風雲丸

营业中

休息中

今日夜左食飯，所以就過黎睇下喺間成日都有條人龍喺門口嘅風雲丸到底仲駛唔駛排隊。時間大約9點令鐘，人龍的確少左，不過我都要排大約10分鐘先可以入去。之後我地好快就點左餸等醫肚。點知我地坐左大約10-15分鐘，d野食先至到。令到我有d懷疑平日有人龍唔係真係因爲人氣，而只係速度慢🤔第一次食當然要試下招牌豚骨魚介味玉沾麵。湯底 - 好濃好香，因為用石鍋上嘅關係，所以好夠熱，食沾麵唔怕食到一半個湯比個麵搞到凍唒。特別之處係佢濃得黎唔算咸，就咁飲都ok，所以我加左個飯，最後當粥食，味道岩岩好😋麵 - 硬得黎夠彈牙👍🏻豚肉 - 好淋好肥好好味，雖然黎嗰陣好大塊，初初有d擔心要一次過食唒成塊，後尾發現原來好淋，用筷子都夾得開！由於小妹有d貪心，想試埋個辣，所以另外加左辛肉爆彈，個辣味唔太辣 (我係譚仔食十少辣嗰d人)，都係原味好食d。同三田製麵所比，我覺得三田個湯好飲d，但呢度個肉好食d。但如果下次要排好耐隊，都未必會再食。

唔洗返工既日子就系要揾街行及搵嘢食， 話說前幾天睇到一篇日本師傅講沾麵的來由， 令我食興大發， 今日目的地係尖沙咀呢間沾麵專門店~~風雲丸。從外觀及餐廳內裏裝修都充滿日本風情的拉麵店湯底、沾麵軟硬度及食物全部自己剔， 沾麵價錢都係平易近人的,  為免浪費食物, 食客可按個人食量自選 200g, 300g及400g 拉麵, 讚!。諗住叫呢個龍蝦沾麵， 可惜店員話龍蝦下午到貨晚上才有得吃。盛肉魚介沾麵 ($128 + 味玉$12)咁究竟咩係沾麵呢？ 原來沾麵係日本拉麵店畀員工食嘅福食， 佢哋把麵湯及拉麵分開上, 咁就放耐咗啲拉麵都唔會發脹。杰杰的豬骨魚濃湯以石鍋滾行上枱， 沾麵湯底非常濃杰， 喝兩口， 濃香， 再將過了冷水的麵條放落濃湯度吃， 揤少許檸檬汁食更清新可口。四件厚切半肥瘦腩肉， 七成瘦肉配三成肥肉的黃金比例，腩肉上層以明火炙至金黃色， 夠晒香口， 腩肉滷得好腍滑入味， 口感鬆軟， 最好放落湯度浸一陣先食， 熱辣辣仲好味。麵條爽滑帶淡淡的麥香， 配上濃杰的湯底，有點似食撈麵嘅感覺‚ 我呢個娘炳第一次食沾麵‚ 感覺不錯。蛋黃金香滑溜, 配拉食一流。

風雲丸新開嘅時候引起沾麵熱潮，每逢食飯時間都充滿人龍！今次經過尖沙咀分店，位於k11對面，雖然都要排隊，但係好快就有位坐！介紹咗風雲丸嘅沾麵湯底——豚骨魚介製成！豚骨魚介味玉沾麵$93 可選冷麵或者溫麵仲可以選擇麵既份量，包括並盛200g、大盛300g同最大碗既特盛400g！如果想再要多啲麵，可以加錢叫富士山盛800g！麵會有蔥同筍，唔鍾意可以寫明唔要的！我地叫左一個麵加兩個小食同飯，要左特盛，其實份量好多！豚肉係五花腩，脂肪同肉比例均勻！玉子是流心的！夾少許麵再放落石鍋入面沾上湯底，每條麵都有濃厚嘅湯底包圍，雖然石鍋上既時候見到啲湯熱到起泡，不過變左沾麵後其實唔熱，暖暖既，可以即刻放入口！見到餐牌有個香鬆飯好似好特別，就叫左一個$20上面既卜卜脆，連飯一齊食好有口感！我哋最後將啲飯撈落剩低既沾面湯底一齊食，啲飯吸灑啲汁好好味！兩個人食呢兩樣其實都幾滿足！辛口唐揚炸雞$38雞件大大粒，剛剛炸起，熱辣辣！辣醬加上生蔥一齊食好刺激！羽根餃子$35一睇就見到餃子煎得好脆！呢度係即叫即煎，雖然會等得耐少少，不過真係好味好多，等下係值既！好鍾意呢度餃子夠多菜！信州蜜桃蘇打$28之前無飲過，幾好味

