青山灣漁港

营业中

休息中

三聖出名食海鮮，但今次要介紹的不是海鮮，而是小菜。這家酒家是名廚三姐開設，食物自然令人充滿期待。潮蓮燒鵝皇(半隻) 燒鵝色澤均勻，入口汁多而味美，肥而不膩。瑤池貴妃雞(半隻)乍眼一看雞皮雖然不光滑，但細嚼之下，雞肉還是嫩滑。炸蝦球外皮似炸雲吞皮，包裹著沒有味道的蝦膠。蝦乾啫啫通菜煲通菜夠嫩綠，加入蝦乾及肉碎爆香，不會過鹹，夠惹味！胡椒蘿蔔筋腩煲內有豬骨、豬肺、豬筋等材料，胡椒湯湯味極濃。四川辣子雞雞粒細細件，不乾不油，麻而不辣，非常有層次。合桃黑椒牛柳粒牛柳入口軟嫩，沒有多餘脂肪牛味突出。壽包桂花椰汁糕芝麻卷

疫情期間，大家宅在家都只是吃蒸海鮮，所以今天決定全部菜式都不要蒸在朋友介紹下，在海鮮檔選了多款海鮮，最緊要是很新鮮，埋單$1320青山灣龍蝦🦞開邊真係大鄉里出城，我是第一次吃，表層是焗了香脆的芝士，雖然我不是好芝士的人，但都覺得這種吃法比傳統煮法好，唔覺膩，龍蝦肉又沒有被芝士味搶走，但這間煮出來的味道偏啖，對於我來說，我是ok，但朋友就覺得有更好的選擇。椒鹽賴尿蝦好耐沒有吃，因為覺得椒鹽的吃法，是最襯它，海鮮檔提議吃大隻，最後斬件，好過細細隻，一人一隻，豈碼多啲肉。但對這道菜式有點兒失望🙍🏻，不夠椒鹽味，味道啖，炸蒜的份量比一般少，只是海鮮夠新鮮搭夠脆皮鮑魚每次外出都只是吃蒸鮑魚，又是第一次試脆皮，老實說，我平時吃東西都不是濃味，但都覺得這碟偏淡，但煮法就冇問題，鮑魚炸後，唔會嘞，仍然能夠保持鮑魚的鮮味砵酒桶蠔這菜式應該很易煮，但奇怪味道真是偏甜油鹽焗蟹煮法單紙上只有鹽焗，所以店員細心幫我哋加左個「油」字，但奇怪煮出來就冇呢個效果，只有一堆鹽，蟹🦀️殼很鹹，但蟹肉就只有鮮味辣酒煮花螺份量這麼少，主要是最初我表明不太吃，誰知煮出來味道又唔錯，忍唔住又吃了幾粒芝麻卷這是店員推介，原來這味甜品

第一次入屯門食海鮮,朋友介紹去咗發記買咗龍蝦,鮑魚,蟶子,扇貝,同埋一條海斑,之後經海鮮檔員工介紹黎到附近青山灣漁港做加工,呢度招牌菜係芝士脆皮龍蝦同埋脆皮鮑魚,呢兩度招牌菜相當出色,咁樣整嘅龍蝦我都係第一次食,芝士好多,好香,好脆！值得推介

聽人講三聖邨啲海鮮係全香港最抵食， 所以星期五早上去左呢度食海鮮。三聖邨有好多間餐廳，都唔知選邊間食。行咗幾分鐘就見到呢度覺得幾光鮮，所以就入咗嚟啦。 （睇食評原來呢間餐廳喺2018年開張， 唔怪得知咁新淨啦。）開頭問一問侍應哩度有冇海鮮食， 佢話 一定要落去買海鮮之後上黎 比廚房整 。我哋喺下面買咗兩隻帶子，四隻蟶子， 兩隻鮑魚 。order時同佐廚房講蟶子用豉椒炒 鮑魚用陳皮蒸 ，帶子頭蒜蓉粉絲蒸。 我哋怕唔夠食之後再嗌多一個腸粉同埋排骨， 等咗一陣 ，美味既海鮮終於黎到。咁多樣海鮮入面聖子係最好味😍😍😍超大條！ 一咬入口你會感覺到蟶子嘅鮮味😉 鮑魚就有少少硬， 我覺得可以再林少少會好啲。帶子係用粉絲豉油黎炒 ， 我以為啲豉油汁會好鹹， 但係豉油嘅甜鹹味恰到好處， 帶到帶子既鮮味出黎。 點心就正常味道，無咩特別。至於價錢方面， 海鮮買咗388蚊， 製作費大概250蚊，茶介再加埋兩樣點心幾十蚊 ，埋單計都係唔過700蚊。 性價比非常高 ，鍾意食海鮮嘅朋友，我推介你黎呢間餐廳。

