風車

营业中

休息中

晚飯滿有期望地點了西班牙海鮮飯跟一個snack。海鮮飯很奇怪，色澤紅潤，但沒有什麼味道，是食過的西班牙海鮮飯中最差的一次。這裏可能是適合飲啤酒聚腳，但不是晚飯的好地方。

這裏曾經是我的至愛，一個月總有三四次來吃午餐，由於外遊關係，已經有個多月沒有來光顧了，今天就特意抽空走來一趟，準備回味一番。今天覺得有點奇怪，靜悄悄的，連我在內，只有三枱客人。食物送到，就大概明白了。粟米忌廉湯 - 有淡淡的粟米味，還算香滑。香煎雞扒配蜜桃燒汁，雞扒煮熟才稍煎一下，不夠香口，但意粉軟硬適中，值得一讚。黑椒牛仔骨全熟，又乾又硬，不及格，可幸薯角仍能保持水準，炸得香脆可口。吉列龍脷柳配甜酸汁，雖然魚柳炸得過火，但很香脆，甜酸汁只有甜味，酸味欠奉。珈琲奶茶保持一水準。吃完這午餐，有點失望，可能只是一時失手，我還是希望它的食物可回復到以往水平的。

風車，午餐時段，來過四次左右，今次與兩個小朋友來食Lunch, 叫了前菜煙三文魚沙律，三文魚扒。兩位小朋友也叫了一樣的前菜及燴牛做主菜，食物味道唔錯。我另試了爆谷味咖啡(唔知道有冇記錯名字)，味道很濃，兩者的味道都飲得出來，好過癮。這兒比起大圍近港鐵一帶的食肆坐得舒服，想安安靜靜聊聊天，都是一個不錯的選擇。

南瓜湯冇味西班牙海鮮飯只有一兩薄薄的帶子及冇味的蝦，成個飯唔熱份量只有一碗飯西班燒乳豬，皮不脆，肥肉又多，還有味道奇怪的汁。成個2人餐，最正常的只有伴菜的炸薯角。

Poorly cooked "western food", with little to no effort felt behind the menu, though locals might find the food passable. The place is clean, but the décor is confusing; the look says "pickup bar" whilst the food screams "we're a higher end Cafe de Coral".

今日係媽咪生日 第一次嚟呢間餐廳食物賣相唔錯 只係冇少少細份買咗生日蛋糕唔收切餅費仲要拎出嚟個陣播生日歌好貼心 無諗過會有咁嘅服務之後仲幫我哋分埋個蛋糕今晚媽咪好開心❤️多謝

Food straight out of the sewers of hell, do not attempt.Ordered pasta with olive oil that turned out to be more oil than pasta.

是日下午放假, 做完要事後已差不多5:xxpm, 便在大圍附近找間餐廳食下午茶. 剛好見到門口有外國人在門口張枱悠閒地飲酒傾偈, 於是決定入去休息一下. 餐廳幾有氣氛, 不過這個時間當然無咩人. 只有2枱客人. 食物: 墨西哥烤餅-賣相普通, 不過熱度及香氣十足! 要等一會兒才開始進食. 餅皮烤得很香, 不是很脆的那種. 內裡有些蔬菜, BBQ醬惹味, 味道不錯. 不過主角雞肉的味道不是很出, 份量卻是足夠的. 是個很好的下午茶. 悠悠閒閒地玩了一會兒手機才結賬. 悠閒的下午!

今日早左放工，可以去醫院探完親戚之後約左朋友去附近食飯。佢提議話試下風車，見到環境唔錯，所以一於試試！一入去先睇睇餐牌，可以散叫，亦可以點 set dinner ，感覺叫餐會抵d，所以我地一人一個 dinner set！ 其中一個頭盤係：牛油果帶子配芒果莎莎d 帶子雖然薄切，但超大粒，而且牛油果好足料、芒果甜得黎帶有清新感 =] 另一個頭盤係：香草牛油煮藍青口d 藍青口好嫩又有鮮味，完全唔知有臭青味！ 之後黎個充滿豆味既忌廉湯，濃濃既豆味，碗湯十分濃郁，飲完已經有少少飽肚感！ 之後個 main dish 黎左 ~它就係香煎比目魚配黑松露忌廉汁!!魚超大份，食落口啖啖牛，而且煎得好香脆，我同朋友都連皮食～ 而另一個 main dish 就係西班牙海鮮飯～呢個海鮮飯既材料很豐富，有青口、蝦、帶子等，而且每粒米都被鮮濃既湯汁包圍著，一啖一鮮味，好正！ 最後點埋 2 杯餐飲就完！如果個 dinner set 有埋甜品就好喇>< 埋單around 每人$200，都不過不失啦，環境舒服，同朋友可以慢慢傾計！

