青流 (已結業)

老實講係無聲無色之下。在星期日呢個日子唔開 真係好差。差到我要開acc留言 除左我地 仲有其他人 十幾個 等緊佢開鋪。對我地呢啲住新界 慕名而來的人 影響左心情。可能你大把人食唔休做。可能你遲左開。但 12:45未開鋪。即使我走左 你就開鋪 都唔可以即刻叫野食吧。多謝你影響晒我成個長州行程

慕名黎試尼道既芒果糯米飯，但上次黎試竟然冇開門，個日星期日都唔開，不禁感嘆老闆真係有性格，今次1點幾黎到，竟然都冇開門🙀可能見我地係門口行黎行去，入面有個女仔走出黎話開3點，咁唯有3點再返去食啦😅3點幾返到去，因為已經食左好多野，食唔到好多，所以淨係叫左一份糯米餅幾個人分。鋪頭計埋樓面得3個人，等左一陣終於有得食啦。個芒果好甜又多汁，不過就有d太熟，質感有d爛。而糯米飯就煎得勁香，有飯焦架，正！價錢又平，黎開長洲好值得一試！不過記得唔好太早黎呀😂

呢間鋪呢2點半開門 由於店員安排座位既方法差加上鋪頭空間細 係出面呆等左約2粒鐘（未夠2點已經排緊隊等）坐又坐得唔舒服喎 佢個手撕雞飯的確係唔錯既 值得一試 雞肉都算嫩滑（無影到相）至於服務態度呢除左帶位個個其他都好既上菜速度都算快 除左留單個D之外😌呢個就係個個都推介既芒果煎糯米飯 芒果都甜既 糯米飯都煎得幾香 尚算唔錯 呢香蕉pancake都唔錯 幾好食既 值得一試 至於呢個炒金邊粉簡直不得了 個蝦幾好 但D粉就...未食過咁難食既金邊粉 太甜啦 仲要側邊伴碟都仲放糖喎 呢個簡直係劣食

今日入長洲，上次去過呢度食過泰國菜，覺得價錢平，水準亦不錯，於是今次亦打算再去，今次再去，發覺價錢貴了，但若是好食，加價亦不緊要，可惜……由於這裡的食物款式不多，於是今次叫嘅食物大致同上次一樣，但今次嘅質素卻退步了很多，泰式炒金邊粉今次炒得勁濕，味道可以用難食形容，而手撕海南雞飯，個飯完全冇味，唔得!而個青檸梳打算係最正常……我相信應該冇下次!

我同成班朋友特登早餐都唔食就入泥，打算食青流午餐，又話開12:30，，，，入到來又無開，打電話又無開電話，想點，以後都唔會再來囉！！鐘意唔開都要講聲吧。。。。。

今日係我生日，Mr.J就帶咗我去短遊長洲。去到長洲已經1點幾又未食野，就上Openrice參考下，最後揀咗青流。枱上無餐牌提供，要門口睇定或入到去望下個大黑板，今日揀咗海南雞飯同泰式炒金邊粉，定價唔算高。餐廳裝修幾特別。先嚟海南雞飯。一碗滿嘅飯加小量雞絲另付一碗湯，份量對一個女仔嚟講啱啱好，可以留肚再去食其他好野。湯有兩三塊冬瓜，飲落味精感好重，飲咗一啖已經唔想再飲。飯本身已經有調味，味道幾好，少少鹹，淨食飯都可以。而雞絲就一般啦，幸好唔會太乾身或嚡口。至於泰式炒金邊粉賣相不錯，份量係大約一碗滿嘅到啦，聞落都幾香，可惜食落就有點失望。放第一啖落口想咬斷金邊粉嘅時候，發現咬唔開又扯唔斷，原來金邊粉未淋哂，所以有啲似食橡筋。味道本身幾好，可惜俾金邊粉拖累咗，減咗少少分。

估唔到閒日嚟長州。碼頭嘅人都可以多到咁。中午開始喺碼頭就開始係咁掃街(好似熟睡倉鼠嘅平記糯米糍/芝士紅豆餅/新彊羊串/甘xx魚蛋/ 紫薯蛋撻).... 已經食唔落正餐...終於行到青流, 2個人已經食唔到兩份嘢咁點算好呢^^" ? 我又真係想試吓👉👈有啲唔好意思咁問有啲飽可否2人share1set?店員(還是老闆呢?)話無問題喎! 真係好哩。連閒日都坐滿室內。幸好係weekday嚟。否則應該無得咁hea吧?

