風雲丸

营业中

休息中

餐廳內外嘅裝飾都花左心思，位置好好，晌K11對面，麼地道同赫德道交界，非常搶眼。我地大約2:30去到，店內依然好多顧客，座位都坐滿人。除左本地人以外，亦有唔少外國人幫襯。餐廳嘅招牌菜應該係石燒沾麵，另外亦都有賣湯拉麵、豚角飯、炸雞同餃子等等。今日嚟係為咗食石燒沾麵，佢嘅特別之處係以豚骨魚介做湯底，所以預計比起平時食開嘅沾麵會多咗d魚鮮味。我地兩個人分別叫咗「豚骨魚介味玉沾麵」同「咖喱豚骨魚介沾麵」，再加咗個燒汁唐揚炸雞。最先嚟嘅係炸雞，有五大件，又嫩又脆，配上甜燒汁，食落唔會油膩。雞肉黐住塊脆卜卜嘅雞皮算係錦上添花，話咁快就食完一整碟。差唔多食完炸雞時沾麵亦都嚟到。枱面有漫畫教食沾麵嘅步驟，麵嘅選擇亦有分冷熱以及分唔同份量，400g以下嘅麵量都唔駛另外加錢。我地怕太飽所以揀咗300g。拉麵係粗身，食落比較有口感。豚骨魚介味玉沾麵湯底嘅魚味比較突出，就咁筆一羮湯嚟飲會咬到有d魚肉碎，湯底香濃鮮甜不會過鹹。個湯用石鍋裝住，上枱時很滾燙，一路食到尾個湯都仲好熱。咖喱豚骨魚介沾麵有香濃咖喱味，少少辣，好惹味。

時過20:30，燈火通明既呢間拉麵仲出現人龍，人氣蠻高，拉麵精既我冒雨都要排下，好在客人流量高，不足10分鐘已可內進。裝潢頗具日式風格，中英對照既menu亦吸引了不少外國遊客。最鐘意試新野既我當然要期間限定啦！特濃山椒魚干沾麵：採用粗身既小麥麵很彈牙，石燒鍋中既熱湯好似火山爆發咁滾住上檯魚湯底超級濃稠，添加少少檸檬汁減輕魚腥味。厚身叉燒肥瘦適中，山椒粉鋪面，經炙燒烹調更顯香口！朋友揀既豚肉魚介拉麵：超濃郁豬骨湯底，都好啱口味PS: 基本上無論沾麵或湯麵既湯底都很濃郁，無需用到任何其他額外既調味。

約了朋友係尖沙咀 Shopping ，途經K11 對面有間食日式拉麵🍜「風雲丸」，突然好想吃就試試啦！店外都感受到特色日式料理風味🏮進入店內播放日文歌曲好有格調呢！枱上提示：客人食石燒豚骨魚介沾麵方法👍👍原來客人可以在點餐紙上選擇自己想要的拉麵🍜例如：麵粗幼、軟、硬、湯底濃度、多少配料等等👍👍餐廳也照顧遊客需要有英文點餐紙⭐️朋友平時多數拉麵，今次試吃個《豚骨魚介味玉沾麵》＄93，食落有另一番風味！😋😋食拉麵係我喜愛所以我們點了《豚骨魚介拉麵》＄88，感覺焦香味豚肉溶化口內，肉質細嫩滑😋😋

头几次吃还觉得味道不错，后来就出现问题了。首先，辛味真得太辣，吃完回去上厕所发现屁股出血，我不得不怀疑其中的配料是否有什么问题。其次，至少两三次想要点饭类食物都被告知没有，其中一次明明就看到身体好几个外国人都在吃饭，还有一次，在我们换点了其他食物后，发现周围的人点了饭就有了，我不明白这是怎么回事，也没有给我一个合理的解释。想请问你们开餐饮的，基本的食物材料都没有准备好？还是你们的米饭是限量版？如果限量麻烦菜单上写清楚！

