青山灣漁港

营业中

休息中

今日老公突然話好想食海鮮，一般我地都會一大班朋友/一家人去食，始終人多可以叫多d唔同海鮮款式；不過既然老公話想食，好啦！兩個人都即興去左三聖食海鮮。我地先喺海鮮檔度揀海鮮，我地揀左上記海鮮檔，買左鮑魚、聖子、瀨尿蝦同一條斑；然後揀左青山灣漁港負責煮功；第一道黎嘅係豉椒炒聖子，聖子殼薄肉厚，聖子清潔處理得好，無沙；豉椒汁明顯有落蠔油帶出鮮味，令個汁唔會好咸並略帶小小甜，好惹味！魚我地就揀左拆肉炒西蘭花，魚肉實厚，但又唔會過老，岩岩好！不過個廚重手左d，覺得有少少咸，但可以接受，都好好味。果皮煮南非鮑魚，好大隻！好厚肉！時間剛剛好，果皮好香，口感嫩而爽口椒鹽賴尿蝦，鮮甜又大隻，蝦鉗位都食到大舊肉🤤🤤最後追加左個甜品-芒果布甸做結尾；外型算唔上靚，但加上cream,藍莓，又用高身杯，都算係咁啦

同同事一行12人尼到三聖食海鮮，衣間酒樓裝修好靚，用餐環境好舒適，今次因為人多買左好多海鮮先尼係鼓油王炒大蝦，買既蝦好大隻，好多肉，佔是汁煮得唔錯炸瀨尿蝦都幾juicy,唔會太乾身好多飽魚衣個係炸鮑魚，我食左最少兩隻，非常彈牙砵酒焗蠔，衣個蠔整得幾入味，個醬同d蠔幾夾，而且大大隻跟住尼一個海皇羹，食完既刻飽左，好多料，唔係淨得湯，啖啖肉絲同冬菇麻辣湯煮螺，d螺好彈牙，配埋個辣汁好正，辣得好過癮鼓椒炒聖子，豬師奶至愛，好大隻

忙咗三個多月嘅娘家大project(裝修)終於完成，令兩老可以安居係我最好嘅生日禮物，咁高興就食餐海鮮慶祝一番。先去買海鮮，瀨尿蝦、奄仔蟹、北海道扇貝、蝴蝶蚌、幼鱗方利。瀨尿蝦椒鹽處理，椒鹽味道剛好，惹味又香口，口水繼續流⋯⋯油鹽水蝴蝶蚌吃出淡淡胡椒香，帶出蚌肉鮮甜，好好味。大啖肉北海道扇貝，夾住索哂金黃蒜蓉香味嘅粉絲食，絕配。鹽焗黃油奄仔蟹，可惜晏咗去，蟹黃唔夠黃油，鹽焗烹調，對比蟹肉嘅鮮甜，好味到飛天。

屯門三聖一向都出名食海鮮~ 第二次來呢度食晚餐，同其他人一樣，我地都係先喺附近海鮮檔買料，啲海鮮再拎到酒樓比侍應點算完點菜，話佢知想點整。今次有芝士龍蝦伊麵、椒鹽瀨尿蝦、蒸魚（唔知係咩斑）、豉椒蟶子皇、酥炸鮑魚、象拔蚌刺生同埋東風螺!!整體煮得好好，特別係鮑魚同瀨尿蝦，果然係有豐富烹調經驗同煮慣，完全冇糟蹋到啲咁靚咁新鮮嘅海鮮~可以保留本身嘅原汁原味之餘又能夠用適量、恰當嘅調味料帶出鮮味! 食得好開心!

