韓閣 (富裕樓) (已結業)

韓閣真係我暫時食過性價比最高嘅一間韓式料理！今次去係隨緣行街見到又好似幾吸引所以是決定入去試一試，但係估唔到抵食之餘啲仲比我預期中高質！入到去選擇嘅種類真係好多開，我又想食炸雞，但係又想食一個主食，如果兩樣嗌晒又怕太多，最後發現咗呢一個拌飯正好滿足晒我所有嘅需要！🥘韓國拌飯$48 （芝士炸雞+牛肉+腩肉+雜菜）😋食咁多間韓國菜嘅石頭鍋飯呢一間係數一數二好食！韓國拌飯個靈魂我覺得係個辣椒醬，佢嘅辣椒醬好好食又唔算太難所以食唔到辣嘅都建議加少少，因為佢夾埋隻生蛋撈埋好好食。而且個石頭鍋夠熱所以雞蛋，仲會整到飯焦！飯焦真係加咗好多分！而且啲配菜都好夠，撈完之後啖啖配菜，而且個炸雞都好好食件數亦都10分足夠。整體來講真係超高🥰整體：🌟🌟🌟🌟🌟/5

前前後後等位都等左40分鐘，真係少咁有毅力。四個人食左好多嘢，估唔到最終埋單都唔算好貴😍。雜錦手卷 $46都係個啲料啦，有啲瓜有啲菜，好食🥰。我地四個人一下子就食晒，好彩唔貴😏。可以更好食，咁平就算啦。豆乳味噌帆立貝豚肉鍋（配粉絲）$88一個字「抵」，一個鍋有咁多料都只係收$88，每人都食到啲😎。餃子好食，啲海鮮都唔錯。雖然都係冰鮮完再解凍，不過咁既價錢又想點啊😝。半隻傳統甜辣炸雞 $118同平時食開既好似有啲分別，平時好似無骨架喎🥺。個醬有啲辣（我食唔到辣），所以都忍唔住即刻嗌左杯特飲。個辣好惹味，姐係個啲明知辣，但你又好想食多啲既辣😆。牛骨蘿蔔湯 $108一大碗大約分到三小碗左右。定價有啲進取，明明嗌一個火鍋先$88，一碗牛骨湯要$108🤔。好彩既係都幾好飲，不過以依個價錢下次未必會再嗌啦😌。無骨豬手 $92（無影相）好食，如果份量多啲就更好😂。紫菜粉絲卷 $8（無影相）韓式餃子 $8（無影相）優惠價所以咁平。又幾好食喎，就算變返正價都會再嗌😙。餃子好食，佢會爆汁😛。Suntory $39大粒紅豆奶茶 $15荔枝梳打 $15飲品唔錯，價錢一啲都唔貴。埋單$537（包加一）

港島人好少去荃灣區食嘢，見到網上有人推介尼間餐廳，而且去到見到餐廳坐滿人，所以都拎張飛排下隊。好彩等左幾分鐘就有位韓式牛肉炒粉絲。 9/10超大碗！一上枱就俾個size嚇親仲要價錢一啲都唔貴炒粉絲既配菜好多，而且都幾有鑊氣！我哋兩個人食一碗都飽左5成傳統甜辣炸雞。 7/10本身揀尼間餐廳既原因之一就係想食炸雞，但佢既炸雞唔係話太出色，質素尚可，係以份量取勝！雞肉唔夠滑，而且脂肪都唔少，個醬汁辣度ok, 但冇咩特別，其他知名既韓式炸雞店比較出色！紫菜肉鬆蛋捲。 8/10又係大大份勁飽滿既餐點入口係啖啖蛋同肉鬆但兩個人真係食唔晒3樣野超飽！總結： 食物質素中上，但份量之大令其CP值變得極高加上食物選擇之多，絕對值得再encore