It's our mini-vacation to Cheung Chau on the weekdayTsing Lau was on my "to-eat" list whenever I'm at Cheung Chau~Standard food items includes:Hainan Chicken Rice (aka Kao Mun Gai)With sweet soy sauce and sweet and chilli saucePan Fried Mango Sticky Rice with Coconut SauceFood are awesome and their price is also very reasonable!Highly recommended and would definitely come again!

都可以話特登入黎食，有點期待😆點了煎芒果糯米飯（$38）龍情蜜意（$18跟食品）煎完既糯米飯好香，有啲似食飯蕉咁，口感特別，但都有點油...芒果幾甜，但發現底下幾舊好明顯是爛的，這點大大扣分！無理由爛芒果都放上碟吧！龍情蜜意即係龍眼水，有六七粒龍眼肉同杞子，幾好飲，隻杯都好特別希望往後店主會用心製作，確保質素！

手撕海南雞飯（$38）Pad Thai ($35)芒果煎糯米飯（$38）青流特飲（跟食品$16）👅呢間文青泰式食店絕對係我哋想黎長洲嘅最大原因❤️成間餐廳行復古風好有格調😍最like個墨綠色牆😎而且入面都有賣一啲好夏威夷風嘅花花恤衫🌺🌴同一啲民族風嘅飾物😆😆見到個餐牌就即刻勁開心😁因為係比想像中平😘真係好親民價喎👏🏻👏🏻海南雞飯啲雞肉有咬口👍🏻鍾意啲飯有雞油香😋同啲酸辣醬撈埋食更加惹味😝😝我好少食Pad Thai,所以唔知正唔正宗🤔🤔見到碟邊有啲砂糖同辣椒🌶就覺得好pro咁🤣不過認真係幾鍾意個味因為夠酸😋😋配合埋啲蛋花一齊愈食愈開胃😜不過再乾身少少會更好🤔🤔至於我最期待嘅煎糯米飯就有少少失望啦🙁糯米飯外皮係煎得夠脆嘅，但嫌佢成舊都太硬身😕😕好彩啲椰漿夠香甜搭救返啦😗😗杯青流特飲係有酒精嘅🍺係普通嘅啤酒味咁，就算有兩片檸檬喺度都唔太出到味🍋不過整體黎講緊係合格有多啦😎呢個價錢有呢個質素滿意架啦😊重點係👉🏼👈🏼老闆好靚仔把聲好溫柔🙈🙈

海南雞飯海南手撕雞咬落有嚼勁，油飯好惹味，配埋辣辣地既醬汁食到停唔到口。芒果糯米煎飯，食落去腦海出現左四個字：好好味呀！糯米煎到外層脆口，熱辣辣，配埋椰汁同甜芒果真係好好食。煎過之後口感既層次昇華左～好正龍情蜜意呢杯有啲龍眼同杞子，仲有蜜糖，甜甜地幾滋潤