中秋佳節又是與家人食團圓飯，今次到三聖“青山灣漁港酒樓”進餐，先到附近海鮮檔，買了“龍蝦”、“賴尿蝦”、“龍躉”、“2桶蠔”，另店主也送了一袋有蜆、魚仔等海鮮給我地煮海鮮湯。將海鮮拎到酒樓給侍應點算再點菜，是日點了海鮮湯、芝士龍蝦伊麵、椒鹽賴尿蝦、砵酒焗蠔、西芹炒龍躉、果皮蒸龍躉、炸子雞、老干媽四季豆、桂花糕海鮮湯~蜆肉、魚、細賴尿蝦，煲起奶白色海鮮湯鮮味無窮，飲完一碗又一碗 芝士伊麵龍蝦~芝士味濃，澳洲龍蝦啖啖肉，配上伊麵一絕配搭，我的致愛 椒鹽賴尿蝦~大大隻啖啖肉，多膏肉鮮 砵酒蠔~美國蠔大隻不腥又有蠔味，同砵酒味道混合，食完一隻又一隻 西芹炒龍躉~龍躉腩啖多鮮味，西芹爽口味清，清新好味 果皮蒸龍躉~驚喜之作，果皮的果香配上龍躉的鮮味，不油不膩鮮甜可口，龍躉的魚皮蒸後口感有點像花膠，好似食跟花膠~好好味 炸子雞~炸得唔過火恰到好處，外皮脆而肉質滑有雞味， 唔會滿口油，香口好味老干媽炒四季豆~香辣可口 另酒樓亦送了一客桂花糕做飯後甜品，忘了拍照，糕點比較甜而不重桂花味，一般般是日全場爆滿，但侍應服務有效率、有禮貌，值得一讚 整體餸菜有水準，值得下次再惠顧

一家人嚟到屯門三聖食海鮮慶祝生日，喺樓下關財記買完海鮮就上商場青山灣漁港酒樓... 7大2小，叫咗半隻燒鵝、豉椒炒蜆，豉椒炒蟶子皇 、酥炸鮑魚、 椒鹽瀨尿蝦 同豉油王炒蝦，經理免咁切餅費同茶錢，再送多個芝麻卷♥️ 當晚因為要等齊人，所以都等咗半個鐘，d侍應服務都好好，好有禮貌； 前菜嘅炸花生好好味，小心食到喉嚨痛😅燒鵝好味，唔肥， 但略嫌調味未夠豉椒炒蜆， 屋企人買錯咗隻蜆，呢隻唔岩用豉椒炒... 🙄豉椒炒蟶子皇, 個味夠得嚟唔會太辣，加埋烏冬底撈汁好好食酥炸鮑魚，賣相靚，但其實味道太淡... 希望有改善。椒鹽瀨尿蝦，夠火喉，好香，食得好滋味😍豉油王炒蝦，相對失色，無咩特別，但唔難食嘅送嘅芝麻卷，可能希望越大失望越大，呢個經理話好受歡迎，但食落唔甜亦唔係好香芝麻味... 唔似食緊芝麻甜品

又到青山灣嘆海鮮，仍是選擇關財記的海鮮，新鮮價格實惠，點好海鮮拿到青山灣魚巷烹調。星期天6:30到達，人暫時不多，預定房間，坐得舒舒服服。先來燒鵝（沒拍照）有點咸，再來生炒骨，不錯，仍是很脆口，甜酸度就偏酸了一點第一道海鮮，炒白瓜子班，啖啖肉，魚肉切得厚度適中，炒得剛好，班球夠滑，魚皮QQ，咸淡剛好，沒有浪費我的白瓜子。整碟掃青光再來必點蒜容蒸聖子皇，聖子夠新鮮，很鮮甜，肉夠厚，加上火喉蒸到剛好，沒有蒸老，好！重頭上湯龍蝦，絕無偷功減料，眼見也是肉肉滿滿，伊麺也是超多足13位成人吃（還吃剩），但稍嫌上湯太多 伊麵也林了，上湯也是較淡身，幸好龍蝦夠鮮夠濃，剛好平衡。難道是廚師特別安排？白瓜子的頭腩用陳皮清蒸，減去油膩感，頭腩火喉又是蒸得剛剛好，保留滑滑的口感，簡簡單單的陳皮清蒸配搭很好，也是掃光光的。來到香口食物，酥炸鮑魚，每次都必點。鮑魚炸得外脆內軟，咬下非常鬆脆，在口內咀嚼還保留鮑魚的彈口及鮮味，確是再吃也不厭砵酒桶蠔，先把蠔生炸再調味，非常惹味，生蠔稍微炸過更添香口，調得剛好的咸味配生蠔的鮮甜真是一絕，也是我必點之選腐乳通菜，一般，普普通通

