順。越南牛肉粉

营业中

休息中

中環街市嘅food court乾淨企理... 我都幫襯過唔少次!呢間主打越南菜式嘅食店... 我最欣賞佢嘅〈順•生牛肉牛肉丸湯河〉... 生牛肉嚟到真係生牛肉嘅感覺👍... 出面食過好多間所謂嘅生牛肉嚟到已經係變咗熟牛肉... 而呢度嘅生牛肉上枱時肉色仲係粉嫩、唔係轉曬熟透嘅顏色!  而牛肉丸又好彈牙... 食落好滋味!  湯底清新... 仲有爽甜白蘿蔔!另外一款推介嘅係〈蕃茄蟹膏蟹肉蝦丸扎肉湯檬〉... 鍾意蕃茄湯底嘅必試! 成個湯底同配料非常夾... 酸酸甜甜好開胃! 蟹膏蟹肉固然係重點之一... 蝦丸一d都唔輸蝕... 好有咬口!😋小食方面... 推介〈越式炸春卷〉! 即叫即炸... 非常香口!  而清甜爽脆嘅蓮藕粒加埋蝦膠整出嚟嘅〈蓮藕蝦餅〉外脆內軟!整體上食物質素唔錯... 出餐時間快... 店員有禮... 讚!👍

經過開中環街市又想食得清清地，就去咗試一試順越南牛肉粉💕.▫️蕃茄蟹膏蟹肉蝦丸扎肉湯檬🍜 $88蕃茄湯超開胃！配料亦十分之多，大量蟹肉絲鋪喺檬粉上面啖啖肉，超正！👍🏻.▫️會安雞絲扎肉湯粉 $73雞湯清甜鮮味，扎肉亦厚實彈牙，舒服又滿足！.▫️越南香茅雞翼 $52雞翼厚肉又多汁！炸至表皮香脆可口🥰.▫️蓮藕蝦餅 $48每一片蓮藕上面都放滿大量蝦肉，蝦肉彈牙鮮甜！.💬整體食物水準好👍🏻大家住附近都可以去試一試💕

其實真係好感激中環街市有呢個food court，可以好方便咁樣放工就食到啲抵食嘅越南餐，講真呢度真係坐得好舒服，同埋不論係店員定係清潔姐姐佢哋嘅態度都好好，加上呢度出餐嘅時間好快，食物質素亦都好高，所以永遠都話呢度係我喺中環食越南菜嘅第一選擇！今晚叫咗幾樣嘢：番茄蟹膏蟹肉蝦丸扎肉湯檬有好濃郁嘅蕃茄湯底，亦有海鮮嘅鮮甜味，呢個湯檬我覺得真心好出色，水準喺好多出面嘅越南餐廳都食唔到。順.生牛肉牛丸湯河啲牛肉真係有生牛肉，唔似出邊嗰啲咁樣，上到枱已經變晒熟牛肉，而且個河粉口感都好好，湯底飲咗都唔會口渴。順化香茅豬扒炸得好酥脆，入面亦都保持到好juicy，少少甜味，好正！

Lunch唔知食咩好就去中環街市睇下，地下呢層好多食肆，行行下見幾多人食呢間，天氣又涼涼地就叫碗湯粉暖下。順生牛肉湯檬 $56牛肉肉質嫩滑，粉粉嫩嫩咁，湯底濃郁鮮甜，可以選擇河粉或者檬粉，我就中意檬粉，口感幼滑，白蘿蔔鮮甜無渣。酸辣鳳爪 $62味道酸甜帶少少辣味，鳳爪無骨啖啖肉，爽脆有口感。古法魚皮 $78魚皮大塊爽口彈牙，醬汁咸香鮮甜，加上大量葱令到香味撲鼻。蓮藕蝦餅 $48足料入面有蓮藕粒，煎到外脆內軟。

順。越南牛肉粉 地址: 中環皇后大道中93號中環街市地下G16號舖中環街市food court 水準同環境真係好過附近好多餐廳，選擇多有唔同國家菜式，來食野好方便，食完有時間仲可以行下小店$72 生牛肉河，落埋basil 辣椒，實而不華的一碗湯河，河粉滑溜溜。$88 蕃茄蟹肉蟹膏蝦丸扎肉湯濛，個湯一飲難忘，好香蕃茄味，飲悶左越式牛肉牛骨湯，可轉一轉口味。越南香茅醋扒$78 ，好多件豬扒 ，切細左方便食，豬扒淋身同埋香茅味好夠。

