頑固壽司 (已結業)

排隊等足3小時，上菜等足1小時，只此一次，不會再吃，壽司食材質素一般，比起想像中大不同，若再給我一次機會，我不會再選擇，冷氣一點也沒有，若果你個人很頑固就去吃吧

絕對值得我寫第一次食評。難食到**，食到成肚氣。一開頭等位等左成個鐘，都無乜野滿心期待。入到去見到menu 心諗又話係平民價位？咁好啦你貴都唔緊要，好食就得。同朋友嗌左個最basic既八貫同海鮮丼，講緊都係208+1 & 188+1。落完單到有野食等左一個鐘。45分鐘問佢可唔可以取消，我地唔想食，先至話而家整緊？但當時餐廳唔full。咁都唔緊要，幫你諗埋藉口係新鮮整。但上碟比啲貨完全係元氣level，比埋啲三文魚、赤身、油甘、甜蝦、蟹柳，睇已經覺得唔係好野，食落無鮮味。仲要蟹柳反而算最好食。真係一百蚊都比多你。一個禮拜食1~2次日本野既我表示真係又嬲又失望。唔係嗌最貴，都唔洗比垃圾我食掛？仲要除返開都要$30/件。可能叫最貴會好食啲，但我絕對唔想再比多次機會呢間野。唔係食唔到壽司郎都唔會試你呢間野，不可一不可再。

無諗過第一次寫食評會係負評，呢間餐廳比我嘅感覺得1個字，慢！先唔講排隊，要等成2個鐘先入到去，本身諗住有咁多人排，以為會好食，都有啲期待的，到終於入到去坐，睇個餐牌，入面又無寫清楚啲拼盤丫，丼飯丫到底有咩海鮮，搞到要問來問去，影響效率。其次，我叫左個特上壽司8件，您話賣晒牡丹蝦，要轉甜蝦，咁個價格係咪應該收返平啲呢？而且，由點完單，到碟壽司上枱，足足要成45分鐘，實在係太慢了，而且啲魚肉入口重係暖嘅⋯話就話喺日本係平價壽司，但來到香港又要扮到好似omakase咁呃錢，見個師父握個壽司一件要握成分鐘，咩肉都握到熱晒啦。唉，奉勸各位唔好入去食，嘥錢嘥時間。

最近唔知發生咩事，當某幾間連鎖壽司店因政治取態被人嫌棄，就咁啱有幾間日本壽司店殺入香港開分店，頑固壽司就係其中一間。聽聞在日本頑固壽司好平，壽司都係100yen起，因此有網媒更將佢同x鮮比較。港人對壽司嘅熱愛程度係高到難以想像，加上大概受政治風向所影響，導致啱啱開張，港人一窩蜂咁去朝聖，小弟係其中一位，但坦白講，後悔了餐廳6點開門，咁我地就5點9左右到達，嗰陣條龍已經係轉咗一個彎（唔識點形容，有興趣就自己去體驗下，反正我冇興趣去第二次）目測大概兩輪先入到去，但既然黎到，就排下當朝聖一排就排咗2個幾鐘！咁我原本就以為係食客花時間享受食物，所以時間比較耐，所以唔應該抱怨d咩但入到去先知咩事，我可以好肯定等咁耐絕對唔係關食客事，係關餐廳事！我隔離其實可以坐多2個人，但又遲遲唔放人入黎，其他幾張枱都係咁情況。我就心諗係唔係餐廳特登儲人龍，但原黎又唔係，而係餐廳出食物嘅速度慢到離譜！就算餐廳坐唔滿人，個速度都應付唔到。我落完單之後，等咗足足20幾分鐘先黎得呢2舊壽司！排2個幾鐘+等20幾分鐘先得嗰2舊壽司，火都黎。令人咋舌嘅係等待途中有服務員問我地有咩食物仲未到，但其實係一樣都冇到啊！坦白講我地

6時開門，要早一小時到。5點半到已經要等到8點先入到。食物新鮮，價錢中上，但食物等候時間長。整體不俗。豉油偏鹹，飯嘅醋味適中。店員態度正常。食材由大阪運到。可以一試，但要早D到

第一次食手握壽司，性價比高五點半開始排隊，六點開會入場，第一日開會，可能硬件未完善，無熟食，無得用credit card，只收現金，由於人手制作，上菜好慢，大約20-30分鐘先黎到，出面排哂長龍應該要等好慢耐先入得，估計要1.5小時等候。質素方面人手制作的話，價錢係平既，不過唔係日本既價錢，最平17蚊三文魚🍣壽司1件，三文魚腩20蚊1件，唔差3蚊就食三文魚腩，高質，20蚊係抵既，其他壽司都高質，環境屬中高質，服務中等，最後食左兩輪要1.5小時先走得，趕時間唔建議，平均每人200蚊，每人7-8件壽司