頭啖湯

营业中

休息中

知道呢度係中學同學老公開嘅餐廳我哋都未有機會試吓。今晚我哋就去試吓我哋都想食啲至寶嘅嘢所以就嗌左椰子雞煲。不過唯獨湯底太多油，可能係用雞煮，但係都略為多油。腸胃不好的朋友要小心。如果湯底可以在再濃香啲椰子味味道就更加突出。因為要留返個肚食其他野所以只係叫咗半隻雞。佢都有啲海鮮揀嘅真係好，我哋就叫咗桂花蚌，好快熟同埋好爽口。另外點可以唔叫我最鍾意食嘅紅薯粉呢，呢度嘅紅薯粉都係用咗個種闊扁身嘅，呢種薯粉同原形粗身嘅口感係一樣，都係會好煙韌好有咬口咖！我最鍾意！仲有響鈴卷啦，不過響鈴卷就唔係好夠脆身及食落感覺略為多油，好快一落湯底1秒就好快成個淋晒。而午餐肉切得好好一口一啖。另外仲有娃娃菜同牛肩肉，牛肩肉係比較有韌勁比起普通牛肉要有咬口鍾意有咬口嘅朋友一定要試吓呢個肉。而飲品呢就叫咗開胃醒神嘅檸檬柚子梳打，新鮮開胃檸檬🍋配上清新柚子梳打，打邊爐嘅油膩即刻一掃而空，精神都為之一振！不過如果餐廳嘅火力可以大啲就更好，打邊爐嘅話就比較要耐啲，因為而家略嫌有點太慢加上雞煲都有一定嘅有油份所以比較難滾起。但整體而言湯味鮮甜新鮮，同鋪頭名符合。

餐廳環境闊落，坐得幾舒服。 四人卡位坐得啱啱好。今日想飲啲至寶啲嘅湯底就叫左滋潤椰子雞湯底，一上枱已經好吸引，好多配料，有海底椰好有咬口，口感好得意，好鍾意食，又有蟲草花。帶點椰子香味。雖然只係嗌咗半隻雞、但份量都幾多，食落又滑亦都好有雞味。湯底就好似屋企煲既老火湯咁，令人想一飲再飲，真係覺得係好滋補補身嘅，唔錯。啱晒生活壓力大嘅都市人。至於其他火鍋配料，嗌咗 美國安格斯雪花牛肉（細碟），食落肉味相當濃郁。特別推介手打蝦丸同川辣牛丸，蝦丸爽口彈牛，有分原味同芝士味，岩哂芝士控亦都有原味可以同唔同嘅人分享。川辣牛丸一入口已經好辣，係好濃香嘅川辣味道，真係辣嘅所以鍾意食辣嘅朋友唔可以錯過。而出面比較少食到，值得一試。另外叫了雜🍄拼盤同巨蜂乳酸梳打。味道都唔錯。打邊爐都鍾意帶炸魚皮，因為可以吸收湯底入邊亦都脆身口感特別。呢度炸魚皮份量都多，唔係話得幾快唔可以大快朵頤。食得好暢快又夠脆好好味一定要夠份量先得！呢間餐廳整體都唔錯，下次有機會要試埋佢地既原盅燉湯🤗

媽咪係呢頭返工，就同佢去食個打邊爐，係單點嗰一種，因為見到佢啲雞煲價錢唔算太貴，而且有好多款唔同嘅選擇！我哋就揀咗養生果一種。醬油滋潤椰子雞煲$128半隻雞除咗裏面有半隻雞之外，仲有好多唔同嘅雜菌類，仲有竹笙等等，淨係配料已經非常豐富，叫少樣雜菜，味道較鮮甜。湯頭味道非常清甜，椰子味好突出，同時食到好香嘅雞味，新鮮嘅雞當然唔少得有好多雞油，所以都要慢慢整走啲油。 如果想食嘅雞就要早少少食，頭幾分鐘都比較滑身，如果耐左嘅話就冇咁好食可以要來煲湯。美國安格斯雪花牛肉$128小雪花牛肉比較厚身，見到啲花紋分佈都比較平均，每塊都有好香嘅牛味同埋質感都好滑！西班牙黑豚肉片$98黑豚肉份量都有好多，見到顏色已經覺得好靚比較新鮮，豚肉味好香！仲叫咗其他部份嘅配菜包括有芋絲$28韭菜餃$48水餃$48打邊爐一定要飲嘢，我哋就揀咗時令嘅飲品綜合水果茶$33 x 2裏面真係有好多款唔同款式嘅水果，包括有士多啤梨、西柚、蘋果、橙及檸檬等等，味道比較清新唔會俗，夏天飲就最啱。MENUReceipt