#搞串個pantry我哋今次繼續喺 #中環 街市搵嘢食🥄，搵返呢一間 #越南菜 🇻🇳。配合埋本身food court嘅環境🛒，有一種放假、文青嘅感覺🕶️。🐮順。生牛肉湯河($72)牛肉片用嘅肉都唔錯😋，因為食落比外面嘅牛肉，肉味濃郁好多🍖，滿滿嘅牛味喺口裏面🐮。配合埋湯底嘅味道都好濃郁，可以落埋附送嘅青檸🍋，加啲清爽嘅酸味，亦都可以落辣椒🌶️，令到味道更加惹味。🐄順。生牛肉牛肉丸湯河($78)生牛肉同樣都係有好正嘅牛味😍，而且仲可以配埋好多香蔥絲一齊食🌱，有埋香蔥濃郁嘅香味好正🤤。而牛肉丸喺東南亞🪸好特色嘅細細粒丸仔，不過牛味亦都係好出☄️，滿足咗食越南湯河嘅vibe！🪷蓮藕蝦餅($48)炸得好香😆，而且裏面亦都好足料，食到肉嘅香味😋，仲有蓮藕嘅粒粒🍴。口感好豐富，蓮藕粒夠爽口🪷，而且亦都唔會過硬、過生。#順。越南牛肉粉📍中環街市地下G16號舖📍MON-SUN 11:00-22:00

喺中環街市，朋友👧🏻同我都想簡簡單單食啲嘢就番歸，見到呢間，曾經食過，咁我問朋友👧🏻話不如就呢度啦，朋友👧🏻OK，咁就嗱嗱聲開餐🤣$88「蕃茄蟹膏蟹肉蝦丸扎肉湯檬」：真係見到有啲蟹膏同蟹肉喺檬粉上邊🤩；仲有2粒蝦丸同埋2片扎肉😋；湯底幾濃郁🤣$52「越式香茅雞翼」：雞翼炸得好香口🤩；炸雞翼，我鍾意食😋$78「順化香茅豬扒」：首先，份量都幾多🤩；跟住，去過越南🇻🇳多次不過未去過Huế順化，呢度嘅Huế香茅豬扒煎炸得幾香，又有啲啲香茅香味，仲帶少少甜味，食得開心🤩

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。下午茶主食會比午餐平，小食好似價錢一樣。去counter落order比錢之後等食物出。會安雞絲扎肉撈檬 $58會安雞絲扎肉撈檬下午茶同午餐份量一樣大大碗，不過價錢就平十幾蚊，抵食。扎肉有四片，口感彈牙味道鹹鹹地；雞肉條唔少，好健康無脂肪，口感好淋。面頭灑上脆碎同花生碎加添口感。伴有酸甜紅白蘿蔔絲，青瓜絲同生菜碎。仲有薄荷葉一片，青檸半隻同少少辣椒。魚露用膠兜另上，酸酸甜甜好開胃。檬粉係幼身，都好清爽，份量好多。亞答慢煮豬手原隻 $148亞答慢煮豬手切到細細件好易入口。豬手塊皮超彈牙又滑溜，骨膠原重，脂肪唔算多，肉質嫩口，而且味道入味，好多肉食。配有兩細兜酸辣汁。豬手仲伴有糖心蛋一開二同鹹菜。自家芋泥鮮奶 $32久久自家芋泥鮮奶用外賣膠杯上，冰下底就係芋泥。鮮奶好滑，味道唔甜，配甜甜哋嘅芋泥係啱啱好，而芋泥有少少咬口。速食午餐之後繼續返工。

Shun Vietnamese Beef Noodle is located in Central Market. The restaurant offers delicious food at an affordable price, making it a popular choice for lunch among office workers in Central. I have visited three times already, and each time I left with a satisfied and full stomach.🌟Shun's Fresh Beef Soup Noodles - $72 The surface of the fresh beef is pink, and the texture is very tender and smooth. The portion of rice noodles is generous, and they have a silky texture. With the addition of lime ju

中環lunchtime 一向都多人，今日黎到中環街市food court人唔係太多。今日就試一試越南牛肉檬粉。傳統順化湯檬$68粉麵最怕湯底唔熱，佢夠熱亦都湯底正宗骨湯較清，鮮，配料有生牛肉、牛丸、扎肉，仲有好特別扎蹄，加入黑胡椒，令到個肉又辛辣感。越南炸春卷 (4件）$48春卷熱辣辣，外皮炸得酥脆，仲配生菜同九層塔夾埋一齊食，味道方面提升不少。蕃茄蟹膏蟹肉蝦丸扎肉湯檬$72湯底蕃茄味濃郁，味道清新。除左有蟹膏、蟹肉外，配料仲有蕃茄、蝦丸、扎肉，相當豐富。蟹肉同蟹膏都相當足料，真係可以一啖蟹肉一啖檬粉。蓮藕蝦餅（4件）$48蓮藕蝦餅非常香口，口感非常彈牙，蓮藕粒爽口。