幾乎每次經過都看到有人排隊，今次在下午茶時間就過來看看，可以不用排隊就有位，太好了！店內不大，座位較少，所以過一會便有人在外邊等位了🙈總體評價就是一定要吃！要排隊真係有原因的。很推薦冬天吃碗暖笠笠的美味拉麵🍜下了單後都要等一段時間才有得吃。枱上有介紹他們的秘製慢煮叉燒，貌似很吸引。終於有得食了！一上菜便飄來香味☺️喝了一口湯，很濃郁（現在回想也流口水🤤）點了硬麵，但下次會改軟或適中。叉燒只有一塊，不過很大舊，而且淋得來又很香口，本身不愛吃肥肉的也不自覺地吃完！慢煮加火炙的配合非常岀色！

<超正沾麵風雲丸>🍜呢間風雲丸其實喺年幾兩年前喺灣仔開時已覺得好正 d 沾味好香濃 口感又好 😃今日俾我發現佢喺 tst開 點可以唔試😈🍴肉盛 豚骨魚介沾麵 128 蚊🐟🍜一上枱已經好開心 一如以往麵 同湯底分開上 上面 d肉勁多 有4 大件 每件既豚肉 都好厚 豬肉味香帶 d焦香味 🐖肥瘦適中😃 麵質粗身彈牙🍜 暖沾麵仲帶 d麥香味 😃講番側邊 既熱鍋 熱辣辣 sasa聲 🔥 湯底有勁香濃既魚介香味 魚味濃又唔腥 又帶點豬骨香味 , 牆邊細心地有講 首先點 d麵 落 d湯度食 再落 d檸檬汁 中和濃味🍋 仲有爽口既筍絲 又飽又好食😍 🍴唐揚炸雞 38 蚊 🐤炸得好出色既炸雞 雞肉切成圓粒 外表雞皮香脆。帶 d雞油同肥膏😈 入面雞肉軟滑 點埋檸檬汁更正 🍋 🍴羽根餃子 35 蚊 🥟好傳統日式餃子 一上枱係掉轉左 有一層薄既脆脆 煎得十分香脆 一掉番就見到餃子形狀🥟 餃皮軟熟 入面既雞肉同葱花🐤🌿 夠哂 juicy點埋酸味味既餃子汁 都好好食#拉麵 #沾麵 #炸雞 #唐揚炸雞 #豚肉 #魚介湯 Score 平均分 <8/10>Taste 味道：👍🏻👍🏻

好耐冇食過沾面啦，於是乎就同女朋友喺ISQUARE 睇完戲之後就過左黎K11 呢邊食風雲丸，去到門口等左一陣就有位坐啦見到風雲丸新出左一個龍蝦沾面，睇落幾吸引，但可惜已經沽清LU 唯有留返下次啦石燒肉盛豚骨魚介沾面，沾面汁依舊有十分香濃的魚味，連埋面一齊食超正 叉燒份量超多，呢個價位黎講絕對係超值，不過叉燒有D 就偏肥我就唔係太鐘意啦豚骨魚介拉面沙律唐揚炸雞，價格唔貴而且份量都幾多！唐揚炸雞外脆內嫩，加埋沙律醬食，正。最後我地叫左個米雪糕食，入面真係有一粒粒嘅米架，幾特別

超難食永遠不會再幫襯一月二十七日原本去厚福街食晚飯。行街經過有很多人排隊的風雲丸，於是排隊排了十五分鐘，入去想叫龍蝦沾麵，點知話冇，最後叫咗普通的野菜豚肉骨魚介沾麵，還增量，點知超級難食！