看見天氣預報，這週的溫度也開始涼一點。天氣不太熱也正好是吃火鍋。今天到了位於天后的「頭啖湯」吃火鍋。店舖距離地鐵站少於10分鐘路程，位置也很好找。火鍋方面除了麻辣雞煲外，頭啖湯更有其他特色火鍋，今次點了滋潤椰子雞煲。湯底清甜，帶有豐富的椰子香。煲中除了雞件外，更有黑木耳、竹笙、蟲草花和菇作配菜。值得一提的是當火鍋需要加湯時，店員添加的是椰子湯而不是普通的清湯。令到火鍋吃到最後時，湯底還是香濃。火鍋料方面則點了炸魚皮、冬瓜、白蘿蔔、竹笙等等。魚皮炸得十分香脆可口，放入湯中稍稍涮數秒，便可進食。冬瓜和白蘿蔔均清洗乾淨，用料也不錯，十分鮮甜。竹笙吸收了椰子湯後，味道也不錯。肉類方面則點了兩款，分別是安格斯雪花牛肉和西班牙黑豚肉。牛肉肉味香濃，表現不錯。反而黑豚肉較有驚喜，肥瘦適中，肉味也更一般的豚肉片香濃。此外，更點了一客墨魚滑，魚滑爽口彈牙，調味適中。飲品則點了檸檬柚子疏打，味道酸酸甜甜，帶有柚子的清新。吃濃味的火鍋時也能適當地清新一下味蕾。整體而言，這個價錢能吃到鮮味椰子雞和優質的火鍋配料，也是十分超值。加上店面座位舒適，很適合邊吃邊聊天。

天后其實有好多好野食，而且種類繁多，今日終於有時間來睇下！頭啖湯位於一條幽靜既街，比較其他火鍋店，有一種遠離繁囂感覺，非常舒適。配料款式多，而我最中意係店家甜豉油！平日經常覺得火鍋醬料太鹹，今日甜豉油好適合本人口味！今日主角：滋潤椰子雞煲！比我想像中更加多材料，而且椰香撲鼻！配料十足！淨係個煲已經好抵食！美國安格斯雪花牛肉，半肥不膩油脂分佈，牛肉味濃郁之餘，肉質彈性非常高，口感極佳！好味！嫩滑竹輪裹面，包裹住香甜芝士，咬開即刻滿口芝味！鮮蝦滑，彈牙鮮蝦滑火鍋必備！清新、蝦味甜，味道簡單直接帶鮮味！響鈴卷份量十足，一碟有8卷，就算多2個人都夠食，認真抵玩！火煱當然唔少得爽口既芋絲啦。芥茉魚籽丸，彈牙魚蛋皮包住微微芥茉味魚籽，雙重口感係唔錯既！唐生菜除了新鮮，還是新鮮，咬落「索索聲」！飲品方面就叫左凍檸蜜、可樂一解火鍋高溫。

平時行過天后，都係響中間大街中覓食，但今次行過後街，見到呢間外表平平無奇既餐廳，睇個名又知佢有得烚下烚下，就不禁停下來入左去食番個邊爐宜家打邊爐真係好著重個湯底，皆因湯底越出越似一煲湯，今次呢4個湯底都各有特色，鮮，辣，素，補，最後我揀左補😋滋潤椰子雞煲 $128 由於成日都覺得咁補既湯唔飲下會好蝕，所以通常黎到都會先試飲，一飲之下果然是讚😋😋👍🏻勁清甜的椰子味，平時最怕係一加水/加清湯就成個煲無哂味，點知店員見到我地個湯得番咁小竟然同我地講佢入去"煲"番d 出黎，聽到呢個字即刻勁想問佢煲d 乜湯出黎，原來哥哥話佢地會按番個煲落番對應既湯作補充，例如我地既鍋會落番椰子湯，麵包蟹果個會落蕃茄湯，另外兩款會落清雞湯，哥哥仲話點解百菌鍋都會落清雞湯係因為此鍋會越滾越濃，所以如果放番菌湯就會過咸，真貼心❤️響鈴卷$38為左吸著d 湯黎食，當然唔小得既叫番份牛肩胛 $98 (小）不太愛吃肥油的我揀左油脂分佈好靚既牛肩胛位食，肉很嫩，夠牛味👍🏻西班牙黑豚肉片 $98有時打邊爐都怕食豬肉，因為時間控制得唔好一係就怕唔熟，一係就怕太韌，但講到西班牙黑豚肉，好似好高級咁就試下la😋又ok wo, 唔韌又夠