先祝大家身體健康，虎年行大運！🧧年初一周圍飲茶都要瘋狂等位，唯有向屯門進發。⛰之前去過附近的海天，幾好食，今次試吓呢間青山灣。🪑裝修正常，但樓底矮咗少少，完全無風景無窗（用窗簾遮曬）🕊香燒王子鴿 $58比較細隻，但都有肉汁，唔乾，幾好。🍆燒汁茄子 $27個汁好澎湃，但無乜燒汁味，普通。🦞龍蝦湯鮮竹卷 $33.8個龍蝦湯好稀，無龍蝦味，鮮竹卷比較扁，唔飽滿，🥩蜜汁叉燒腸 $33.8腸粉皮比較彈比較厚，叉燒唔多又唔少，普通。🥯咸水角 $27.8炸得好靚、好脆，餡唔算多。🐖滋補豬腳薑 $42薑好碎有渣，隻蛋竟然可以雪白雪白，麻麻地。🫖茶 $13/位叫鐵觀音但俾普洱，而且都幾難飲。🤵🏻‍♂️本身叫咗個鳳爪，等極都唔上，追先話賣曬，呢方面嘅服務就差咗少少。結論：同海天比我會去海天，或者下次試下容龍。

18:15落單，20:30仲有蟹未嚟，追左3次單，埋單果陣cut單先煮每樣餸都等好耐，明明慶祝生日都要搞到老人家勁唔開心唔會再食，都唔會推薦人嚟食，服務態度勁差

青山灣漁港今日同朋友慶祝生日，一致決定去三聖食海鮮。青山灣漁港係間新裝修嘅酒樓，有卡位啱晒四個人，正。沙薑雞腳——上碟嘅時候熱辣辣，一碟有七至八隻，浸得都幾入味。紅燒乳鴿——好正，我哋特登開邊，乳鴿入邊嘅肉汁仲保留得好好，最衰叫左好多海鮮，唔係可以再拍多半隻。海鮮炮製——全部都係水準之上，雖然我哋係叫起佢冇跟我哋嘅指示，但係所有煮食嘅方法都係好好味，完全發揮到自携海鮮嘅特色。尤其係龍蝦，從來未食過咁脹卜卜。砂鍋海鮮炒飯——食晒咁多海鮮之後都竟然仲可以食到兩碗，你就諗到究竟啲碗炒飯可以有幾好食。足料，夠鑊氣！桂花椰汁糕——竟然連甜品都好食，想唔肥都唔得。

食海鮮緊係要去屯門三聖海鮮街揀最新鮮啦。星期六海鮮街好多人，成條街咁多間海鮮點揀好🤔我哋都冇乜頭緒，揀間比較人多，應該會好啲啩😅已經唔記得店名🤪買咗六款，有象拔蚌、龍蝦、鮑魚、螺、聖子、扇貝，盛惠$2000，阿姐就送咗兩桶台山蠔，比較細隻的。到青山灣漁港加工，酒樓環境舒服，不過星期六人多就比較擠迫，但係加工真係做得好好食😋象拔蚌刺身🌟🌟🌟🌟🌟豉椒炒蟶子🌟🌟🌟🌟🌟蒜蓉粉絲蒸扇貝🌟🌟🌟🌟🌟脆皮鮑魚🌟🌟🌟🌟🌟麻辣湯煮螺🌟🌟🌟🌟芝士焗龍蝦伊麵底🌟🌟🌟🌟🌟酥炸蠔🌟🌟🌟🌟🌟薑蔥蠔🌟🌟🌟蚌膽泡飯🌟🌟🌟原來象拔蚌刺身可以係咁fresh，酒樓刀工不錯👍🏻，切到好薄。另外不得不提脆皮鮑魚😋跟平時的加工煮法不同，十分創新，外皮炸過好香口，咬落去啖啖肉好彈牙，又不失鮮味，火喉控制得剛剛好，又不會韌😋最後甜品送咗個桂花椰汁糕超正呀😋😋😋另叫咗碟菜同飲品，酒樓埋單$17xx ，個人認為價錢合理，最緊要唔好嘥咗你啲新鮮嘅海鮮，真係超級推介來呢間加工。聽說呢間酒樓飲茶食點心都好好味😋小插曲～以為酒樓還差奄仔蟹未上檯，酒樓查返說我哋冇畀奄仔蟹，諗返起同酒樓伙記交帶海鮮煮法嗰陣時，又真係好似沒有奄仔蟹。咁應該係海鮮街阿姐

