順。越南牛肉粉

营业中

休息中

今日係中環做完facial之後覺得有少少餓，就同朋友去中環街市睇下有咩野食醫下肚，見到呢間有魚皮食，好耐無食就坐低。會安扎肉雞絲湯河雞絲入口唔鞋，扎肉咬落有口感帶有少少黑椒味，河粉幼滑，湯底好鮮甜，飲完都唔覺口乾。越南炸春卷炸到香脆可口，餡料都幾多，咬落多汁。酸辣鳳爪鳳爪爽口彈牙，夏天食不錯，味道酸甜開胃，辣辣地幾好惹味。古法魚皮滿滿骨膠原，魚皮入口脆卜卜，口感煙韌，加上香葱，辣椒絲，花生碎口感豐富。