✨呢間［韓閣］好出名一個芝士岩漿炒飯,我呢個芝士控梗係要去試吓‼️.💬芝田岩漿炒飯 $98先講賣相,見到啲芝士真係超多,視覺好滿足打卡無得輸！至於味道,芝士味濃撈埋啲蛋漿同泡菜豬腩片炒飯確係好邪惡,但係有啲膩😅！整體上味道中規中矩好一般,可能期望太高,所以唔算好有驚喜！..📎可能期望太高,除咗個炒飯,我仲叫咗份三重芝士炸雞,不過我覺得麻麻,所以就唔多講了😉！..📍 韓閣 (荃灣)荃灣青山公路275號富裕樓地下G4-6號舖..

之前經過過幾次，見到晚飯時間都坐滿人，今日終於可以有時間嚟食啦。有驚喜喎！雖然佢哋係做正宗韓國料理，不過價位非常親民，我哋兩個人最後埋單$300都唔使，食飽飽仲有兩杯飲品，真係好抵食！蟹將軍鍋（ $88）唔好睇佢一人鍋以為分量好少，我同阿媽兩個人食都覺得夠，而且仲可以加錢叫配料。蟹鍋裏面真係有一隻完整嘅蟹㗎 ！以$88來講真係好抵，雖然佢比較細隻，但係都能夠令到個湯底好鮮甜。仲有兩大條皇帝蟹柳，同埋一小兜蟹膏，配料方面新鮮又超值。湯底我哋揀咗地獄湯底，冇得揀辣到，少少辣都幾過癮啦。秘製水梨辛辣冷麵 $58推介！首先口感我俾90分，條條蕎麥麵彈牙煙軔，入口好爽。餐牌上面話佢哋係選用韓國蕎麥麵，的確係同出邊食到嘅一般麵條唔同。面上面半咗啲配料，其中蘿蔔好食，甜甜地又吹口。辣汁嘅份量啱啱好，唔會過多浸死個面，亦都唔會太少唔夠味。配上醋去食，非常滋味。雜錦特色手卷（ $48）材料豐富，同正宗喺韓國食都得kimbap有九成似，唯獨是飯嘅醋味唔夠酸，要另外點少少醋去食味道會比較豐富。百香果桂花烏龍（$28）我哋叫咗少甜，甜度就啱啱好。桂花烏龍入口好清新，解渴一流，百香果香口得來唔會太甜，唔錯。

来了这里试一下这个韩国菜。叫了两个火锅二百元，份量味道也没太大惊喜马马虎虎，我主要想说服务，我见我朋友问他要了一个一个泡菜，然后那个年青长得好看点的跑过来问我你二个不是一起的吗那我问他是两个一起有什么问题啊？我说那你就说两个人只能要一份泡菜给不就行了，我说加钱买行不行啊，我挺不开心，你要收钱你就收钱，你要加钱就加钱，你不要问我两个是不是一起来的。真的这服务希望有改进，旁边来了一桌人问我锅如何，我有介绍她98各个锅

位於荃灣的韓閣 可以話係人氣王每逢午市/晚飯時間 就會出現一條人龍魅力在於💛價錢親民 食物高質除左路德圍 仲有將軍澳分店/叫外賣平台.芝士部隊雜錦鍋🥘冇食一排 原來新出咗好多野 要試吓先竟然有一人火鍋系列 打邊爐果然無分季節選擇了部隊泡菜辣湯和韓國泡麵 韓風十足分別有特選牛肉 五花豬腩片 韓國午餐肉雞肉腸 年糕條 金針菇雜菜🌶愈煮愈入味濃濃的泡菜香 加上特調三重芝士汁好濃郁！不得不說肉類口感嫩滑 調味適中整體不會太辣/過咸 份量多 2人share都得.烤芝士甜辣炸雞🍗半份一般韓式炸雞都係先炸再拌勻醬汁但這款口味就不同 甜辣炸雞配搭芝士烤後再灑上大量芝士粉🧀邪惡拉絲無難度每一口都充滿芝士的咸香和甜辣醬味炸雞肉汁爆發 夠滑又入味 重點係好大塊.紫菜肉鬆蛋卷🧈初嚐蛋卷 比起日式玉子燒的低調溫潤色彩繽紛的韓式煎蛋卷裏面有更多配料讓人一口吃到不同的豐富口感🍳充滿驚喜紫菜肉鬆這個組合🍘無得輸 值得一試.跟主食叫$26以下特飲 只需$15紅豆抹茶牛奶🍵奶味偏重 正常甜 解辣一流蜜桃冰茶🍑十分清爽 蜜桃份量幾多 抵飲