平日去長洲都總掛住掃街食小食，今次同朋友就特意到訪呢家 青流。稍為有搵過這家餐廳的資料，有不少雜誌訪問過，睇過佢地講嘅野話因為鍾意去泰國旅行和食泰國菜，所以就索性自己開一家餐廳，聽過以後，我覺得太有性格，終有一日都想開一家屬於自己的旅館~撞正當日係週末，下午兩點多已見人山人海，我地大約等咗30-40分鐘先有位，嘩，立即點咗海南雞飯，芒果煎糯米飯同兩杯梳打特飲..可惜嘅係，香蕉pancake經己賣完… 好失望呢~唯有下次再來吧! 青流menu 其實選擇不多，主食有兩款: 海南雞飯($35)  與泰式炒金邊粉($32), 熱狗 單腸 ($15), 雙腸($18)；甜食則有芒果煎糯米飯($35)與香蕉pancake($22) 反而喺飲品上選擇更多：梳打特飲，花茶等等，價錢由 $20-$32 海南雞飯 海南雞飯份量唔算多，女人嘅可能先剛好足夠，個飯加入咗薑蒜等好多香料，而雞香亦唔會有腥臭味，算不過不失~芒果煎糯米飯之後就到芒果煎糯米飯喇，作為芒果糯米飯控，經常四出尋找隱世芒果糯米飯，今次多謝朋友告之，青流嘅煎芒果糯米飯果真令人一試難忘。(極力推薦)一上碟，仲熱既糯米飯煎到微焦，脆口飯焦再加上大

又去左長州搵野食啦喇，今次係plan 好既food hunt 。覺得呢間小店裝潢好有style，有點似cafe，bar & restaurant . 紅日三點鐘去到小店，仍有數人係門外等候，要多籌等位的。但由於小店人手嚴重不足，就算有座位都要等一陣先執好再安排坐低🙄 最後小妹等左成個鐘先有位😫 好餓！食物只有幾款選擇，揀左手撕雞海南雞飯 $35 ，份量幾細，雞肉都少，好在個泰式辣醬好野味，令到個飯變得幾好味😋 青檸梳打 單叫$22，跟食物叫$12，個器皿好靚，味道都吾錯。

為食豬嚟到長洲玩，趁機試下呢間想試好耐嘅小店。小店個名夠晒破格，入面好raw嘅裝修一樣有特色，符合幾位年青人店主嘅風格。睇返menu，小店賣嘅係泰國菜，雖然選擇唔多，但由小食主菜飲品到甜品都一應俱全。為食豬為咗留肚食其他小食只係少少哋咁嗌咗炒金邊粉，芒果煎糯米飯，一杯青流特飲同一杯龍情蜜意。泰式炒金邊粉: 一上枱就聞到好香嘅魚露味，而且好細心咁喺碟邊放咗啲砂糖同辣椒粉，方便客人自己調整辣度。為食豬就冇加糖/辣椒粉，食原味。其實就咁咩都唔加都有少少辣，但可以接受。魚露味好香，酸酸辣辣好開胃。份量唔多，配料都好豐富，有三隻大蝦仲有好多蔬菜。芒果煎糯米飯: 呢道係為食豬最期待嘅，都冇令為食豬失望。煎糯米飯有3塊配半邊芒果，加上大量嘅椰汁。煎糯米飯食落外面好脆，入面保留住糯米飯嘅煙韌口感，加上椰汁食竟然有啲似煎椰汁年糕。芒果幾甜，如果可以再多啲就更好。青流特飲: 個底應該係啤酒，加上檸檬後好清爽，雖然有酒精但好易入口。為食豬好鍾意佢充滿異國風情嘅presentation。龍情蜜意: 其實係熱嘅杞子龍眼蜜，用料都幾足，起碼有5粒龍眼，唔算太甜，感覺好養生。

尋日過左長洲玩，上網見到有介紹呢間野好似幾吸引，於是決定去試下。兩個人叫左兩款食物同兩款飲品，分別係手撕雞海南雞飯、芒果煎糯米飯、青流蘋果特飲同青流黑梅特飲。手撕雞係配一個湯，當日嘅係糊椒冬瓜!入口已經要讚，因為本人好鐘意糊椒，所以覺得好正！飯雖細碟，不過油飯好香，比個like!而且飯先$35，覺得非常底!!之後到糯米飯出場，好有驚喜，原來煎嘅糯米飯又幾好食喎，配上芒果同椰汁，另一番風味，重點係先28蚊，平到笑~~成長單加埋先一百二十幾蚊，性價比常高飲品方面好過癮，用碗上，好大杯，而且味道特別，二十幾蚊飲品比得過～～～