影片
更多
2017-10-31
63 浏览
香港食肆選擇多樣化，不過若果一定要我揀一款最出色嘅地道食肆，我一定會揀大排檔！😎小菜鑊氣十足又可以啤啤佢，最適合香港人嘅生活！不過想食有時又怕熱，都會揀返菜館，今日就同朋友嚟到土瓜灣依間充滿香港大排檔特色嘅小菜館-非凡小廚🤗🤗店內雖然座位唔多，但係勝座位寬敞坐大枱，啱曬一家大細過嚟聚餐，鋪頭裝修亦都幾光猛！除咗皇牌推介之外，平均一個菜式都只係70-80蚊，對比起出面一般嘅大排檔絕對係算抵！👍🏻👍🏻由於我地都幾細食所以只係叫咗三個餸，不過落單果時侍應竟然同我地講話驚我地食唔晒😱到最後先知原來依間店嘅份量絕對唔講得笑..真係食唔晒😅講返食物方面先，首先嚟個魚香茄子煲，上菜時仲係熱辣辣😋，食落好夠鑊氣好惹味，唔會過份辣，與白飯嘅配合一流，嗜辣嘅朋友不妨一試。🤤跟住再嚟碟夠曬開胃嘅沙拉骨，酸酸甜甜嘅醬汁認真開胃又醒神！咬落啲肉同骨好容易就分開唔會好難咬，再加上肉佔嘅比例好多，唔會似坊間大部分餐廳話咁剩係得啲骨無肉食，而且份量真係唔少😲，兩個人食根本食唔曬🤐然後再嚟小店特別推介嘅椒鹽軟殻蟹，以中式炸法炸成嘅軟殻蟹，好特別有創意🤣外皮酥脆，未上菜已經有陣陣香味飄埋嚟，食落更加停唔到口，夠哂惹味🤤🤤
😎小菜鑊氣十足又可以啤啤佢，最適合香港人嘅生活！
不過想食有時又怕熱，都會揀返菜館，今日就同朋友嚟到土瓜灣依間充滿香港大排檔特色嘅小菜館-非凡小廚🤗🤗
店內雖然座位唔多，但係勝座位寬敞坐大枱，啱曬一家大細過嚟聚餐，鋪頭裝修亦都幾光猛！除咗皇牌推介之外，平均一個菜式都只係70-80蚊，對比起出面一般嘅大排檔絕對係算抵！👍🏻👍🏻
由於我地都幾細食所以只係叫咗三個餸，不過落單果時侍應竟然同我地講話驚我地食唔晒😱到最後先知原來依間店嘅份量絕對唔講得笑..真係食唔晒😅
講返食物方面先，首先嚟個魚香茄子煲，上菜時仲係熱辣辣😋，食落好夠鑊氣好惹味，唔會過份辣，與白飯嘅配合一流，嗜辣嘅朋友不妨一試。
🤤跟住再嚟碟夠曬開胃嘅沙拉骨，酸酸甜甜嘅醬汁認真開胃又醒神！咬落啲肉同骨好容易就分開唔會好難咬，再加上肉佔嘅比例好多，唔會似坊間大部分餐廳話咁剩係得啲骨無肉食，而且份量真係唔少😲，兩個人食根本食唔曬🤐
然後再嚟小店特別推介嘅椒鹽軟殻蟹，以中式炸法炸成嘅軟殻蟹，好特別有創意🤣外皮酥脆，未上菜已經有陣陣香味飄埋嚟，食落更加停唔到口，夠哂惹味🤤🤤
食飽再叫咗杯大大大檸檬茶，平時去茶餐廳成日都覺得杯檸茶好快就飲晒，侍應放上枱時😮😮啤酒杯咁大杯😱，一啖飲落去，好解渴啊，爽！！😍
總結雖然只係食咗幾樣餸，但係個人認為依間小店同出面啲貴價大排檔絕對係有過之而無不及嘅水準！加上份量亦比一般餐館多！絕對係一間性價比極高嘅小菜館👍🏻👍🏻👍🏻有機會一定一大班人再戰😆
张贴
