韓閣 (富裕樓) (已結業)

紫菜肉鬆蛋捲🫔($52)每次食親韓國野都會想食蛋捲, 如果有埋芝士仲正🤩 不過今次怕太濟, 所以就揀左個輕食少少既蛋捲, 蛋捲細細份, 兩個人share 啱啱好😎 蛋捲熱辣辣, 夠曬厚身,好滿足🥳特調辣醬炸雞🍗(半份)($118)真係好耐冇食過炸雞, 見佢有半份咁點於是就叫左一半份6件既炸雞試下🤓 炸雞既口味都算多選擇, 我地揀左呢度既特調辣醬, 感覺好似特別啲🤪 炸雞每件都淡淡肉同脆卜卜, 個辣醬有啲似Tabasco 溝韓國既紅醬,唔會好辣, 不過我覺得個醬再”結”啲就好喇甜辣年糕泡麵配炸餃子🥟($65)原本以為係熱辣辣噴曬煙既湯麵,想不到個麵係冇湯, 而且麵餅煮得唔夠熟🙈 佢係以特調甜辣醬做調味, 甜甜辣辣配埋煙煙韌韌既年糕同埋炸得超脆口既餃子係唔錯既, 不過我都係湯麵會好食啲整體水準正常, 不過我覺得又未至於去到驚為天人同埋值得排太耐隊既一間🤔 不過食物既價錢以佢受歡迎既程度黎計係幾貼地, 所以多人幫襯都唔係冇原因既🤗 餐廳既位置都算多, 而且食客翻枱既速度都算快, 所以等位既時間都唔需要太耐

假日來吃，好多人，要排隊(可以用Gulu拎飛）我點了無骨豬手 海鮮煎餅 炸雞 最令我驚喜的是豬手與韓國吃的差不多不會太瘦 很有彈性 而且夠濃味好多骨膠原就咁食都已經好好味可以用生菜包起來連其他醬料一起吃另外炸雞亦不錯我點的是甜辣味味道不錯不會太辣同一般嘅炸雞水準差唔多不過令我有點失望的是海鮮煎餅下面有一部分煎到燒焦而且不夠香脆

2020年最後一日，去咗荃灣行吓街食下野，揀左韓閣食下午茶。都好多人，等咗大約半個鐘入座，夠鐘食下午茶餐！叫咗一個皇牌茶餐，皇牌番茄湯手打烏冬拼豬肉粉絲餃🥟炸豬扒外脆內軟，好脆好好食！烏冬都幾彈牙，蕃茄湯底正常發揮😌甜辣醬脆香雞翼配泡菜湯麵甜辣醬汁唔辣，不過都幾好食。雞翼都炸到好脆！大粒紅豆奶茶茶味比較重，紅豆份量好多，平衡左茶嘅澀味。呢度都幾大間，餐廳做足防疫措施，唔會坐到密密麻麻，都食得幾安心。

芝士岩漿炒飯 $98紫菜肉鬆蛋捲 $52泡菜豬肉芝士手卷 $46每次經過都好多人等位 今次終於少啲人可以試下 出名嘅芝士岩漿炒飯一攞過黎就已經好香 芝士都鋪滿咗鐵板 炒飯嘅分量都幾大 可能鐵板唔夠熱芝士好快就硬咗都係建議唔好影咁耐相要快啲撈 好彩都仲拉到絲 個飯少少辣愈食個味愈出同埋都幾漏食完基本上都8成飽 蛋捲幾出色配埋肉鬆有啲口感好好味不過唔夠滑但可以encore 泡菜豬肉芝士卷唔太特別好味好普通反而唔係好有韓國kimbap嘅味道同個飯差唔多味 總括餐廳冇咩人嘅話都可以試嘢食可以再熱啲

