順。越南牛肉粉

营业中

休息中

呢日又去左中環街市食飯,試左間越南菜,叫左個Pho黎試下😀《順·生牛肉湯河 $72》上枱既時候啲牛肉大部分都熟晒,得好少粉紅色,可能因為叫左小食,但個小食又未整好,啲牛就慢慢變熟左,不過啲牛肉食落幾淋身,好軟熟,怕生既朋友都唔洗太過擔心,牛肉份量都算多,唔係得幾片個啲,河粉就正正常常,份量都幾多,而個湯底都幾清,唔錯!《越式香茅雞翼 $52》香茅雞翼就幾好食,脆脆地,好似加左少少炸蒜,伴碟仲有啲醃蘿蔔中和返油膩感👍🏻順。越南牛肉粉中環皇后大道中93號中環街市地下G16號舖[⭐️5分為滿分]味道⭐️⭐️⭐️環境⭐️⭐️⭐️服務⭐️⭐️⭐️價錢⭐️⭐️推薦⭐️⭐️⭐️

難得碌到去中環街市，近近地平平地喺food court食個靚晚😌（中環咩都貴🥲）叫左個生牛肉牛丸湯粉，湯濃而不膩，唔會過鹹，湯夠晒熱，牛肉熟度剛剛好，唔太生唔太老👍🏻仲配埋辣椒粒同青檸，令湯底更有層次番茄蟹膏蟹肉蝦丸扎肉湯檬，湯好濃蟹味‼️蟹膏好香🤤仲有幾完整嘅蟹肉👍🏻蝦丸都夠彈牙，加埋扎肉，整體來講好足料，湯底味道有驚喜😋越式春卷，夠香脆，餡料好豐富，可以配埋生菜、香葉同魚露，又另一番味道😋

第一次嚟新裝修後嘅中環街市，原來有咁多餐廳🤩 收工後同朋友嚟搵野食，揀咗呢間越南pho。✿ 蕃茄蟹膏蟹肉蝦丸扎肉湯檬 ($88)呢個蕃茄湯好好味，茄味濃之餘仲飲到好香嘅蝦湯味道。蟹膏蟹肉雖然唔係好多但足夠添加鮮味～ 檬粉切得比較碎，但夾埋湯食又另一番滋味😝✿ 順 生牛肉 牛肉丸湯檬 ($78)呢一碗用清湯底，清甜唔油膩。牛肉有成3-4片，食落牛肉味幾濃。牛丸彈牙，整體都唔錯～✿ 順化香茅豬扒 ($78)兩大塊豬扒切條，食落香口唔會好乾☺️ 調味帶啲甜味不過香茅味再濃啲就好啦～

【中環街市Food Court🇻🇳湯底天然越南湯粉】推薦指數： 🌕🌕🌕🌗🌑*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*📍HK #中環 - 順·越南牛肉粉 𝗣𝗵𝗼 𝗡𝗵𝗼中環街市翻新之後，陸陸續續都有唔少餐廳進駐 🥢 當中包括 Pho Nho，主打越式湯粉、撈檬。個人覺得小食有驚喜，「越南炸春卷」值得試！-·-·-【𝗥𝗲𝘃𝗶𝗲𝘄 食評 💬】◐ 順·生牛肉湯粉 $72 ｜7/10湯底比較清甜，唔算好濃口味，可選河粉/檬粉，另外配有辣椒粒 / 青檸檬，可以自己調節口味。本人唔食牛，但朋友覺得整體不過不失◐ 番茄蟹膏蟹肉蝦丸扎肉湯檬 $88｜6/10偏清爽淡味嘅番茄湯，個人偏好更濃茄味🍅 材料望落豐富，但食落又唔會話好多…正常份量。蟹膏一大pat都有鮮味唔腥，但唔太見到蟹肉🦀️ ◐ 越南炸春卷 $48 ｜8/10 🌟 推薦4件炸春卷，食得出即炸🔥超級燙嘴 🫨 外脆入面多餡，出乎意料驚喜(˶‾᷄ ⁻̫ ‾᷅˵)*･゜ﾟ･*:.｡..｡.:*･*:.｡. .｡.:* ･*:.｡. .｡.:*･゜ﾟ･*𝗣𝗵𝗼 𝗡𝗵𝗼🥢 @phonhohk🚶 香港站C出口，步行約

