青流 (已結業)

介紹左兩日澳洲今日介紹下長洲先😎除左大魚蛋之外 今次推介樣新野..🥭芒果煎糯米飯($35)芒果糯米飯就食得多 煎既飯就比較特別芒果份量都幾多 而且都甜既配三個糯米飯餅飯兩面煎得好脆 入口外脆內軟口感比普通糯米飯豐富啲😋..🍌香蕉班戟($22)無乜特色 同出面食到既差唔多而且覺得有啲甜可能幾個人分享 每個人食少少會好啲 無咁滯..大家去長洲又多左個選擇唔駛成日都大魚蛋 菠蘿冰黎黎去去個幾樣😗..📍青流地址:長洲金銀灣金豪閣１０號地下 #happychillii長洲

放假去長洲玩下，見雜誌介紹，過嚟青流試下泰國野。碼頭走過去大約10 分鐘，唔係太遠。海南雞飯，必食，配上泰式醬汁，開胃好味。飲品試左蜜糖青檸梳打，天氣熱熱地飲下，清涼怡人，夏天必飲。下次會再嚟👍

查實好鍾意去長洲 得閒都會想入去hea下 。有藍天白雲就更加好啦🤣好耐無黎食lu ！行完長洲個小山 再去青流大大啖飲番罐啤酒🍻食個手撕雞海南雞飯，炸魚薯條同炒金邊粉 聽著音樂hea下hea下甘，就係我既小確幸😊🐣手撕雞海南雞飯$38$38蚊個飯算係甘啦 都叫幾抵😛個樣擺得靚靚仔仔 個汁甜甜地 雞肉幾滑既 飯就無咩特別 不過不失 更鍾意係餐廳個feel丫😊

I have to say the chicken rice is very yummy, the texture was tender and juicy. The rice tended to be sweet and not oily. I really enjoyed it with a bit of chilly. The pad Thai was delicious, it get sold out quite easily so we have to go there early. The flavour was very rich, it was sweet and sour. We were also very lucky today as the staff gave us extra chicken on the pad Thai. Lucky! The banana pancake was amazing! It was very crispy and crunchy, it was full of banana flavour. The drinks were

最近長洲多左好多唔同類型的食店，唔再得大魚蛋或者芒果糯米糍。而青流就係其中一間食泰國野的小店。位置離碼頭有點遠，約走十五分鐘。店內除供應食物外，都有二手衫擺設既野賣下，頗有翟道翟的感覺。今次黎到就叫左個海南雞飯食（6/10分）份量細細碟，就好似泰國食開果款，個賣相都幾吸引。雞肉部分係幾嫩口，唔會好*鞋口，個飯就正常，無咩特別，個汁都甜甜地，都ok。香蕉pancake (6/10分）味道不過不失，我覺得略嫌唔夠甜，可以不叫！

大家入長洲多數都係食大魚蛋，長洲糯米糍 , , ,  仲有ｄ咩好野食?早上踩單車經過，轉角位有間類似文青咁既舖頭，但竟然係泰式餐廳!    好奇心驅使下入去睇下啦。牆上黑板寫左好多餐牌推介連圖畫，都好文青下,但凳黎講係五顏六色既鐵桶！What?!  Haha,, 我知外國好多呢ｄ design ~  原來另一邊箱有泰國小飾物出售tim..... 認真得意! 我見到幾個顏值唔錯既小鮮肉一個幫我地落單，一個入廚房炒餸，一個係度沖野飲，估計就是這幾個年輕人開的店吧~ ?咁 Thai Food 黎講我最中意芒果糯米飯, 不過呢間係煎既~  口感好特別，好似煎香既餅，但又煙煙韌韌,  似零食多ｄ。同蒸既糯米飯真係好大分別,  原來同一樣野５同煮法係可以相差咁遠架!  而芒果就都係好甜好鮮。影完相又秒清左了~ 泰式炒金邊粉,  鑊氣好夠，味道好好，辣粉好貼心咁擺側邊 不過份量就得一碗大細, 大食妹既我清曬, 隔離個個無得食!!! 哈哈哈哈.......