昨日先就到時間，一家人食父親節晚飯。今次提議來三聖食海鮮。見食評寫這間不錯，就來試下啦。在樓下買了4款海鮮，盛惠2千1蚊。分別有法國藍龍蝦，鮑魚，東星斑和花螺。藍龍蝦是檔主介紹的，見就見得多，但未食過，所以就試下啦。煮法如下芝士焗藍龍蝦伊面 - 伊面都好好食既，但偏咸。最嬲就係2斤半藍龍蝦都冇肉食。檔主仲話好好食，我屁。脆皮鮑魚 - 本來打算叫豉油王鮑魚既。但酒樓職員話唔好食，佢地脆皮鮑魚好出名。咁咪又試下囉。唉，又係失望。清蒸東星班 - 這個做得最好，不太生又不太熟，美味辣酒煮花螺 - 只辣但不入味。然後還叫了4個小菜。叉燒太咸了。燒鵝卻又好好味，皮脆肉嫰。但明明叫半隻卻很小。金銀蛋莧菜 - 一般。啫啫通菜煲 - 漏單了，要追單才有。8個菜，最後要俾多千6蚊埋單。海鮮煮出來還算可以啦。相比上次在樓下間泰字頭係好啲既。希望下次揾到間真的煮得好好食啦。

今年年頭曾到此一遊， 海鮮是自來的， 好味又抵食， 同班老友今年年中翻炒再食過， 款式有少許變化， 但係水準保持到， 食過返尋味！菜式有： (自來)龍躉兩味， 脆皮芝士焗龍蝦(自來)， 椒鹽鮮鮑魚(自來)， 豉椒炒蟶子皇(自來)， 白灼蝦仔(自來)， 蜜味叉燒王， 堂剪妙齡寶貝乳豬， 蝦乾啫啫通菜煲， 秋葵雲耳鮮淮山， 黑椒土豆牛柳粒， 金銀蛋莧菜及芝麻卷。蝦亁啫啫通菜煲的煲唔夠熱(啫唔起)， 黑椒土豆牛柳粒油了一點， 其他食物全部勁正，堂剪乳豬仲有表演睇， 最正都係芝麻卷， 十分農烈的黑芝麻味！

話說最近成為屯門之友嘅我，不斷約啲住喺屯門嘅朋友仔食飯。今日喺三聖同個好耐冇見嘅朋友聚下。我呢個朋友係半個外國人嚟㗎，佢鍾意乾乾淨淨、企企理理，所以最終我哋就揀咗呢間酒家啦。入到去見到環境都好闊落啊！因為都有啲夜啦，我哋兩個都想食清啲，所以先叫咗一個湯飲下，味道又唔錯喎，清清地冇乜油，真係幾好飲。然後我哋叫咗個咕嚕骨同埋炒菜。估唔到份量好大下，都幾抵食，製作亦都好認真，味道冇令我失望。由於我哋兩個好耐冇見，所以我哋都坐到收鋪先走。啲員工都幾Nice，叫我哋慢慢坐，呢間係可以再返去再食嘅餐廳吖。下次約早少少時間去試吓佢啲海鮮先，諗起又流口水啦。

海鮮食得多，第一次食呢個咁有特色嘅炸鮑魚。是日提前慶祝生日，和朋友去三聖邨揀海鮮。因為唔係好熟呢頭，問咗海鮮店老闆，推介邊間酒樓？老闆提議嚟呢度，話裝修夠新淨，仲有特色炸鮑魚。呢間酒樓有好多卡位，私隱度高，位置闊落，服務人員個個都好有禮貌和親切。1）炸鮑魚：好似酥炸生蠔咁樣煮，淨係個賣相都夠睇！咬落去甜美香軟，值得推介。2）上湯龍蝦配伊面底：濃味十足，伊面份量夠。3）鹽焗奄仔蟹：焗得香脆可口，時間啱啱好。因為唔係好多人去食，所以淨係食咗三款海鮮，最後都食唔晒，要打包。推薦這間酒樓，又環境度服務到出品都唔錯！