話說因爲工作緣故，好少同母親出將軍澳食野。今日我地都放假，作為孝順女當然要帶佢食好野。位於天后站既頭啖湯遠係遠左d,但係真係好值得去，野食好平好靚。 侍應講話，其實可以係堅尼地城直接搭巴士5X過去，一落站就到。******主打既雞煲有幾款，有麻辣雞煲，椰子雞煲 藥膳煲同雜菌煲。價錢比平時食既雞煲要平，果日叫既椰子雞煲都係128 蚊半隻雞，夠哂我同媽咪食。 *****椰子雞煲最抵既係，呢到用既材料好靚好新鮮，當侍應端上雞煲時，陣陣既椰子湯香味就湧入鼻哥窿。煲裡不但有新鮮既生雞，雜菌，海底椰，紅棗同冬蟲夏草！咁多料，128 蚊係香港邊到搵到！侍應仲比左個碗我地隔走雞油，十分細心。******係叫其他火鍋料前， 我地先細嚐新鮮既椰子雞湯，唔係講笑，第一次覺得火鍋湯咁好飲，一啖湯，一啖嫩嫩既雞肉，食得出所有食材都好新鮮好靚。食食下，成個煲差點疑我地食哂，本身諗住叫侍應幫我地加水，等之後食其他火鍋料，點知，佢話可以幫等地加番椰子湯底咁足料，仲要唔係味精湯底比你任加，抵到喊*****咁火鍋例牌有調味醬可以點，有新鮮蒜頭,炸蒜，莞茜，蔥花，辣椒粒，麻油可選，但係最後我地成碟都冇咩點過，因為本身個湯底

黎到天后食，依間雖然店鋪面積唔大 但係座位好闊落唔會坐得唔舒服，服務亦都幾好，唔會係咁收你野趕你走咁，約三五知己黎打邊爐慢慢吹水既話呢到係唔錯既選擇👍🏻打邊爐最緊要舒服夠冷氣，依間做得好好👍自己customize豉油，選擇多，見到好有心思叫左椰子雞鍋，裏面會配埋d鴻禧菇，一啲藥材類既食物，同少量竹笙，湯底的話有d失望，唔太食出椰子味😪不過勝在其他湯底配料索味而且雞夠嫩滑好評😛感覺都唔係好重味精，唔會成程要瘋狂飲野咁，唔鍾意食重慶雞煲呢d濃味野既話呢款會係唔錯既選擇，不過真係無椰子既清甜感覺🙈😪火鍋料選擇多，種類多，一定有各人鐘意食既野🤓牛肩肉好食！肉質厚，有牛肉味，食得出係靚料😂👍各種配料份量都好足，唔洗一次過叫好多，以免食唔哂，造成浪費🤓娃娃菜絕對係必叫既，又索湯又鮮甜，份量都好多😍野飲叫左自製既青檸梳打配邊爐一流😍佢地有埋水果茶不過就無試到喇，裏面會有新鮮水果應該都會好岩打邊爐飲😛整體質素唔錯，最重要環境舒服乾淨，依個價亦好合理。