長途跋涉來到長洲 除了大魚旦和芒果糯米糍 試試這間餐廳吧 高度推薦！！！很久以前在曼谷曾經嘗試過煎糯米飯 一試難忘 回到香港後好像從來沒有見過泰國餐廳有芒果煎糯米飯呢 比起一般嘅芒果糯米飯 煎香左的糯米飯帶少少焦香 口感更加煙韌 外脆內軟 食完可能你唔會再喜歡一般的芒果糯米飯 $38我覺得超值 芒果亦都大大份 清甜另外一款是香蕉班㦸 亦都係曼谷夜市常見菜式 微脆既表面淋上大量煉奶和朱古力醬 包住熱騰騰的香蕉內餡 好好吃！圖中的飲品為他們青流特飲 是帶有熱帶水果味的雞尾酒 有機會再去長洲我一定會encore!（就連Angela Yuen都曾經來過打卡！）

襯放假入左長洲吃喝玩樂，難得入到黎，揀係搵下有咩特別野食啦。聽人講過呢間出名食芒果煎糯米飯，咁特別一於就試試佢啦。店舖離大街有啲遠，要行一段過先黎到。咁有氣勢嘅店名招牌，加上室內格局，點睇都唔似係食泰國野呢啲油筒枱櫈好有型，不過店內座位數量好少，而且都幾逼餐廳內有一個小角落擺賣啲民族衫同飾物既然聞芒果煎糯米飯之名而黎，當然我地第一樣就嗌左呢個～大大舊芒果配三塊煎糯米餅，芒果好甜，煎米餅亦好脆。係幾創新幾搞鬼嘅，不過食完發現原來我地始終都係鍾情於正宗果款多啲～另外嗌左呢個香蕉pancake，呢個冇咩好特別，薄薄的，貌相同味道就係正常pancake咁。上面有檸檬果杯係檸檬蜜糖梳打，杯內加左幾塊乾檸檬片，好好飲，透心涼。而下面果杯係普普通通嘅雜果賓治。店舖食物價錢尚算合理，質素大致上普普通通。

芒果糯米飯，每人都諗起輕熟芒果配上香甜既椰汁淋係彈牙既糯米飯，但無人諗過會煎舊糯米飯變得脆卜卜，呢間偏偏諗到芒果煎糯米飯，禁新奇緊係要試下啦！呢間鋪位於好隱蔽既地方，係中學路直行最盡，會見到好多鐵筒果間就係青流。望落有啲特色，好多鐵筒，入到鋪內坐位唔多，又有啲飾物擺設反賣，又有啲民族衣物成個感覺好家庭式，賣下飾物賣下食物，成個感覺好舒服😌食物種類繁多，最具特色當然係芒果煎糯米飯啦！本身糯米飯屬煙煙靭靭既感覺，煎完更是香口，少少咸的糯米飯加上甜甜的椰漿，味道係口中好耐人尋味😍芒果好甜好熟但數量偏少，食完係唔夠喉！好想再食呀！！😋😋😋😋但芒果煎糯米飯係每日限定，賣完就無！另一樣值得推介就係手撕海南雞飯！雞肉軟淋，加上酸辣汁 好夾！而且，雞肉被撕成半隻手指般大小，食既時候剛好雞肉與飯5050禁放入口，每舊肉係舌尖上混和成黃金比例，正呀！整體黎講，呢間鋪好有自己既特色，著種食物仲有個性，地方雖少但五藏俱全！仲有小手作，係長洲中更建立了一種小特色☺️以於價錢，其實都抵食，通常好吃的都特別貴，呢間都算平呢了！ 食物都有自己特色，創出煎糯米飯，好香口的感覺😋如果要我推介，手撕海南雞飯同堆芒果煎糯米飯係

👉🏻芒果煎糯米飯$38😼好好食😭個飯煎得啱啱好 椰漿又香甜 芒果都好甜😹如果多啲芒果就perfect🤤〰〰〰〰〰〰〰〰〰〰〰〰👉🏻手撕海南雞飯🐔🍚$38😼佢直接淋哂豉油同泰式醬上去🤤個飯雖然唔係油飯但係都好正🤤雞又滑🤤〰〰〰〰〰〰〰〰〰〰〰〰👉🏻龍情蜜意$18😼係龍眼凍飲 呢個就一般啦 唔夠甜😹不過個杯就好特別