今晚試左位於荃灣的韓國料理， 從地鐵站A出口過橋落地下 , 地點十分方便 , 讚 ! 平日都好多人食，要等一陣先有位！入座後，侍應立刻遞上泡菜、青瓜、蘿蔔三小碟，服務不錯！豆乳味噌帆立貝豚肉鍋帆立貝很有鮮味！豆腐非常滑！豚肉又正！ 餃子餡料多，好味！韓式牛肉炒粉絲微甜帶辣的韓式醬，粉絲粗幼度適中！推介！香炒黑糖炸雞翼熱食非常脆口，黑糖汁非常惹味！必食！雜錦手卷食韓國嘢一定要試手卷， 有腸仔、肉鬆、青瓜、蛋等韓國傳統口味。呢隻味好好賣，好快就賣完了！

🥰靚單邊鋪，好吸睛搶眼，係地鐵站行出來個天橋都望到呢間靚鋪👍 N年前呢個位是ICAC位於荃灣青山公路同運通街交界的 韓閣，多人排隊等食🍽️三重芝士岩漿炒飯 $98熱食好味👍😋炒飯有辣泡菜豬肉，加埋有拉絲的芝士，惹味👍😋$98抵食紫菜肉鬆蛋捲 $52雖非我地預期的，味道都ok。舖頭好旺好多人，都唔少外賣。另外見到人地食炸雞好正，下次可試😋今日好晏先食lunch，無空間食多d食物😛韓國菜 係香港通常價錢較高，呢間價錢較大眾化，吸引。將軍澳新都城有分店，希望佢快開來灣仔 / 銅鑼灣，近我地可以成日食。#飲食情侶🥰 #MagicCherry攻美食🍽️#Cherry攻商鋪🍒

今個星期再一次出動食好西。今日就去咗荃灣“韓閣“食韓國菜 ，幾次經過都見到好多人排隊 ，感覺應該會唔錯 。 頭盤呢就可以用超低價嗌兩款小食。我哋就叫咗芝士流心條$12  同埋上湯泡菜餃子$12。 芝士條新鮮熱辣，芝士流曬出嚟 ，非常脆口。餃子就非常之大隻。 充滿著泡菜粉絲等等餡料 ，十分滿足 。 食韓國嘢又點少得韓式飯卷，點咗牛肉雜菜手卷$46,一入口就充滿住好香嘅麻油味 ,口感丰富。 另外我哋仲嗌咗一個 芝士雜錦部隊鍋 $98 ，性價比十分之高 ，有齊曬腸仔午餐肉豬肉牛肉，重點就係嗰一兜芝士 ，非常惹味亦都十分邪惡 。 而且牛肉用過蜜糖去醃製 ，食落充斥住好香嘅花香蜜糖味，感覺幾特別。我哋仲用咗優惠價追加魷魚圈$25， 份量十足，食極都有。 除此之外我哋仲點咗牛骨蘿蔔湯$108， 熱辣辣送上嚟每一啖湯都有滿滿嘅牛肉香味，而且牛骨煮到非常鬆軟 ，口感一流 。 整體嚟講都非常出色 ，不比尖沙咀韓國街嘅韓國餐廳遜色。 順帶一提，覺得荃灣遠嘅朋友，另外都有將軍澳分店選擇。

