658
30
8
港铁旺角站 B1 出口, 步行约2分钟 继续阅读
开饭介绍
位于旺角的手工鱼面专门店,鱼面每日制造,提供两款鱼面﹕雪白鱼面及手工鱼面,鱼肉含量有别,全天然不添加防腐剂。 继续阅读
营业时间
*截单时间: 21:30
星期一至日
11:30 - 21:00
公众假期
11:30 - 21:00
公众假期前夕
11:30 - 21:00
付款方式
Visa Master AlipayHK 支付宝 现金 八达通 银联 JCB Apple Pay Google Pay
座位数目
54
其他资料
支持防疫
Wi-Fi
酒精饮料
切蛋糕费
电话订座
外卖服务
加一服务费
当面支付
食记 (733)
等级4 2020-10-01
398 浏览
星期日喺旺角睇戏之前,先去726食个「面面🍜」,其实我一直想试呢间餐厅好耐,但又无兴趣晚市食,呢日就啱哂。好耐都无试过餐厅要等位,呢日竟然要之余,人流仲Keep住继续咁高企,犀利!目测多数嚟食都系女生👭。餐厅两点半开始做下午茶餐,星期六日亦唔例外。另外仲有大大本餐牌,花多眼乱🙈。西班牙烟燻黑毛猪浓鱼汤鱼面($85),黑毛猪片同汤面系分开上,所以唔惊会互相影响味道。成个组合几丰富😍,而且主餐牌嘅面食系包埋饮品的!汤底要咗花胶豚骨浓鱼汤,味道偏清淡,麻辣汤可能惹味啲。面底有得拣鱼面、鱼乌冬或者稻庭乌冬,由於另外已经点咗鱼乌冬,所以就试下鱼面。两者原来真系有分别,🐟鱼面明显地幼身啲,而且口感超级弹牙,弹牙到有点不敢相信、唔似食紧食物😂。我根本就系食紧面条状嘅鱼蛋,好特别。西班牙烟燻黑毛猪🐷算整得唔错,因为真系有烟燻香味,如果食落咸香味能够再重啲会更佳。虽然每片猪唔大片,但胜在有好多片👍。特色前菜小食亦不乏惊喜,三款前菜包括麻酱海带、甜蕃薯仔同腌萝卜,其中最後者系用柚子腌的🍊。麻辣牛肉泡菜拌鱼乌冬(下午茶餐$58),鱼乌冬个面质比起鱼面似面好多,哈哈。捞面味道浓郁兼且香口,如果泡菜多啲、成个面再辣啲就无敌!🐮牛肉份量唔会因为系下午茶餐而变少。戒指鱼皮云吞($50),一口鱼皮饺有六粒🥟,配以黑松露忌廉汁食,惹味得嚟唔会腻。鱼皮饺外皮比一般饺子爽口,唔错。虾兵蟹将($52),即系虾饼配蟹籽和风酱,虾饼同泰式嗰啲无乜分别,主要系酱汁唔同。虾胶弹牙,食得出有虾肉🍤。饮品方面,两个面都有跟饮品,加钱可以配以特饮,加配价几抵。我哋要咗冻海盐焦糖咖啡(+$13)同冻水果红茶(+$25)。後者超抵饮,水果茶劲大壶,又多水果🍎,味道亦唔会过甜。总括嚟讲,呢日终於一嚐面面,菜式果然新颖,味道都过得去。不过份量偏少,始终鱼面淀粉质含量较低,男仔就应该要嗌多份小食先够饱😜。 继续阅读
(以上食记乃用户个人意见 , 并不代表OpenRice之观点。)
等级4 2020-09-28
302 浏览
第二次来这间餐厅吃鱼面,平时吃得太多浓味的食物,每次来到这里都有种清新的感觉!门口位置有大大个招牌霓虹灯,十分抢眼。餐厅主要以食鱼面为主,而且鱼面亦较平时吃到的面健康!一坐下便有店员为我们送上一小杯他们的鱼汤给我们品嚐,非常鲜甜!鱼之恋浓鱼汤鱼乌冬,汤底是鱼汤,很鲜甜,鱼肉乌冬弹牙,配有鱼蛋、鱼片头、鱼皮饺、鱼腐、鱼肉春卷和墨鱼春卷。鱼蛋和鱼片头弹牙,春卷外皮脆脆地,很适合喜欢淡淡地的朋友。另外还附有三款小食,包括酸萝卜、海带和蕃薯仔。四川麻辣烧牛肉拌鱼乌冬,这款拌鱼乌冬不算很辣,鱼乌冬爽口弹牙,牛肉为薄切,整体感觉很像吃辣的意粉,很特别!Fish Nachos on the Boat,鱼片用上西式的酱汁,想不到原来也很match!加入牛油果酱和蕃茄,而且鱼皮脆卜卜,好像吃薯片般,十分惹味!水果红茶、荔枝椰果绿茶,前者好有茶的涩味,不算很甜,内里有橙、士多啤梨、荔枝,很清新的感觉!而荔枝椰果绿茶很香荔枝味,清清地,十分解渴! 继续阅读
(以上食记乃用户个人意见 , 并不代表OpenRice之观点。)
等级4 2020-09-02
1882 浏览