同媽咪去K11辦年貨，行一陣間肚餓就直接去對面搵嘢食，附近幾條街都有不同嘅食店，我一眼就望到呢間人氣拉麵店，風雲丸外邊長期都有人排隊等候，因為 沾麵真係好出名。揭開餐牌一眼就見到沾麵招牌主打，款式多有不同口味。份量大而且價錢合理。我點了 石燒肉盛豚骨魚介沾麵 $128 最初估唔到咁大碗，仲可以免費選擇 特盛 400g，分量真係好飽肚。慢工出細貨，等食嘅期間見到枱面上面有介紹沾麵吃法，睇一次就唔會食錯方法。我點了熱麵跟湯是分開上的，夾熱麵放進熱騰騰的石鍋湯中，石頭鍋盛湯可以保持熱度，沾麵精華盡在這裏！粗身的沾麵容易掛上湯汁，麵非常彈牙可口， 湯頭香濃的魚味，沾到美味的湯底掛汁力強，入口更加鮮味。配菜有味荀，主角就係 四大塊肥美嘅豚肉，有咬勁之餘又軟熟 有成 cm 咁厚呀！ 真係好食到誇張，豚肉脂肪 梅花間竹，口感豐富肉質軟腍。一食愛上！拉麵如果冇流心蛋好似爭D野，蛋汁好似瀑布咁湧出，蛋味香又彈滑，好滋味呢！拉麵、餃子、炸雞係我係日本最鍾意食嘅配搭，所以今次都叫份炸雞，外脆內軟，肉汁多雞肉嫩且惹味。餃子更加係正宗口味，沾餃子汁更美味。估唔到最後仲可以食到甜品添！柚子雪糕一冷一熱刺激味蕾。整

喜歡吃日本拉麵嘅我最怕就係要排好長龍又要等，今日可能早行過這裡見唔係太多人排隊，於就排隊等了一陣入去，這裡地方都算闊落，望望周圍，見到有原隻龍蝦嘅選擇，見到係期間限定，不用考慮就點佢原隻龍蝦味玉濃香沾麵$148，而係份量選擇特盛400g是不用加錢，咁即是免費加底，當然要食得晒先好點啦！除此之外亦加埋栗米粒$12，等了一陣店員就送上熱盪盪嘅海老超濃厚沾麵，原隻龍蝦開邊放在麵上，而細心嘅師傅亦已經將龍蝦鉗夾破先，讓客人可以較容易吃到裡面嘅蝦肉，而個湯底用熱辣辣嘅石鍋滾住，將啲麵放入去湯中浸泡，再入口個陣香濃嘅龍蝦湯底味道就充滿在口中，勁正！而龍蝦肉質亦十分彈牙爽口鮮味，呢個價錢看似有點貴，但原隻龍蝦加埋唔係細細隻，絕對係大大件肉可以吃到，加埋個超濃郁嘅湯底，如果行過這裡係首選推介！

尖沙咀嘅風雲丸裝飾鮮明奪目，我之前黎尖沙咀食過幾次野都被呢間餐廳吸引，以致我上星期六就算人在紅勘，一諗到想食沾麵，都特登搭西鐵黎尖沙咀黎到門口有d嚇親，因爲我係三點鐘黎，心諗應該冇乜人，點知門口竟然排緊隊，睇黎個場幾旺。呢期有出龍蝦沾麵，門口排隊時已經聼到有人想試試，我都唔例外，搞到有d期待。但遺憾嘅係呢個鐘數係冇龍蝦沾麵架。。。好可惜。我聽到隔離枱都話想食，可惜佢都係冇得食。於是我點咗肉盛豚骨魚介沾麵，選冷麵因爲喜歡彈牙嘅口感。因爲遲遲未食午餐，所以加個餸，本身應該加溏心蛋（味玉）（“味玉”先係溏心蛋，而“替玉”係代表加多份麵哦），但陰差陽錯下我揀咗多一塊叉燒。麵我揀300g算了，因爲我睇人地食評話400g夠兩個人share。話“肉盛”，真係冇講錯，四塊肥叉燒，足足有1cm厚，加埋我追加嗰舊，total成5塊叉燒！友人睇到圖以爲叉燒好乾，其實唔係。叉燒係好鬆軟，外表燒過，油香出曬黎，肥而不膩的，因爲我最後一個人食5舊，都冇濟住嘅感覺。湯上枱嘅時候係滾燙嘅，沾上冷麵，一冷一熱真係爽，真心推介冷麵，因爲除咗保持到麵條嘅彈牙，入口時，口腔嘅感覺都好舒服。麵算掛汁，食落味道夠曬，不過個人略嫌

