麵屋黑岩

营业中

休息中

今天帶朋友一齊去麵屋黑岩食拉麵，有十週年店慶，有特色飲品送，拉麵及小食都用心製作，好味又有特色。拉麵彈牙軟熟容易入口。炸糖羊鬆脆美味整體用餐經驗良好。六點鐘嚟食飯人唔係太多，上餐速度快唔駛等太耐。

今日同舊同事食飯，特登去深水埗試咗呢間「麵屋黑岩」。店面裝修充滿日式風情🎏，雖然環境有啲舊但座位算寬敞，平日去唔使點等位，好適合慢慢傾偈食碗拉麵再飲杯生啤🍻～ 湯底有6款選擇，我哋試咗火炙叉燒辛辣拉麵同鰹魚厚切叉燒拉麵。火炙叉燒真心正🔥！厚切得嚟肥瘦適中，外層焦香肉質嫩滑，完全唔油膩。湯底濃郁得嚟唔會死鹹。最欣賞係可以自選麵條軟硬度同配料（揀咗蔥唔要椰菜，加分！）😝 小食都唔錯，炸雞外脆內嫩，d雞我覺得冇成日食到既果浸雪味。不過拉麵先係主角～人均$100左右，呢個質素真心抵食！

叫左辛辣同海老，本身係拉麵fans, 會成日試唔同嘅拉麵，抱住平常心心態但有意外驚喜，第一起碼唔洗排隊，小有一間食完會再想食多次，我食嘅辛辣味，平時只係得個辣字，但呢度個湯底好濃味好惹味

第一次食，感覺唔錯，味道適中，重有十週年店慶打卡送飲品，感覺不錯👍🏿多款拉麵口味選擇，小食種都多，可以追加叉燒，紫色，溏心蛋都係$20，好抵，環境都幾靜，雖然外面係大馬路，但隔音做得幾好。

Disappointed with the quality and attitude of the staff. It has been my fourth visit to this ramen shop, and my previous three experience were quite positive. I've ordered the spicy soup combo with an extra portion of hard-textured noodles. On my first bite, the slow cooked pork shoulder tasted different from the previous meals: more salty and less delicate in texture. Brushing it off, I quickly finished the pork and moved on to the Ramen. I loved their Ramen, hard yet chewy, and I always ordere

記得喺幾年前冇過試過之後都覺得呢間拉麵幾好食，但係今次再講真係令人覺得少少失望🥲今次嗌咗一個海老拉麵，整體嚟講，我覺得冇以前咁好食。首先講吓個湯底先，其實都幾欣賞佢落咗好多櫻花蝦，但係湯底冇咩蝦味，同埋好油仲有好鹹，成個配搭就係比較重口味。之後，嗰隻叉燒齋食啲肉就會有啲柴，連埋啲糕一齊食就會好啲，不過整體嚟講啲肉都係比較柴，要多啲牙力去食。但係我比較欣賞佢可以揀蔥或者椰菜做配菜，因為椰菜都幾夾個拉麵。其餘個糖心蛋就真係不過不失，就係一個好普通嘅糖心蛋。整體嚟講，好似個水準差過以前，但係都真心支持呢類型嘅小店，可以做返以前嘅質素💪🏼Ps店員態度超級好，仲會提醒我哋門口有滴水😛

很後悔沒讓相機先吃但絕不阻礙寫這食評，與眾分享好餐廳。午市拉麵套餐蟹肉拉麵很好食，蟹肉份量有兩湯匙左右，是鮮甜的拆蟹肉，並非使用急凍蟹棒或假蟹柳。還有兩大片厚厚的日式火炙叉燒，配濃濃的足料但不油膩豬骨湯底，相信是熬煮了數小時。主角拉麵麵身偏幼，下單時可選麵的軟硬度，分硬、軟或普通的三種，貼心的服務，亦證明廚師不是罐頭式煮麵，而是為每位客人用心製作的；整碗麵承載著師傅對拉麵的執著同時又表現出對客人的尊重。另外套餐可跟兩件炸雞，即叫即炸，絕不欺場，出品絕對不會另你失望。詳細不劇透太多，敬請大家務必親身試試。此外套餐可加10元追加糖心蛋或加20元加紫菜及叉燒各兩片及糖心蛋一隻，不想執輸既我當然毫不猶豫加20元盡享優惠及美食。果然，不負眾望，糖心蛋軟糯及帶有醬油甜香及少許酒味，有別於其他的只是一隻沒有烚熟透的糖心蛋，單點12元，簡直覺得自己賺了。最後溫馨提示：不建議食量小的人追加，因為份量真的很足，絕不揸流攤。自問沒有地盤佬食量的你請勿模仿。另外師傅一人製作，請預留時間及耐心等待。謝謝閱讀。請原諒沒有相片提供……