🌶四川麻辣烧牛肉拌鱼乌冬 烟韧弹牙面面系全港首创鱼乌冬餐厅 系旺角店面空间感大 坐得几舒服😌鱼乌冬同鱼面有少少分别鱼乌冬鱼肉含量有50% 比较粗身口感烟韧鱼面鱼肉含量就有70%个人觉得鱼乌冬比较弹牙 几过瘾㗎除咗我拣嘅捞乌冬仲有汤乌冬选择添🌶四川麻辣烧牛肉拌鱼乌冬$92食落麻香但辣味bb辣到 唔食辣嘅都食到😂牛肉份量多 肉味都几浓 捞埋青瓜丝同椰菜丝中和咗麻辣酱嘅重口味 带点清爽口感🥒🍳辛辣•瀛太子拌鱼乌冬$78呢个味道比较清新 似日式冷面嘅味因为加咗木鱼汁同木鱼丝嘅关系🌱加埋微微咸辣嘅明太子酱 捞埋只温泉蛋食🍳配咗鱼皮饺感觉都几得意🥑Fish Nachos on the boat$58呢个超好味😂系用炸鱼皮代替墨西哥脆片加咗劲多芝士🧀蕃茄🍅牛油果酱🥑点嚟食非常惹味 又焗到好热好脆 推介👍🏻🐟Twins鱼之脆卷$38叫得twins就知有2款鱼卷😍食落好脆 深色个款系有少少似南记春卷浅色但款就食到墨鱼🦑粒粒 几冇口感📍 面面 (旺角)旺角弥敦道726号1楼@noodlenoodle.nn 继续阅读
(以上食记乃用户个人意见 , 并不代表OpenRice之观点。)
等级4 2020-08-21
2123 浏览
前之前朋友带过我食主打鱼面嘅面面,唔单止健康,鱼面比普通嘅面更加弹口好食,原来而家外卖仲有八折,扣埋平时堂食个加一,真系平左几多,冇饭开所以就买外卖返去慢慢食。面面而家6:30pm就last order,放工即刻黎啱啱赶得切。大约等左10分钟倒就执齐啲外卖。汤面都系汤同面分开上,唔怕途中浸腍啲面。鱼之恋浓鱼汤鱼乌冬($72) - 鱼之恋面底可以拣鱼乌冬或者鱼面都得,乌冬同鱼汤系分开装,食之前先将鱼汤倒入鱼乌冬入面,鱼乌冬好弹口,鱼汤好浓鱼鲜味,但饮完又唔会觉得口渴。鱼之恋入面有鱼肉春卷、墨鱼春卷、鱼皮饺、鱼蛋同鱼片头,面量我觉得比堂食少左,不过8折後$60唔洗算系咁。所有鱼面都包三款前菜,有白萝卜、番薯仔同胡麻海带。四川麻辣烧牛肉拌鱼乌冬($92) - 乌冬上面都几多牛肉,牛肉几大块,搅匀麻辣酱先食,乌冬辣辣地几惹味,不过食到底就比较油,如果怕油嘅朋友建议点鱼汤乌冬。流心芝士墨鱼波($48) - 墨鱼波几弹牙,不过外卖关系,唔单止炸皮腍左,入面嘅流心芝士都已经近乎凝固,如果堂食应该唔错。Twins鱼之脆卷($38) - 脆卷外皮系腐皮,所以即使外卖返黎,脆度都影响不大,蘸埋另附嘅泰式甜辣酱,味道唔错。Fish Nachos on the Boat($68) - Fish Nachos即系用炸鱼皮代替栗米片,上面预先放左半融芝士,牛油果蓉同番茄粒就系分开装,食之前先倒上去。炸鱼皮外卖返黎只系腍左少少,仲几脆口,因为有芝士同牛油果蓉,所以比想像中饱肚。荔枝沙冰(跟餐加22) & 士多啤梨沙冰(跟餐加22) - 沙冰打得够滑冇碎冰,味道偏甜,荔枝沙冰入面有一粒荔枝。总结,鱼乌冬好弹口,鱼汤浓甜,冇另人失望,其他小食味道都可以,不过相比之下就冇鱼乌冬咁出色。 继续阅读
(以上食记乃用户个人意见 , 并不代表OpenRice之观点。)
等级4 2020-08-19
2284 浏览
之前偶尔经过已试过一次佢既鱼乌冬同汤,真系一试难忘🥰 今次再战试下其他野食餐牌加左啲新野,我地两个人叫左颇多食物🤭1️⃣咖哩鱼皮饺浓鱼汤乌冬 $72 + $8 冻斑兰咖啡鱼汤好浓,一啲都唔腥,饮落好鲜甜。鱼乌冬质感弹牙,非常特别。怕食鱼有腥味真系可以一试,佢可以补充下维他命A 同D、DHA 同蛋白质。另外佢咖哩辣味适中,鱼皮饺数量多。2️⃣辛辣.瀛太子拌鱼乌冬 $78 + $8 冻海盐焦糖咖啡之前冇试过鱼乌冬捞其他汁,作为明太子控必定要试一试。佢面份量多,汁都好多,加埋只温泉蛋中和下明太子既辛辣味。 每个面都会送上三款前菜,有酸酸地既萝卜,好开胃,仲有迷你甜薯仔同最爱既麻酱海带😋3️⃣Fish Nachos on the Boat $68第一眼见到呢个fushion已经觉得特别,以鱼皮代替nachos,即叫即焗芝士,加埋牛油果同蕃茄好开胃。鱼皮就算有芝士盖住都唔会林,依然好脆👍4️⃣明太子鸡翼 $45好的骰, 已去骨,入面塞满晒辛辣明太子,捞埋鸡肉,口感唔错👍👍😋5️⃣流心芝士墨鱼波 $48热辣辣,一咬啲流心芝士出晒黎。喜欢既点埋酸辣酱可以减低腻度。 继续阅读
(以上食记乃用户个人意见 , 并不代表OpenRice之观点。)