順壽司日本料理 (已搬遷) 新店位置

天后的一間貴價料理店，雖然其貌不揚，但卻有很多明星名人來光顧，例如上一次食飯一晚之內就見到霍紋希、許願、伊健同芝芝(當時未分手)光臨。店內註明不準拍照錄影，好像特意為保護顧客私隱而寫。根據個人經驗，我會建議大家去幫襯午市，因為價錢與晚飯實在相差太遠。如果晚上去食飯，動輒也會花上幾百元兼還可能食不飽，但午市的套餐除刺身外大部份都不會過百元，以其食物質素實在算是相宜。例如今次我便點了一客鹽燒秋刀魚，味道和份量都不俗，那湯也不是一般的開粉麵豉湯那麼沒誠意。今次被安排坐吧，得以一睹師傅的刀將，雖然切出來的魚生不是供我享用，不過單是欣賞那些切得薄薄的新鮮刺身，也已經是賞心樂事。另外上放了一缸生猛的蟹仔，見牠們在缸內爬來爬去也很有趣，但不知可以怎樣用牠們上菜，莫非好像吃零食的那些炸蟹仔？

Sashimi set 不錯，但toro 有筋。清酒煮蜆好。又大又滑。鰻魚魚旦沒有他們介紹的那麼特別。放得迫一。

上星期二訂左位同家人食飯...去到先知冇留我地既訂位...可笑既係佢地冇即刻俾番個位我地坐..仲反問我地係咪訂左城市花園個間順..有冇搞錯呀....有侍應話有人走左就即刻俾位我地坐..我地叫左雜錦刺身...$320選5款..仲叫燒酌..啤酒..d野食確實比之前差左..但都算係不過不失....可惜d服務就真係麻麻啦...想叫個人過黎..但等左成五分鐘都係冇人行過黎...唉~~~算啦..食完野..叫左個侍應過黎問佢有冇雪糕送....佢話公司唔俾送囉..唔係掛??之前食成千蚊個人頭就問我地食唔食雪糕..依家換晒d師傅就唔送喇???個侍應話去問問上司先...只見佢所謂既上司一邊聽佢講一邊用唔太友善既眼光望住我地....等到個侍應過黎時同佢講唔使送啦...無謂令佢難做啦...但係如果個所謂既上司既服務態度都咁差既..d人又叫極都冇人應..就算d野有幾好食都係冇用架囉..如果佢地諗住趕客呢招都唔錯..因為我地食得好冇癮..總之一句..下次請都唔會再去..

最近去順食飯，發覺師傅換咗，本來我朋友話要去第間食，惊做得唔好食，但我見到老板娘仲係好似以前一樣咁喺鋪內欣勤地招呼客人，所以我同我朋友講，反正無換老板，不如試吓再算。老板娘親自來招呼，介紹我哋食剛由日本運到嘅金目魚~好肥美、赤幹魚~呢種魚我第一次食，肉質好清甜、鮮八爪魚腳~同平時食開嘅唔同，因為呢種係來自北海道嘅新鮮八爪魚，超巨形，仲連埋吸盤，原來好鮮甜爽脆、大拖羅~完全無筋，整塊魚佈滿細密網狀的油花，食完口裏留下一陣甘香的魚味。之後壽司師傅為我哋做咗幾種壽司，包括：春季特產白飯魚、鰻魚苗、小白虾、左口魚魚邊、油金魚腩及北海道馬糞海膽，全部都好新鮮，尤其是小白虾~亦係第一次食，真係好鮮甜，仲有海膽~濃濃嘅海膽味，超creamy，好似食芝士咁嘅感覺。後來再點咗幾款和食，仍然保持過往的水準。所以我哋決定以後要食日本菜，依然首選呢度！

一直都想試呢間日本野，今日終於試到喇...雖然係星期五晚，但都未FULL HOUSE, 8成FULL...聽左個waiter介紹試左幾款刺身同壽司- 一款白魚(唔記得左個名)、嚮螺、帶子同白海老:::: 各款既味道都唔錯，好鮮甜新鮮，但係唯一帶子既size細左d。始終都係見城既帶子肥美好多!!個嚮螺既肝仲用左黎做串燒，但個味好甘!!! =(跟住仲叫多左個冷稻亭烏冬，佢調較到個溫度唔會太冰，烏冬既口感都唔錯...唔係食左好多野埋單都要6百幾蚊，原來都幾貴!!後來先發現淨係支水都要收$20...