補寫食評，之前生日朋友請我去三聖食海鮮～聽過呢間幾出名所以就去咗呢度加工，我哋係冇留意加工費幾多錢嘅因為想點煮就直接講，我哋都買咗好多海鮮，味道不過不失，但係雖然話係加工但係真係有啲貴，我哋出邊街買海鮮$4000幾，但係加工費一碟菜半隻雞幾罐嘢飲加埋$3000龍蝦刺身刺身只要新鮮就好食象拔蚌刺身呢個唔知點解好腥椒鹽賴尿蝦呢個整得幾好好香口少少辣椒好惹味薑蔥蠔呢個好一般，冇乜特別仲要黐埋一舊舊鹽焗東風螺冇乜特別，不過好似焗得耐左有少少韌豉油皇中蝦呢個好好食出邊脆卜卜，啲豉油好入味！係幾出色嘅經理推介脆皮鮑魚真係冇推介錯果然係招牌，出邊個皮脆卜卜入邊個鮑魚好軟，一啲都唔會似擦子膠，呢個第一名豉椒炒蟶子味道唔錯送飯一流，保留到聖子嘅超甜味道油鹽水刀背呢個我個人覺得普通清蒸東星冇乜特別都係蒸魚囉龍蝦粥鮮甜過粥底好食椒鹽象拔蚌膽，呢個點啊通常波膽都唔會點食，呢個個個爭住另外仲有椒絲腐乳通菜，正常炸子雞半隻，可免 上湯浸雜菜，正常海鮮全部係自己買嘅，但係加工就真係有啲貴，味道不過不失啦

一班朋友話想食海鮮，所以諗起三聖邨，因為可以喺海鮮檔自己揀海鮮，跟住立即拎去酒樓煮嚟食，夠新鮮，同埋呢度出名煮海鮮好食又抵食，所以拉大隊嚟試吓。我哋先去上記買海鮮，因為見到佢啲龍躉好新鮮。姐姐仔好好介紹，仲送咗一條大墨魚俾我哋！買完就拎啲海鮮去酒樓。海鮮真係煮得一流，每一味都係好好食。尤其是係炸鮑魚，係呢度出名同特色，個炸漿超薄，味道超好。除此之外，炒飯，鹹蛋魷魚，欖菜一字骨都係好好食。👍🏼🤤帶子蒸得一流，雖然成個樽蓋咁大粒嘅帶子，但真係一啲，真係一丁點兒都唔靱，好滑啱啱好。👍🏼🤤龍躉又炒得好香，炒得夠火喉👍🏼🤤辣酒煮花螺，我唔係好食得辣，但係個麻辣真係頂呱呱，好味到我最後片咗啲油，當湯咁飲咗一碗。👍🏼🤤芝麻卷又真係好味，芝麻味好濃郁。👍🏼🤤為美中不足的就是，本來墨魚係兩食，但入廚房單時出錯，變咗只係白灼。因為同行朋友勁渴望想吃鹹蛋醬炒嘅食物，所以問吓有冇鹹蛋醬炒四季豆，好可惜佢話冇，又問咁有冇鹹蛋醬炒豆腐，更可惜的話冇嗰種豆腐，回咗幾版，話送個桂花糕補償。結果朋友要再落去買多一隻墨魚上嚟用鹹蛋醬炒，話免我們加工費。鹹蛋醬炒墨魚的確又是一絕的好味😋。但結賑check單時，兩條墨魚都有收

📍青山灣漁港 去屯門三聖村食海鮮，先到海鮮檔買海鮮再拎去酒樓到加工！依間青山灣將我哋買嘅海鮮加工得好好食！1.鹽焗奄仔蟹啲蟹細細隻但好多膏2.蘇炸美國蠔佢將啲蠔炸到外層勁蘇脆之除仲保留到蠔入面嘅水份，唔到乾憎憎勁juicy 3.豉椒炒蜆自己買海鮮去整份量好似多啲，好惹味不過不失！4.炸鮑魚估唔到係咁好食！啲炸粉勁薄之後，隻鮑魚炸完都唔硬，食落仲勁淋勁彈牙！5.椒鹽賴尿蝦啲賴尿蝦好鮮甜，啖啖肉！