身為鐘意食拉麵嘅人第一次會試吓原味加咗20蚊轉咗加大雖然睇落好油 但食落都ok湯底正正常常 都係啲豚骨味道我就揀咗火灸叉燒呢個燒到好香好冧不過都係少食多滋味反而糖心蛋有驚喜平時食親蛋都係凍呢間整到好熱又入味見到加39蚊有suntory生啤身為酒鬼嘅我緊係加啦埋單139 總括嚟講唔洗等位 都可以一試

第一次試這間在深水埗長沙灣道的拉麵，其實之前已經經過很多次。到訪的時間是平日的中午，進去時不算很多客人。揀了蟹肉拉麵，平日午市可多配一份小食或一杯飲品，咁我揀咗炸雞。🍜蟹肉拉麵+小食炸雞 $93：配菜可揀洋葱或椰菜。蟹湯很香蟹味，面頭配的蟹肉很多👍🏻👍🏻另外還附了少許蟹膏醬挺有心思。可是叉燒和炸雞也是凍的，熱些較好。以這價錢來說整體不錯，而且在香港蟹拉麵選擇不多，所以都會推介和想再去食。👍🏻

叫左一個黑蒜拉麵，一個期間限定拉麵(咖哩)黑蒜拉麵望落去好深色好濃味既感覺，另外都比左一大堆胡椒粉同黑蒜(?)，但攪勻左之後第一啖食落口已經係冇乜味，味道相對上好淡，可以話唔係點食得出黑蒜味，食到後尾就係一口胡椒粉味，即係死鹹👎🏻期間限定拉麵(咖哩)呢個反而有驚喜，面頭仲放左咖哩味薯片做點綴，咖哩湯底濃度適中，加上帶少少辣，味道相當唔錯👍🏻不過隻溏心蛋就冇乜味，就係一隻好普通既未熟流心蛋2碗都揀左火炙叉燒，每碗都有2大塊既份量，不過燒到偏韌，並唔係相像中一咬就淋個種，都要啲牙力去咬，味道都一般，最後放棄左剩低大半塊😓結論:價錢cp值都ok既，但唔會食第二次

本身喺深水埗工作,今日突然間想食拉麵,喺openrice上面見到評分幾高就過嚟試下,點咗個辣味叉燒,真係好好食,辣度適中,叉燒算係比較厚,入口有口感,仲有其他口味未試,會再嚟

在openrice 尋找深水埗的美食，看到這家餐廳評分較高便去嚐嚐，可惜非常失望。點了一碗海老拉麵（蛋是另外加的）味道一般，略細碗，而配料只有椰菜，和餐牌所寫的配料不相符，性價比極低，不推介。和員工了解過後，職員聲稱只有海老拉麵沒有餐單上所列明的配料（木耳、味筍），其他款色拉麵都配齊所列明配料。另外，額外加的溏心蛋無味，並非溏心，只是未熟而無味的流心蛋。極不推介，這店的拉麵（海老拉麵：$89+$12 溏心蛋） 並沒比出前一丁兩份裝拉麵（～$15）好食，這店的拉麵性價比極低。

平日收工突然經過見到一間拉麵鋪就行左去入食作為第一次食 當然要試原味再加多一隻12蚊ge糖心蛋但因為我今日唔太想食肉 所以無+到20蚊如果唔係會建議+20蚊會有埋紫菜同叉燒叉燒同配菜都有得比你選擇 自由度唔錯呢等左大概10分鐘到 碗拉麵就到左湯底係豚肉ge感覺 望落好油同好濃但食落唔會太咸 拉麵就無乜特別 軟硬度還可火灸叉燒係點完就聽到佢用火槍燒 但黎到無乜溫度 肥瘦適中但隻糖心蛋有驚喜咬落中間係流心之餘 仲有好香ge調味同蛋味如果鍾意食流心蛋真係唔好錯過額外我仲叫左餃子餃子炸得幾脆 餡料尚可比較特別係佢上面ge明太子醬料同櫻花蝦粉為平淡ge餃子加左幾分鮮味

星期六囡囡瞓醒要食拉麵！上次要排成20分鐘，好彩今次唔使等好耐😘黑蒜火燒叉燒拉麵濃郁蒜香味👍海老慢煮肩肉拉麵肩肉好好味👍拉麵有口咖哩慢煮肩肉拉麵日式咖哩濃郁香口👍

的確係一段時間冇嚟過，當然念念不忘上次食嘅味道啦所以今日就同朋友再嚟時間大概中午12:30時間，都有幾個客人⋯我哋坐低就用QR code落咗兩個午餐好快就已經有得食，點知第一啖梗係試吓個湯先啦，點知湯係暖嘅唔係滾熱辣⋯已經系非常之失望再試真啲啖湯好鹹再食落去的確不能接受點解會變到咁嘅？再食落去都係非常之鹹只有一邊食一邊飲大量嘅冰水小食我揀咗炸雞都係鹹到懷疑人生最慘炸雞都係凍嘅😢極度失望的離開冇諗過差到呢個地步非常可惜😔的確唔會再嘥quota唔會再嚟啦😔