時常經過灣仔分店看到大排長龍，一直懶排隊，下午2時多在尖沙咀看到短一點的人龍，就試一試了。男友要了豚骨魚介味玉沾麵，我則要了較少見的咖哩豚骨魚介沾麵。這裡的麵量可免費任選200g/300g/400g，我不太餓只點了200g。咖哩豚骨魚介沾麵 200g咖哩是日式咖哩，微辣，聞起來很香。粗身麵條滑溜，我甚至覺得它有點像烏冬了，冷麵條很彈牙，不錯。炙燒叉燒沾上咖哩汁很好吃豚骨魚介味玉沾麵300g豚骨魚介沾麵，用燒熱了石鍋上桌，湯底濃稠，豚骨味道濃郁。麵條選了300g，建議男士可選400g。味玉是溏心的。整體不錯！

就喺K11隔離嘅風雲丸，係正街口仲有大大個招牌，無可能見唔到。沾麵係佢地嘅主打，沾麵仲可以揀 "溫麵"或"涼麵", 沾麵中帶有麥粒, 不同溫度的麵有不同的味道效果, 悉隨尊便.細食至大胃者都有得選擇, 200g, 300g, 400g 收費都一樣, 但到富士山盛800g 便要加HK$45.枱上亦有一味粉, 蒜粉... 自行調味.沾麵的湯放在石鍋內, 燒到沸點才送上枱, 要耐心少少等一下喇. 好熱㗎，小心睇手呀！最欣賞沾麵嘅原因係，湯汁係另上，要沾幾多隨由個人喜愛，唔想咁肥都可以自己操控。我呢個係辛辣豚骨魚介沾麵，辣味適中，汁醬較杰身，可充分附在沾麵上。豚肉油脂比例偏多，肉身煮得好冧，雖然每口都食到油脂部分，但全不覺油膩。食到一半發覺少咗拉麵嘅靈魂“溫泉蛋“，唔係每款麵都包，所以拿拿聲補飛，嗱，咁就完美喇，蛋黃剛好就快滴出來唐揚炸雞，雞肉仍保留肉汁juicy 飲品唔離得開我至愛嘅もも

夜晚睇完戲有點餓，見拉麵店未關門就入去食野，店家主推沾麵。魚湯好濃不腥，用石鍋裝起，上菜時還是滾的。沾麵質地彈牙，比較粗身，掛湯一流。溏心蛋是流心的，而且有滷過，好食到唔捨得同人分食。最喜歡豚肉，是一整條，脂肪約佔三分一，非常軟稔入口即溶，感覺不油膩。小食沙拉炸雞都有驚喜，雞肉很滑，易咬開，外皮炸得香脆，跟沙拉醬配搭感覺沒那麼容易吃膩，幾開胃的小食。牛油飯都是用石鍋上的，鍋夠熱可以做出鍋巴，牛油很大一塊，豚角份量很多，食得好飽。

今日係尖沙咀做啲野見到肚餓，係搭返地鐵返屋企之前，反正佢就腳方便，只距離尖東站出口一兩分鐘，就一於入去食碗靚麵先。豚骨魚介味玉沾麵 佢非常之抵加到特盛400g都係無料，即是免費唔使加錢要替玉就食到大大碗沾麵，湯底夠熱夠入味，而沾麵方面則夠晒彈牙同埋香口，豚肉則大大件厚切有肉味，正!炙燒豚肉作為食肉獸嘅我哋，麵上面既豚肉梗係要再追加呢，一樣都係十分之大塊厚切，一樣都係咁正!辛口沙拉燒餃子由於我朋友係無辣不歡嘅，佢對啲一味餃子讚不絕口，夠晒香口同惹味，餃子皮不錯，𥚃面都足料的。沙拉唐揚炸雞日本嘅味道返來啦，同喺日本食嘅味道一樣炸得一樣咁香，咁有雞味，同沙律醬加埋一齊，完全係絕配。