荃灣有間韓國菜成日都好多人排💛咁有機會更係去試下啦星期日排隊都排左around 30mins因為懶得去搵其他餐廳🤭溫馨提示其實可以用THE GULU拎飛同mon住幾時到🤦🏻‍♀️海鮮煎餅🦐份量好大份 最後都食唔哂海鮮主要有墨魚同蝦 佔粉漿既比例都幾多 食落去啖啖都有餡料唔會成口都係粉👍🏻👍🏻唯一唔太鍾意就真係偏油但唔夠油就唔係韓國煎餅而且個邊係有脆脆地既感覺不過上菜前印一印啲油會好啲韓式甜辣炸雞（少辣）🐔依到最出名就係炸雞但佢唔係韓國正統炸雞會撈汁佢只不過係新鮮炸雞倒啲汁上去不過！佢啲炸雞真係新鮮炸熱辣辣又香脆 JENG😋😋少辣唔太辣 味道算很不錯全部菜色唯一真係要劣評既就係啲配菜—酸蘿蔔&酸青瓜作為酸蘿蔔既Fans食炸雞至少自己會食一碟仔蘿蔔但佢啲蘿蔔一啲都唔酸重有一股怪味🤢🤢青瓜好小小叫有啲酸味但都係食左一舊就不了😓

同幾個frd一齊去荃灣行市集，就順便試咗呢間好出名好多人等位嘅韓國菜🥳我哋嗌左傳統甜辣味炸雞 正常辣，個人覺得無乜辣味，下次可以嗌大辣🌶️啲醬同炸雞好夾，炸雞熱得黎啲肉都好淋，一啲都唔難咬。再嗌左芝士岩漿炒飯，見到都覺得芝士好邪惡😈其實個炒飯都好好食，都唔會話食到好滯，應該係黎度呢間餐廳一定要試既野食🤤最後仲有叫到芝士部隊雜錦鍋。雖然係一人份量但都幾大份，兩個人share都得。都有幾多餸，例如牛肉、午餐肉、豬腩片、年糕、金菇同雜菜等等，肉既份量幾多，配埋粉絲就一流🤭推薦大家去試呢間黃店💛

第一次試呢間韓菜，無得去韓國但又想食炸雞，咁就試下....環境舒服，服務態度好好呀，食物質素ok...石頭鍋飯個飯如果乾身返就好d,炸雞如果有蜂蜜芥末就好啦....整體都ok 🥰

28號晚約朋友再到韓閣食炸雞，部隊鍋，蛋卷，泡菜煎餅，食物保持應有嘅水準。❤️但衛生情況有待改善，一瘦小女侍應，係我旁邊執枱，我親眼見佢竟然用手（雖有戴手套）直接揸住用過嘅餐具放左係灰色盆到，然後直接再出飲品同食物比我，我果時真系接受唔到，然後就搵其他員工講，其他員工都好有禮貌同有耐性同我去全部更換飲品同食物，本身心情都平息左，唔該晒你🙇🏻‍♀️點知最嬲既系，我未食完野食，果瘦女侍應又過黎，見我同朋友放底筷子，仲要用好差既態度講『唔要架啦』，都未等我回應就收我餐具，我真系好嬲好嬲，點解會有甘既員工🤬老闆我真系好想同您講，我好鐘意您舖頭既食物，但我真系好唔中意果個員工既態度，希望您可以留意下，改善下😩

We were in Tsuen Wan to run some errands and needed lunch nearby. This place seemed popular and we decided to give it a try. Korean food. Familiar enough.The restaurant is actually big. Menu is in English and Chinese. There is no 10% service charge and you pay on your way out. We were provided with a lunch menu which included a drink and appetizers.The appetizers were pickled daikon and cucumbers. These weren't very pickled at all. A bit bland.For $2 you can add a soup. Boyfriend did this. It wa