💛黃店🔱今次要介紹嘅食物就係位於荃灣 ！📜”韓閣 (荃灣)📌 地址:荃灣青山公路275號富裕樓地下G4-6號舖🕐營業時間: 1130-2300🍽分店地區: 荃灣 將軍澳 📝評價💬📢 1️⃣芝士岩漿炒飯$982️⃣水梨牛展水冷麵 $62韓國菜點可以冇水冷面😆😆😆😆真係my favorite 💛💛💛大愛韓國菜的我表示雖然都係韓國好食啲 不過冇得去韓國唯有食住先啦😭😭😝真係好好味 同我自己整開嗰啲真係差太遠🤪🤪冷面分量多而且配料多抵食👍🏻👍🏻⭐️久仰大名嘅餐飯終於可以試到啦😍😍😍聽人介紹介紹得多 我終於有機會🤪🤪🤪直係好正好幸福 勁多芝士 淡淡但都有芝士真係太好味💛💛🤩🤩🤩🤩仲要黃店💛💛💛如果個飯可以再熱啲咁就更加正🥰🥰KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰💰🏵回購指數:❤️❤️❤️❤️❤️

每次行荃灣天橋都見到馬路邊有間韓國餐廳大排長龍終於自己都去試下看着餐廳牆上的泡菜妹 暫時 ff 自己去緊旅行韓閣飯類 Dolsot Bibimbap韓國石頭鍋飯吸引之處莫過於視覺效果的滿足 飯面整齊地舖滿各式各樣的食材 有菠菜、蘿蔔絲、大豆芽菜、生雞蛋食材顏色鮮艷豐富如果加埋紫菜、粉絲、泡菜就正石頭鍋容器又夠熱辣辣 好快就可以將白米變成飯焦要即時將菠菜冬菇片蘿蔔絲推到石頭鍋底 避免米飯過份燒焦，變得硬巴巴不得不讚 4 件炸雞 配芝士粉和沙律醬幾好食肉質都幾滑溜溜韓閣鐵板料理 Teppanyaki另一樣熱辣辣的就是 鐵板牛柳絲 Beef Teppanyaki鐵板 ja ja 聲第一眼望到好多椰菜 又以為將牛肉切成一絲絲，份量唔會多於是逐條逐條牛肉絲疊起 哇，原來肉量這麼多一人份量都夠兩人 share 牛肉和椰菜，炒到好香，好有鑊氣 特製醬汁鹹中帶甜，令人想撈飯食 果然是回味之選夢幻蝶豆花藍色蝶豆花水下面有一層酸酸地的糖漿 / 蜜 唔係好分到係咩味，但有少少似檸檬蜜/柑桔蜜未攪拌時，有分層的效果 一攪拌，夢幻紫色來了 不過冰太多，紫色越變越淡 😂

呢間位於荃灣嘅黃店韓閣bookmark左好耐，但一直無機會試，近日順便去荃灣探朋友終於食到啦🤣芝士岩漿炒飯一坐低即刻Spot到隔離枱食緊呢個咁邪惡嘅炒飯，平時唔食開芝士嘅我忍唔住都要嗌一個嚟試試！一上枱熱辣辣，將啲芝士撈勻之後就食得，個飯底本身係泡菜豬肉炒飯，少少辣但又有芝士中和返，真係好match！而且份量亦好多，推介！玫瑰真露翼呢一道菜式係店員推介嘅，見個樣幾靚就忍唔住嗌左黎試吓，雞翼係凍食，用咗玫瑰露酒嚟醃製，食落有淡淡嘅玫瑰味，好清新，相信如果女仔食會好鍾意😋暖暖餃子粉絲鍋天氣凍冰冰梗係要嗌返個鍋食下，由於朋友唔係好食得辣，所以最後嗌咗個餃子鍋，餃子分別有牛肉粉絲餃同泡菜餃，總共有四大隻，每舊餃子都好大隻，好足料，而個粉絲湯亦都配左唔少蔬菜，飲落暖笠笠，冬天真係必嗌！紫菜肉鬆蛋卷由於朋友好鍾意食肉鬆蛋卷，所以呢個都係佢嘅囊中之物🤣 蛋捲上到黎出哂煙好吸引，就咁睇外表好似煎到好熟咁，但食落去又幾嫩滑，食得出一層一層嘅蛋，仲要入面幾濕潤，口感幾唔錯，不過啲紫菜同肉鬆可以再俾多少少就更加好啦！雪梨茶一到冬天就想飲啲滋潤嘅嘢飲，見到有雪梨茶就即刻嗌左，估唔到佢真係有塊雪梨喺入面，甜甜地