抵食又飽足嘅一餐生日飯，先去幫襯開嘅發記買海鮮，蝦、鮑魚、黃油奄仔蟹、象拔蚌仔再搭啲白蜆加一條勁生猛嘅大紅魚（免費的，可用作滾魚湯）料錢只係$660。紅燒炸子雞皮脆肉嫩可惜味道有少少唔均勻，某啲位置偏鹹，不過都好好味。白灼蝦殼脆易拆，白灼煮理充分食出鮮蝦嘅鮮甜，醮點辣椒豉油令鮮味更上一層樓秋葵雲耳炒准山清新中帶點鑊氣味道，空口食味道都唔覺鹹，唔錯。晚飯必點嘅小炒皇，舖滿櫻花蝦乾，配鮮魷、菜莆、鮮蝦、蝦乾、腰果、韮菜花，鹹鮮又惹味。蒜蓉粉絲蒸象拔蚌仔味道偏淡，要淋啲辣椒豉油至覺有味，不過蚌嘅口感靭，我唔太鍾意。濃白色賣相嘅魚湯好鮮味，加入白菜同豆腐餚煮，味道剛好，胡椒味比較重，能僻除魚腥味，飲多碗都唔會嫌多。脆皮鮑魚外脆內嫩，不過味道唔太平均，第一隻有味道，但第二隻比較大隻，肉靱又唔夠味，加上有飽意，所以覺得麻麻哋。雖然有飽意，但點都會留番個「胃」置俾我至愛嘅鹽焗黃油奄仔蟹唔使食多，半隻淺嚐就可以了，完美飽足呢餐豐富嘅生日飯

慶祝生日🎂依度可以自己係樓下買咗海鮮先之後就上嚟加工嘅～我哋買咗聖子，龍蝦， 東風螺，魚，奄仔蟹，瀨尿蝦～另外仲喺度叫咗幾個餸，分別係炒飯，白菜仔，雞絲粉皮同梅菜扣肉～雞絲粉皮醬汁實在太多了，有點重口味～梅菜扣肉自己本身都唔係太鍾意，但屋企人話算係好食可能係星期六嘅關係，人比較多，煮海鮮嘅時間都比較長～各樣海鮮都整得幾好食， 我自己最鍾意就係芝士脆皮龍蝦😋 真係好滋味整體嚟講其實都幾好食，只係上菜嘅時間實在太耐，希望餐廳可以有所改善～

有親友要移民，走前同佢哋嚟三聖邨買海鮮食一餐好嘅海鮮餐，等佢哋留番個美好嘅回憶⋯⋯食漁鮮，一定要自己去揀海鮮通常我哋都會去屯門三聖邨海鮮街，搵一間老字號斤兩十足又新鮮的海鮮檔，呢間係我亞爺年代帶我老豆嚟買嘅老字號⋯⋯關財記😘老板介紹左我哋要咗一份龍躉、鮑魚7、8隻左右，扇貝同埋中蝦，另外一隻中size龍蝦、我自己就買埋小許花螺，佢哋仲會有員工幫我哋送去酒家，今次我哋揀咗青山灣漁港加工。到達酒樓員工姐姐就介紹我哋點樣整，西芹炒龍躉球、豉油王中蝦、炸鮑魚、粉絲蒜蓉蒸扇貝、仲有椒鹽花螺，伊麵上湯龍蝦…龍躉魚片爽甜，走油又恰到好處，正👍👍👍豉油皇中蝦，唔會太鹹，蝦肉鮮又爽，豉油又入味真係好好食😋食到忍唔到口😘👍呢個酥炸鮑魚,我以前從來冇食過炸咁整嘅, 一向都係清蒸，真係估唔到可以咁好食，鮑魚又夠淋，用少少椒鹽調味，好食到都唔識講嘢👍👍👍蒜蓉粉絲蒸扇貝，扇貝清甜，爽，連小朋友都要連食兩隻😋👍呢個係椒鹽炒東風螺，都好食嘅，但係相比之前嗰幾味，當然冇咁受歡迎😉呢個係龍蝦炆伊麵,賣相唔錯，但係伊麵濕咗少少，令到整個組合失哂分，但龍蝦肉真係好爽好鮮甜，龍蝦好正，關財記海鮮真係冇得輸👍👍👍👍食到飽飽之後諗

星期六放假同阿媽去飲茶，聽啲朋友講話呢間酒樓飲茶好味，就去左試。叫左五個點心，埋單二百頭，都算係小貴。不過一分錢一分貨，酒樓環境大，坐得舒服，唔洗點等位，點心都唔錯，可以encore既。