我地係長洲hea左5日，都係見佢開左1日好彩我地第一日去有開食左，之後想食多次炒金邊粉都無了。到埗第一日係渡假屋放低行李就打去問下有無開，因為係渡假屋附近好快到，入到去見老闆?同朋友飲緊酒傾緊計，得我地1枱客，叫左2個海南雞飯，1個炒金邊粉，1個煎芒果糯米飯，1個香蕉pancake,檸檬蜜糖梳打炒金邊粉面有雞肉，粉酸酸地好開胃，佢有d好似梅定羅望子乾既野一齊炒又幾好味同特別，炒得都算乾身2碟飯，雞嫩，飯底幾香，但有1碟有d飯唔係粒粒分明係一pat咁，所以我奶奶同細姨覺得海南雞飯麻麻地，而我地個碟d飯粒粒分明所以就覺得幾好味。煎芒果糯米飯好味，我鍾意煎過既糯米飯外脆內軟，點埋椰汁同芒果一齊食好味。香蕉pancake外面微脆淋左朱古力醬同煉奶，都幾好味。檸檬蜜糖梳夠凍唔太甜，個碗幾靚老闆好隨性，開門時間飄忽，要食既朋友記得打電話問下有無開先喇。

店名青流原來係解 #青島流浪 🏝小小既店內都係用鐵筒做枱櫈 唔好expect會坐得好舒服呀🙊但慵懶隨意既感覺就好配合個主題既💁🏻‍♀️手撕海南雞飯 (配湯) $38飯上面已經淋左汁 好似平時 #海南雞 既醬但係已經撈埋左🥣無骨既海南雞啖啖肉夠哂滑🤤香蕉pancake $25小妹食完個飯先食佢 放左陣都仲係咁好食!👍🏻個皮夠薄夠脆 入面既香蕉蓉酸甜岩岩好同埋啲朱古力醬同煉奶真係 好 好 食 ❤️檸檬蜜糖梳打 跟飯加$14蜜糖味好重🍯 相對地檸檬味就無乜啦🍋飲落好fresh 呢個天氣飲夠哂清涼呀💦去過長洲咁多次第一次發現間小店呀🆕位置比較偏僻寧靜 唔係係大街架 想plan個 #weekendgetaway 不妨去試下啦☺️

之前已想試這間餐廳，但那時候在門口等很久仍未開鋪，即使過了開鋪時間。當時很生氣走了，心想長洲還有很多美食，何需苦苦等候一間說開不開的店。今次到來學聰明了，擔心它又會遲很久才開，下午六時多才來。這次果然沒有摸門釘，但因為太晚才到全店只剩下芒果糯米飯。煎芒果糯米飯我們選了煎的，因為好像比較特別，這個要比沒有煎的貴足足$6啊。有3小塊煎了的圓圓糯米飯，煎得挺香脆。芒果略少放在旁邊，酸酸甜甜一般啦。整體還可以，但這個價錢不太值得，看來未有機會試的菜也不用試了，主要是這間店太難捉摸了。

透心涼的襯色❄️ 龍眼蜜✨。終於有機會來長洲的青流了！上次來完全遷就不了時間來😛。食物和飲品整體的水準不俗，沒有特別出彩，可也沒有特別出錯，就是小家庭式的泰菜館，即做即整，火熱新鮮👍。就是喜歡它的襯色和漂亮的銀器！。手機撕雞最出彩是醬汁，濃厚的醬油混着泰式辣醬，咸甜中帶酸辣，十分適合夏天的主食！。而且這裡有長洲特有的慵懶和隨性，人不多的時候可以hea足一天冇難度（當然星期六日一定多人到爆）。。整體而言，還是十分推薦，因為至少我們會再來😂😂😂

點了香煎芒果糯米飯 （$38）平時吃那些是黑糯米或只是普通白糯米，仲有只係得面頭有椰漿。但首先今次個口感非常正，煎後 個飯係外脆內軟，真係似食緊飯焦咁。入面仲要有甜甜的椰漿味。 表面仲蘸了椰絲。個芒果就略為少左啲。不過都好食 少少酸 我鐘意。 好特別超值得食！