放工想近近地食晚餐，但係而家天氣咁熱，我好怕去啲餐廳冷氣唔足夠，尤其是食越南湯河，一唔夠冷氣就會食到成身汗，所以決定嚟中環街市食，呢度環境舒服，冷氣足夠，仲可以有排坐。呢間越南餐廳都幫襯過幾次，鍾意佢份量夠大，都有品質保證。其實基本上每一次來都係叫嗰幾樣嘢：順。生牛肉湯河 $72，番茄蟹膏蟹肉蝦丸扎肉湯檬 $88，順化香茅豬扒$78。我覺得呢度嘅香茅豬扒係必叫，炸得好香脆，加埋好濃嘅香茅味，真係會食上癮。另外湯粉d湯底都好好味，算多料，呢個價錢喺中環來講好抵食

今日經過中環食lunch, 唸左好耐食咩好😋結果走左去中環街市。入面有好多唔同既餐廳。Food Court黎講，我唸算係高級版food court。lunch時間非常多人，如不是附近翻工。建議1:30後會較容易穩位。我行左一圈，見到有馬來西亞嘢食、台灣嘢、西餐廳、仲有越南嘢等等。最後選擇左呢間Pho Nho， 叫左一個生牛肉牛丸湯河 $78。我見周圍都好多人食，一於試一試。雖然好多人，但都只係等左6-7分鐘，效率非常快。因爲我唔食生，叫左全熟，但都唔會好鞋口，都有牛味。牛丸就有3粒，比較細粒，牛味不太重。湯是熱騰騰的，都唔錯。可惜沒有跟餐飲品，如果有一杯龍眼冰就好啦🤪可選擇的款式不算多，不過food court就一般都咁上下。不過如果男士食就略為唔為飽，份量不是很多。如經過街市也可一試。價錢還算OK，畢竟中環周圍都好貴。

中環街市活化後添了很多食店。大部分以自助food court 形式經營，自己手機點食物和付款、到櫃檯取食物和吃完後把盤子放回收集車，說不上有甚麽服務。賣點是多樣菜式集中，方便中環上班一族的中高檔飯堂吧！今天下午茶時段經過挑了顺.越南牛肉粉作第一試點。生牛肉河在下午茶時段是$56，不是tea set, 没包飲品的。由於是非繁忙時間，用手機下單後不到5分鐘便可到柜台取了。牛肉粉用一大湯碗盛載，伴以一小碟指天椒粒和青檸檬。牛肉和粉的份量正常，湯亦足夠；不過湯底不濃，味道普通；也由于是生牛肉關係，熱湯一下子便冷卻了。整體冇甚突出吸引的味道。下次只好試下其他食肆，這間不回頭了。

#搞串個pantry禮拜六日📆行開港島💂🏻‍♀️一轉，可以見到好多靚靚歷史古蹟🏛️，當中仲有啲係活化🆕咗，喺入面行街食嘢🛍️都特別有feel。今次就嚟到中環街市，地下嘅美食廣場🍽️有好多餐廳揀，今次我哋嚟咗呢間越式🇻🇳餐廳。🐮順•生牛肉牛肉丸湯河($78)湯底一啖裏面飲到牛嘅油脂濃郁香味、香草調味料嘅特色風味、同埋洋蔥絲葱絲香香辛辛嘅味道，忍唔住係咁飲湯！河粉質地適中。牛肉片肉味濃郁，又唔會太韌，而牛肉丸係正宗越式嘅細粒丸，食落彈牙，好食！🦀蕃茄蟹膏蟹肉蝦丸扎肉湯檬($88)蟹膏嘅味，超級香！湯底蟹膏加蕃茄嘅配搭，令到味道更加鮮甜，而且蟹膏嘅份量都唔少。而且蟹肉份量都唔少。撈埋檬粉食都仍然食到蟹肉嘅質地，好滿足。蝦丸同扎肉嘅用料有誠意，彈牙又鮮味！🍗越式香茅雞翼($52)雞翼炸到好酥脆，外皮趣博博好吸引，仲帶啲蜜糖南乳嘅甜香味，伴碟嘅酸蘿蔔都好好食。攞住呢間舖頭嘅收據🧾仲可以去隔離飲品舖🥤九折買嘢飲㖭😆。