話說豬仔係尖沙咀好辛苦做完Yoga，筋疲力盡有肚餓諗起附近原來有風雲丸既尖沙咀分店無懼肥肉威脅，決心一試餐處望到餐廳嘅裝修已經好靚外面掛滿日式燈籠好有日本屋台嘅感覺估唔到差唔多9點既時間都要排一陣隊不過好快到已經可以入坐餐廳入面都有好叫濃厚日本風呢度出名食沾麵，當然唔可以錯過啦點左一客石鍋豚骨魚介沾麵豚骨魚介湯頭濃郁湯底係以石鍋熱滾滾送上而麵底更可選擇溫麵或者泠麵麵分量可以選擇唔同嘅份量有200/300/400g 揀到400g都唔使再另外加錢而且叉燒肥瘦分明糖心蛋亦整非常出色而朋友仔我選擇咗豚骨魚介拉麵雖然我唔出名食沾面，但原來湯麵都好好味同款嘅湯底相對無沾麵湯咁濃湯麵嘅叉燒燒得更香而且加入左蔥令成碗拉麵更加香口

呢次同朋友食的是源自日本的拉麵-風雲丸，睇佢招牌同設計風格麵有濃濃的日本味道，就覺得好有意思。一入到去，就主動有人推介招牌的拉麵，我同朋友就一於試下，點餐後無聊，發現枱上都放了幾多的調味料及拉麵店必有的冷水，呢點做得幾好，因為有時想飲水，唔使成日舉高手叫店員，岩曬我呢啲懶人。由於拉麵是即製，所以大約等了10分鐘，呢款豚骨魚介拉麵，一上黎已經熱騰騰，先試一試湯底，濃厚的豬骨味，好香好香，所以我飲了很多先開始食麵，拉麵泡在湯中，自然很吸味，而且煮的時間恰當，軟硬適中，幾高質，豬肉的部分很厚身，而且很軟，咬落即化，呢種感覺很好。埋單大約$100一個人，尖沙咀黎講唔貴，食得過。

見尖咀排長龍， 又想回味下日本野食，就入來試下，反正，尖咀食野點都過百幾蚊。入面的裝潢得日式， 比日本拉麵店的更為漂亮，先來燒汁羽根餃子，餃子好熱，第一啖d 肉汁濺出來。加了燒汁，本身嘅味道更為丰富。第二個是沙拉唐揚炸雞，炸雞啱出爐，入面d 油汁咬一口，都是慢慢流出來，加上沙拉漿，好味。食完兩道前菜，已小小飽。終於上到主菜，石燒肉盛豚骨魚介沾麵，有四塊肉，炙燒的面，小廣告說是用上等豚肉，低溫慢火浸煮超過十小時，果然名不虛傳。比其化拉面店的叉燒肉更香口，脂肪部位入口即溶。重點係沾面個湯，好濃魚味，拌麵食夠入味，仲有一塊小檸檬，識面身有小酸，更為清新。 魚湯好濃，沾面值得推薦。見隔離枱個西裝男叫多碗香鬆飯拌汁吃，恨不得生多個胃。就算有四塊肉，都忍唔住加多塊炙燒豚肉。叫了一人一個味玉，小流心加湯汁好好味。 男友人喜歡吃辛辣，叫了辣豚骨魚介拉麵。吃了一口，太辛辣，本人不好，但湯底好濃。好飽，另外好奇何為米雪糕，叫了個雪糕。友人叫了綠茶雪糕。 米雪糕是yoghurt或牛奶 味，淡淡地好好味，比hagen darz or movenpick 果d 大好多。唔知一田買唔買到。