今晚去屯門三聖吃晚飯，其實到三聖不一定要吃海鮮，只是吃小菜也可以很豐富的。六個大人，三個小朋友，結賬大約hkd1450，有半隻燒鵝，叉燒，黑松露蝦仁炒滑蛋，紅燒豆腐，蒜蓉炒豆苗，干燒伊麵，椒鹽鮮魷，胡椒蘿白豬筋煲加四個白飯。燒鵝皮脆肉嫩，不過太瘦，鵝味不算濃。叉燒半肥瘦，肉質鬆化！蝦仁炒蛋的蝦仁夠大隻，滑蛋亦有蛋香。加黑松露，送白飯一流。紅燒豆腐普通。有幾隻厚花菇。炒豆苗不過不失，豆苗很嫰。伊麵飽肚之選，只是加少許草菇炒伊麵。但小朋友至愛。椒鹽鮮魷不好吃。太乾身。豬筋煲其實還有豬肺加豬骨，值得再吃！

以前三聖邨我最鍾意去嘉彩飲茶，因為有舊酒樓既風味，食物好味，伙記亦有人情味。無左之後，都好耐無入去三聖飲茶了。直到親戚話開左間新既「青山灣漁港」，係飲食界紅人三姐主理，就即管過黎試下啦！間野裝修不錯，充滿現代感，食物就未知道啦，因為今次好大堆人一齊食，所以試左唔少食物！點心來到了，呢間店的風格係創新，賣相都幾特別。當中一提流心奶皇包，一咬個包，d流心奶皇即刻爆漿，仍然是熱的，好好味，不過有d辣嘴。另外黑松露粉果簡直係我既至愛，平時我唔鍾意食傳統粉果，因為唔鍾意饀，但呢個黑松露粉果，用左雜菌，一d蔬菜，加埋淡淡既黑松露香味，簡直係完美既配搭。至於其他點心用料亦豐富，唔係食「空氣點心」，所以，呢一餐我會俾 7.5/10

完全唔跟order做野，叫佢唔好上菜未齊人就全部9秒9上晒。落單唔齊仲要問我地介唔介意，我地話介意咁可以點，幾個姐姐剩係識講唔好意思，停唔到張單，我話點解停唔到，究竟有冇同厨房講，，經理物體都係剩係識講唔好意思厨房今晚好忙，我話咁忙話聲我知等我唔好打攪你地，講完經理走左，但厨房完全冇停既意思，照上菜，攪到d餸凍晒，我枱人都未黎齊。其實做得酒樓連呢d少少order都跟唔到不如做茶記啦唔該。我不建議幫襯尤其大時大節唔好掃興。

剛過去的那個星期六又返娘家過夜，午餐時間我和老爸老媽帶咗阿女去呢度午餐（貪夠近），我地點咗野食就乖乖咁等，在等待時見到有炸蝦角，我和阿女和我三妹一齊食，感覺暖暖地唔辣口，係好食一見到個98蚊的炒飯大大碟，印象中上次食呢款飯個汁唔啱我口味，所以食中間的炒飯，老媽叫我食帶子，應該好似怪怪的，阿女食咗兩口就冇食~~~阿女點了燒賣，佢食咗粒，我近期吃得太多，所以冇食~~~個人至愛的煎芋頭糕，食咗感覺新鮮熱辣辣，可惜我飽咗，只能食到一件馬拉糕等了很久才到，味道都好好食其實呢間茶樓食過幾次係幾好食，但我們懷疑個炒飯有問題，皆因阿女午餐後到下午5點開始嘔咗4、5次，我地大人腸胃比較好，所以冇事，阿女睇咗醫生食咗止嘔藥就冇晒事，今次只能怪我們食炒飯時沒有即時反映個炒飯有問題，唯有將來避免叫帶子炒飯