💰193（堂食）這家餐廳位於中環街市地面的美食廣場，是上班一族午餐的熱門地點。廣場裏有很多餐廳，座位充足，環境寬敞舒適，更有露天的位置可以讓食客一邊享受美食，一邊享受陽光的沐浴🥹這次我們選擇了這家越南餐廳☺️餐廳的午市主要分為主食和小食兩大類，食客可先到收銀的位置下單，也可以掃描座位上的二維碼點餐，十分方便👍🏼順·生牛肉湯粉 $72河粉口感偏軟，很滑很爽口🤤清清的牛肉湯十分香濃，味道清醇😋半熟牛肉份量很多，肉質滑嫩😍蘿蔔清甜爽口，建議在湯中放一會兒再吃，會更軟身更入味😋另外餐廳也很貼心，配備了辣椒粒和青檸汁，讓食客可以自行調節適合自己的口味👍🏼會安雞絲札肉撈檬 $73檬粉爽口彈牙，材料充足😍上面鋪滿生菜和蘿蔔絲，充滿越南風味👍🏼雞絲鮮嫩，札肉彈牙可口，魚露酸酸甜甜的，加上有一點微辣，味道十分豐富🤤整個檬粉口感清新，十分適合炎熱的夏天🥹越南炸春卷 $48熱呼呼的炸春卷即叫即炸，外表飽滿，炸的十分香脆🤤裡面餡料十分豐富，配上生菜一起吃，既可以中和油膩感，又可以令這道菜口感更豐富😋

呢間餐廳位於中環街市底層, 行到中段就會見到呢間店鋪。呢間餐廳主打越南美食，湯河，撈檬及特色小食。放工黎到呢到醫肚，點左以下菜色。1. 順•生牛肉湯河 $72 🥩 -薄薄的生牛肉被滾湯煮到半生熟-肉質尚算嫩滑-河粉幼滑-加入青檸汁和辣椒，令湯底有更開胃。2. 會安扎肉雞絲湯河 $73 🐔 -雞絲份量不少，內質似雞胸肉-扎肉咬落有口感帶有少少黑椒味-河粉幼滑3. 越式香茅雞翼$52 🍗 -四隻雞翼烤得金黃酥脆-上面灑了一點炸蒜，令雞翼更野味4. 蓮藕蝦餅$48 🦐 -四件蓮藕蝦餅-蓮藕的份量比蝦多，口感爽脆-味道有些少蝦的鮮味環境:中環街市的food court自由座位，而餐廳前都有唔少位。當日仲有live band表演，氣氛不錯。

係中環番工既朋友，lunch時間一定有機會尼中環街市覓食，事關入面真係有好多選擇‼️今日就揀咗哩間pho 試吓😋😋😋🥢傳統順化湯檬我揀咗哩個傳統順化湯檬，入邊有牛肉、牛丸、扎肉、扎蹄，相當豐富😻😻😻味道都唔錯‼️下次再嚟試下其他先😸🥢蓮藕蝦餅（4件）另外仲加左個蓮藕蝦餅，驚唔夠飽既朋友仔可以再加個小食😆😆😆，除咗蓮藕蝦餅仲有越式香茅雞翼、越式炸春卷、順化香茅豬扒等等☝🏻🥢🥢食飽個肚又開工lu 😋

越。順牛肉粉中環街市活化咗一段時間，今日放假去港島四圍行下✨傳統順化湯檬 $ 82傳統順化湯檬配料有生牛肉、牛丸、扎肉！牛丸，肉質緊緻細膩，入口時鮮甜肉汁更大爆發！湯粉味道正宗湯底較清，滾熱的牛湯，佐以金不換、蔥白、豆芽等香料，再配以青檸出去牛肉的羶味，非常清香！蕃茄蟹膏蟹肉蝦丸扎肉湯檬 $ 88整碗檬粉湯底濃郁，滿滿的蟹肉味和番茄味，非常鮮甜！材料亦非常豐富，有番茄、蝦丸、扎肉等，全部吸汁力強！蓮藕蝦餅$48蝦味濃郁，又夠爽口📍順。越南牛肉粉Pho Nho中環皇后大道中93號中環街市地下G16號舖

順越南牛肉粉位於中環街市，是中環打工仔午餐的熱門選擇，在這區上班的小編已經到訪過超過5次，每次都吃到抱住肚子走。💁🏻‍♀️順·生牛肉湯河 $72生牛肉表面呈粉紅色，質地非常嫩滑。河粉的份量很多，口感亦很滑。加入青檸汁和辣椒仔，讓湯底有少少酸辣味，吃下去很開胃。💁🏻‍♀️順·生牛肉牛肉丸湯河 $78牛肉口感嫩滑，份量多；牛肉丸裡面爆多汁，又大粒又彈牙，口感很豐富。河粉的份量很多，質感很滑，加上一大塊蘿蔔，吃完很滿足。💁🏻‍♀️越式香茅雞翼$52雞翼烤得金黃酥脆，外層的香草味香氣四溢，裡面肉汁爆滿，每口都很juicy，好吃！