A friend invited me to June last Friday for Omakasen. At first I thought it would be a classy restaurant but it turns out to be pretty local - Japanese local.Since our whole purpose was to eat Omakasen we sat down and ask the waitress to bring us whatever's best that night. She mentioned a bunch of fish names, we agreed, and the dinner started.It started with a chicken appetizer in sesame sauce and cucumber, and then comes the fish. Loads of different variation, with 3 different sauces for diffe

sushi是一流的水準！叫了一客"松"的sushi，有十款，包括入回即溶的toro及無敵海膽(黎親都食).......老實說，我去過很多酒店的日本餐廳的sushi都沒"順"的好吃，就算有都貴3成，係"順"食正宗sushi是頗抵的(雖然都要成$300客)，質素絕對有保證，我到試過北海道吃的老字號"政"也是差不多今日唔知做乜間野無人，我9點去一個人都冇，好在sushi是一樣的新鮮！其實toro係好好味，但其他魚都實在太肥，toro也變得可有可無.service是一般的，人多時可能會照顧不周(小店嘛)但waiter也算友善定食同拉面就唔好提la....唔太好食，如果唔係去"吃sushi同剌身就可能會D失望而回

又係2個friend都極力推介.order左超值5點Set($320):-清酒煮蜆(唔錯)-鹽燒油金魚頭(唔錯,好香口)-吉列炸蚝(ok啦)-牛肉鍋(好,牛肉好正,冇渣既!)-鹽燒鯖魚(唔錯,香口,啖啖肉!)另外2x紫菜稻亭烏東(唔錯!)未有機會試魚生壽司,因友人少食生野...=(1人前壽司set要$200-$300,都算高檔價錢,有機會要試下值唔值...

這裡的午市套餐由最便宜的麵餐(有拉麵﹑喬麥麵和烏冬) 到壽司﹑刺身定食都有﹐價錢由$55-130﹐價錢適中。星期天和長輩吃午飯﹐他們就我不去飲茶而去吃日本菜﹐真是多謝晒﹗不過始終他們都不喜歡吃生的食物﹐所以兩個男的要了燒牛肉定食和牛肉鍋定食﹐兩個份量都不少﹐他們都算吃得飽飽的。兩個女的則要麵食﹐一個要了腐皮烏東(其實要喬麥麵的﹐不過侍應姐姐落錯單﹐罷了﹗)﹐另一個要牛肉拉麵﹐兩個都說不錯。麵食套餐還跟兩塊太卷。我試了一塊﹐那些飯很軟熟﹐好好味﹗我自己則要了一個特別套餐﹐有碎吞拿魚腩飯+ 冷烏冬﹐跟餐還有一大碗麵豉湯(比一般日本餐廳的碗起碼大一倍)。上菜有先後次序﹐先來了麵豉湯﹐等我喝完了才上碎吞拿魚腩飯。當然不是什麼頂級的吞拿魚腩﹐不過都新鮮肥美﹐伴著少量的wasabi 和豉油來吃﹐好好味呀﹗那些wasabi 比平時外面吃的要香和辣﹐好正﹗吃完其實已經挺飽﹐那個冷烏東才施施然被送上來﹗哇。。怎麼這麼多的﹐好意想不到啊﹗這個套餐才$90﹐好抵食丫﹗下次可以和媽咪來share 來吃﹐我吃魚生飯﹐她吃烏冬/喬麥麵已經夠食﹐哈哈﹗我最後要把一半的烏冬分了給其他人才可以吃得完﹐好滿意﹐好滿足啊﹗

叫了兩個晚餐定食,從未如此失望過!如果這種也算是日本料理?真的不吃也罷!那個拉麵,真的不敢想像,在家裡自己弄要比它好百倍!兩支啤酒加埋總數六百多元!食物如垃圾,環境不提也罷!恕在下直言,根本不值一哂!只是掛羊頭的【港式日本料理】肥佬滔真係好介紹,膳稿加吹水!

