11月份好评餐厅十强
2019-12-06

今年有好多外国嘅人气餐厅登陆,以香港人又锺意旅行又锺意试新嘢嘅性格,呢啲过江龙餐厅十居其九都相当受欢迎,难怪11月份嘅十强榜内,占咗4成都系嚟自日、韩、台嘅人气店啊。

第10位  Dreamer Café(*新上榜)

 图:pepesyllankiman6330

西环呢间追梦café,主力提供all day breakfast同埋蛋糕。All day breakfast不外乎都系炒蛋呀多士呀烟肉肠仔呀咁,呢度特别在於仲有款自家制嘅Earl Grey苹果酱配多士,茶香突出,果味清甜。蛋糕款式则每日唔同。

第9位  猪手工房  

 图:leetszhin小鞋子

想食猪手就要搵机会入嚟大围呢间工厦食店试试啦,招牌脆爆咸猪手,坚系脆爆,仲好大件下。而肉质仍然保持到鲜嫩,咸咸香香食到停唔到口。另外有多款香口小食,紫薯控就拣个燕麦紫薯饼啦,外脆内软。

第8位  Top Blade Steak Lab

 图:sataysauceDollyLing

薯条控嚟呢间就啱晒,薯条任食呀呢度,食完又可以再添,添完又可以再食……锯扒方面,一系牛扒一系猪扒,黑桃black jack或者香草平铁牛扒都各有风味,前者酱汁甜香,後者肉汁香浓,而猪鞍架亦相当嫩口。

第7位  牛大人台湾火锅吃到饱(*新上榜)

 图:Dee Shumburntpotato

能够喺开业咁短时间内就打入十强,实力不容小觑。台式120分钟任食火锅,有9种汤底拣,全部都可以当汤咁饮!必试台湾经典凤梨鸡锅,酸酸甜甜,特别适合女生呢。牛肉亦有多款选择,安格斯、和牛等都可以任食!

第6位  Tardemah(*新上榜)

 图:Soyi_lammmfoodiesspig

嚟自韩国嘅人气烘焙面包店,今年第4季度先至进驻香港,迅速上榜可见佢嘅受欢迎程度。佢哋嘅面包松软又足料,款式特别,坊间少见。推介黑麻麻嘅椰丝蕃薯方包,以墨汁制成,椰丝酥皮中夹住韩国蕃薯同忌廉芝士,甜中带微咸。

第5位  多贺野(*新上榜)

 图:YanWingYanNgyumsik

来头唔细嘅东京拉面店,连续4年获得东京米芝莲推介㗎,登陆香港自然吸引到唔少拉面控要朝圣拜访,咁快就打入十强一啲都唔出奇。拉面每日喺店内新鲜制作,煮法由日本老板亲自传授,面质烟韧,挂汤力强,仲有淡淡麦香。豚鸭沾面亦值得一试。

第4位 Outdark(*新上榜) 

 图:肥kafoodiecouple_ms

继续都系过江龙上榜,第4位呢间系嚟自韩国济州岛嘅炸鸡店,不过芝士肋骨锅仲受欢迎过啲炸鸡!睇住店员将啲芝士卷住猪肋骨,下下都拉到丝,芝士控流晒口水啦。炸鸡都算多款,甜辣炸鸡、香蒜蜜糖炸鸡等等,脆卜卜,咬落仲有鸡汁添。

第3位  面面

 图:Happybbalan_lawkh

上个月第1位嘅面面,今个月微微回落,但依然守住三甲位置。主打雪白鱼面同手工鱼面,两款都系每日制做。另外,小食都加入鱼嘅元素,好似Nachos咁,粟米片就改咗做炸鱼皮,照样dip啲芝士酱牛油果酱咁,一样香口。

第2位  磊犇  

 图:phonebusmandychoi23

石烧牛嘅吸引力不减,大大件牛,自己锺意点烧都得,生熟度同酱料浓度全部都可以自己控制,系自由嘅。三款选择中最推介西冷,牛味最浓。白饭、面豉汤、沙律,连饮品都系任食任饮,抵到一个点。

第1位  Mamaday(*新上榜)

 图:judithkfollowmyfoodstep_

第一次上榜就拎第一,当然要归功铜锣湾本店做落嘅口碑。但新店自家嘅限定菜式亦都给咗唔少力。咸蛋牛油果蟹肉pizza用料特别,咸咸香香仲有啲起沙;玉子豆腐豆浆蟹肉炖饭惊唔惊则以豆浆代替牛奶做炖饭,creamy得嚟又唔使怕好heavy。


文:Kar


关键字
十强
报榜
十强名单
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
1天前
【2022生日优惠】持续更新!6月寿星免费叹生蚝/清酒
2022-05-31
【随时更新】最後倒数!2022即将结业嘅人气餐厅
2022-05-30
5月份好评餐厅十强
2022-06-06
酒店新出「北欧神话」下午茶 10款咸甜点色彩缤纷 多款海鲜入馔
2022-06-10