#荃灣 #韓國菜 超抵食嘅韓國餐廳(•̀ᴗ•́)و 唔洗飛都食到韓國美食, 份量又夠食🥰 佢嘅大韓無骨豬手, 肉質好嫩, 煮得好入味！配埋個飯卷 超match！！！經過開一定要試試，成日排長龍！！！佢仲有lunch set㗎😆——————————————————Korean Loft Cafe (Tsuen Wan)Shop G4-6, G/F, Foo Yu Building, 275 Castle Peak Road, Tsuen Wan

宜家六點後停左堂食，放工多數都會買外賣返屋企食，懶得自己煮。今次試左荃灣路德圍附近的韓國小店，外賣左一份炸雞返屋企。🧡烤芝士甜辣炸雞炸雞買個陣是熱辣辣的，用紙盒包裝，半份雞大約有五件左右。炸雞外皮食落完全唔脆，肉質好乾好鞋口，無咩肉汁，食到中間的雞肉無咩味，認真麻麻地。醬汁方面，甜辣醬辣度相對比較重，唔太食得出甜味。面頭的芝士硬左變到一舊舊，完全沾唔到喺炸雞上面，變左芝士還芝士，雞還雞咁。總括來說，炸雞口感同味道有好大改善空間，價錢又唔算特別平，無咩意欲想再幫襯。

今晚來到荃灣食韓國餐廳，餐廳就在荃灣站行出去，大概5分鐘的路程就到。餐廳鋪面都算大，空間寬闊，坐落都舒服。我地點左個玫瑰真露雞翼，芝士溶漿炒飯同埋芝士豬仔肶。玫瑰真露玫瑰，個名就非常之可愛。味道就似中式醉雞，帶少少酒味酒香，另外有少少玫瑰甜香，食落到就除左酒味，尾隨有少少甜香。芝士溶漿炒飯送到個陣都有少少驚豔，始終真係好耐都無食過韓食，見到大量芝士噗嚕噗嚕聲響，金黃色的表面都難掩興奮之情！芝士慢慢融化之後，就可以將飯同芝士攪拌融合一起。芝士掛滿每粒飯，飯有五花肉，食落好惹味。食完個飯之後，芝士豬仔肶終於上埋臺，呢個菜又係超級多芝士，見到都開心。將芝士繞著豬仔肶，讓芝士完全包圍住豬肉，兩者口感加起來非常有滿足感。豬肉鹹香和芝士濃郁奶香，配合起來簡直天衣無縫1

好耐之前有同朋友食過一次 但唔search 唔知佢搬左舖位都一段時間🤭 今次都係地鋪 但地方大好多💛 坐落都闊啲舒服啲🥰801 牛肉雜菜手卷 $46幾好味😋餡料同飯既份量平均 調味亦岩岩好！616 甜辣年糕跟粉絲 $58除左有年糕同粉絲仲有少少魚糕🙈 個汁好濃稠 好濃味 重口味人士可以試一試🤣103 邪惡拉絲豬仔肶（4支）$98豬仔肶有蜜糖包住 所以食落有啲似蜜糖燒雞翼 但佢就有啖啖肉 好正 岩曬食肉獸既朋友們～202 牛骨蘿蔔湯 $108牛骨都有幾舊既～ 個湯都覺得okay☺️