之前都搵大圍沙田附近有乜好食，中西日泰菜鬼死咁多搵搵下就搵到呢間 風車 ，睇食評又OK咁，又有HAPPY HOUR!最後就打去訂位DINNER餐廳有BAR位有波睇，MENU有分SET DINNER / 散叫HAPPY HOUR仲去到9點，叫左啤酒買１送１埋單每人都係200蚊唔駛以小店黎講，每度菜擺碟有心思，而且配料配搭得幾好，繼續努力！之前我都食過幾間觀塘樓上西餐，得個環境，野又普通無特別，價錢又唔平

影完大肚相超級肚餓，心血來潮忽然好想食久違的西餐，老公就找了間大圍的西班牙餐廳。出火車站直行到尾，穿過幾條食街就到，不難找，餐廳藍光氣氛幾浪漫，平日夜晚原來都不少人光顧，服務態度幾好，見我巨肚馬上拍多張2人檯讓我放袋。番茄多士(贈送)新鮮蕃茄粒粒配上熱辣辣多士，好香脆可口!蒜香大蝦配魚子醬，蒜香味好濃郁，蝦肉彈牙配上火箭菜小小甘苦。南瓜湯好香的南瓜味，純粹南瓜湯夠濃郁滑口，沒有超甜蠻適合我口味，也不會飲到好飽。美國一級牛小排 Set餐 $238一上枱見其外觀有點失望, 同想像中不一樣。但是，7成熟的小排切開入口好淋，調味又到位好好食，加左d喜馬拉雅山粉紅鹽更加正!慢慢咀嚼會食出特別的肉汁，幾驚喜!!而側邊的配菜也沒有hea煮，配上獨特醬汁真係幾好味!西班牙黑毛豬扒$158豬扒入口竟然好似牛扒咁香，雖然肉質相對牛小排硬身d, 但同平時食的西式豬扒完全不同程度，d肉煮得入味之餘好香口，值得推介!!

風車這間餐廳選了為今晚既生日飯落腳點一來未試過，二來我都幾鐘意食西班牙菜🙂不妨一試吖🙂我九點幾收工先同友人去，一坐低就要睇食咩，我地都係揀左set dinner 同埋beer 有bye one get one free 😍我要左corona 我朋友要左Hoegaarden rose 😆After order waiter 就送上蕃茄多士，好清新既蕃茄蓉，refresh 口腔不錯👍餐湯要左蕃茄凍湯，入口酸味好醒胃，不過個人喜歡帶creamy 會更加正前菜我要焗釀磨菇，菇味好香濃，菇怪的我黎講表示不錯的！我朋友要左帶子加avocado 多士，其實初頭怕帶子腥同avocado 草腥，但入口原來都ok兩樣加埋有smooth 效果我要左西班牙海鮮飯，飯粒做得不錯有咬口，夠鮮味，係海鮮（無咩味）同賣相普通朋友要左焗乳豬，呢個好正！皮脆如薯片肉好嫩滑！驚喜！食完飯之後坐下同朋友傾下計，聽下歌，店員無趕你無黑面，於是我地就可好輕鬆地過了一個晚上🙂

