韓閣 (富裕樓) (已結業)

宜家六點後停左堂食，放工多數都會買外賣返屋企食，懶得自己煮。今次試左荃灣路德圍附近的韓國小店，外賣左一份炸雞返屋企。🧡烤芝士甜辣炸雞炸雞買個陣是熱辣辣的，用紙盒包裝，半份雞大約有五件左右。炸雞外皮食落完全唔脆，肉質好乾好鞋口，無咩肉汁，食到中間的雞肉無咩味，認真麻麻地。醬汁方面，甜辣醬辣度相對比較重，唔太食得出甜味。面頭的芝士硬左變到一舊舊，完全沾唔到喺炸雞上面，變左芝士還芝士，雞還雞咁。總括來說，炸雞口感同味道有好大改善空間，價錢又唔算特別平，無咩意欲想再幫襯。