好耐冇食韓國野喇！！今次去左荃灣韓閣覓食🤩1點半去到，都唔少人排緊隊，好在等左唔洗10分鐘就入得去~太多野食想喇，但得兩個人，唯有揀住d叫先啦😝✨無骨豬手 - 就咁食左一塊試味，的確係整得好惹味，但會建議用生菜+配料包住一齊食，口感豐富d, 又冇咁膩✨紫菜明太子蛋卷 - 超足料，勁多明太子+蟹籽✨玫瑰真露醉雞翼 - 幾特別，唔會好重酒味，但帶有玫瑰清香，夏天食一流，可以消暑✨黃金帶子+紫菜粉絲卷 - 為慶祝將軍澳新店，只要叫餐廳上嘅野就可以用<$10追加小食，最多叫兩樣😋食到捧住個肚走，仲打包左d豬手今晚食😂另外餐廳壁畫同掛畫都好特別，好可愛😍

#cassiegotsuenwan-相信大家每區都會有自己個飯堂，即係習慣左一去個區就食果間餐廳。瘦編係荃灣嘅飯當就係「韓閣」，位置近荃灣地鐵站，又係瘦編至愛嘅韓國菜，價錢又好抵食！🇰🇷-依間係荃灣好受歡迎，夜晚好多人光顧，想黎食嘅朋友真係要早啲排隊。今次瘦編同朋友黎食，前菜叫左玫瑰真露雞翼($68 6隻)，係新菜式，之前未見過，都幾多食，唔重酒味，有陣玫瑰蜜嘅甜味，甜甜地幾開胃。🌹-主菜叫左份大韓無骨豬手($92)同韓閣雜錦蛋卷($62)。韓式豬手好正，炆得好入味，肉質爽口，用生菜包住來吃好清新，可以去除油膩感。而雜錦蛋卷嘅組合都好特別，係雞蛋卷上面加上芝士同泡菜，成個組合好match，一咬落口有豐富嘅口感。😍-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌗 (4.5)回購評分▶️🌕🌕🌕🌕🌑 (4)-➡️ 韓閣 (荃灣)📍 荃灣青山公路275號富裕樓地下G4-6號舖

路德圍多野食就係人都知，但有間咁正既韓國菜你又知唔知🤤原本呢間韓閣係細間啲，轉左大舖多位左，坐都坐得舒服左。睇下有咩食先～依家啲小食好抵，我地嗌左魚膏湯同紫菜粉絲卷。黎到韓國餐廳，點都要嗌份炸雞🤤嗌左蜂蜜牛油味🤤另外仲嗌左大醬湯～講下小食先，魚膏湯同紫菜粉絲卷，魚膏有3塊，個湯仲有啲人蔘味☺️紫菜粉絲卷熱辣辣，沾下茄汁咁食都幾好味🤤炸雞上線～聞落香噴噴，好似都有5-6件。第一啖食落真係好似日式燒汁味，不過嗒真啲，又真係有蜂蜜同牛油味，食食下都幾好味，雞肉嫩滑，皮都炸得夠脆大醬湯好鮮甜蜆既份量好多，送飯一流！百香桂花烏龍，同想像既味道一樣，百香蓋過左桂花既味不過！都好飲既，唔會太甜。

好掛住韓國嘅嘢食啊，今次咁啱嚟到荃灣，試吓呢間幾受歡迎嘅韓閣！嘢食俾你嚟之前就嚟泡菜三小碟，好有韓國嘅味道，簡直未上菜先興奮🥰野飲叫左碟豆花，我覺得非常之突出，因為顏色真係好鮮艷好靚呀，而且味道都幾唔錯，用嚟打卡真係一流！玫瑰真露雞翼，感覺有啲似花雕醉雞翼啦，味道幾清新，而且非常入味，仲有兩隻雞鎚添！煮海蜆有青口同豆腐，拎嚟送飯一流！壓軸出場嘅海鮮煎餅，好足料而且煎得非常香口，下次再嚟一定會再點！