難得同男朋友經過天后，見到天后有間火鍋店幾正，就走左入去試吓啦。一開始以為呢間鋪頭淨係飲湯，原來比個餐廳名呃左。本來一開始心思思想食麻辣雞煲，但係有啲喉嚨痛，所以就帶咗半隻滋潤椰子雞煲。店員一開始就上了醬料，都是基本的醬料，包括蔥豉油辣椒蒜頭甚至炸蒜都有。啲雞會斬好一件件，預先切好，十分方便。有雞尾味肉質也很鮮嫩。另外還有其他材料都很豐富，會有木耳竹笙杞子蟲草花等。但是湯才是椰子雞煲的精華，看下去是淡淡的椰子香味，加上雞肉的甜味，融和一起的湯真是欲罷不能。我們當然叫了打邊爐的首選，炸響鈴。但是這個響鈴有點兒失望，不是太香脆。不過不失。鮮蝦滑，這個不錯，爽口彈牙，有淡淡的鮮蝦味，值得encore。我們還叫了雙拼的桂花蚌和珊瑚蚌。食下去非常爽口鮮甜，煮幾秒就有得食，超正！我最鍾意食桂花蚌，又鮮甜有時彈牙。另外，我們也叫了一碟脆鯇片，雖然很彈呀牙有口感，但略嫌有點碎骨，食下去不太方便，有點瑕疵。最後我們叫了稻庭烏冬，烏冬吸收整個湯底的鮮甜，使成餐最好食嘅食物，係一個好好嘅總結。這間火鍋店的湯底真的值得推介，下次喉嚨痛好返啲嘅時候，真係想試吓佢哋嘅麻辣雞煲。

🥢#tagnshare天后篇……………………《雞🐔全部都係雞》💰$128/半隻 滋潤椰子雞煲先煲5-10分鐘左右，食雞煲都可以滋潤一下，足料 有d海底椰同蟲草花...食完雞煲就用黎打邊爐🥘💰48 招牌濃湯米線(椰子雞湯) + $8/份腩肉D雞超嫩滑😱👍🏻湯底味都夠....。#頭啖湯 #firsttastesoup#滋潤 #椰子雞煲 #天后 ...…………………👧🏻肥妹小編......................👇🏻地址👇🏻頭啖湯 天后威菲路道15-19號萬順樓地舖 .……………………

對於東區友平時想食雞煲既話，銅鑼灣都係大家不二之選。不過，最近發現到天后都有一間質素高但平民價既雞煲店。餐廳裝修與一般茶餐廳無異，整體印象比較平實。餐牌上可以見到除咗雞煲邊爐外，餐廳亦有提供泡飯、米線。落單後，職員端上放滿不同調味料嘅盤同豉油，你自己調校合適嘅混醬。我哋先叫左半隻重慶麻辣雞煲。由成都返嚟一直都冇食過辣，所以叫咗小辣熱下身。見到煲裏面好多隻辣椒，辣味有層次。雞件數量非常多，每一舊都啖啖肉冇乜骨，非常嫩滑，浸係麻辣湯底更加香辣惹味。食完雞煲大家都飽飽地，望返價錢都係$128，真係抵食。食完雞煲加埋湯就開始打邊爐啦！我哋叫咗芝士竹輪，響鈴卷，豆腐，白蘿蔔。每一份配料份量都非常多。對於我來講，打邊爐最緊要係咩？緊係要有牛啦！所以我哋仲叫咗美國安格斯雪花牛肉。牛肉呈鮮粉紅，油脂分佈均勻，肉質鮮嫩，但沒有不絲肥膩感覺。入口即溶嘅口感更令我越食越上癮。食雞煲嘅時候真係特別口渴，所以叫左杯水蜜乳酸梳打，甜度適中。另外樽身幾特別。下次想食雞煲唔一定要去雞煲專門店，可以試平民版雞煲既「頭啖湯」，都一樣出色！

好耐冇同朋友打邊爐啦，聽朋友講天后有間火鍋湯底好好飲，於是今日就嚟到天后覓食啦。餐廳有4款特式火鍋，想飲清湯嘅我就叫咗滋潤椰子雞煲，湯底除咗雞外仲加入大蔥、木耳、蟲草花同菌類，難怪咁清甜！同朋友飲咗幾碗先捨得落其他火鍋料。另外雞件份量都好多下，可見餐廳完全唔吝嗇。配料方面，我地2個女仔總共叫咗5樣，分別係細美國安格斯雪花牛肉、桂花蚌珊瑚蚌雙併、墨魚滑、韭菜餃同埋芋絲。其中最鍾意嘅就係美國安格斯雪花牛肉！牛肉脂肪比例均衡，牛味十足，放入鍋中涮個10秒，入口即融！同朋友都好後悔冇叫到大碟，因為太好味我地之後要再追加咗一碟。然後就係桂花蚌珊瑚蚌雙併，只可以講十分新鮮！爽口彈牙仲鮮味十足，建議大家滾5-8秒就可以食。墨魚滑以竹筒呈上，放入鍋待浮起即可享用，同樣十分彈牙！韭菜餃不知是否自家包製，但內餡嘅韭菜份量好多，味道也不錯。