香港唔多食沾麵好食既地方，風雲丸的確唔錯！叫左一份叫唐揚炸雞，價格優惠，份量算多！炸雞外面好脆口，內里的雞肉好多肉汁及嫩滑。外面仲有沙律醬，中和油膩感，有驚喜！沾面主角出現了！熱呼呼的石頭鍋中盛了沾面汁，沾面汁應該用了好多魚熬湯，十分香濃的香湯，加點咸香味，夾起面去石鍋沾一沾再食，食出沾麵精華！面質彈牙，不會沾在一起，口感好好。叉燒屬於半肥瘦，好邪惡啊，一定要試！半熟蛋不過不失。叫左支綠茶汽水，日本直運，價錢合理，正！

想試依間日本餐廳好耐一直比佢既顏色鮮豔門面吸引但一直好多人排隊難得今日過左食飯時間雖然滿座但至少唔會排長龍今次期間限定係龍蝦沾麵簡直係我至愛佢仲係原隻lobster上！！個圖係冇誇張！一上檯已經好興奮大過我手掌好清晰咁睇到好多膏同肉個龍蝦湯滾係石鍋到上好香濃好濃郁沾麵粗幼度岩岩合我心意亦煮到岩岩好彈牙提議放入湯再即刻食唔需要再放入碗因為麵係室溫佢地放湯後會凍得好快所以一定要趁熱食另外叫左羽根燒餃子有5 隻個皮真係冇得頂好脆好薄 岩岩好又唔會太焦太油鐘意食餃子既人一定要叫黎食！！

行過麼地道K11附近見到一間非常搶眼嘅日本麵店。餐廳入面嘅裝修都好日式，座位並唔多。如果四個人可以坐梳化位，兩個人就冇得揀啦，要同其他人一齊左。睇吓餐牌，原來呢間日式麵店係主賣石燒沾麵。一碗麵價錢大概$90至$130。正常尖沙咀拉麵價啦！石燒肉盛豚肉魚介沾麵嗰4塊肉真係超級厚切，唔算好juicy，如果薄返少少，口感應該好d。魚介汁好好味，沾晒成碗面都唔會覺得好漏。咖哩豚肉魚介沾麵咖喱汁幾香濃喎！沾晒成碗麵就覺得有d漏原味餃子煎得好香脆

在Tst 常常看見不同的食店有着長長的人龍在排隊.於是一於試下這人氣沾麵，看看這沾麵和其他有什麼不同.這食店離mtr 3 min 十分方便易找的.提提大家，大食人仕可叫特盛400 g ,不用加錢的、但最重要是不要浪費食物.有不同的湯底給大家選擇.布置十分有特色.主打豚骨湯底.先叫一個豚肉飯先，豚肉份量十足.到主打的沾麵，石鍋十分夠熱，加上爽口的麵、這配合，十分好味道，豚肉又是厚切的，十分滿足了.最後餃子也十分有水準，充滿肉汁.

星期五1230放lunch,由海港城衝去中間道排隊吃沾麵，幸好排第一，等了5分鐘便可入坐。后面等的人便等很久。因朋友未到，一坐下便叫了餃子炸雞，因為在其他拉麵通常餃子即煮要等成十幾分鐘，但這個下單後5分鐘便有，即是不是即煮，味道口感ok，但只是温熱，有点失色。主角魚介沾麵，原來先落檸檬汁落沾汁有神奇醒味的效果，300g粗麵彈牙好有質感，加上沾汁，不咸剛剛好的配撘。大塊的煎香的豚肉值得一讚。最後我們有加鬆肉飯落沾汁吃，畫上完滿的句號？