風車

营业中

休息中

Farewell同事所以選擇一間公司附近又新開嘅餐廳！晚餐非常美味！物超所值！今晚大家食套餐百幾蚊已經包括有前菜、餐湯、主菜仲有餐茶！前菜有三款，風味BB魷魚仔有鮮味、自製鴨胸沙律肉質嫩滑、香煎蟹肉餅好香口！今晚餐湯係南瓜忌廉湯配脆香蒜蓉法多，熱辣辣好窩心！輪到主菜，竟然有6款咁多！最抵讚係最平嘅焗海鮮意大利粉係$128，最貴都只係$168嘅烤肉眼扒！嘩嘩嘩！抵食到每個年青同事都選擇食肉肉肉！哈哈哈！以為平就無特別！原來大家都諗錯喇！無論香煎三文魚、燒羊排或烤肉眼扒都香噴噴！肉質鮮嫩！又 juicy！回味無窮！制作認真同用料上盛！加埋熱情招呼！真係讚讚讚！！！

幾個星期前黎過「風車」，今日再次光臨，絕對有顯著既進步。可能因為餐廳開張都有一段時間，所以已經無再「like」Facebook有9折呢個優惠啦。今次餐飲可揀咖啡，茶，或者水果味凍茶，唔同上次咁只有水果味凍茶，另加咖啡就要加10蚊，呢個轉變真係值得一讚。是日餐湯係芹菜頭湯，湯底夠滑，可惜味道過鹹，落少D 鹽會更加好，有改進空間。香草蕃茄芝士焗海鮮意大利粉: 唔食芝士既我地走左芝士，海鮮材料落得好足，意粉軟硬度適中，唯一美中不足既係蕃茄醬有點兒過酸，建議茄膏份量可稍為減少，同時加少量罐裝蕃茄汁，再加少少basil leaves。香煎雞扒拼司華力腸配意大利粉: 雞扒煎得夠香，沙律菜夠新鮮，沙律汁亦都幾好味，如果司華力腸煎得無咁腍既話，整體味道會更加好。炸魚薯條: 薯條夠香脆，魚既份量都算幾多，如果可以係上菜前用隔油紙印一印D油先俾客人既話，咁就更加好啦。食完主菜後飲返杯香濃又夠熱既咖啡，都算幾滿足。

今日一家四口落大圍搵食， 見到呢間新開餐廳，裝修同環境都好唔錯。啱啱新開，人唔算多，可以慢慢坐，食完唔駛急住走。喺門口見到食物及價錢都幾吸引，一於入去試試。每個lunch set都有湯或沙律,主菜及一杯果茶， 以咁嘅價錢，是旦一間茶餐廳都要。我地叫左四個餐，分別係全日早餐、煎龍脷魚柳、煙三文魚什菌意粉及焗雞扒。全部買相及味道都唔錯。湯味道ok, 但唔夠creamy。龍脷魚柳算大件，香脆可口，d汁好creamy，但鹹左少少， 如果淡少少就perfect。全日早餐味道賣相相當吸引，好足料，1條大腸及兩片大煙肉， 多士夠脆仲熱熱地，而且仲有沙律菜伴碟，讚！煙三文魚什菌意粉味道適中，白汁濃度剛好，意粉上面放左花形三文魚，買相吸引，三文魚新鮮，入面仲有好多菇。焗雞扒雖然唔算特別，但都睇得出用心制作， 層皮焗得夠脆。整體表現：平、靚、正，值得推介！

喺大圍住，咁啱做野路過，見到呢間新開，門口幾靚就入去食吓。Set Lunch價錢幾合理，坐得好舒服，環境好靚。叫左個龍利魚柳，有蘋果茶餐飲，有是日餐湯蕃茄湯。蘋果茶幾香，好健康，唔洗又檸茶咁悶。餐湯係蕃茄湯，好味道，味道不太咸但蕃茄味好香，而且冇紅湯白湯咁悶。主菜香煎魚柳幾特別，個 source唔係普通白汁嗰種，有特別的香草味，清得黎幾適合個魚，食Lunch夠飽又不會太Heavy。0成個Lunch幾滿意，服務都幾friendly，會再同朋友黎試Dinner

C6話book左間新開嘅西餐廳同我食情人節大餐，原本擔心會好貴，但到埗後發現一個2人餐有晒頭盤，湯，主菜，甜品及特飲，都只係$448再加一，好似都幾抵。而因為情人節關係，所以是夜只有一個2人套餐選擇，無其他野可叫，好彩套餐裡面d野都啱食，唔係都唔知點算！先來兩杯特飲，我嗰杯係士多啤梨特飲，唔會太甜兼有好濃士多啤梨味加少少椰汁味，我幾鐘意。頭盤我地都揀左Parma ham配蜜瓜，都ok。餐湯係磨菇濃湯，味道唔錯, 但我覺得如果再濃d杰d會更好。主菜我揀左煎三文魚扒配意粉，三文魚外脆內滑，係比較有驚喜亦係我最鐘意嘅一道菜。每人有兩杯甜品，包括朱古力慕絲同綠茶焦糖燉蛋。兩樣嘅甜度都啱啱好，不過綠茶味就淡左少少。服務方面都唔錯，雖然忙碌，但侍應亦主動加水同收碟。總括黎講，呢個價錢食到五個item嘅情人節西餐，我覺得係超值。

見大圍開左呢間新餐廳，趁今日要黎呢頭辦年貨，就打算黎呢到試下啦。中午12點左右黎到，都唔係太多人，唔洗等位，裝潢都算幾靚咁。坐低之後睇過餐牌，一個餐有野飲有湯有main course，都係50幾蚊，唔洗加一之餘係facebook share相片同location仲可以有9折，聽落好似幾抵食咁，點知......我地一行3人叫左3個餐，有煙三文魚扁意大利粉配鮮菌汁，香煎龍脷魚柳，同埋焗雞扒配燒汁。是日餐湯係一個似係用蕃茄同金荀打碎左再加少少菇整成既湯，大碗就真係幾大碗啦，不過鹹到真係有D過份，最後我地要打半杯水整淡少少先至可以話入到口，絕對有改進既空間。是日水果味凍茶: 呢杯茶就真係甜到飛起，都唔明點解西餐會包杯甜到似糖水既茶而唔包杯咖啡，如果想要咖啡，就要加10蚊。同上面既湯一樣，我地都係要加成半杯水整淡D杯茶先至叫做話入到口。煙三文魚扁意大利粉配鮮菌汁: 呢個意粉算係咁多樣食物中最正常既一樣，煙三文魚算係新鮮，意粉軟硬度算係適中，味道出奇地唔會過鹹，真係值得感恩。香煎龍脷魚柳: 薯條都還可以，至於龍脷魚柳，D鹽既分佈唔平均，一邊就無味，一邊既鹹度就真係分分鐘同死海既海水程度有得揮。焗雞