今日午餐到沙田食完乳鴿，行下行下又到夜晚，商場內的全部是連鎖餐廳。難得到沙田，當然想試下一些特色餐廳。沙田不是筆者地球，於是到openrice 搜尋一下。發現大圍有間人氣西班牙餐廳--“Windmill Restaurant & Bar”。決定搭多一個站去試試。餐廳位於食店林立的積存街，大部分都是中式食店，格局平民。在這裡竟然有間西班牙餐廳，真是驚喜。 餐廳環境不太有西班牙氣氛，反而現場有大投影播足球，加上酒吧位置搶眼， ”Windmill“似間酒吧多D。餐牌非常簡單，只有前後兩頁。晚餐有前菜、湯、主菜及餐飲，價錢$168-218。最後決定點一份晚餐及散叫一份主菜。晚餐的前菜有十款選擇，每款都吸引，非常難下決定，最後叫了這個《香草牛油煮藍青口》份量不太多，果然是一人份。青口肉不太厚身，而且鮮甜味一般。不過香草牛油汁夠惹味，青口吸收了醬汁可以彌補鮮味不足的問題。另外，旁邊有些烘乾了的白麵包，用來沾上醬汁倒不錯。可是麵包放涼了。餐湯有南瓜忌廉湯或西班牙凍蕃茄湯。筆者曾經在西班牙品嚐過正宗的西班凍牙蕃茄湯，但不是筆者杯茶，筆者還是喜歡熱烘烘的湯。這個《南瓜忌廉湯》味道只屬一般，質感比較粉而且

兩個人拍拖耐左有時都會懶都專登book餐廳紀念日嗰日喺男朋友屋企，夜晚先落街搵野食行過2條街就見到呢間幾有情調既餐廳叫左2個set一開始就上左小小既蕃茄多士多士好脆，蕃茄味唔係好濃，但有清新既感覺捧過過嚟已經聞到好香，肉都唔係煮到熟晒麵包條點香草汁好惹味但略嫌汁配青口太濃味，掩蓋左青口既鮮味餐廳侍應會喺你食完一樣收左碟先上另一樣食物保證食物熱辣辣上枱，呢個行為令我好欣賞蘑菇唔係好大粒，但入面釀左好多蟹肉，咬落去仲有好多汁！是日餐湯係忌廉湯，同男朋友一人叫一款湯試忌廉湯不過不失，頗creamy反而少餐廳會整蕃茄凍湯，個味道好refreshing，但未必個個接受到因為我幾鐘意飲，但男友嫌太草腥味，所以要留意返乳豬係侍應誠意推介，咁就試下啦皮真係好脆，一切落去碎左🙊豬味好濃，而且好嫩肉質好稔，係容易切既質地👍🏻但係個汁就唔係好配搭到豬味我覺得應該要酸少少既汁，易入口得嚟解膩會有效d西班牙海鮮炒飯有好多海鮮喺入面炒得偏辣，所以幾惹味下面既汁係龍蝦汁，所以成個飯都好濃味啱晒重口味既我最後一人一杯熱檸水消滯，飽飽lu呢間餐廳食物既份量都屬於大份既所以價錢都合理呀！

第一次來這間叫"風車"的餐廳吃午餐, 叫了一客"煙肉蘑菇白汁意粉", 即是Carbonara. 可選是日餐湯或者田園沙律, 再配一杯飲品. 整個餐$48 不用加一, 價錢比較相宜~ 我就揀了是日餐湯 - 甘荀忌廉湯, 要熱咖啡. 甘荀忌廉湯不久便送上, 賣相呈淺橙黃色, 幾好飲, 個湯幾稠身濃厚, 味道幾香~ 剩係飲完個湯都飽飽地了! 之後熱咖啡送上, 個咖啡杯幾靚, 配上杯牛奶比客人按自己需求添加, 我喜歡飲奶味濃一點 所以全倒入咖啡杯了~ 熱咖啡味道都不錯! 咖啡味香濃, 又不會苦~ 跟住好快就上埋意粉了~賣相幾唔錯, 煙肉蘑菇都好足料, 白汁份量剛剛好, 令意粉不會太濕或者乾!  而意粉煮得相當不錯, 口感煙韌有咬口, 整體味道幾香, 入口Creamy, 食得好滿足!下次我會再幫襯! 希望店家繼續保持這個質素, 最緊要係保持這種相宜的價錢, 不要像同一條街另一間西餐廳一出左名就加晒價...