@phonhohk located inside @centralmarkethk serves causal vietnamese pho, cold rice vermicelli and snacks 🍜@phonhohk 位於 @centralmarkethk 主打越南湯粉 撈檬 小食 🍜🐄 順 · 生牛肉牛肉丸湯河 HKD$62raw beef and beef ball pho牛肉嫩滑 牛肉丸彈牙 🐮 牛味濃郁 河粉爽滑 🍜 湯底清醇🌶 傳統順化湯檬 HKD$68spicy rice vermicelli soup牛肉嫩滑 牛肉丸彈牙 🐮 牛味濃郁 扎肉有彈性 🐷 扎蹄軟腍 有黑椒粒 帶點香辣檬粉爽彈幼滑 🍜 湯底微酸微辣 🐓 會安雞絲扎肉湯河 HKD$56shredded chicken and vietnamese sausage pho雞絲鮮嫩 🐔 扎肉有彈性 🐷河粉爽滑 🍜 湯底清甜可口🦐 春卷蓮藕蝦餅撈檬spring roll and lotus root prawn cake with cold rice vermicelli春卷外皮酥脆 餡料滿滿蓮藕蝦餅 香

[ 順。越南牛肉粉 ]位於中環街市入面嘅餐廳，以food court形式營運，入面有各種不同的食店，食完仲可以行下街。✿ 蕃茄蟹膏蟹肉蝦丸扎肉湯檬🍅🍅 $72帶有濃郁蟹肉香味同蕃茄有香甜的味道，配菜有蝦丸和扎肉，蝦丸有彈性和嚼勁👍🏻。✿ 會安雞絲扎肉撈檬 $58雞肉絲🐔同扎肉都比較鮮嫩，撈檬味道酸甜可口，口感清新開胃，超啱哂夏天食☀️。✿ 越南炸春卷 (4件) $48越南炸春卷口感非常好，外皮炸得酥脆，内餡香氣撲鼻，仲熱辣辣🔥🔥。✿ 蓮藕蝦餅 (4件) $48蓮藕蝦餅内裡柔軟，蓪藕同蝦🦐嘅味道好夾，仲食到少少蓮藕嘅爽脆口感👅。總結🫦天氣熱最啱食越南菜，夠哂開胃，今次食呢間越南粉屬性價比之選，不過Lunch time都比較多人，建議早點黎搵位。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿順。越南牛肉粉地址: 中環皇后大道中93號中環街市地下G16號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

中環街市面目一新，會裏面有好多唔同嘅食肆，嘆住冷氣，聽住輕鬆嘅音樂。食得特別暢快。🌟越式香茅雞翼🌟有4大隻，炸到甘香脆口，聞到陣陣嘅香茅清香，香茅嘅香味增加左炸雞翼嘅風味同層次感，咬落有肉汁，最怕出面d店舖炸到過哂火乾爭爭👍👍🌟傳統順化湯檬🌟啖啖肉，配料有牛肉、牛丸、扎肉、扎蹄😋湯底係用上加左洋蔥絲嘅牛肉上湯，牛肉味清濃。牛肉係半熟狀態，十分嫩口，扎蹄入口有股肉香飄出嚟，牛丸係新鮮手打👍🌟蕃茄蟹膏蟹肉蝦丸扎肉湯檬🌟一上枱已經聞到陣陣嘅蕃茄海鮮味，賣相有啲驚喜，蟹膏蟹肉都算唔少，非常鮮嫩嘅蟹膏蟹肉，回味無窮，湯底用上海鮮蝦炮製已成，鮮味十足🤤🤤