今天在尖沙咀附近收工，所以來了尖沙咀的風雲丸試試。我們9點來到，但太多人，排了一陣隊才進店。這裡的裝修很有日本風。我點了一份辛辣豚骨魚介拉麵。辛辣豚骨魚介拉麵辛辣味濃郁，十分開胃。豚肉的脂肪比剛剛好，咬下去入口即溶。我們點了沙拉唐揚雞翼。沙拉唐揚雞翼炸得很香脆，加上沙拉醬，十分滋味。我們又點了一份燒汁羽根餃子。餃子煎得很香。燒汁滲入餃子，十分入味。我又點了一份綠茶雪糕。綠茶雪糕綠茶味十分香濃，而且雪糕溫度剛剛好，入口即溶。今天真得很滿足，吃到出色的拉麵店。下次會再來試試其他。

今晚啱啱食完，上Open Rice 寫我第一次食評。香港地，租金貴，每個位都逼逼夾夾其實都預咗。呢間，啲麵會熱辣辣咁上，食客同店員咪大家協調下，講真我都唔想邊個辣親。其中一個店員上菜時，想喺我側邊上，完全無禮貌咁講「你個袋呀！」，我已經好冇癮，我想㗎？之後，我地想佢地收返個menu ，等多啲位free 出嚟放食物，因為佢地張枱真係好細，可埋好多野，我地整跌咗個menu落地下，果位女店員就覺得我地玩佢，全程黑我地面！（我其實有講唔好意思！）跟住女店員小姐就黑住面，同佢全店嘅同事訴苦，等全店侍應「知道」我地係X客！開頭我都好忟，唔明點解要貼錢買難受？不過，最後都係求其食完就算，無下次！可能喺佢地心目中，我地真係X客啦！For 大家 information only，冇話要批鬥誰，因為呢到唔比開佢名。不過，提提各位食店侍應，尤其你間店唔大，一眼望曬，就算你好委屈，麻煩你都唔好喺啲客面前，同你啲同事訴苦，尤其你啲同事嘅戲又唔好，係咁望過嚟，之後對我地果枱啲態度都唔好㗎！間店唔大，你地感情又好，喺到閒話家常，仲要有off duty 同事喺店內，同大家輕輕鬆鬆傾閒計，我真係唔知你地係返緊工，定聚舊

1、齊人先入得，一個都不能少2、4個人等緊枱，梗係想坐bar枱，如果唔係晨早坐落bar枱，等齊4個人都係安排我地坐bar枱咁點解一開始唔俾我地坐bar枱，仲要入左去先話係坐bar枱，講都唔講聲，仲要態度差

早幾晚收工約左朋友喺尖沙咀飲酒，其實收工都8 點，出到尖咀都差唔多9 點，本來想是旦揾d野食就去飲酒，不過經過風雲丸見到d裝修都幾吸引，就俾佢吸引左入去餐廳裝修真係幾有日本在地餐廳既感覺，門口唔喺大街，不過好易揾到，呢個要留意！餐廳主打沾麵，仲有少少飯類，湯麵類等。。9 點幾去到，餐廳都仲係坐滿人，想信野食都係幾吸引，先有咁勁'人氣' , 餐廳由獨食bar檯位到8 人大檯都有供應，可以成班朋友嚟都ok! 調味架，凍水壺呢d一貫日式麵店setting, 跟得好足，值得一讚！落單用點心紙，簡單易明，大食既朋友不妨加麵，加到400g都係不另收費，非常開心！呢度有好多日本入口飲品，有酒精同無酒精都有供應，我就叫左見到必飲既綠茶可樂，鍾意佢係可樂之餘，仲有淡淡綠茶味，又唔會勁甜，兩種罰野加埋完全無違和感！另外我叫既肉盛魚介豚骨沾麵都好快送到，成個餐份量真係唔係講笑，$128 真係唔貴！ 4大片厚切漫煮叉燒用上肥瘦適中既5 花腩，油脂味香，非常軟稔，食多兩件都唔會滯，強調自家製既麵條味道一般，勝在彈牙，而且黏身，容易沾湯汁！熱辣辣既魚介湯，味道頗濃郁，但味道分明，好易食到魚鮮味同豬骨味，兩種鮮甜味