噴既咖哩味, 咖哩味很出, 不是辣咖哩, 甜中帶少少鹹; 沾麵沒有軟硬度選擇, 麵質偏硬, 質感似烏冬, 有咬口, 很彈牙, 沾麵有溫同埋冷選擇, 我就揀左溫, 將沾麵落湯即夾起, 沾麵很易掛湯, 每條都沾上熱辣辣既湯汁, 不會太鹹, 如果麵質可以再林返D會更好。豚肉不算太厚, 有1/3為肥油, 所以入口唔會太油膩, 肉質很林, 表面微微燒過, 幾香~ 額外可自選配料, 份量都幾多, 栗米粒為常溫, 清甜~ 【粟米粒】+HK$12最令人意想不到好食既係【沙拉唐揚炸雞】HK$38即叫即炸, 熱辣辣, 表面炸得金黃香脆, 外乾不有半點油膩, keep到豐富肉汁, 肉

剛好腦裡面想吃拉麵，於是就去試一試最近新開的這間風雲丸，裝修方面都好搶眼好吸引呀。今次叫咗一個豚骨魚介拉麵($88)   先呷一口湯，湯底非常濃郁好夠味，好有魚香同豬骨香味， 我揀咗軟面嘅質感，軟硬程度都合格，但可以再軟一些。最驚喜的是豚肉煎香了，肥瘦適中不會感覺太肥膩、肉質軟滑。風雲丸嘅沾麵都是主打，下次可以再去試一試，因為無論環境，服務質素，以及食物， 都是值得再來一次。

同朋友在尖沙咀行完K11. 好肚餓係時候食飯，正離開K11不遠見到對面新開了一間好大的日本拉麵店。大大個招牌，遠處一眼就被它吸引了，於是我們就決定要食呢間拉麵店！雖然要排隊，好彩隊不是太長，我們可以看定餐牌諗定叫什麼拉麵🍜！餐廳推出限定拉麵，鮮牛油忌廉魚介沾麵、特濃山椒魚干沾麵。餐牌上有很多款不同口味的沾麵、拉麵。而麵的份量可以按所需選擇（200g, 300g, 400g 是免費），如800g 便加$45。我們最後叫了牛油忌廉魚介沾麵和野菜豚骨魚介沾麵。牛油忌廉魚介沾麵，湯底好有忌廉湯甘好creamy, 加上魚介和牛油味沾一沾麵好濃的忌廉味，令我想起渴忌廉雞湯咁，喜歡喝忌廉雞湯的我，這個沾麵我很喜歡！😋野菜豚骨魚介沾麵，這個魚介味比較濃，配上野菜都好不錯。