放工見中環街市近近地就入去食嘢啦 最近呢度開咗好多新餐廳 平靚正又方便 所以都會成日同朋友去食下越南檬粉 隔離仲有台灣菜同埋星馬菜式 真係好多選擇呀呢個位置好多 搵位都唔難 阿答冰鎮鮑魚四件大大隻 台灣九孔鮑魚 加埋個酸辣source 真係好開胃 好新鮮嘅前菜 主菜點咗個好開胃嘅蕃茄蟹膏蟹肉蝦丸扎肉湯檬勁多蟹膏同蟹肉 番茄湯底好開胃 感覺新鮮配埋檬粉真係好價飽肚好正 夏天食好開胃好好味呀冷泡糖南高山綠茶係無糖茶嚟 嘅感覺好啱夏天飲 解辣解暑 見好多人放工喺度飲嘢 食嘢 地點又方便真係好啱放工呢happy hour / causal dinner

同朋友👩‍⚕️一齊喺中環，大家都有啲趕時間，但係肚餓要食啲嘢，咁就決定嚟中環街市睇吓有邊間快靚正🤣，行幾步見到呢間，唔諗啦，就喺度開餐啦🤣$48「蓮藕蝦餅(4件)」：有啲爽口嘅蓮藕，加埋軟軟哋嘅蝦肉，煎得好香口🤩$78「順化香茅豬扒」：豬扒🐷🥩煎香咗🤩，又有啲香茅香味，仲甜甜哋🤩$52「越式香茅雞翼」：都係有啲香茅香味😋，雞翼燒得香口，帶少少甜🤩$73「會安雞絲扎肉湯河」：河粉🍜夠滑，配雞絲同埋扎肉，簡單幾好食🤩

今日係中環做完facial之後覺得有少少餓，就同朋友去中環街市睇下有咩野食醫下肚，見到呢間有魚皮食，好耐無食就坐低。會安扎肉雞絲湯河雞絲入口唔鞋，扎肉咬落有口感帶有少少黑椒味，河粉幼滑，湯底好鮮甜，飲完都唔覺口乾。越南炸春卷炸到香脆可口，餡料都幾多，咬落多汁。酸辣鳳爪鳳爪爽口彈牙，夏天食不錯，味道酸甜開胃，辣辣地幾好惹味。古法魚皮滿滿骨膠原，魚皮入口脆卜卜，口感煙韌，加上香葱，辣椒絲，花生碎口感豐富。

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。會安雞絲扎肉撈檬 $58天氣熱，食返碗撈檬可降溫。會安雞絲扎肉撈檬大大碗，扎肉四片，味道偏鹹；雞肉條唔少，味道就偏淡。面頭灑上脆碎同花生碎。伴有紅白蘿蔔漬絲，青瓜絲同生菜，蔬菜量可以。仲有少量辣椒，食落辣辣哋。薄荷葉一片同檸檬一件。魚露用膠兜另上，一定要落哂。檬粉係幼身，都好清爽。見到隔離亞答屋有亞答慢煮豬手，順便叫埋。亞答慢煮豬手原隻 $148亞答慢煮豬手超大份，已經切到細細件好易食。豬手塊皮超彈牙，脂肪唔算多，肉質我都覺得算嫩，而且味道入味，好正！配有兩細兜酸辣汁，點黎食更惹味！豬手伴有糖心蛋一開二同鹹菜。呢兩間都無野飲，所以去久久叫左杯自家芋泥鮮奶。自家芋泥鮮奶 $32自家芋泥鮮奶用外賣膠杯上，大半杯係冰，下底係芋泥。鮮奶好滑，配甜甜哋嘅芋泥係啱啱好，唔會太甜！