平常假日都會去銅鑼灣或尖沙咀這些熱鬧的地方吃飯逛街，今日決定到平日不會去的地方走走，發現原來也有很多餐廳選擇。踫巧今日想吃火鍋便在網絡上找到這間餐廳。餐廳共有四個湯底可以選，我們看著椰子雞湯吸引就點這個，店員端上來時說可以隨便喝湯，之後不夠再加進去的也是椰子雞湯，所以不用怕會不夠味道。椰子雞湯裡有半隻雞、竹笙、木耳和其他菇類，雞吃著不像是冰鮮雞，感覺是新鮮雞。而其他火鍋料吸收了雞湯的味道十分美味。吃完雞後我們還點安格斯雪花牛肉、廣島蠔、炸魚皮、川辣牛丸、韮菜餃和蔬菜。牛肉十分新鮮，牛肉味重而肥美，廣島蠔也是很鮮美，川辣牛丸十分有驚喜，吃起來十分香辣，卻停不了口，蔬菜等可以充分吸收湯的味度，真是十分好吃，所以說吃火鍋湯底真的是十分重要。

難得放假緊係同男朋友去下港島區行下街，佢就話天后有間火鍋幾正，d材料好新鮮所以就聽佢講去食啦！有四款湯底可以簡，我原先想食椰子雞煲，但我男朋友唔食椰子，結果就叫左重慶麻辣雞煲$128/半隻(微辣)份量都幾多，雞件好嫩滑好彩叫左微辣，因為真係越滾越辣~食完雞煲就加水打邊爐除左平時食開既火鍋配料之外，仲有d特別配料通常打邊邊都係叫肥牛，今次就食下牛肩胛，食落肉質比較結實，仲較多汁萵荀好新鮮又爽口，好正我男朋友最鐘意用厚切午餐肉黎打邊爐廣島蠔$35/2隻，但餐廳話d蠔比較細隻所以比多兩隻我地望落都幾肥美飽滿，煮完都唔會話超縮水珊瑚蚌好快就會熟，記得唔好煮禁耐食落爽口彈牙，好好味未加水打邊爐個陣我地已經叫左炸魚皮魚皮夠脆又無腥味，吸滿左雞煲汁一齊食無得頂我叫左個綜合水果茶，好大杯！最岩打邊爐飲佢就叫左原味乳酸梳打特飲，佢都話幾好飲雞煲好味，火鍋配料又新鮮質素又好，下次搵朋友陪我再黎食椰子雞煲先

天后有條食街係人都知,但今晚我個friend帶我走出食街，話天后有間隱世雞煲火鍋店係另一條較靜嘅街，好，一於走出食街尋美食。其實都係由食街行多五分鍾，但呢五分鍾絕對絕對值得！滋潤椰子雞煲半隻$128一見有椰子煲雞即刻諗都唔諗，兩個人叫半隻諗住留番啲位試其他邊爐配料，但係好味到下次一定要叫一隻！個湯好清好香好甜，我油都冇飛走咁飲都唔膩。雞好嫩滑，重點係煲極都仲係咁嫩滑，真係冇得彈！牛肩肉大$168店員推介呢個話會牛味重啲。又真係喎！肉脂分佈均稱，肉嫩味重西班牙豚肉$98初時捲埋左，以為唔係好大塊...點知一放落個鍋度，揚開勁大塊。西班牙豬真係幾好味，肉質好同冇臭豬味。韮菜餃$48呢個價錢有八粒，仲要幾大粒，入邊料都夠多，唔錯！萵筍$32呢個唔記得影相，近期打邊爐至愛，最鍾意等到淋晒先食檸檬柚子梳打$22菜蜜$18叫左兩杯黎解解渴！532蚊兩個人食，有足料好飲湯底+配料質素不俗+價錢十分合理！