次次都係黎食lunch....食過:牛肉湯烏冬- 好味....烏冬好得....好煙un.....天婦羅冷烏冬- 涷烏冬都好味...不過個人較喜歡熱食....好似好味D...照燒雞扒飯- 係冇期望情況下叫....但出奇地好味....無論前菜(螺肉)到個汁到塊雞扒到個湯.....全部都好鐘意...一掃清光.....見佢個牛肉鍋好吸引....下次試.....P.S. 冷氣超涷

晚餐壽司定食等了很久都不來，最後埋單走人,對唔住都冇聲, 因為只照顱熟客的需要、見熟客order即做.

聽朋友介绍話順是港島區數一數二嘅日本料理，前兩日啱啱去天后探親戚，咪5個人訂位食lunch，去到12點半，己經差不多滿座，未有人坐嘅枱亦放咗訂位牌，心諗咁多人應該無去錯地方，客人大部份係寫字樓一族。<br />打開餐\牌，睇見供應的全部係定食套餐\，價錢由$40~$90。見到隔嚟左右好多都係食緊壽司或者魚生飯之類，所以我哋都照牌煮碗，點咗魚生飯加冷蕎麥麵set，壽司定食，金倉魚碎飯加冷烏冬set，唔食生嘅親戚叫咗鰻魚飯同埋燒牛肉飯，另外加一份秋刀魚刺身。<br />老實講，真係未食過咁肥美嘅生秋刀魚，一般都係燒嘅，所以跟住嚟嘅壽司及魚生飯好出色已經係意料中事，但估唔到燒牛肉飯~飯上面鋪滿大大塊美國牛肉(後來問侍應生)、鰻魚飯~鰻魚超肥大，兩樣熟食都咁好味。<br />另外，要讚吓佢\地定食入面嘅麵豉湯，唔似其他的餐\廳，只有幾條海帶同豆腐。湯入面除咗蘿蔔冬菇外，仲有好多魚，聽侍應講呢個湯原來好出名。<br />下次在香港區食日本嘢，呢度真係一個好好嘅選擇！<br />

要理不理, 加一次茶要20分鐘!order 時話冇食物A, 不如換食物B; 等25分鐘, 佢先又話冇食物B, 不如要食物A! 咁你寶貴的時間就係咁白白浪費.今時今日, 咁口既服務態度... 下次要食刺身, 都係去Sogo買仲好, 免一肚氣!!

聽人講順寿司出名，我想怎樣也不能和"見城"比較吧？於是抱着好奇心，即管試試。一行4人，在上星期三晚，貪賽馬曰一般食肆比較清閒，所以在沒有訂位情況底下，到那裹大概晚上8時半，真沒想到居然全院滿座，只好站在門外等了30分鐘。有位後，先到sushi bar 看看，魚生的品種可真不少。剌身我們點了嚮螺、日本象拔蚌、深海池魚、油金魚腩、日本蚝(來自九州)，當然還有我最喜愛的大toro，老實說一句，連我這個超級"見城"迷,都不得不講一句，出乎意料之外的好，所有魚生都非常新鮮及肥美，用的應該是頂級貨(我已有20年吃日本菜資歷)，切工亦非常嚴謹。之後，當然要試試師傅的握寿司功架。我們點了針魚、生鯖魚、牡丹虾、燒toro、北海道馬糞海胆、及朋友至愛清酒蒸鲍魚寿司。所有材料都沒有欺場，燒toro入口馬上溶化，牡丹虾非常鮮甜、馬糞海胆極甘甜，吃完必須吃2片寿司薑才能趕走留在口中濃濃的海胆味，至於鲍魚，聽師傅說用清酒&秘制醬汁蒸了8個鐘，除了鮑魚味非常濃厚之外，亦極之柔軟。另外，師傅握飯功夫亦稱得一讚，用筷子夾起亦不會散(聽說他的師傅是見城師傅的前輩)。其後再點了些熟食，特別推薦"荒煮金目鯛魚頭"，雖然曰式煮